ગ્રંથ પાઠ

પૈપ્પલાદ-સંહિતા · અધ્યાય 1.61

1.61.1

યસ્ ત્વા મૃત્યુર્ અભ્યધત્ત
જાયમાનં સુપાશયા ।
તં તે સત્યસ્ય હસ્તાભ્યામ્
ઉદ્ અમુઞ્ચદ્ બૃહસ્પતિઃ ॥

1.61.2

અભિ ત્વા જરિમાહિત
ગામ્ ઉક્ષણામ્ ઇવ રજ્જ્વા ।
વ્ય્ અન્યે યન્તુ મૃત્યવો
યાન્ આહુર્ ઇતરાઞ્ છતમ્ ॥

1.61.3

પ્ર વિશતં પ્રાણાપાનાવ્
અનડ્વાહાવ્ ઇવ વ્રજમ્ ।
શરીરમ્ અસ્યાઙ્ગાનિ
જરિમ્ણે નયતં યુવમ્ ॥

1.61.4

ઇહૈવ સ્તં પ્રાણાપાનૌ
મેમં હાસિષ્ટં મૃત્યવે ।
અયં જરિમ્ણઃ શેવધિર્
અરિષ્ટ ઇહ વર્ધતામ્ ॥

1.61.5

જરસે ત્વા પરિ દધ્મો
જરસે નિ ધુયામસિ ।
જરા ત્વા ભદ્રયા નેષત્ ।
વ્ય્ અન્યે યન્તુ મૃત્યવો
યાન્ આહુર્ ઇતરાઞ્ છતમ્ ॥

મૂળ પાઠ: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0