काव्यालंकारसूत्र (अन्य संस्करण) · अध्याय 1.2

काव्यं सद्दृष्टादृष्टार्थम्, प्रीतिकीर्तिहेतुत्वात् ॥ व्कल्_1,1.5* ॥
द्वितीयो ऽध्यायः ।
अरोचकिनः सतृणाभ्यवहारिणश्च कवयः

पूर्वे शिष्याः, विवेकित्वात् ॥ व्कल्_1,2.2* ॥
नेतरे, तद्विपर्ययात् ॥ व्कल्_1,2.3* ॥
न शास्त्रमद्रव्येष्वर्थवत्

न कतकं पङ्कप्रसादनाय

रीतिरात्मा काव्यस्य

विशिष्टा पदरचना रीतिः

विशेषो गुणात्मा

सा त्रिधा --- वैदर्भी गौडीया पाञ्चाली चेति

विदर्भादिषु दृष्टत्वात्तत्समाख्या

समग्रगुणोपेता वैदर्भी

ओजःकान्तिमती गौडीया

माधुर्यसौकुमार्योपपन्ना पाञ्चाली

तासां पूर्वा ग्राह्या, गुणसाकल्यात् ॥ व्कल्_1,2.14* ॥
न पुनरितरे, स्तोकगुणत्वात् ॥ व्कल्_1,2.15* ॥
तदारोहणार्थमितराभ्यास इत्येके

तत्तु न; अतत्त्वशीलस्य तत्त्वानिष्पत्तेः ॥ व्कल्_1,2.17* ॥
न शणसूत्रवानाभ्यासे त्रसरसूत्रवानवैचित्र्यलाभः

सापि समासाभावे शुद्धवैदर्भी

तस्यामर्थगुणसंपदास्वाद्या

तदुपारोहादर्थगुणलेशो ऽपि