kauṣītakagṛhyasūtram · Chapter 1

kauṣītakagṛhyasūtram
kauṣītakagṛhyasūtram
prathamādhyāyaḥ
prathamaḥ khaṇḍaḥ
utthāya prātarācamyāharahaḥ svādhyāyamadhīyīta adyā no deva savitaḥ iti dve apehi manasaspate iti sūktam ṛtaṃ ca satyaṃ ca iti sūktamādityā avahikhyata iti vargadvayam mahi vo mahatāmiti sūktaśeṣaḥ indraśreṣṭhāni ityekā haṃsaḥ śuciṣat ityekā namo mahadbhyaḥ ityekā mamāgne varcaḥ iti sūktam yenedamiti sūktam svasti no mimītāmiti pañca ṛcaḥ

catvāraḥ pākayajñāḥ

huto'hutaḥ prahutaḥ prāśita iti

pañcasu bahiḥ śālāyāḥ

vivāhe cūḻākaraṇa upanayane keśānte sīmantonnayana iti

upalipyoddhatya prokṣya agnimupasamādhāya

nirmanthyaike vivāhe

udagayana āpūryamāṇapakṣe puṇyāhe kumāryai pāṇiṃ gṛhṇīyāt / jāyā lakṣaṇasaṃpannā syāt

yasyā abhyātmamaṅgāni syuḥ samāḥ keśāntāḥ

āvartāvapi yasyai syātāṃ pradakṣiṇau grīvāyāṃ ṣaḍvīrān janayiṣyatīti vidyāt

atha dvitīyaḥ khaṇḍa
jāyāmupagrahīṣyamāṇaḥ anṛkṣarāḥ iti varakān gacchato'numantrayate

abhigamane puṣpaphalayavānādāya udakumbhaṃ ca ahamayaṃ bho iti triḥ procya varite prāṅmukhā gṛhyāḥ pratyaṅmukhā āvahamānāḥ kanyāṃ varayanti imāmamuṣmā itthaṃ gotrāya iti

ubhayato rucite pūrṇapātrīmabhimṛśanti puṣpākṣataphalahiraṇyamiśrān / anādhṛṣṭamasyanādhṛṣyaṃ devānāmojo abhiśastipā anabhiśastyañjasā satyamupageṣaṃ suvite mā dhāḥ ityutthāya kanyāyā ācāryaḥ ā naḥ prajām iti mūrdhni niṣiñcati prajāstvayi dadhāmi / paśūṃstvayi dadhāmi / tejo
brahmavarcasyaṃ tvayi dadhāmi iti ca

atha tṛtīyaḥ khaṇḍaḥ
pratiśrute juhoti

caturaśraṃ gomayena sthaṇḍilamupalipya pūrvayorvidiśayoḥ
dakṣiṇāṃ prācīṃ pritrya uttarāṃ daive prācīmevaika udaksaṃsthāṃ madhye rekhāṃ likhitvā tasyā dakṣiṇata upariṣṭādūrdhvāmekāṃ madhya ekāmuttarata ekāṃ tāmabhyukṣya
agniṃ dadhāmi manasā śivenāyamastu saṅgamano vasūnām
mā no hiṃsīḥ sthaviraṃ mā kumāraṃ śaṃ no bhava dvipade śaṃ catuṣpade
ityagniṃ praṇīya tūṣṇīṃ vā pradakṣiṇam / agneḥ samantāt pāṇinā sodakena
triḥ parimārṣṭi

tat samūhanamityācakṣate

sakṛdapasavyaṃ pitrye

atha paristaraṇam

dakṣiṇena kuśānādāya savyenāpanoti

dakṣiṇaṃ jānvācya prāgagraiḥ kuśaiḥ paristṛṇāti

trivṛt pañcavṛdvā

purastāt prathamam

atha paścānmūlānyagraiḥ pracchādayati sarvāścāvṛto dakṣiṇataḥ pravṛttaya udaksaṃsthā bhavanti

sakṛdapasavyaṃ pitrye

nājyāhutiṣu nityaṃ paristaraṇam

nityāhutiṣu vā

atha caturthaḥ khaṇḍaḥ
dakṣiṇato brahmāṇaṃ pratiṣṭhāpya udapātraṃ vā bhūrbhuvaḥ suvaḥ ityuttarataḥ
praṇītāḥ kuśataruṇe aviṣame avicchinnāgre anantargarbhe prādeśena pramāya kuśena

chinatti pavitre sthaḥ iti

dve trīṇi vā bhavanti

vaiṣṇavyau ityabhyukṣya tyaṃ cidaśvamiti pradakṣiṇagranthim

prāgagre dhārayan ājyasthālyā
upari mahīnāṃ payo'si ityājyaṃ nirvapati

udīco'ṅgārānnirūhya iṣe tvā ityadhiśritya triravadyotya kuśataruṇe pratyasya ūrje tvā iti trirudagudvāsyāṅgarān pratyūhya aṅguṣṭhopakaniṣṭhikābhyāmūrdhvāgre prahvīkṛtya ājye pratyasya trirutpunāti sāvituṣṭvā prasava utpunāmyacchidreṇa pavitreṇa vasoḥ sūryasya raśmibhiḥ iti

ājyasaṃskāraḥ sarvatra

nāsaṃskṛtena juhuyāt

sruve cāpaḥ saviturvaḥ iti

tāḥ prokṣaṇīḥ sruvaṃ pratitapya kuśaiḥ saṃmṛjya punaḥ pratitapya nidhāya evaṃ srucaṃ ca sasthālīpāke prokṣitā āpaḥ praṇītāḥ prokṣaṇīśca

srucaḥ pātramarthalakṣaṇagrahaṇam

atha pañcamaḥ khaṇḍaḥ
dakṣiṇena kuśānādāya savyenāpanoti

dakṣiṇaṃ jānvācya paridhibhistribhiracchinnāgrairagniṃ paridadhāti

paścād dakṣiṇata uttarataśca

alaṃkṛtya kuśataruṇābhyāṃ pradakṣiṇamagniṃ triḥ paryukṣati mahāntaṃ kośam iti

hutvā ca

te anupraharati

tūṣṇīṃ sakṛdapasavyaṃ pitrye

abhighāritamidhmamagnau juhoti svidhmā yadvanadhitiḥ iti

viṣṇorhasto'si iti dakṣiṇena mūle sruvam

sruveṇājyāhutīrjuhoti

srucā sthālīpākaṃ dviravadyati

trirjāmadagnyānām

upastaraṇābhighāraṇapratyabhighāraṇaṃ ca sasthālīpāke ā sviṣṭakṛtaḥ

uttarārdhāt sviṣṭakṛtaḥ

dvirabhighārayati

na pratyanakti

uttarapaścārdhādagnerārabhyāvicchinnaṃ dakṣiṇapūrvārdhe juhoti tvamagne pramatiḥ iti

dakṣiṇapaścārdhādagnerārabhyāvicchinnamuttarapūrvārdhe juhoti yasyeme himavantaḥ iti

āghārau

āgneyamuttaramājyabhāgaṃ saumyaṃ dakṣiṇam

agne yaṃ yajñamimaṃ yajñamiti

agnaye svāhā somāya svāhā iti vā

madhye anyā āhutayaḥ

nājyāhutiṣu nityāvājyabhāgau sviṣṭakṛcca

nityāhutiṣu ceti ca māṇḍūkeyaḥ

agnirjanitā sa mai'mūṃ jāyāṃ dadātu svāhā / somo janimān sa māmuyā janimantaṃ karotu svāhā / pūṣā jñātimān sa māmuṣyai pitrā mātrā bhrātṛbhirjñātimantaṃ karotu svāhā ityājyena

mahāvyāhṛtisarvaprāyaścittāntarametadāvāpasthānamājyahaviṣi

vyāhṛti sviṣṭakṛtoḥ sthālīpāke

tataṃ ma āpaḥ udvayaṃ tamasaspari udutyam citramimaṃ me varuṇa tattvā yāmi tvaṃ no agne sa tvaṃ no agne tadastu mitrāvaruṇā vaṣaṭte viṣṇo iṣṭebhyo vaṣaḻaniṣṭebhyaḥ bheṣajaṃ duriṣṭyai niṣkṛtyai daurārdhyai ṛddhyai samṛddhyai devībhyastanūbhyaḥ yata indra bhayāmahe tvaṃ naḥ paścāt adyādyāśvaśvaḥ sūryo no divaspāntu bhūrbhuvaḥ svaḥ ayāścāgne iti sarvaprāyaścittāhutīrhutvā manasā prājāpatyaṃ mahāvyāhṛtayaścatasra ityetā āhutīrhutvā savye pāṇau ye kuśāstān dakṣiṇenāgre saṃgṛhya mūle savyena teṣāmagraṃ sruve samanakti madhyamājyasthālyāṃ mūlaṃ ca / atha cet sthālīpākeṣu srucyagraṃ madhyamaṃ sruve mūlamājyasthālyāṃ tānanuprahṛtya agnervāso'si iti samidho'bhyādhāya yathoktaṃ paryukṣaṇanamanuprahṛtya paridhīnnavā nitye praṇītāḥ parigṛhya diśo vyudukṣati tristriḥ prācyāṃ prathamamevaṃ pradakṣinaṃ pratidiśamūrdhvaṃ ca prācīṃ ninīya udīcīrvā tāḥ spṛṣṭvā prāṇānmukhaṃ ca saṃmṛśati / utsarjanaṃ brahmaṇaḥ

atha ṣaṣṭhaḥ khaṇḍaḥ
vyākhyātaḥ pratiśrute homakalpaḥ prakṛtirbhūtikarmaṇām

sarvāsāṃ cājyāhutīnāṃ śākhāpaśūnāṃ carupākayajñānāṃ ca

anāmnātamantrāsvādiṣṭadevatāsu amuṣmai svāhā iti śuddhena

yadi pākayajñāḥ samānakālāḥ syurāvāpasthāne pradhānānyevāvartayedānupūrvyeṇa

ta ete aprayājā ananuyājā aniḻā anigadā
asāmidhenīkāśca sarve pākayajñā bhavanti

tadapi ślokāḥ
huto'gnihotrahomena ahuto balikarmaṇā
prahutaḥ pitṛkarmaṇā prāśito brāhmaṇe hutaḥ
anūrdhvajñurvyūḻhajānuḥ juhuyāt sarvadā haviḥ
na hi bāhyahutaṃ devāḥ pratigṛhṇanti karhicit
raudraṃ ca rākṣasaṃ pitryamāsuraṃ cābhicārikam
uktvā mantraṃ spṛśedāpa ālabhyātmānameva ca

atha saptamaḥ khaṇḍaḥ
athaitāṃ rātrīṃ śvastṛtīyāṃ vā kanyāṃ vahiṣyantīti tasyāṃ rātryāmatīte niśākāle sarvasurabhimiśraiḥ phalottamaiḥ saśiraskāṃ kanyāmāplāvya raktamahataṃ vāsaḥ paridhāpya pradakṣiṇamagniṃ paryāṇīya paścādagneḥ kanyāmupaveśya āghārāvājyabhāgau hutvā agnaye somāya prajāpataye mitrāya varuṇāya indrāya indrāṇyai gandharvāya bhagāya pūṣṇe tvaṣṭre bṛhaspataye rājñe pratyānīyati

catasro'ṣṭau vā avidhavāḥ śākapiṇḍibhiḥ surayānnena ca tarpayinvā caturā nartanaṃ kuryuḥ

