Nārāyaṇīya · Chapter 10.80

satrājitastvamatha lubdhavadarkalabdhaṃ
divyaṃ spamantakamaṇiṃ bhagavannayācīḥ /
tatkāraṇaṃ bahuvidhaṃ mama bhāti nūnaṃ
tasyātmajāṃ tvayi ratāṃ chalato vivoḍhum //

adattaṃ taṃ tubhyaṃ maṇivaramanenālpamanasā
prasenastadbhrātā galabhuvi vahan prāp mṛgayām /
ahannenaṃ siṃho maṇimahasi māṃsabhramavaśāt
kapīndrastaṃ hatvā maṇimapi ca bālāya dadivān //

śaśaṃsuḥ satrājidgiramanu janāstvāṃ maṇiharaṃ
janānāṃ pīyūṣaṃ bhavati guṇināṃ doṣakaṇikā /
tataḥ sarvajño'pi svajanasahito mārgaṇaparaḥ
prasenaṃ taṃ dṛṣṭvā harimapi gato'bhūḥ kapiguhām //

bhavantamavitarkayannativayāḥ svayaṃ jāmbavān
mukundaśaranaṃ hi māṃ ka iha roddhumityālapan /
vibho! raghupate! hare! jaya jayetyalaṃ muṣṭibhi-
ścaraṃstava samarcanaṃ vyadhita bhaktacūḍāmaṇiḥ //

buddhvātha tena dattāṃ navaramaṇīṃ varamaṇīṃ ca parigṛhṇan /
anugṛhṇannamumāgāḥ sapadi ca satrājite maṇiṃ prādāḥ //

tadanu sa khalu vrīḍālolo vilolavilocanāṃ
duhitaramaho dhīmān bhāmāṃ giraiva parārpitām /
adita maṇinā tubhyaṃ labhyaṃ sametya bhavānapi
pramuditamanāstasyaivādānmaṇīṃ gahanāśayaḥ //

vrīḍākulāṃ ramayati tvayi satyabhāmāṃ
kaunteyadāhakathayātha kurūn prayāte /
hī gāndineyakṛtavarmagirā nipātya
satrājitaṃ śatadhanurmaṇimājahāra //

śokāt kurūnupagatāmavalokya kāntāṃ
hatvā drutaṃ śatadhunaṃ samaharṣayastām /
ratne saśaṅka iva maithilagehametya
rāmo gadāṃ samaśiśikṣata dhārtarāṣṭram //

akrūra eṣa bhagavan! bhavadicchayaiva
satrājitaḥ kucaritasya yuyoja hiṃsām /
akrūrato maṇimanāhṛtavān punastvaṃ
tasyaiva bhūtimupadhātumiti bruvanti //

bhaktastvayi sthirataraḥ sa hi gāndineyas-
tasyaiva kāpathamatiḥ kathamīśa! jātā /
vijñānavān praśamavānahamityudīrṇaṃ
garvaṃ dhruvaṃ śamayituṃ bhavatā kṛtaiva //

yātaṃ bhayena kṛtavarmayutaṃ punasta-
māhūya tadvinihitaṃ ca maṇiṃ prakāśya /
tatriva suvaratadhare vinidhāya tuṣyan
bhāmākucāntaraśayaḥ pavaneśa! pāyāḥ //