Scripture Library

Paippalāda-Saṃhitā · Chapter 1.11

1.11.1

abhīvartena maṇinā
yenendro abhivāvṛte |
tenemaṃ brahmaṇaspate
abhi rāṣṭrāya vartaya ||

1.11.2

abhivṛttaḥ sapatnā-
-abhi yā no arātayaḥ |
abhi pṛtanyantaṃ tiṣṭha-
-abhi yo no durasyati ||

1.11.3

abhi tvā devaḥ savitā-
-abhi somo avīvṛtat |
abhi tvā viśvā bhūtāny
abhīvarto yathāsasi ||

1.11.4

ud asau sūryo agād
uditaṃ māmakaṃ vacaḥ |
yathāhaṃ śatruhāsāny
asapatnaḥ sapatnahā ||

1.11.5

sapatnakṣayaṇo vṛṣā-
-abhirāṣṭro viṣāsahiḥ |
yathāham eṣāṃ vīrāṇāṃ
virājāni janasya ca ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0