પૈપ્પલાદ-સંહિતા · અધ્યાય 1.106

આયમ્ અગન્ સંવત્સરઃ
પતિર્ એકાષ્ટકે તવ ।
તસ્મૈ દેવાય હવિષા વિધેમ
સ ઉ નઃ શર્મ યચ્છતુ ॥

એકાષ્ટકાયૈ હવિષા વિધેમ
ય ર્તૂન્ પઞ્ચાનુ પ્રવિષ્ટા ।
સસ્યેન સસ્યમ્ ઉપસંચરન્તો
અરિષ્ટાસ ઋતુન ર્તુમ્ ઉપ સં ચરેમ ॥

વસન્તો ગ્રીષ્મો મધુમન્ત વર્ષાઃ
શરદ્ ધેમન્ત ઋતવો નો જુષન્તામ્ ।
આ નો ગોષુ ભજન્ત્વ્ આ પ્રજાયાં
સુશર્મણ્ય્ એષાં ત્રિવરૂથે સ્યામ ॥

એકાષ્ટકા તપસા તપ્યમાના
જજાન ગર્ભં મહિમાનમ્ ઇન્દ્રમ્ ।
તેન દેવા વ્ય્ અષહન્ત શત્રૂન્
હન્તાસુરાણામ્ અભવચ્ છચીપતિઃ ॥

પૂર્ણા દર્વે પરા પત
સુપૂર્ણા પુનર્ આ પત ।
સર્વાન્ યજ્ઞાન્ સં પૃઞ્ચતિ-
-ઇષમ્ ઊર્જં ન આ ભર ॥

ઇષમ્ ઊર્જં ન આભૃત્ય-
-ઇડયા પશુભિઃ સહ ।
સરસ્વતિ ત્વમ્ અસ્માસુ
રાયસ્પોષં નિ યચ્છ ॥