etā eva devatāḥ
puṃbhyo vaiśravaṇamīśānaṃ ca

tato brāhmaṇabhojanam

atha aṣṭamaḥ khaṇḍaḥ
snātaṃ kṛtamaṅgalaṃ varamavidhavāḥ subhagā yuvatyaḥ kumāryai veśma prapādayanti / tāsāmapratikūlaḥ syādanyatrābhakṣyapātakebhyaḥ

tābhiranujñāto'thāsyai vāsaḥ prayacchati raibhyāsīt iti

yuvaṃ vastrāṇi ityasmai

cittirā upabarhaṇam
ityañjanakośamādatte

samañjantu viśve devāḥ iti samañjanīyā

yatheyaṃ śacīṃ vāvātāṃ suputrāṃ ca yathāditim
avidhavāṃ cāpālāmevaṃ tvamiha rakṣatu
iti dakṣiṇe pāṇau śalalīṃ trivṛtāṃ dadāti

rūpaṃ rūpamityādarśaṃ savye

raktakṛṣṇamāvikaṃ kṣaumaṃ vā trimaṇiṃ pratisaraṃ jñātayo'syā badhnanti nīlalohitamiti

madhumatīroṣadhīḥ iti madhūkāni badhnāti

vivāhe gāmarhayitvā gṛheṣu gateṣu kāntānāṃ mādhuparkikyaḥ

na tvevāmāṃso'rghyassyādadhiyajñamadhivivāham

kuruta ityeva brūyāt

bṛhaspataye tvā mahyaṃ varuṇo dadātu / so'mṛtatvamaśīya / tvadrāṣṭrayoradhimayo mahyaṃ pratigṛhṇate iti vāsasī pratigṛhya praidhāyopaspṛśya ko'dāt / kasmā adāt iti kanyām

saṃrājñī śvaśure iti pitā bhrātā vāsyagreṇa mūrdhani juhoti / sruveṇāvatiṣṭhannāsīnāyāḥ prāṅmukhyāḥ pratyaṅmukhaḥ

hutvānvārabdhāyāṃ mahāvyāhṛtibhirhutvā samastābhiḥ caturthī pratīyetaitasyāṃ codanāyāmevamanādeśe

sarveṣveva tu bhūtikarmasu purastāccopariṣṭāccaitābhireva juhuyāt

ehi sūnarī ityutthāpya gṛbhṇāmi te saubhagatvāya hastamityuttānena dakṣiṇena pāṇinottānaṃ dakṣiṇaṃ pāṇiṃ gṛhṇāti sāṅguṣṭhaṃ prāṅmukhyāḥ pratyaṅmukhastiṣṭhan

pañca cottarā japati amohamasmi sā tvaṃ sā tvamasyamohaṃ dyaurahaṃ pṛthivī tvaṃ sāmāham ṛktvaṃ tāveva vivahāvahai prajāṃ prajanayāvahai putrān vindāvahai bahūṃste santu jaradaṣṭayaḥ iti

udakumbhaṃ navaṃ bhūrbhuvaḥ svaḥ iti pūrayitvā pum̐nāmasya vṛkṣasya sakṣīrān palāśān sakuśānopya hiraṇyaṃ cetyeke / taṃ brahmacāriṇe vāgyatāya pradāya prāgudīcyāṃ diśi tāḥ stheyāḥ pradakṣiṇā bhavanti / dakṣiṇata ekeṣām

aśmānaṃ cottarata upasthāpya ehi sūnarī ityuktvā ehyaśmānamātiṣṭha / aśmeva tvaṃ sthirā bhava / abhitiṣṭha pṛtanyataḥ / sahasva pṛtanāyataḥ iti dakṣiṇenāsyāḥ prapadenāśmānamākramayya viśvā uta tvayā vayamiti pradakṣiṇamagniṃ paryāṇīya tenaiva mantreṇadvitīyaṃ vasanaṃ pradāya

lājān śamīpālamiśrān pitā bhrātā vā asyā añjalāvāvapati

upastaraṇābhighāraṇe pratyabhighāraṇaṃ ca lājeṣu

tān juhoti iyaṃ nāryupabrūte lājānāvapantikā / śivā jñātibhyo bhūyāsaṃ ciraṃ jivatu me patiḥ / svāhā iti tiṣṭhantī juhoti

patirmantraṃ japati

aśmākramaṇādevaṃ dvitīyamevaṃ tṛtīyaṃ tūṣṇīṃ kāmena caturtham

prajāpate na tvadetāni iti prājāpatyaṃ hutvā yatpākatrā iti sviṣṭakṛtaṃ ca sarvatra

agnaye sviṣṭakṛte svāhā iti vā

udaṅ saptapadāni prakramayet / iṣa ekapadī / ūrje dvipadī / rāyaspoṣāya tripadī / māyo bhavyāya catuṣpadī / prajābhyaḥ pañcapadī / ṛtubhyaḥ ṣaṭpadī / sakhā saptapadī bhava iti / viṣṇustvā nayatu iti sarvatrānuṣajati

āpohiṣṭhīyābhistisṛbhiḥ stheyābhiradbhirmārjayitvā mūÞryavasicya brāhmaṇebhyaḥ kiṃcid dadyāt

sarvatra sthālīpākādiṣu karmasu

acāryāya varaṃ dadātītyāha

sūryo viduṣe vā dhūyam

gaurbrāhmaṇasya varaḥ

grāmo rājanyasya

aśvo vaiśyasya

adhirathaṃ śataṃ duhitṛmate

jñebhyo'śvaṃ dadāti

atha navamaḥ khaṇḍaḥ
pra tvā muñcāmi iti tisṛbhiḥ gṛhān pratiṣṭhamānāyām

jīvāṃ rudanti iti rudatyām

atha rathākṣasyopāñjanaṃ patnī kurute abhivyayasva khadirasya sāramityetayā sarpiṣā

śucī te cakre dve te cakre iti cakrayoḥ

pūrvayā pūrvamuttarayottaram

usrau ca

khe rathasya ityetayā phalavato vṛkṣasya śamyākatreṣvekaikāṃ vayāṃ nidhāya nityāvabhimantrya athosrau yuñjanti yuktaste astu dakṣiṇaḥ iti dvābhyām

śukrāvanaḍvāhau ityetenārdharcena yuktāvabhimantrya sukiṃ śukamiti rathamārohantyām

agniṣṭhastvagrato gacchet

mā vidan paripanthinaḥ iti catuṣpathe

ye vadhvaḥ iti śmaśāne

vanaspate śatavalśaḥ iti vanaspatāvardharcaṃ japati

atha yadi rathāṅgaṃ viśīryeta chidyeta vā āhitāgnergṛhaṃ kanyāṃ praveśya ya ṛte ityetayā saṃdadhyāt / tyaṃ cidaśvamiti granthiṃ svasti no mimītāmiti pañcarcaṃ japati

sutrāmāṇamiti nāvamārohantyām

aśmanvatīḥ iti nadīṃ tarantyām

yadi vā yuktenaiva udva ūrmiḥ ityagādhe prekṣaṇaṃ ca

iha priyaṃ prajayā te samṛddhyatāmiti sapta gṛhān
prāptāyām

kṛtāḥ parihāpya

atha daśamaḥ khaṇḍaḥ
gṛhān prapadya paścādagnerānaḍuhe carmaṇyupaviśya darbheṣvanvārabdhāyāṃ patiścatasro juhoti agninā devena pṛthivīlokena lokānāmṛgvedena vedānāṃ tena tvā śamayāmyasau svāhā vāyunā devenāntarikṣeṇa lokena lokānāṃ yajurvedena vedānāṃ tena tvā śamayāmyasau svāhā sūryeṇa devena divo lokena lokānāṃ sāmavedena vedānāṃ tena tvā śamayāmyasau svāhā candreṇa devena diśāṃ lokena lokānāṃ brahmavedena vedānāṃ tena tvā śamayāmyasau svāhā iti

bhūryā te patighnyalakṣmī devaraghnī jāraghnī tāṃ karomi te'sau iti vā

dvitīyayā mahāvyāhṛtyā dvitīyā upahitā

tṛtīyayā tṛtīyā

samastābhiḥ caturthī

aghoracakṣuḥ ityājyalepena cakṣuṣī vimṛjya kayā naścitra ābhuvat iti tisṛbhiḥ keśāntānabhimṛśya uta tyā daivyā bhiṣajā iti catasro japitvā mūrdhani saṃsrāvam

atra haike kumāramutsaṅgamānayantyubhayataḥ sujātam āte yonimityetayarcā

apivā tūṣṇīmeva

tasyāñjalau phalāni datvā puṇyāhaṃ vācayati

puṃsuvatī ha bhava iti

vācaṃyamāvāstāmā dhruvasya darśanāt

nakṣatreṣu dṛśyamāneṣu dhruvaṃ darśayati

dhruvaidhi poṣyā mayi iti dhruvaṃ paśyāmi iti dhruvāṃ vindeya iti brūyāt

dadhrikāvṇo akāriṣamiti dadhyodenaṃ saha bhuñjīyātāṃ pibataṃ ca tṛpṇutaṃ ca iti tṛcena ca

trirātramadhaḥśāyināvakṣārālavaṇāśinau syātām

evamevādhvani

na saha bhuñjīta

saṃvatsaraṃ na mithunamupeyātāṃ dvādaśarātraṃ ṣaḍrātram

trirātramantataḥ

sāyaṃprātarvaivāhikamagniṃ paricareyātāṃ yavairvrīhibhirvā

agnaye svāhā iti sāyam

sūryāya svāhā iti prātaḥ

agnaye sviṣṭakṛte
svāhā ityubhayoḥ

pumāṃsau mitrāvaruṇau pumāṃsāvaśvināvubhau
pumānindraścāgniśca pumāṃsaṃ vardhatāṃ mayi svāhā
iti pūrvāṃ garbhakāmaḥ

daśarātramavipravāsaḥ

atha ekādaśaḥ khaṇḍaḥ
atha caturthyāṃ trirātre nivṛtte sthālīpākasya juhoti

payasi sthālīpākaḥ pākayajñeṣu

vacanādanyat

agne prāyaścittirasi tvaṃ devānāṃ prāyaścittirasi yāsyāḥ patighnī tanūstāmasyā apajahi svāhā / vāyo prāyaścittirasi tvaṃ devānāṃ prāyaścittirasi yāsyā aputryā tanūstāmasyā apajahi svāhā / sūrya prāyaścittirasi tvaṃ devānāṃ prāyaścittirasi yāsyā apaśavyā tanūstāmasyā apajahi svāhā / aryamaṇaṃ nu devaṃ kanyā agnimayakṣata / sa imāṃ devo aryamā preto muñcātu nāmutassvāhā / varuṇaṃ nu devaṃ kanyā agnimayakṣata / sa imāṃ devo varuṇaḥ preto muñcātu nāmutassvāhā / pūṣaṇaṃ nu devaṃ kanyā agnimayakṣata / sa imāṃ devaḥ pūṣā preto muñcātu nāmutassvāhā / prajāpate na svat iti saptamī

sauviṣṭakṛtyaṣṭamī

atha dvādaśaḥ khaṇḍaḥ
adhyaṇḍāmūlaṃ peṣayatyṛtuvelāyām udīrṣvātaḥ pativatī iti dvābhyāmante svāhākārābhyāṃ nasto dakṣiṇato niṣiñcet

gandharvasya viśvāvasormukhamasi ityupasthaṃ prajaniṣyamāṇo'bhimṛśet

samāpte'rthe japet prāṇe te reto dadhāmyasau iti

apānyānuprāṇyāt

yathā bhūmiragnigarbhā yathā dyaurindreṇa garbhiṇī
vāyuryathā diśāṃ garbha evaṃ garbhe dadhāmi te'sau iti vā

