Scripture Library

Paippalāda-Saṃhitā · Chapter 1.112

1.112.1

imā ūrū savāsinau
varcasāñje ahaṃ mama |
nāma hy enayor veda
yathā na bahavo viduḥ ||

1.112.2

varcasāpīnā pṛthivī
sūryeṇottabhitā dyauḥ |
tviṣiṃ yāṃ paśyāmo vāte
tāṃ ni yacche mamorvoḥ ||

1.112.3

veda vai vāṃ nāmadheyaṃ
jigīvām̐ aparājitam |
prajāṃ ca bahvīm ā śāse
rāṣṭraṃ cendrābhirakṣitam ||

1.112.4

viduṣī vāṃ nāmadheyam
aśvinā sāraghaṃ madhu |
sūrya iva cakṣur bhūtānāṃ
prajāṃ dhārayataṃ mayi
rayiṃ dhārayataṃ mayi ||

1.112.5

śatapāśāṃ vi tanomy
ūrubhyāṃ jaghanena ca |
tasmin yo badhyate bandhe
sa me astv anyakṣakaḥ ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0