Mahabharata · Chapter 3.265

tasminbahumṛge'raṇye aṭamānā mahārathāḥ /
kāmyake bharataśreṣṭhā vijahvuste yathāmarāḥ //

prekṣamāṇā bahuvidhānvanoddeśānsamantataḥ /
yathartukālaramyāścavanarājīḥ suṣuṣpitāḥ //

pāṇḍavā mṛgayāśīlāścarantastanmahadvanam /
vijahnarindraprimāḥ kañcitkālamarindamāḥ //

tataste yaugapadyena yayuḥ sarve caturdiśam /
mṛgayāṃ puruṣavyāghrā brāhmaṇārthe paratapāḥ //

draupadīmāśrame nyas tṛṇabindoranujñayā /
maharṣerdīptatapaso ghaumyasya ca purodhasaḥ //

tastu rājā sindhūnāṃ vārdhakṣatrirmahāyaśāḥ /
vivāhakāmaḥ sālveyānprayātaḥ so'bhavattadā //

mahatā paribarheṇa rājayogyena saṃvṛtaḥ /
rājabhirbahubhiḥ sārdhamupāyātkāmyakaṃ ca saḥ //

tatrāpaśyatpriyāṃ bhāryāṃ pāṇḍavānāṃ yaśasvinīm /
tiṣṭhantīmāśramadvāri draupadīṃ nirjane vane //

vibhrājamānāṃ vapuṣā bibhratīṃ rūpamuttamam /
bhrājayantīṃ vanoddeśaṃ nīlābhramiva vidyutam //

apsarā devakanyā vā māyā vā devanirmitā /
itikṛtvāñjaliṃ sarve dadṛśṛstāmaninditām //

taḥ sa rājā sindhūnāṃ vārdhakṣatrirjayadrathaḥ /
vismitastvanavadyāṅgīṃ dṛṣṭvā tāṃ duṣṭamānasaḥ //

sa koṭikāśyaṃ rājānamabravītkāmamohitaḥ /
kasya tveṣā'navadyāṅgī yadivā'pina mānuṣī //

vivāhārtho na me kaścidimāṃ dṛṣṭvā'timundarīm /
etāmevāhamādāya gamiṣyāmi svamālayam //

gaccha jānīhi saumyemāṃ kasya vā'tra kutopi vā /
kimarthamāgatā subhrūridaṃ kaṣṭakitaṃ vanam //

api nāma varārohā māmeṣā lokasundarī /
bhajedadyāyatāpāṅgī sudatī tanumadhyamā //

apyahaṃ kṛtakāmaḥ syāmimāṃ prāpya varas्riyam /
gacchajānīhi konvasyā nātha ityeva koṭika //

sa koṭikāśyastacchrutvā rathātpraskandya kuṇḍalī / upetyapapraccha tadā kroṣṭā vyāghravadhūmiva //