ā te yoniṃ garbha etu pumān bāṇa iveṣudhim
ā vīro atra jāyatāṃ putraste daśamāsyaḥ
teṣāṃ mātā pipṛhi jātānāṃ janayāmi ca
pumāṃstvaṃ putramādhehi pumānanujāyatām
puṃsi vai puruṣo retaḥ tatstriyāmanasiñcatu
tathā tadabravīd dhātā tatprajāpatirabravīt
prajāpatirvyadadhāt savitā vyakalpayat
tvaṣṭā vai rūpaṃ saṃdadhānnejameṣa parāpatāt
strīṣu yamanyān svādadhāt pumāṃstvamadadādiha
yāni bhadrāṇi bījāni puruṣā janayanti ca
tāni bhadrāṇi bījānyṛṣabhā janayanti nau
te'bhiṣṭvaṃ putraṃ janayatsuprasūrdhenukā bhava
abhikrandan vīḻayasva garbhamādhehi sādaya
vṛṣāṇaṃ vṛṣannādhehi prajāyai tvā havāmahe
yasyai yoniṃ prati reto dadhātu pumān putro jāyatāṃ garbhe asmin
taṃ pipṛhi daśamāsyo'ntarudare sa jāyatāṃ śreṣṭhatamasvānām iti vā

tṛtīye māsi puṃsavanam

puṣyeṇa śravaṇena vā somāṃśuṃ peṣayitvā kuśadaṇḍakaṃ vā nyagrodhasya vā skandhasyāntyāṃ śuṅgāṃ yūpasyāgniṣṭāṃ vā saṃsthite vā yajñe juhvaḥ saṃsrāvam / agninā rayim tannasturīyam samiddhāgnirvanavat piśaṅgarūpaḥ iti catasṛbhirante svāhākārābhiḥ nasto dakṣiṇato niṣiñcet

atha trayodaśaḥ khaṇḍaḥ
caturthe māsi garbharakṣaṇam

brahmaṇāgnissaṃvidānaḥ iti ṣaṭ sthālīpākasya hutvā akṣībhyāṃ te nāsikābhyāmiti sūktena pratyṛcamājyalepenāṅgānyanuvimṛjyāt

atha caturdaśaḥ khaṇḍaḥ
saptame māsi prathamagarbhe sīmantonnayanam

snātāmahatavāsinīṃ paścādagnerupaveśya sthālīpākasya juhoti

mudgaudanamityeke

puṃvadupakaraṇāni syuḥ

nakṣatraṃ ca

dhātā dadātu dāśuṣe dhātā prajāyā uta rāya īśe nejameṣa parāpata iti tisraḥ prajāpate iti ṣaṣṭhī

triśvetayā śalalyā darbhasūcyā vodumbaraśalāṭubhissaha madhyādūrdhvaṃ sīmantamunnayati bhūrbhuvassvaḥ iti

utsaṅge nidhāya trivṛte kṛtvā kaṇṭhe badhnāti ayamūrjāvato vṛkṣa ūrjīva phalinī bhava iti

athāha vīṇāgāthinau rājānaṃ saṃgāyata iti yo vānyo vā vīrataraḥ iti

udapātre akṣatānavanīya viṣṇuryoniṃ kalpayatu nejameṣa parāpata iti ṣaḻṛcena pāyayet rākāmahamiti catasṛbhiḥ

athāsyā udaramabhimṛśet suparṇo'si garutmān trivṛtte śiro gāyatraṃ cakṣuśchandāṃsyaṅgāni yajūṃṣi nāma sāma te tanūḥ vāmadevyaṃ madhyaṃ bṛhadrathantare pakṣau yajñāyajñiyaṃ pucchaṃ dhiṣṇyaṃ śaphāḥ
/ modamānīṃ gāpayenmahāhaimavatīṃ vā

ṛṣabho dakṣiṇā

atha pañcadaśaḥ khaṇḍaḥ
kākādanyā maśakādanyā kośātakyā bṛhatyā kālakītakasyeti mūlāni pe
ṣayitvopalepayed deśe yasmin prajāyeta

rakṣasāmapahatyai

atha ṣoḍaśaḥ khaṇḍaḥ
atha jātakarma

jātaṃ kumāraṃ trirabhyapānyānuprāṇyāt

ṛcā prāṇihi / yajuṣā samanihi / sāmnodenihi iti jātamabhimantrya

sarpirmudhunī dadhyudake ca sannīya

eṣa eva madhuparkaḥ

vrīhi yavau vā sannikṛṣya

triḥ prāśayejjātarūpeṇa pra te yacchāmi madhumanmakhāya vedaṃ prasūtaṃ savitrā maghonā / āyuṣmān gupito devatābhiśśataṃ jīva śarado loka asminnasau / iti

nakṣatranāmātra prabrūyāt

nāmāsya dadhāti ghoṣavadādyantarantasthamabhiniṣṭhānāntaṃ dvyakṣaraṃ caturakṣaram

api vā ṣaḻakṣaram

ayugmavadadantyaṃ kumāryai

kṛtaṃ kuryāt

na taddhitāntam

tadasya mātā pitā ca vidyātām

daśamyāṃ vyāvahārikaṃ brāhmaṇajuṣṭam

kṛṣṇasya śuklakṛṣṇāni lohitāni ca romāṇi maṣīṃ kārayitvaitasminneva catuṣṭaye catuḥ prāśayediti māṇḍūkeyaḥ / bhūrṛgvedaṃ tvayi dadhāmyasau svāhā / bhuvo yajurvedaṃ tvayi dadhāmyasau svāhā / svassāmavedaṃ tvayi dadhāmyasau svāhā / bhūrbhuvasvarvākovākyetihāsapurāṇān sarvān vedāṃstvayi dadhāmyasau svāhā iti

medhājananaṃ dakṣiṇe karṇe vāg iti triḥ

vāgdevī manasā saṃvidānā prāṇena vatsena sahandraproktā juṣatāṃ tvā saumanasāya devīṃ mahīmindrāvāṇī cīssalilā svayaṃbhūḥ iti cānumantrayīta

śaṇasūtreṇa vigrathya jātarūpaṃ dakṣiṇe pāṇāvapinahyotthānādūrdhvaṃ daśamyāṃ brāhmaṇebhyo dadyāt

amā vā kurvīta

atha saptadaśaḥ khaṇḍaḥ
daśarātre cotthānam

mātāpitarau śirassnātāvahatavāsinau kumāraśca

etasminneva sūtake'gnau sthālīpākaṃ śrapayitvā janmatithiṃ hutvā trīṇi ca bhāni sadaivatāni

tanmadhye juhuyād yasmin jātaḥ syāt

pūrvaṃ tu daivataṃ sarvatra

āyuṣṭe adya gīrbhirayamagnirvareṇyaḥ
punaste prāṇa āyātu parā yakṣmaṃ suvāmi te
āyurdā agne haviṣo juṣāṇo ghṛtapratīko ghṛtayoniredhi
ghṛtaṃ pītvā madhu cāru gavyaṃ piteva putramabhirakṣatādimam
tvaṃ soma mahe bhagamiti daśamīṃ sthālīpākasya hutvā brāhmaṇān svasti vācya nāmadheyaṃ prakāśaṃ kṛtvā / evameva māsi māsi janmatithiṃ hutvordhvamā saṃvatsarāt

gṛhyāgnau juhoti

atha aṣṭādaśaḥ khaṇḍaḥ
caturthe māsi niṣkramaṇikā

snātaḥ kumāro'laṅkṛtaḥ sarvasurabhigandhaiḥ mālyaiśca yathopapādaṃ māturaṅkagato yā vānyā mātṛsthāne

sakuśapāṇiḥ kuśairhotāramanvārabhate

saṃ pūṣannadhvanaḥ iti sūktena pratyṛcaṃ sthālīpākasya hutvā brāhmaṇān svasti vācya pūrvaṃ devāyatanaṃ gatvā sātapatraḥ kumāraḥ suhṛdagṛhāṇi ca

tataḥ paryeti

atha brāhmaṇabhojanam

atha ekonaviṃśaḥ khaṇḍaḥ
ṣaṣṭhe māsyannaprāśanam

ājamannādyakāmasya

taittiraṃ brahmavarcasakāmasya

mātsyaṃ javanakāmasya

ghṛtaudanaṃ tejaskāmasya

madhvodanamāyuṣkāmasya

dadhyodanamindriyakāmasya

kṣīrodanaṃ paśukāmasya

dadhimadhughṛtamidramannaṃ prāśayet

annapate'nnasya no dehyanamīvasya śuṣmiṇaḥ
pra pra dātāraṃ tāriṣa ūrdhvaṃ no dhehi dvipade catuṣpade
yacciddhi te mahaścit
imamagna āyuṣe varcase kṛdhi tigmamojo varuṇa somarājan
mātevāsmā adite śarma yaccha viśvedevā jaradaṣṭiryathāsat
iti hutvā agna āyūṃṣi ityabhimantrya mahāvyāhṛtibhiḥ prāśanam

śeṣaṃ mātā prāśnīyāt

atha viṃśaḥ khaṇḍaḥ
saptame'ṣṭame vā māsi karṇavedhanam

yathā kuladharmaṃ vā

tiṣyapunarvasvoḥ śravaṇadhaniṣṭhayorvā

pūrvottareṣu vā

sarveṣāṃ yathānukūlaṃ vā

abhi tvā deva savitaḥ iti tisṛbhistrimadhurasya hutvā hiraṇmayyetarayā vā sūcyā āśrut karṇa iti dakṣiṇaṃ karṇaṃ vidhvā uta tvā badhiraṃ vayamiti savyam

raktakaṅkaṇaṃ raktasūtraṃ vā chidrayoḥ pratinidadhyāt rākāmahamityetayā

atha brāhmaṇān
trimadhureṇa svastīrvācya tato'bhivādayīta

atha ekaviṃśaḥ khaṇḍaḥ
saṃvatsare brāhmaṇasya cūḻākarma

tṛtīye vā varṣe

pañcame kṣatriyasya

saptame vaiśyasya

saṃvatsare vā sarveṣām

agnimupasamādhāya vrīhiyavānāṃ tilamāṣānāmiti ca pātrāṇi pūrayitvānaḻuhaṃ gomayaṃ kuśabhittiṃ ca keśa
pratigrahaṇamādarśaṃ lohakṣuraṃ navanītaṃ cottarata upanidadhāti

saṃ pṛcyadhvamṛtāvarīrūrmiṇīrmadhumattamāḥ
pṛñcatīrmadhunā payo mandrā dhanasya sātaye
ityuṣṇāsvapsu śītāḥ siñcati

