Kāvyālaṃkārasūtra (another edition) · Chapter 1.2

kāvyaṃ saddṛṣṭādṛṣṭārtham, prītikīrtihetutvāt // VKal_1,1.5* //
dvitīyo 'dhyāyaḥ /
arocakinaḥ satṛṇābhyavahāriṇaśca kavayaḥ

pūrve śiṣyāḥ, vivekitvāt // VKal_1,2.2* //
netare, tadviparyayāt // VKal_1,2.3* //
na śāstramadravyeṣvarthavat

na katakaṃ paṅkaprasādanāya

rītirātmā kāvyasya

viśiṣṭā padaracanā rītiḥ

viśeṣo guṇātmā

sā tridhā --- vaidarbhī gauḍīyā pāñcālī ceti

vidarbhādiṣu dṛṣṭatvāttatsamākhyā

samagraguṇopetā vaidarbhī

ojaḥkāntimatī gauḍīyā

mādhuryasaukumāryopapannā pāñcālī

tāsāṃ pūrvā grāhyā, guṇasākalyāt // VKal_1,2.14* //
na punaritare, stokaguṇatvāt // VKal_1,2.15* //
tadārohaṇārthamitarābhyāsa ityeke

tattu na; atattvaśīlasya tattvāniṣpatteḥ // VKal_1,2.17* //
na śaṇasūtravānābhyāse trasarasūtravānavaicitryalābhaḥ

sāpi samāsābhāve śuddhavaidarbhī

tasyāmarthaguṇasaṃpadāsvādyā

tadupārohādarthaguṇaleśo 'pi