Scripture Library

Mānavagṛhyasūtra · Chapter 1.5

1.5.1

iti caturthaḥ khaṇḍaḥ /
pañcamaḥ khaṇḍaḥ
athāto 'ntarakalpaṃ vyākhyāsyāmaḥ

1.5.2

darbhamayaṃ vāsaḥ paridhāyacamyāpāṃ naptra iti tīre japitvāpo 'vagāhya oṃbhūrbhuvaḥ svastatsavituriti

1.5.3

darbhapāṇistriḥ sāvitrīmadhīte trīṃ śvādito 'nuvākān

1.5.4

āpo devīrhaviṣmatīrimā nigrābhyo stha mahitrīṇāmavo 'stu agnerarāyurasi devī rāpo apāṃ napāddevīrāpo madhumatīragnaye svāhā rātrīṃ rātrīmityaṣṭau

1.5.5

yā oṣadhayaḥ samānyāyanti punantu mā pitaro 'gnermanve saśevṛdhamadhidhāḥ kayā naścitra ābhuvadūtīti tisraḥ

1.5.6

tacchaṃyorā vṛṇīmaha iti mārjayitvā vāsāṃsyutsṛjāyācāryānpitṛdharmeṇa tarpayanti

1.5.7

śrāddhakalpena śeṣo vyākhyātaḥ

Original text: Mānavagṛhyasūtra (= Maitrāyaṇīyamānavagṛhyasūtra) · Edition: Ramakrishna Harshaji Sastri: Mānavagṛhyasūtra of the Mitrāyaṇīya Śākhā, Baroda : Central Library 1926 (Gaekwad's Oriental Series, 35) · Data entry members of the Sansknet Project · GRETIL (Göttingen) · CC BY-NC-SA 4.0