āpa undantu jīvase dīrghāyutvāya varcase
/ tryāyuṣaṃ jamadagneḥ kaśyapasya tryāyuṣamagaratyasya tryāyuṣaṃ yaddevānāṃ tryāyuṣaṃ tatte astu tryāyuṣamiti śītoṣṇābhiradbhirdakṣiṇaṃ keśapakṣaṃ trirabhyanakti

evameva navanītena cchitvā

oṣadhe trāyasvainamiti kuśataruṇamantarnidadhāti

keśān kuśataruṇaṃ cādarśena spṛṣṭvā tejo'si svadhitiṣṭe pitā mainaṃ hiṃsīḥ
iti lohakṣuramādatte

yenāvapat savitā kṣureṇa somasya rājño varuṇasya vidvān
yena dhātā bṛhaspaterindrasya cāvapacchiraḥ
tena brahmāṇo vapatedamasyāyuṣmān dīrghāyurayamastu vīro'sau
iti keśāgrāṇi cchinatti kuśataruṇaṃ ca

evaṃ dvitīyam

evaṃ tṛtīyam

evaṃ dviruttarataḥ

nikakṣayoḥ ṣaṣṭhasaptame godānakarmaṇi

etadeva godānakarma yaccūḻākarma ṣoḻaśe varṣe'ṣṭādaśe vā

tṛtīye tu pravapane gāṃ dadāti

ahataṃ ca vāso yenācchanno vapati

tūṣṇīmāvṛtāḥ kumārīṇām

prāgudīcyāṃ diśyapāṃ vā samīpe bahvopadhike deśe keśān nikhananti

nāpitāya dhānyapātrāṇi nāpitāya dhānyapātrāṇi

iti kauṣītakagṛhye prathamo'dhyāyaḥ
atha dvitīyo'dhyāyaḥ
prathamaḥ khaṇḍaḥ
garbhāṣṭameṣu varṣeṣu brāhmaṇamupanayītaiṇeyenājinena

garbhadaśameṣu vā

garbhaikādaśeṣu kṣatriyaṃ rauraveṇa

garbhadvādaśeṣu vaiśyaṃ gavyena

ā ṣoḍaśād brāhmaṇasyāpatitā sāvitrī

ā dvāviṃśāt kṣatriyasya

ā caturviṃśādvaiśyasya

kāṣāyaṃ vāso brāhmaṇasya

māñciṣṭhaṃ kṣatriyasya

hāridraṃ vaiśyasya

ahatena vāsasā sarve

mekhalinaḥ

mauñjī mekhalā brāhmaṇasya

dhanurjyā kṣatriyasya

ūrṇāsūtraṃ vaiśyasya

teṣāṃ daṇḍāḥ

pālāśo bailvo vā daṇḍo brāhmaṇasya

naiyagrodhaḥ khādiro vā kṣatriyasya

audumbaro vaiśyasya

evameva homārthe

ghrāṇāntiko brāhmaṇasya

lalāṭāntikaḥ kṣatriyasya

keśāntiko vaiśyasya

sarve vā sarveṣām

yenābandhenopanayīta ācāryādhīnaṃ tat

parivāpyopanayettu

āplāvyāḻaṅkṛtya

agnaya indrāyādityāya viśvebhyo devebhya iti hutvā jaghanenāgnimupatiṣṭhataḥ prāṅmukha ācāryaḥ pratyaṅmukha itarastiṣṭhan tiṣṭhantamupanayet

iyaṃ duruktaṃ paribādhamānā varṇaṃ pavitraṃ punatī na āgāt
prāṇāpānābhyāṃ balamāviśantī sakhā devī subhagā mekhaleyam iti
trirmekhalāṃ parivṛtya trivṛtātrivṛtenaikagranthirekaḥ

trayo'pi vā

yajñasyopavītenopavyayāmi dīrghāyutvāya suprajāstvāya suvīryāya sarveṣāṃ vedānāmādhipatyāya yaśase brahmavarcasāya tvā ityupavītena

upanahya dakṣiṇaṃ bāhumuddhṛtya śira upadhāya vāmeṃ'se pratiṣṭhāpayati

evaṃ yajñopavītī

viparītaṃ pitrye

ucchiṣṭamityajīnena ca

atha dvitīyaḥ khaṇḍaḥ
adbhirañjaliṃ pūrayitvāthainamāha ko nāmāsi iti

asāvahaṃ bhoḥ itītaraḥ

samārṣaḥ ityācāryaḥ

samārṣo'haṃ bhoḥ itītaraḥ

brahmacārī bhava ityācāryaḥ

brahmacārī bhavāni itītaraḥ

bhūrbhuvaḥsvaḥ ityañjalāvañjalīṃstrīnāsicya dakṣiṇottarābhyāṃ pāṇibhyāṃ pāṇī saṃgṛhya japati devasya tvā savituḥ prasave'śvinorbāhubhyāṃ pūṣṇo hastābhyāmupanayāmyasau iti

gaṇānāṃ tvā iti gaṇakāmam

āgantāmariṣaṇyata iti yaudham

mahāvyāhṛtibhirvyādhitam

bhagaste hastamagrabhīt pūṣā te hastamagrabhīt savitā te hastamagrabhīdaryamā te hastamagrabhīnmitraste hastamagrabhīnmitrastvamasi dharmaṇāgnirācāryastavāsāvahaṃ cobhau / agna etaṃ te brahmacāriṇaṃ paridadāmi indra etaṃ te brahmacāriṇaṃ paridadāmyāditya etaṃ te brahmacāriṇaṃ paridadāmi viśve devā etaṃ vo brahmacāriṇaṃ paridadāmi dīrghāyutvāya śataśāradāya sarveṣāṃ vedānāmādhipatyāya suślokāya svastaye iti

aindrīmāvṛtamāvartasvādityasyāvṛtamanvāvartasva iti pradakṣiṇaṃ paryāvṛtya dakṣiṇena prādeśena dakṣiṇamaṃsamanvārabhya japati

bhūrbhuvaḥsvarariṣyataste hṛdayasya priyo bhūyāsaṃ mātvamadhyavacchitvāsau iti

tūṣṇīmapasavyaṃ paryāvṛtyāthāsyordhvāṅguliṃ pāṇiṃ hṛdaye nidhāya japati mama vrate hṛdayaṃ te dadhāmi mama cittamanucittaṃ te astu mama vācamekamanā juṣasva bṛhaspatiṣṭvā niyunaktu mahyaṃ kāmasya brahmacāryasyasau iti

tenaiva mantreṇa tathaiva paryāvṛtya dakṣiṇena prādeśena dakṣiṇaṃ bāhumanvārabhyāha brahmacāryasi samidhamādhehi apo'śāna karma kuru divā mā suṣupthāḥ vācaṃ yacchā samidādhānāt

eṣā te agne samit ityabhyādadhāti samidham

tūṣṇīṃ vā

atha tṛtīyaḥ khaṇḍaḥ
saṃvatsare sāvitrīmanvāha trirātre'nvakṣaṃ vā

gāyatrīṃ brāhmaṇāyānubrūyāt

triṣṭubhaṃ kṣatriyāya

jagatīṃ vaiśyāya

sāvitrīṃ tveva

uttareṇāgnimupaviśataḥ prāṅmukha ācāryaḥ pratyaṅmukha itaraḥ

vaiśvāmitrīṃ gāyatrīṃ sāvitrīṃ bho anubrūhi itītaraḥ

tatsaviturvareṇyam ityetāṃ sapraṇavāṃ savyāhṛtīṃ paccho'rdharcaśo'navānam

yadi trirātre saṃvatsare vā bhaikṣācaraṇāntaṃ kṛtvopāsīta

āpo nāma stha śivā nāma sthaujā nāma sthājarā nāma sthāmṛtā nāma sthābhayā nāma stha tāsāṃ vo'śīya sumatau mā dhatta ityenaṃ trirapa ācamayya svastino mimītāmiti pañcarcena daṇḍaṃ prayacchati

dṛteriva te iti kamaṇḍalum

varo dakṣiṇā

taccakṣuḥ ityādityamupasthāya pradakṣiṇaṃ parikramya bhikṣate grāmam

mātaraṃ tveva prathamām

yā vainaṃ na pratyācakṣīta

ācāryāya bhaikṣaṃ vedayīta

anujñāto guruṇā bhuñjīta

aharahaḥ samidādhānaṃ bhaikṣācaraṇa
madhaḥśayyā guruśuśrūṣeti brahmacāriṇo nityāni

tadapi ślokaḥ
kṣetraṃ hiraṇyaṃ gāṃ vāsaśchatropānahamantataḥ
dhānyamannamatho śākaṃ gurave prītimāvahet iti
atha caturthaḥ khaṇḍaḥ
athānuvacanasya

agneruttarata upaviśataḥ prāṅmukha ācāryaḥ pratyaṅmukha itaraḥ

abhivādya pādāvācāryasya ca pāṇī prakṣālya mūle kuśataruṇān gṛhṇāti

tān savyenācāryo'gre saṃgṛhya dakṣiṇenādbhiḥ pariṣiñcati

adhīhi bhoḥ ityuktvā ācāryaḥ

ॐpūrvā vyāhṛtayaḥ sāvitrīṃ bho anubrūhi itītaraḥ

ॐpūrvā vyāhṛtayaḥ sāvitrīṃste'nubravīmi ityācāryaḥ

ṛṣīn bho anubrūhi itītaraḥ

ṛṣīṃste'nubravīmi ityācāryaḥ

devatā bho anubrūhi itītaraḥ

devatāste'nubravīmi ityācāryaḥ

chandāṃsi bho anubrūhi itītaraḥ

chandāṃsi te'nubravīmi ityācāryaḥ

śraddhāmedhe bho anubrūhi itītaraḥ

śraddhāmedhe te'nubravīmi ityācāryaḥ

yena yenarṣiṇā yo yo yaddevatyo yacchandā vā syāt tathā tathā taṃ taṃ mantramanubrūyāt

api vāvindan ṛṣidaivatachandāṃsyevamevaikaikamṛṣimanuvākaṃ vānubrūyāt

kṣudrasūkteṣvanuvākaṃ vānubrūyāt

yāvadvā gururmanyeta

ādyottame vānubrūyādṛṣeranuvākasya

ādyuttamā ityeṣā prakṛtiriti

kāmaṃ sūktādāvācāryaḥ

ityetadṛṣisvādhyāyena vyākhyātam

samā te kuśataruṇānādāya ānaḻuhena gomayena mūlakuṇḍaṃ kṛtvā yatho
ktamadbhiḥ pariṣiñcati

athemāstarpayati

atha pañcamaḥ khaṇḍaḥ
agnistṛpyatu / prajāpatistṛpyatu / virūpākṣastṛpyatu / brahmā / vedāḥ / devāḥ / ṛṣayaḥ / sarvāṇi ca cchandāṃsi / oṅkāraḥ / vaṣaṭkāraḥ / vyāhṛtayaḥ / sāvitrī / yajñāḥ / dyāvāpṛthivī / antarikṣam / ahorātrāṇi / sāṅkhyāḥ / siddhāḥ / samudrāḥ / nadyaḥ / gāvaḥ / girayaḥ / kṣetrauṣadhivanaspatigandharvāpsarasaḥ / nāgāḥ / vayāṃsi / sādhyāḥ / viprāḥ / yakṣāḥ / rakṣāṃsi / piśācāḥ / bhūtāni / atha nivītībhūtvā / madhucchandāḥ / śatarcinaḥ / mādhyamāḥ / gṛtsamadaḥ / viśvāmitraḥ / vāmadevaḥ / atriḥ / bharadvājaḥ / vasiṣṭhaḥ / pragāthāḥ / pāvamānyaḥ / kṣudrasūktāḥ / mahāsūktāḥ / evamantāni tṛpyantu / atha saṃvītī bhūtvā / smṛtiṃ tarpayāmi / dhṛtiṃ tarpayāmi / śraddhāṃ tarpayāmi / medhāṃ tarpayāmi / prajñāṃ tarpayāmi / dhāraṇāṃ tarpayāmi

