Mokṣopāya · Chapter 4.20
kurvato 'kurvato vāpi svarge vā narake 'pi vā /
yādṛgvāsanam etat syān manas tad anubhūyate //
nānando na nirānando na calaṃ nācalaṃ sthiram /
na san nāsan na caiteṣāṃ madhyaṃ jñamananaṃ viduḥ //
na mokṣo 'sti na saṃsāras tv asaktamanasām iha /
saṃsaktamanasāṃ tv antas sarvam asti yathāsthitam //
na bandho 'sti na mokṣo 'sti na badhyo 'sti na bandhanaḥ /
aprabodhād idaṃ duḥkhaṃ prabodhāt pravilīyate //
saṅkalpitā jagati bandhamatir mudhaiva saṅkalpitā jagati mokṣamatir mudhaiva /
santyajya sarvam anahaṅkṛtir ātmaniṣṭho dhīro dhiyā vyavaharan bhuvi rāma tiṣṭha //
Original text: Mokṣopāya · Edition: Susanne Krause-Stinner Das erste und zweite Buch: Vairāgyaprakaraṇa; Mumukṣuvyavahāraprakaraṇa Wiesbaden Harrassowitz Walter Slaje Anonymus Casmiriensis: Mokṣopāya. Historisch-kritische Gesamtausgabe 1 Akademie der Wissenschaften und der Literatur, Mainz. Veröffentlichungen der Indologischen Kommission / Veröffentlichungen der Fächergruppenkommission für Außereuropäische Sprachen und Kulturen. Stu · Data entry Walter Slaje Susanne Krause-Stinner Peter Stephan Anett Krause Jürgen Hanneder Stanislav Jager · GRETIL (Göttingen) · CC BY-NC-SA 4.0