Scripture Library

Paippalāda-Saṃhitā · Chapter 1.61

1.61.1

yas tvā mṛtyur abhyadhatta
jāyamānaṃ supāśayā |
taṃ te satyasya hastābhyām
ud amuñcad bṛhaspatiḥ ||

1.61.2

abhi tvā jarimāhita
gām ukṣaṇām iva rajjvā |
vy anye yantu mṛtyavo
yān āhur itarāñ chatam ||

1.61.3

pra viśataṃ prāṇāpānāv
anaḍvāhāv iva vrajam |
śarīram asyāṅgāni
jarimṇe nayataṃ yuvam ||

1.61.4

ihaiva staṃ prāṇāpānau
memaṃ hāsiṣṭaṃ mṛtyave |
ayaṃ jarimṇaḥ śevadhir
ariṣṭa iha vardhatām ||

1.61.5

jarase tvā pari dadhmo
jarase ni dhuyāmasi |
jarā tvā bhadrayā neṣat |
vy anye yantu mṛtyavo
yān āhur itarāñ chatam ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0