chandāṃsi tṛpyantām / ṛṣayastṛpyantām / devatāstṛpyantām

atha prācīnāvītī dakṣiṇāṃ diśamanvīkṣamāṇaḥ / sumantujaiminivaiśampāyanapailasūtrabhāṣyamahābhāratadharmācāryāḥ / jānantibāhavigārgyagautamaśākalyabābhravyamāṇḍavyamāṇḍūkeyāḥ / suyajñasāṃkhyāyanajātūkarṇyāḥ / paiṅgaśāmbavyaitareyāḥ / gārgī vācaknavī / baḍavā prātitheyī / sulabhā maitreyī / kahoḻaṃ kauṣītakam / mahākauṣītakam / suyajñam / sāṅkhyāyanam / aitareyam / mahaitareyam / paiṅgyam / mahāpaiṅgyam / śāmbavakam / mahāśāmbavakam / bāṣkaḻam / śākaḻam / gārgyam / mahājapatram / sujātavaktram / audavāhim / saujāmim / bābhravyaṃ somaśarmāṇam / pāñcālaṃ vedamitram / ācāryaṃ śaunakam

ye cānye ācāryāste cāpi tṛpyantu

pratipuruṣaṃ pitaraḥ

suyajñaḥ / sāṃkhyāyanaḥ / pailaḥ / kahoḻaḥ /
kauṣītakiḥ / kahoḻāya kauṣītakaye svadhāstu

atha ṣaṣṭhaḥ khaṇḍaḥ
ahaḥśeṣaṃ sthānamupavāsaśca

aparāhṇe'kṣatadhānā bhikṣitvā ājyāhutidharmeṇāgnau pāṇinā juhuyāt sadasaspatimadbhutamiti pratyṛcaṃ sūktaśeṣeṇa

bhaikṣairācāryaṃ svastivācya araṇye samitpāṇiḥ sandhyāmupāste nityaṃ vāgyata uttarāparamabhimukho'nvaṣṭamadeśamardhāstamite maṇḍale ā nakṣatrāṇāṃ darśanāt / atikrāntāyāṃ mahāvyāhṛtīḥ sāvitrīṃ svastyayanāni ca japitvā

evaṃ prātaḥ prāṅmukhastiṣṭhannā maṇḍaladarśanāt

udite prādhyayanam

aharahaḥ sāyaṃprātaragniṃ praṇīyopasamādhāya parisamūhya paryukṣya susamiddhe juhoti agnaye samidhamāhāriṣa bṛhate jātavedase tayā tvamagne vardhasva samidhā brahmaṇā vayaṃ svāhā iti prathamām / edho'syedhiṣīmahi iti dvitīyām / samidasi samedhiṣīmahi iti tṛtīyām / eṣā te agne samittayā vardhasva cāpyāyasya ca / bardhiṣīmahi ca vayamā ca
pyāsiṣīmahi iti caturthīṃ

atha paryukṣya
agniḥ śraddhāṃ ca medhāṃ ca vinipātaṃ smṛtiṃ ca me
īḻito jātavedāḥ śunaṃ naḥ saṃprayacchatu
ityagnimupatiṣṭhate

sa eteṣāṃ vedānāmekaṃ dvau trīn sarvān vārdhāte ya evaṃ
hutvāgnimupatiṣṭhate

tadapi ślokāḥ
aśvatthaḥ khadiro'rkaśca plakṣo vaikaṅkataśśamī
kāṣmaryaśca śakṛdvanyaṃ sīravāhāśca sarvaśaḥ
veṇuṃ varjyātha vānyāni nimbāralasakaṇṭakān
karañjāmrāsavarṇāśca varjyāḥ kāntāśca nāmataḥ
homārthī tu prayuñjīta nitye naimittike'pi vā
pālāśī tu srugeva syādvā pārṇaḥ khādiraḥ sruvaḥ iti

atha saptamaḥ khaṇḍaḥ
atha vratādeśanam

tasyopanayanena kalpo vyākhyātaḥ

na sāvitrīmanvāha

daṇḍapradānāntamityeke

udagayane śuklapakṣe'horātraṃ brahmacaryamupetyācāryo'māṃsāśī

caturdaśīṃ parihāpyāṣṭamīṃ navamīṃ ca

ādyottame caike

yāṃ vānyāṃ bhapraśastāṃ manyeta tasyāṃ śukriyabrahmacaryamādiśeta

śukriyabrahmacārī bhava ityācāryaḥ

śukriyabrahmacārī bhavāni itītaraḥ

evamuttareṣāṃ yadyadvratamādiśeta tasya tasya nāmnā nirdiśet

trirātraṃ brahmacaryaṃ caret

dvādaśarātraṃ saṃvatsaraṃ vā

yāvadvā gururmanyeta

godānasya ca

śākvaraṃ tu saṃvatsaraṃ māhāvratikamaupaniṣadaṃ ca

pūrṇe kāle caritabrahmacarye śayucārhaspatyānte vede prokte rahasyaṃ śrāvayiṣyan kālaniyamaṃ cādeśena pratīyena

kṛtaprātarāśasya

aparāhṇe'parājitāyāṃ diśi hutvācāryaḥ athainaṃ yāsveva devatāsu paridatto bhavati tāsvenaṃ paripṛcchati agnāvindra āditye viśveṣu ca deveṣu caritaṃ te brahmacaryamiti

caritaṃ bho iti pratyukte paścādagneḥ prāṅmukhe sthite ahatena vāsasācāryaḥ pradakṣiṇaṃ mukhaṃ triḥ pariveṣṭya upariṣṭāddaśāḥ kṛtvā yathā na saṃbhraśyeta

trirātraṃ samidādhānaṃ bhaikṣācaraṇamadhaḥśayyāṃ guruśuśrūṣāṃ ca kurvan vāgyato'pramatto'raṇye devakule'gnihotra upavasakha iti

atra haike tāneva niyamāṃstiṣṭhato rātryāmevopaviśanti

ācāryomāṃsāśī brahmacārī grāmānniṣkrāmannaitānīkṣetānadhyāyān spṛśatāmuṃ piśitāmaṃ caṇḍālaṃ sūtikāntejanīmapahastakāṃ śmaśānaṃ sarvāṇi ca śyāmarūpāṇi yānyāsye na praviśeyuḥ

prāgudīcyāṃ diśi puṇye deśe udita āditye'nuvacanadharmeṇa vāgyatāyoṣṇīṣiṇe'nvāha

mahānāmnīṣvevaiṣa niyamaḥ

athottareṣu prakaraṇeṣu svādhyāyamevaṃ kurvītācāryasyetaraḥ śṛṇoti

uṣṇīṣamājyabhājanaṃ dakṣiṇāṃ cācāryāya dadāti tvaṃ tamiti

uccā divi iti ca

praṇavena vā sarvam

atra haike vaiśvadevaṃ caruṃ kurvate sarveṣu prakaraṇeṣu

yathā paridattamiti ca māṇḍūkeyaḥ

atha aṣṭamaḥ khaṇḍaḥ
athāto daṇḍaniyamaḥ

nāntarāgamanaṃ kuryādātmano daṇḍasya ca

atha ceda
daṇḍamekhalopavītānāmanyatamadviśīryeta cchidyeta vā tasya tatprāyaścittiḥ yadudvāhe rathasya

mekhalā cedasandheyā bhavati anyāṃ kṛtvānumantrayate medhyāmedhyavibhāgajñe devi goptri sarasvati / mekhale skannavicchinne santanoṣi vrataṃ mama / iti

etayaiva yathārthamupavīte

tvamagne vratabhṛcchuciḥ ityetābhyāmṛgbhyāmāhutīrhutvā atha mekhalāṃ śānte vṛkṣe nidhāya pūrṇe kāle mekhalāmupavītaṃ ca daṇḍe badhnāti

tadapyetat yajñopavītaṃ daṇḍaṃ ca mekhalāmajinaṃ tathā / juhuyādapsu vrate pūrṇe vāruṇyarcā rasena vā

brahmacārī pravatsyannācāryamanumantrayate prāṇāpānayoḥ ityupāṃśu idaṃ vatsyāvo bho ityuccaiḥ

prāṇāpāna uruvyacāstvayā prapadye devāya tvā goptre paridadāmi devasavitareṣa te brahmacārī taṃ gopāya samāmṛta ityupāṃśu ॐ svasti ityuccairācāryaḥ ॐ
svastītyuccairācāryaḥ

iti kauṣītakagṛhye dvitīyo'dhyāyaḥ
atha tṛtīyo'dhyāya:
prathamaḥ khaṇḍa:
snānaṃ samāvartsyamānasya

ānaḻuhe carmaṇyupaviśya keśaśmaśrulomanakhāni vāpayitvā vrīhiyavaistilasarṣapairapāmārgaiḥ sadāpuṣpābhirityucchādyāpohiṣṭhīyenābhiṣicyālaṅkṛtya yuvaṃ vastrāṇi iti vāsasī paridhāya āyuṣyaṃ varcasyamiti sūktena jātarūpamapinahya

utthāne kumārasya ca

athāsminnanvārabdha indrāgnibhyāṃ sthālīpākasya hutvā madhuparkaṃ dadyāt

pratilīnastadaharāsīta

vanaspate vīḍvaṅgaḥ śāsa itthā iti rathamārohet

yatrainaṃ gatvā paśunā vāhayeyuḥ tatpūrvamupatiṣṭheta

gobhirvā samāvarteta

phalavato vā vṛkṣāt

indraśreṣṭhāni syonā pṛthivi bhava iti pratyavarohati

īpsitamannaṃ tadaharbhuñjīta

ācāryāya vastrayugaṃ dadyāt

uṣṇīṣaṃ maṇikuṇḍalaṃ daṇḍopānahaṃ chatraṃ ca
atha dvitīyaḥ khaṇḍaḥ
agāraṃ kārayiṣyan ihānnādyāya viśaḥ pratigṛhṇāmi ityudumbaraśākhayā triḥ parilikhya madhye sthaṇḍile juhoti ko'si kasyāsi kāyaṃ te grāmakāmo juhomi svāhā
asyāṃ devānāmadhibhāgadheyamitaḥ prajātāḥ pitaraḥ paretāḥ
irāvatī juhvad grāmakāmo nu devānāṃ kañca nāntaremi svāhā iti

na ca sthūṇāgartān khānayitvodamanthānāsicya imāṃ viminve'mṛtasya śākhāṃ
madhordhārāṃ prataraṇīṃ vasūnām
enāṃ śiśuḥ krandatvā kumāra enāṃ dhenuḥ pāvakavathsa
ityudumbaraśākhāṃ ghṛtenāktāṃ dakṣiṇe dvārye garte'vadadhāti

imāmucchrayāmi bhuvanasya śākhāṃ madhordhārāṃ prataraṇīṃ vasūnām
enā śiśuḥ krandatvā kumāra enāṃ dhenuḥ pāvakavathsa
ityuttarataḥ

evaṃ dvayordakṣiṇataḥ paścāduttarataśca

imāmahamasmin vṛkṣasya śākhāṃ ghṛtamukṣantīmamṛte minomi
enāṃ śiśuḥ krandatvā kumāra āsyandatāṃ dhenavo nityavathsāḥ
iti sthūṇārājamucchrayati

