Paippalāda-Saṃhitā · Chapter 1.101
trīṇi pātrāṇi prathamāny āsan
tāni satyam uta bhūtaṃ tatakṣa |
ṛtasya māne adhi yā dhruvāṇy
ebhir devā amṛtaṃ bhakṣayanti ||
svar yad devā vibhajanta āyan
trīṇi pātrāṇi prathamāny āsan |
ādityā ekaṃ vasavo dvitīyaṃ
tṛtīyaṃ rudrā adhi saṃ babhūvuḥ ||
dhātā veda savitaitāni sarvā
bṛhaspatiḥ prathamo devo agniḥ |
ebhir indro jaṭharam āpṛṇīte
tribhiḥ pātrair uta viśve ca devāḥ ||
ūrdhvā tiṣṭhanti na nu jihmā bhavanti
nonaṃ babhūva katamac canaiṣām |
devānāṃ pātrāṇi nihitāni yāni
tāni saṃ pāti ya ṛtasya gopaḥ ||
Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0