ग्रंथ पाठ

पैप्पलाद-संहिता · अध्याय 1.24

1.24.1

सं सं स्रवन्तु सिन्धवः
सं वाता दिव्या उत ।
तेभिर् मे सर्वैः संस्रावैर्
धनं सं स्रावयामसि ॥

1.24.2

ये संस्रावाः संस्रवन्ति
क्षीरस्य चोदकस्य च ।
तेभिर् मे सर्वैः संस्रावैर्
धनं सं स्रावयामसि ॥

1.24.3

ये नदीभ्यः संस्रवन्त्य्
उत्सासः सदम् अक्षिताः ।
तेभिर् मे सर्वैः संस्रावैर्
धनं सं स्रावयामसि ॥

1.24.4

इदं हव्या उपेतन-
-इदं संस्रावणा उत ।
इहैतु सर्वो यः पशुर्
अस्य वर्धयता रयिम् ॥

मूल पाठ: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0