enaṃ kumārastaruṇa āvathso bhuvanaspatiḥ /
kumbhāddadhnaḥ kalaśairgamaḥ / ihaiva sthūṇe pratitiṣṭhatyaśvāvatī gomatī sīlamāvatī kṣeme tiṣṭha ghṛtamukṣamāṇāḥ / ihaiva tiṣṭhannimitā tilvilevāsyā irāvatīṃ madhye poṣasva tiṣṭhantīṃ mā tvā prāpannaghāyava upahūtā iha gāva upahūtā ajāvayo'tho'nnasya kīḻāḻa upahūtā gṛheṣu ṇo rathantare pratiṭiṣṭha vāmadevye bṛhati śrayasva iti sthūṇārājamabhimṛśya saṃmitasya sthūṇāḥ samabhimṛśati satyaṃ ca śraddhā ca iti pūrve

yajñaśca dakṣiṇā ca iti dakṣiṇe

balaṃ corjaṃ ca ityapare

brahma ca kṣatraṃ ca ityuttare

śrītūspe

dharmaḥ sthūṇārāje

ahorātre dvāraphalake

saṃvatsaraḥ pidhāne

ukṣā samudraḥ ityabhyaktamaśmānaṃ
stūpasyādhastānnikhanet

saṃsthite vāstukaraṇe śobhite ca samantataḥ

atha tṛtīyaḥ khaṇḍaḥ
agniṃ dadhāmi manasā śivena ityagniṃ praṇīya pṛthivīṃ śaṃbhuvā ha pratitiṣṭhasva iti prāgagreṣu naveṣu kuśeṣūdakumbhaṃ navaṃ maṇikaṃ vā pratiṣṭhāpya āpohiṣṭhīyābhistisṛbhiḥ pūrayitvā ariṣṭā asmākaṃ vīrā mā parā seci no dhanamityapidhāya rathantarasya stotriyeṇa punarādāya kakupkāraṃ tisraḥ pūrvāhṇe juhoti

vāmadevyasya madhyandine

bṛhato'parāhṇe

sāvitryā cānusavanaṃ śatādūrdhvam

mahāvyāhṛtayaścatasraḥ / vāstoṣpate iti catasraḥ / vāstoṣpate dhruvā sthūṇā sauviṣṭakṛtī daśamī sthālīpākasya rātrau

jyeṣṭhaṃ putramādāya jāyayā saddadhānyāḥ prapadyate indrasya gṛhāḥ śivā vasumanto varūthinaḥ / tānahaṃ prapadye saha jāyayā saha prajayā saha paśubhiḥ saha yanme kiñcāsti tena / śamaṃ śamaṃ śivaṃ śivaṃ kṣemāya vaḥ śāntyai prapadye'bhayaṃ no astu iti

etayaivāvṛtāṣāḍhyāṃ paurṇamāsyāṃ svastyayanamityācakṣate

uddharenmaṇikapratiṣṭhāpanaṃ gṛhapraveśanaṃ ca

svasti no mimītāmiti pañcarcaṃ japati

atha brāhmaṇabhojanam

atha caturthaḥ khaṇḍaḥ
grāmo māraṇyāya paridadātu haviśca mahāyamāya paridehi iti grāmānniṣkrāman

araṇyaṃ mā grāmāya paridadātu haviśca mahāyamāya paridehi iti grāmaṃ pra
viśannariktaḥ

gṛhān bhadrān sumanasaḥ prapadye'vīraghno vīravataḥ suvīrān
irāṃ vahato ghṛtamukṣamāṇāsteṣvahaṃ sumanāḥ saṃviśeyam
iti sadā prapadanīyaḥ

anāhitāgniḥ pravatsyan gṛhān samīkṣate
imānme mitrāvaruṇā gṛhān gopāyataṃ yuvam
avinaṣṭānavihṛtān pūṣemānabhirakṣatu
iti / api panthāmaganmahi iti ca

proṣyāyan gṛhān samīkṣate gṛhā
mā bibhīta mā me bibhyatorjaṃ bibhyateṣamūrjaṃ bibhradvasumanāḥ suvarcāḥ gṛhānaimi sumanasā modamānaḥ / yeṣāṃ madhye vipravasanti ye saumanaso bahu / gṛhānupahvayāmahe te no hinvantu jāmayaḥ / upahūtā iha gāvaḥ upahūtā ajāvayaḥ / yo nasya kīlāla upahūtā ajāvayaḥ / asyopasadye māriṣadayaṃ śreṣṭhī dadhātu naḥ iti gṛhyamagnimupasthāya kalyāṇīṃ vācaṃ prabrūyāt

virājo doho'si
virājo dohamaśīya mayi virājaḥ padyāyai dohaḥ iti pādyapratigrahaṇam

atha pañcamaḥ khaṇḍaḥ
anāhitāgnirnavaṃ prāśiṣyannāgrayaṇadevatābhya indrāgnibhyāṃ viśvebhyo devebhyaḥ sviṣṭakṛccaturthībhyaḥ svāhākāreṇa gṛhye'gnau hutvā prajāpataye tvā grahaṃ gṛhṇāmi
mahyaṃ śriyai mahyaṃ yaśase mahyamannādyāya iti hutaśeṣād grahaṃ gṛhītvā
bhadrānnaḥ śreyaḥ samanaiṣṭa devāstvayā vaśena samaśīmahi tvā
sa no mayobhūḥ pitavāviśeha śaṃ no bhava dvipade śaṃ catuṣpade
ityadbhirabhyukṣya triḥ prāśnāti

amo'si prāṇa tadṛtaṃ bravīmyamo'si sarvāṇyanu praviṣṭaḥ
same jarāṃ rogamapanudya śarīrādamā ma edhi māmṛdhāma indra
iti hṛdayadeśamabhimṛśya prāṇānāṃ granthirasi mā visrasa iti nābhim

bhadraṃ karṇebhiḥ iti yathārūpaṃ taccakṣuḥ ityādityamupasthāya

pari vapasvedaṃ vṛñjantu ghoṣiṇyassa mā svastha gopate mā vo rakṣo mano riṣat pūṣā gā anvetu naḥ iti gāḥ pratiṣṭhamānā anumantrayate

pari pūṣā iti parikrāntāsu

yāsāmūdhaścaturbilaṃ madhoḥ pūrṇaṃ ghṛtasya ca
tā naḥ santu payasvatīrbahvīrgoṣṭhe ghṛtācyaḥ
ā gāvo agmanniti saptāgatāsu

uttamāpākurvan mayobhūrvātaḥ iti ca
sūktena goṣṭhagatāḥ

yāsu prathamā prajāyeta tasyāḥ pīyūṣaṃ juhuyāt saṃvatsarīṇaṃ paya usriyāyāḥ iti dvābhyām

yā phālgunyā uttarāmātrāsyā sā revatyā saṃpadyate tasyāmaṅgalakṣaṇāni kārayet bhuvanamasi sahasramasi rāyaspoṣaṃ mā vo dadhat / akṣatamasyariṣṭaṃ virāḻannaṃ gopāyati / yāvatīnāmidaṃ kariṣyāmi bhūyasīnāmuttarāsāṃ kriyāsamiti

yadi yamau prajāyeta mahā
vyāhṛtibhirhutvā yamasūṃ dadyāt

atha ṣaṣṭhaḥ khaṇḍaḥ
atha vṛṣotsargaḥ

kārtikyāṃ paurṇamāsyāṃ revatyāṃ vāśvayujyāṃ ca gavāṃ madhye susamiddhamagniṃ kṛtvājyāhutīrjuhoti iha dhṛtiriha svadhṛtirupasṛjaṃ dharuṇaṃ mātre dharuṇo mātaraṃ dhayan / rāyaspoṣamiṣamūrjamasmāsu dīdharat svāhā pūṣā gā anvetu naḥ iti pauṣṇasya

hutvaikavarṇaṃ dvivarṇaṃ trivarṇaṃ vā yo vā yūthaṃ chādayati yaṃ vā yūthaṃ saṃchādayati

rohito vaiva syāt

sarvāṅgairupetaḥ

yūthe varcasvitamaḥ syātamalaṃkṛtya

yūthe mukhyāścatasro vatsataryaḥ

tāścālaṃkṛtya

etaṃ yuvānaṃ pari vo dadāmi tena krīḻantīścarata priyeṇa mā naśśāpta januṣā saṃvidānā rāyaspoṣeṇa samiṣā madema / ityanumantrayate

nabhyasthe vṛṣe mayobhūrvātaḥ iti
ca sūktena

sarvāsāṃ payasi sthālīpākaṃ śrapayitvā brāhmaṇān bhojayet

atha saptamaḥ khaṇḍaḥ
athāta upākaraṇam

oṣadhīnāṃ prādurbhāve

śrāvaṇyāṃ paurṇamāsyām

hastena śravaṇena vā

akṣatasūktānāṃ dadhighṛtamiśrāṇāṃ pratyṛcaṃ vedena juhuyāditi haika āhuḥ

sūktānuvākādyāḥ

adhyāyārṣeyādyābhiriti ca māṇḍūkeyaḥ

atha ha smāha kauṣītakiḥ vedebhyo devebhyaḥ chandobhyaḥ ṛṣibhyaśceti

agnimīḻe purohitamityekā

kuṣumbhakastadabravīt āvadaṃstvaṃ śakune bhadramāvada gṛṇānā jamadagninā dhāmante viśvaṃ bhuvanamadhiśritam gantā no yajñaṃ yajñiyāḥ suśami yo naḥ svo araṇaḥ praticakṣva āgne yāhi marutsakhā yatte rājañchṛtaṃ haviḥ iti dvyṛcāḥ

tacchaṃyorāvṛṇīmahe ityekā

hutaśeṣāddhaviḥ prāśya dadhikrāvṇo akāriṣamityācamyopaviśya mahāvyāhṛtayaḥ sāvitrīṃ vedādi
prabhṛti svastyayanāni ca japitvā ācāryaṃ svasti vācya

tadapi bhavati
upākarmaṇi cotsarge trirātraṃ kṣapaṇaṃ bhavet
aṣṭakāsu tathaiva syādṛtvantyāsu ca rātriṣu

atha aṣṭamaḥ khaṇḍaḥ
athāta utsargaḥ

māghaśuklapakṣapratipadyaparājitāyāṃ diśi puṇye deśe pratyasya loṣṭān śāsa itthā iti pratidiśamṛṣīṃśchandāṃsi devatāḥ śraddhāmedhe ca tarpayitvā pratipuruṣaṃ pitaraḥ

udutyam citram namo mitrasya vibhrād bṛhat iti sūktāni japitvā chandāṃsi viśrāmayantyardhaṣaṣṭhān māsān

