Maitrayani Samhita · Chapter 3.13

3.13.1 anuvākaḥ

ūrdhvāmenāmuc śrāpaya girau bhāraṃ haranniva /
athāsyā madhyamedhatāṃ śīte vāte punanniva //
yāsakau śakuntikāhalagiti vañcati /
āhataṃ paso nicalcalīti //
mātā ca te pitā ca te'graṃ vṛkṣasya rohataḥ /
pratilāmīti te pitā //
yaddhariṇo yavamatti na puṣṭaṃ paśu manyate /
śūdrā yadaryajārā na poṣāya dhanāyati //
dadhikrāvṇo akāriṣaṃ //
3.13.2 anuvākaḥ

aśvastūparo gomṛgaste prājāpatyāḥ, kṛṣṇagrīva āgneyo lalāṭe purastāt , sārasvatī meṣyadhastāddhanvoḥ, śyāmaḥ pauṣṇo nābhyāṃ, āśvinā adhorāmau bāhvo, stvāṣṭrau lomaśasakthau sakthyoḥ, sauryayāmau śvetaśca kṛṣṇaśca pārśvayo , rvāyavyaḥ śvetaḥ puchā , indrāya svapasyāya vehat , vaiṣṇavo vāmanaḥ //
3.13.3 anuvākaḥ

babhruraruṇababhruḥ śukababhruste vāruṇā , rohito dhūmrarohitaḥ karkandhurohitaste saumyāḥ, śitibāhuranyataḥ śitibāhuḥ samantaśitibāhuste bārhaspatyāḥ, śitirandhro'nyataḥ śitirandhraḥ samantaśitirandhraste sāvitrāḥ, pṛṣatī kṣudrapṛṣatī sthūlapṛṣatī tā maitrāvaruṇyaḥ //
3.13.4 anuvākaḥ

śuddhavālaḥ sarvaśuddhavālo maṇivālasta āśvināḥ, śyetaḥ śyetākṣo'ruṇaste rudrāya paśupataye, karṇā yāmā , avaliptā raudrā , nabhorūpāḥ pārjanyāḥ //
3.13.5 anuvākaḥ

pṛśnistiraścīnapṛśnir ūrdhvapṛśniste mārutāḥ, phalgūr lohitorṇī balakṣī tāḥ sārasvatyaḥ, plīhākarṇaḥ śuṇṭhākarṇo'dhirūḍhākarṇaste tvāṣṭrāḥ, kṛṣṇagrīvaḥ śitikakṣo'ñjiṣakthasta aindrāgnāḥ, kṛṣṇāñjiralpāñjirmahāñjista uṣasyāḥ //
3.13.6 anuvākaḥ

śilpā vaiśvadevī, rohiṇīstryavayo vāce , avijñātā adityai, sarūpā dhātre, vatsataryo devānāṃ patnībhyaḥ //
3.13.7 anuvākaḥ

kṛṣṇagrīvā āgneyāḥ, śitibhruvo vasūnāṃ , rohitā rudrāṇāṃ , śvetā avarokiṇa ādityānāṃ , nabhorūpāḥ pārjanyāḥ //
3.13.8 anuvākaḥ

unnataḥ śitibāhuḥ śitipṛṣṭhasta aindrābārhaspatyā , unnata ṛṣabho vāmanasta aindrāvaiṣṇavāḥ, śukarūpā vājināḥ kalmāṣā āgnimārutāḥ, śyāmāḥ pauṣṇāḥ //
3.13.9 anuvākaḥ

etā aindrāgnā , dvirūpā agnīṣomīyā , vāmanā anaḍvāha āgnāvaiṣṇavā , anyataenīr maitrī , rvaśā maitrāvaruṇyaḥ //
3.13.10 anuvākaḥ

kṛṣṇagrīvā āgneyā , babhravaḥ saumyāḥ, śvetā vāyavyā, avijñātā adityai, sarūpā dhātre, vatsataryo devānāṃ patnībhyaḥ //
3.13.11 anuvākaḥ

kṛṣṇā bhaumā , dhūmrā āntarikṣā, bṛhanto daivāḥ, śabalā vaidyutāḥ, sidhmāstārakāḥ //
3.13.12 anuvākaḥ

kṛṣṇagrīvā āgneyā , babhravaḥ saumyā , upadhvastāḥ sāvitrā , vatsataryaḥ sārasvatyaḥ, śyāmāḥ pauṣṇāḥ, pṛśnayo mārutāḥ, piśaṅgā vaiśvadevā , vaśā dyāvāpṛthivīyāḥ //
3.13.13 anuvākaḥ

kṛṣṇagrīvā āgneyā , babhravaḥ saumyā , upadhvastāḥ sāvitrā , vatsataryaḥ sārasvatyaḥ, śyāmāḥ pauṣṇā , etā aindrāgnāḥ, pṛśnayo mārutāḥ, kṛṣṇā vāruṇāḥ, kāyāstūparāḥ //
3.13.14 anuvākaḥ

agnaye'nīkavate prathamajānālabhate, marudbhyaḥ sāṃtapanebhyaḥ savātyān , marudbhyo gṛhamedhebhyo vaṣkihān , marudbhyaḥ krīḍibhyaḥ saṃsṛṣṭān , marudbhyaḥ svatavadbhyo'nusṛṣṭān //
3.13.15 anuvākaḥ

kṛṣṇagrīvā āgneyā , babhravaḥ saumyā , upadhvastāḥ sāvitrā , vatsataryaḥ sārasvatyaḥ, śyāmāḥ pauṣṇā , etā aindrāgnāḥ, prāśṛṅgā aindrā , bahurūpā vaiśvakarmaṇāḥ //
3.13.16 anuvākaḥ

kṛṣṇagrīvā āgneyā , babhravaḥ saumyā , upadhvastāḥ sāvitrā , vatsataryaḥ sārasvatyaḥ, śyāmāḥ pauṣṇāḥ, śvetā vāyavyāḥ, prāśṛṅgā aindrāḥ, sauryāḥ śvetāḥ //
3.13.17 anuvākaḥ

tryavayo gāyatryai, pañcāvayastriṣṭubhe, dityavāho jagatyai, trivatsā anuṣṭubhe, turyavāha uṣṇihe //
3.13.18 anuvākaḥ

paṣṭhavāho virāja , ukṣāṇo bṛhatyā , ṛṣabhāḥ kakubhe, dhenavo jagatyā , anaḍvāhaḥ paṅktyai //
3.13.19 anuvākaḥ

dhūmrā vasantāya, śvetā grīṣmāya, kṛṣṇā varṣābhyaḥ //
3.13.20 anuvākaḥ

aruṇāḥ śarade, pṛṣanto hemantāya, piśaṅgāḥ śiśirāya //
iti tṛtīyakāṇḍe trayodaśaḥ prapāṭhakaḥ //