Scripture Library

Paippalāda-Saṃhitā · Chapter 1.24

1.24.1

saṃ saṃ sravantu sindhavaḥ
saṃ vātā divyā uta |
tebhir me sarvaiḥ saṃsrāvair
dhanaṃ saṃ srāvayāmasi ||

1.24.2

ye saṃsrāvāḥ saṃsravanti
kṣīrasya codakasya ca |
tebhir me sarvaiḥ saṃsrāvair
dhanaṃ saṃ srāvayāmasi ||

1.24.3

ye nadībhyaḥ saṃsravanty
utsāsaḥ sadam akṣitāḥ |
tebhir me sarvaiḥ saṃsrāvair
dhanaṃ saṃ srāvayāmasi ||

1.24.4

idaṃ havyā upetana-
-idaṃ saṃsrāvaṇā uta |
ihaitu sarvo yaḥ paśur
asya vardhayatā rayim ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0