Narasimha Purana · Chapter 21

anusargaś ca sargaś ca tvayā citrā katheritā
vaṃśamanvantare brūhi vaṃśānucaritaṃ ca me //

rājñāṃ vaṃśaḥ purāṇeṣu vistareṇa prakīrtitaḥ
saṃkṣepāt kathayiṣyāmi vaṃśamanvantarāṇi te //

vaṃśānucaritaṃ caiva śṛṇu vipra mahāmate
śṛṇvantu munayaś ceme śrotum āgatya ye sthitāḥ //

ḥādityān manuḥ |
ḥmanor ikṣvākuḥ ikṣvākor vikukṣiḥ |
ḥvikukṣer dyotaḥ dyotād veno venāt pṛthuḥ pṛthoḥ pṛthāśvaḥ ||

ḥvastrapāṇeḥ śuddhodanaḥ |
ḥśuddhodanād budhaḥ |
ḥbudhād ādityavaṃśo nivartate ||

sūryasya vaṃśaḥ kathito mayā mune samudgatā yatra nareśvarāḥ purā
mayocyamānāñ chaśinaḥ samāhitaḥ śṛṇuṣva vaṃśe 'tha nṛpān anuttamān //