adhīyīraṃścedahorātramuparamya
prādhyayanam

atha navamaḥ khaṇḍaḥ
atho'paramam

utpāteṣvākālikam

anyeṣvadbhuteṣu ca

vidyutstanayitnuvarṣeṣu trisandhyamekāham

śrāddhabhojane

daśāhamagheṣu ca sūtakeṣu ca

caturdaśyamāvāsyayoḥ

aṣṭakāsu

vāsareṣu nabhyeṣu ca

ācārye coparate daśāham

śrutvā trirātram

tatpūrvāṇāṃ ca pratigrahe śrāddhe

sabrahmacāriṇi sametya

pretamanugamya pitṛbhyaśca nidhāya piṇḍān niśām

sandhyāyām

parvasu

astamite

sāmaśabde

śmaśāne

śūdrasaṃnikarṣe

grāmāraṇye

antaḥśave grāme

adarśanīyāśravaṇīyāniṣṭāghrāṇe

ativāte'bhre varṣati

rathyāyām

bāṇaśabde

rathasthaḥ

śūdravacchuni

vṛkṣārohaṇe

avaṭārohaṇe

apsu

krandatyām

ārtau

nagnaḥ

ucchiṣṭaḥ

saṃkrame

keśaśmaśruvāpana ā snānāt

utsādane

snāne

abhyañjane

saṃveśane sūtikodakyābhyām

avahitapāṇiḥ

senāyām

abhuñjati brāhmaṇe

goṣu ca

atikrānteṣvadhīyīran

eteṣāṃ yadi kiñcidakāmamabhyābhavet prāṇānāyamyādityaṃ nirīkṣyātaḥ paramadhīyīta

vidyutstanayitnuvarṣavarjaṃ kalpe

varṣavarjamardhaṣaṣṭheṣu ca

tadapyetat
annamāpo mūlaphalaṃ yaccānyacchrāddhikaṃ bhavet
pratigṛhyāpyanadhyāyaḥ pāṇyāsyā brāhmaṇāḥ smṛtāḥ
iti

nyāyopetebhya evāvartayet

prāṅmukha ācāryaḥ pratyaṅmukha itaraḥ

dvau vā

bhūyāṃsastu yathāsanam

adhīhi bho ityuktvā ācāryaḥ omitītaraḥ pratipadyādhīyīta

adhītyopasaṃgṛhya viratāḥ sma bho ityuktvā yathārtham

visṛṣṭaṃ virāmastāvadityeke

nādhīyītāramantarā gamayedātmānaṃ pariharanto'dhīyīran

yadi ced doṣaḥ syāt trirātramupoṣyāhorātraṃ vā sāvitrīṃ cābhyāvartayitvā yāvacchaknuyāt

daṇḍasyāntarāgamane brā
hmaṇāya yat kiñcidadyāt / ataḥ paramadhīyīta

atha daśamaḥ khaṇḍaḥ
athāto vaiśvadevaḥ

vaiśvadevasya siddhasya sāyaṃprātargṛhye'gnau juhuyāt

mahāntaṃ kośamiti triḥ paryukṣati sarvatra

agnaye svāhā somāya svāhā indrāgnibhyāṃ svāhā bharadvājadhānvantaraye svāhā prajāpataye svāhā anumatyai svāhā śriyai svāhā sarasvatyai svāhā viṣṇave svāhā viśvebhyo devebhyaḥ svāhā sarvābhyo devatābhyaḥ svāhā agnaye sviṣṭakṛte svāhā iti hutvaitāsāṃ devatānām / atha vāstumadhye baliṃ haret

etābhyaścaiva devatābhyo namo brahmaṇe brāhmaṇebhyaśca vāstoṣpataye namaḥ

atha diśāṃ pradakṣiṇaṃ yathārūpaṃ nama indrāya aindrebhyaśca namo yamāya yāmyebhyaśca namo varuṇāya vāruṇyebhyaśca namaḥ somāya saumyebhyaśca namo bṛhaspataye bārhaspatyebhyaśca

namo marudbhyo'śvibhyāṃ namaśchandobhya ṛṣibhyaśca ityaparājitāyāṃ diśi

namassādhyāyāgnaye namo nirratyai namo vāyave namo rudrāya iti pradakṣiṇameva

athādityamaṇḍale namo'ditaye ādityebhyaśca namo nakṣatrebhya ṛtubhyo namo māse'bhyo'rdhamāsebhyaścāhorātrebhyaśca saṃvatsarebhyaḥ pūṣṇe pathikṛte dhātre vidhātre iti

marudbhyaścaiva dehaneṣu

nama oṣadhivanaspatibhyaḥ ityulūkhale namaḥ parjanyāyādbhyaḥ iti maṇike

viṣṇave dṛṣadi

namaḥ śriyai śayyāyāḥ śirasi

pādato bhadrakāḻyai

anugupte deśe namo mitrāya

namo vijñātābhyo devatābhyaḥ ityuttarato dhanapataye ca

athāntarikṣe naktaṃcarebhyo namaḥ iti sāyam

ahaścarebhyo namaḥ iti prātaḥ

ye devāsaḥ iti ca

atha prācīnāvītī dakṣiṇataḥ śeṣaṃ ninayet ye'gnidagdhāḥ iti

devarṣipitṛgaṇebhyo dattvātithimākāṅkṣed ā godohāt

yadyatithirāgacched yathāśakti pādyamāsanamannaṃ dattvā śrotriyaṃ bhojayet

brahmacāriṇe vā bhikṣāṃ dadyāt

anantaraṃ sauvāsinīṃ garbhiṇīṃ bālān sthavirāṃśca bhojayet

śvabhyaśca śvapākebhyaśca vayobhyaścāvaped bhūmāviti

nānavattamaśnīyāt

naikaḥ

na pūrvam

tadapyetadṛṣirāha

moghamannaṃ vindate apracetāssatyaṃ bravīmi vadha itsa tasya
nāryamaṇaṃ puṣyati no sakhāyaṃ kevalāgho bhavati kevalādī iti

ṣaṇṇāmarghyāṇāmanyatama āgacched gopaśumajamanyadvā yatsāmānyatamaṃ manyetatatkurvīta

ācāryāyāgneyaḥ ṛtvije bārhaspatyo vivāhyāya prājāpatyo rājña aindraḥ priyāya maitraḥ snātakāyaindrāgnaḥ

yadyasakṛtsaṃvatsarasya somena
yajeta kṛtārghyā evainaṃ yājayeyuḥ

nākṛtārghyāḥ

tadapi bhavati
madhuparke ca some ca pitṛdaivatakarmaṇi
atraiva paśavo hiṃsyā nānyatretyabravīnmanuḥ
ācāryaśca pitā cobhau sakhā cānatithirgṛhe
te yadvidadhyustatkuryāditi dharmo vidhīyate
naikagrāmīṇamatithiṃ viproṣyāgatameva vā
upasthitaṃ gṛhaṃ vidyādbhāryā yatrāgnayo'pi vā
nopavāsaḥ pravāse'sti patnī dhārayate vratam
putro bhrātātha vā śiṣyaḥ patnī vātha baliṃ haret
agnihotraṃ balīvardāḥ kāle cātithirāgataḥ
bālāśca kulavṛddhāśca nirdahantyavamānitāḥ
devatāḥ pitaro nityaṃ gacchanti gṛhamedhinam
bhāgārthamatithiścāpi tebhyo nirvaptumarhati
silānyuñchayamānasya agnihotraṃ ca juhvataḥ
sarvaṃ sukṛtamādatte brāhmaṇo'narcito vrajan
audapātrāttu dātavyamā kāṣṭhājjuhuyādapi
ā sūktādānuvākādvā brahmayajño vidhīyate
ete pañca mahāyajñā vartante yasya nityaśaḥ
sa muktaḥ sarvapāpebhyo nākapṛṣṭhe mahīyate
vaiśvadevamimaṃ ye ca sāyaṃprātaḥ prayuñjate
tadarthairāyuṣā kīrtyā prajābhiśca samṛdhnuyuḥ iti

atha ekādaśaḥ khaṇḍaḥ
aharaharācāryāyābhivādayīta

abhigamya gurubhyaśca

sametya śrotriyāya proṣya pretyetyāśrotriyāya

asāvāhaṃ bho ityātmano nāma nirdiśya vyatyasya pāṇī dakṣiṇena dakṣiṇaṃ savyena savyaṃ dakṣiṇottarābhyāṃ pāṇibhyāmupasaṃgṛhya pādau

asā u ityasya pāṇī saṃgṛhya āśiṣamāśāste

nāvṛto yajñe na dharmārthaṃ jugupseta

na janasamavāyaṃ gacchet

noparyuddiśet sametyātra

anākrośako'piśunaḥ

akulaṃ kulaḥ

naitihaḥ

naikaścaret

na nagnaḥ

nāvahitapāṇiḥ

devakulāyatanāni pradakṣiṇam

na haset

na dhāvet

na niṣṭhīvet

na kaṇḍūyet

mūtrapurīṣe nāvekṣeta

avakuṇṭhyāsīta

yadyekavāsā yajñopavītaṃ dakṣiṇe karṇe kṛtvā

nādityābhimukhaḥ

na jaghanena

nānantarhitāyāṃ bhūmau

na vṛkṣamārohet

na kūpamavekṣeta

naiko vanaṃ gacchet

nāvi dhuvanaṃ gacchet

na tveva śmaśānam

savastro'haraharāpluvīta

aplutyodako'nyadvastramācchādayīta

na nagnāṃ striyaṃ nirīkṣeta

nādityaṃ sandhivelayoḥ

anāptam

akāryakāriṇam

pretasparśinam

sūttikodakyābhyāṃ na saṃvadeta

noddhṛtatejāṃsi bhuñjīta

na yātayāmaiḥ kāryaṃ kuryāt

na saha bhuñjīta

na śiṣṭam

pitṛdevatātithibhṛtyānāṃ śiṣṭaṃ bhuñjīta

silamuñchamayācitapratigrahaḥ sādhubhyo yācato vā yājanamadhyāpanaṃ vṛttiḥ

pūrvaṃ pūrvaṃ laghīyaḥ

asaṃsiddhamānāyāṃ vaiśyavṛttirvā

apramattaḥ pitṛdaivatakāryeṣu

ṛtau svadāragāmī

na divā svapīta

na pūrvāpararātreṣu

aharahaḥ svādhyāyaśīlaḥ

satyavādī

nityodakī

nityaya
jñopavītī

na virahedācāryamanyatra niyogāt

anujñāto vā

atha dvādaśaḥ khaṇḍaḥ
ṣaḍviṃśatibhiḥ kāraṇaiḥ khalu bho brāhmaṇenādhyetavyaṃ bhavatyaparimitairvā

tadyathā kule jātaḥ

śaktimān

pūrve cābhirūpā āsan

sādhvācaritaṃ caitat

ṛṇaṃ caitadbrāhmaṇasya

karmaṇāmadhyayanaṃ śubhataram

adhītya ca kāryākārye jñāsyāmi

vidvāṃsaśca sarvatra pūjyante

śiṣyāśca śuśrūṣante

mahayanti ca sarvatra

sarvatra gatimān bhaviṣyāmi

yakṣyāmi

yājayiṣyāmi

lakṣaṇīyo bhaviṣyāmi

havīṃṣi ca susaṃskṛtāni bhokṣyāmi

mayā ca svādhyāyavatā mātāpitarau svarge loke sukhamedhiṣyate

brahmacaryeṇa cāyuṣmān varcasvī bhaviṣyāmi

svādhyāyena kṣipraṃ pāpmānamapahanyāmiti ca

svādhyāyavataḥ sarve lokāḥ

nāprāpyaṃ tasya kiñcit

na tasya punarāvṛttiḥ

mnatrabrāhmaṇayoḥ vedaśabdaḥ

vedo hi dharmamūlam

acoraharaṇīyaṃ ca brahma

ekaikā cark samyagadhītā kāmadhugbhavati

yaṃ yaṃ kratumadhīte tena tena ceṣṭaṃ bhaviṣyatīti

tadapi ślokāḥ

ketumān laghimān dakṣo mitravān ghṛtimān śuciḥ
śīlavān śrutavān dānto bhavedvai paṅktipāvanaḥ

