नरसिंहपुराण · अध्याय 21

अनुसर्गश् च सर्गश् च त्वया चित्रा कथेरिता
वंशमन्वन्तरे ब्रूहि वंशानुचरितं च मे ॥

राज्ञां वंशः पुराणेषु विस्तरेण प्रकीर्तितः
संक्षेपात् कथयिष्यामि वंशमन्वन्तराणि ते ॥

वंशानुचरितं चैव शृणु विप्र महामते
शृण्वन्तु मुनयश् चेमे श्रोतुम् आगत्य ये स्थिताः ॥

ःआदित्यान् मनुः ।
ःमनोर् इक्ष्वाकुः इक्ष्वाकोर् विकुक्षिः ।
ःविकुक्षेर् द्योतः द्योताद् वेनो वेनात् पृथुः पृथोः पृथाश्वः ॥

ःवस्त्रपाणेः शुद्धोदनः ।
ःशुद्धोदनाद् बुधः ।
ःबुधाद् आदित्यवंशो निवर्तते ॥

सूर्यस्य वंशः कथितो मया मुने समुद्गता यत्र नरेश्वराः पुरा
मयोच्यमानाञ् छशिनः समाहितः शृणुष्व वंशे ऽथ नृपान् अनुत्तमान् ॥