Scripture Library

Paippalāda-Saṃhitā · Chapter 1.106

1.106.1

āyam agan saṃvatsaraḥ
patir ekāṣṭake tava |
tasmai devāya haviṣā vidhema
sa u naḥ śarma yacchatu ||

1.106.2

ekāṣṭakāyai haviṣā vidhema
ya rtūn pañcānu praviṣṭā |
sasyena sasyam upasaṃcaranto
ariṣṭāsa ṛtuna rtum upa saṃ carema ||

1.106.3

vasanto grīṣmo madhumanta varṣāḥ
śarad dhemanta ṛtavo no juṣantām |
ā no goṣu bhajantv ā prajāyāṃ
suśarmaṇy eṣāṃ trivarūthe syāma ||

1.106.4

ekāṣṭakā tapasā tapyamānā
jajāna garbhaṃ mahimānam indram |
tena devā vy aṣahanta śatrūn
hantāsurāṇām abhavac chacīpatiḥ ||

1.106.5

pūrṇā darve parā pata
supūrṇā punar ā pata |
sarvān yajñān saṃ pṛñcati-
-iṣam ūrjaṃ na ā bhara ||

1.106.6

iṣam ūrjaṃ na ābhṛtya-
-iḍayā paśubhiḥ saha |
sarasvati tvam asmāsu
rāyaspoṣaṃ ni yaccha ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0