Mahabharata · Chapter 13.16

dvārakāyāṃ yathā prāha purā'yaṃ munisattamaḥ /
vedavipramayatvaṃ tu vāsudevasya tacchṛṇu //

yūpaṃ viṣṇuṃ vāsudevaṃ vijāna- nsarvānviprānbodhate tatvadarśi /
viṣṇuṃ krāntaṃ vāsudevaṃ vijāna- nvipro vipratvaṃ gacchate tatvadarśī //

viṣṇuryajñastvijyate cāpi viṣṇuḥ kṛṣṇo viṣṇuryaśca kṛtsnaḥ prabhuśca /
kṛṣṇo vedāṅgaṃ vedavādāśca kṛṣṇa evaṃ jānanbrāhmaṇo brahma eti //

sthānaṃ sarvaṃ vaiṣṇavaṃ yajñamārge cāturhotraṃ vaiṣṇavaṃ tatra kṛṣṇaḥ /
sarvairbhāvairijyate sarvakāmaiḥ puṇyām̐llokānbrāhmaṇāḥ prāpnuvanti //

somaṃ sadbhāvādye ca jātaṃ pibanti dīptiṃ karma ye vidānāścaranti /
ekāntamiṣṭaṃ cintayanto divisthā- ste vai sthānaṃ prāpnuvanti vratajñāḥ //

omityetaddhyāyamāno na gacche- ddurgaṃ panthānaṃ pāpakarmāpi vipraḥ /
sarvaṃ kṛṣṇaṃ vāsudevaṃ hi vigrāḥ kṛtvā dhyānaṃ durgatiṃ na prayānti //

ājyaṃ yajñaḥ sruksruvau yajñadātā icchā patnī patniśālā havīṃṣi /
idhyāḥ puroḍāśaṃ sarvadā hotṛkartā kṛtsnaṃ viṣṇuṃ saṃvijānaṃstameti //

yogeyoge karmaṇāṃ cābhihāre yukte vaitāne karmaṇi brāhmaṇasya /
puṣṭyartheṣu prāpnuyātkarmasiddhiṃ śāntyartheṣu prāpnuyātsarvaśāntimṭa //