corarājāgnyudakebhyaḥ sadā sañcayināṃ bhayam
nirbhavāstu sukhaṃ vaidyāścarantyakṣayyavṛttayaḥ

tadetatpuṣkalaṃ vākyaṃ vedajñānaprayojanam
kuryādadhyayane yatnaṃ satyavādī jitendriyaḥ iti

tadapyetadṛṣirāha

yo jāgāra tamṛcaḥ kāmayante yo jāgāra tamu sāmāni yānti
yo jāgāra tamayaṃ soma āha tavāhamasmi saravye nyokāḥ iti

atha trayodaśaḥ khaṇḍaḥ
rohiṇyāṃ kṛṣikarmāṇi kārayet

prācyāṃ kṣetramaryādāyāṃ dyāvāpṛthivīyaṃ
baliṃ haret

gomayena parimaṇḍalaṃ sthaṇḍilamupalipya prāgagreṣu naveṣu kuśeṣu dyāvāpṛthivībhyāṃ namaḥ ityapo dadyāt

evameva gandhamālyadhūpadīpānām

payasaudanaṃ vā

namo dyāvāpṛthivībhyāṃ namaḥ iti copasthānam

na nityaṃ paristaraṇam

yathāsamāmnāto vā vikalpaḥ

taccheṣeṇa brāhmaṇān tarpayati

prathamayoge sīrasya brāhmaṇaḥ sīraṃ spṛśet śunaṃ naḥ phālāḥ iti

kṣetrasya patinā iti sūktamanubrūyāt

kṛtāṃ parihāpya

udakaṃ pariṣyan svastyayanaṃ karoti

udakāñjalīn trīnapsu juhoti

samudrāya vayunāya namo varuṇāya namo vāruṇāya dharmapataye namo namassarvāsāṃ nadīnāṃ sarvāsāṃ pitre viśvakarmaṇe martyaṃ havirjuṣatāmiti japitvā

pratīpaṃ sravantībhya udīcaṃ sthāvarābhyaḥ

taraṃśced bhayaṃ śaṅketa vāsiṣṭhaṃ japet samudrajyeṣṭhāḥ ityetat sūktaṃ plavam

vatha caturdaśaḥ khaṇḍaḥ
atha māsi māsi pitṛbhyo dadyāt

brāhmaṇān vedaviduṣo'yugmān tryavarārdhyān pitṛvadupaveśyāyugmānyudapātrāṇi tilairavakīrya brāhmaṇānāṃ pāṇiṣu ninayet

ata ūrdhvamalaṅkṛtānāmantryāgnau kṛtvānnaṃ ca asāvetatatte ityanudiśya bhojayet

bhuñjāneṣu mahāvyāhṛtayaḥ sāvitrīṃ madhuvātīyāḥ pitṛdevatyāḥ pāvamānīrjaped yathotsāhamanyat

bhuktavatsu piṇḍān dadyāt

purastādeke

piṇḍān tatpaścimena patnīnāṃ kiñci dantardhāya

brāhmaṇānāṃ śeṣaṃ nivedayet

agnaukaraṇādi piṇḍapitṛyajñena kalpo vyākhyātaḥ

sūtrāṇi dattvāñjanābhyañjanagandhapuṣpadhūpadīpāṃśca pratipiṇḍaṃ dadyāt

athāta ekoddiṣṭam

ekaṃ pavitram

ekamarghyam

ekapiṇḍam

nāgnaukaraṇam

abhiramyatāmiti visargaḥ

saṃvatsaramevaṃ pretaḥ

caturthavisargastu

vṛddhipūrteṣu yugmān bhojayet

pradakṣiṇamupacāraḥ

yavaistilārthaḥ
atha pañcadaśaḥ khaṇḍaḥ
ūrdhvamāgrahāyaṇyāstisro'ṣṭamīṣvaṣṭakāsvaparapakṣeṣu

tāsāṃ prathamāyāṃ śākaṃ
juhoti
iyameva sā yā prathamā vyaucchadantarasyāṃ carati praviṣṭā
vadhūrjajāna navakaṃ janitrī traya enāṃ mahimānaḥ sacantāṃ svāhā iti

atha sviṣṭakṛtaḥ
yasyāṃ vaivasvato yamassarve devāssamāhitāḥ
aṣṭakā sarvatomukhī sā me kāmānatītṛpat
āhuste grāvāṇo dantānūdhaḥ pavamānaḥ
ardhamāsāṃśca māsāṃścāṅgāni namaste sumanāmukhi svāhā iti

madhyamāyāṃ māghyā varṣe ca mahāvyāhṛtayaścatasro juhoti ye tātṛṣuḥ iti catasro'nudrutya vapāṃ juhuyāt vaha vapāṃ jātavedaḥ pitṛbhyo yatrainān vettha sukṛtasya loke / medasaḥ kulyā upasrutāssravanti satyāssantu yajamānasya kāmāssvāhā / iti mahāvyāhṛtibhiścatasṛbhiḥ ye tātṛṣuḥ iti catasṛbhiraṣṭāvāhutīḥ
sthālīpāko'vadānamiśraḥ

antarhitā girayo'ntarhitā pṛthivī mahī me
divā digbhyaśca sarvābhiranyamantardadhe pitṛbhyo'muṣmai svāhā
antarhitā ṛtavo'horātrā susandhikāḥ
ardhamāsāśca māsāścāṅgāni namaste sumanāmukhi svāhā
yāstiṣṭhanti yāstravanti yā adbhiḥ paritasthuṣīḥ
adbhiḥ sarvasya bhartṛbhiranyataḥ piturdadhe'muṣmai svāhā
yanme mātā pralulobha caratyapativratā
retastatpitā vṛṅktāmāhuranyo'vapadyatāmamuṣmai svāhā
iti mahāvyāhṛtīnāṃ vā sthāne catasro'nyatrakaraṇasya

uttamāyāmapūpānjuhoti
ukthyaścātirātraśca sadyaskrīśchandasā saha
anye ca kratavo devā ṛṣayaḥ pitarastathā
ṛtavaḥ savabhūtāni śivāśśāntāśca me sadā
santu me'pūpakṛtāmaṣṭake samaste sumanāmukhi svāhā
iti samānaṃ sviṣṭakṛt

śvo'nvaṣṭakyāṃ piṇḍapitṛyajñāvṛtā gopaśurajasthā
līpāko vā gogrāsamāharedapi vā kakṣamudahedeṣā me'ṣṭakā iti

na tveva na kurvīta na tveva na kurvīta

iti kauṣītakagṛhye tṛtīyo'dhyāyaḥ
atha caturtho'dhyāyaḥ
prathamaḥ khaṇḍaḥ
athātaśśāntiṃ kariṣyan rogārto vā bhayārto vā ayājyaṃ vā yājayitvā apratigrāhyaṃ vā pratigṛhya trirātramupoṣyāhorātraṃ vā sāvitrīṃ cābhyāvartayitvā yāvacchaknuyād gaurasarṣapakalkaiḥ snātvā śuklamahataṃ vā vāsaḥ paridhāya sravantībhiradbhirudakumbhaṃ navaṃ bhūrbhuvassvaḥ iti pūrayitvetarābhirvā gaurasarṣapadūrvāvrīhiyavānavanīya gandhamālyānāṃ ca yathopapādamagnaye sthālīpākasya hutvā sāvitryā sahasrādūrdhvamā dvādaśāt sahasrāt svaśaktitaḥ saṃpātamabhijuhoti

yāvadvā doṣanivṛttiḥ

uttareṇāgniṃ prāgagreṣu kuśeṣu prāṅmukha upaviśyāpohiṣṭhīyābhistisṛbhirabhiṣiñcet

śuklairalaṅkṛtya mahāvyāhṛtayaḥ sāvitrīṃ svastyayanāni ca japitvā mucyate sarvapāpebhyo rogebhyaśca bhayebhyaśca

vyādhitaścettadaśaktaścet pitā bhrātā vācāryaputraśiṣyāṇāmanyatamo vānvārabdhe kuryāt

muñcāmi tvā haviṣā jīvanāya kamiti trīṇi sūktāni japati purasstāt svastyayanānām

varo dakṣiṇā

evaṃ gāvo goṣṭhasya madhye rudrāya sthālīpākasya hutvā raudramūktairagnimupatiṣṭhate

saṃpātābhiḥ saumaśrībhiḥ sāvitrīmaparimitāṃ japed vetasaśākhābhiḥ kuśamuṣṭibhirvā triḥ pradakṣiṇaṃ prokṣati go
sūktairupasthānaṃ mucyate sarvarogebhyaḥ

atha brāhmaṇabhojanam

atha dvitīyaḥ khaṇḍaḥ
śrāvaṇyāṃ paurṇamāsyāṃ hastena śravaṇena vā akṣatasaktūnāṃ sthālīpākasya vā juhuyāt agnaye svāhā viṣṇave svāhā śrāvaṇyai svāhā paurṇamāsyai svāhā varṣābhyaḥ svāhā iti

lājānakṣatasaktūṃśca sarpiṣā sannīyāgnau juhuyāt divyānāṃ sarpāṇāmadhipataye svāhā divyebhyaḥ sarpebhyaḥ svāhā iti

uttareṇāgniṃ mprāgagreṣu kuśeṣu śucau vā deśe divyānāṃ sarpāṇāmadhipatirunnīyatāṃ divyāḥ sarpā unnīyantāmityapo ninayati / divyānāṃ sarpāṇāmadhipatiḥ pralikhatām divyāḥ sarpāḥ pralikhantāmiti phaṇena veṣṭayati / divyānāṃ sarpāṇāmadhipatiranulimpatām divyāḥ sarpā anulimpantām iti pannagasya pātrāṇi ninayati / divyānāṃ sarpāṇāmadhipatissumanasyatāṃ divyāḥ sarpāssumanasyantāmiti sumanasa upaharati / divyānāṃ sarpāṇāmadhipatirācchādyatāṃ divyāḥ sarpā ācchādyantāmiti sūtratantumupaharati / divyānāṃ sarpāṇāmadhipatirāñjatām divyāḥ sarpā āñjantāmiti kuśataruṇenopaghātamañjanasya karoti / divyānāṃ sarpāṇāmadhipatirīkṣatāṃ divyāssarpā īkṣantāmityādarśenekṣayati / evamāntarikṣāṇāṃ pārthivānāṃ divyānāṃ tristriruccaistarāṃ nīcaistarāṃ ityodanadravyeṇopaghātamā pratyavarohādrātrau vāgyatassodakaṃ balimupaharet

upasargaḥ

atha tṛtīyaḥ khaṇḍaḥ
āśvayujyāṃ paurṇamāsyāmaindraṃ pāyasaḥ

aśvibhyāṃ svāhā aśvayugbhyāṃ svāhā āśvayujyai paurṇamāsyai svāhā śarade svāhā paśupataye svāhā piṅgalāya svāhā iti ṣaṭ pṛṣātakasya ā gāvo agman iti sūktena pratyṛcaṃ sthālīpākasya hutvā
mātṛbhirvatsān saṃsṛjati tāṃ rātrim / atha brāhmaṇabhojanam

atha caturthaḥ khaṇḍaḥ
āgrahāyaṇyāṃ pratyavarohet

rohiṇyāṃ proṣṭhapadāsu vā prātaḥ śamīpalāśamadhūkāpāmārgaśirīṣodumbarakuśataruṇabadarīṇāṃ ca

teṣāṃ muṣṭimādāya

sītāloṣṭaṃ ca

udapātre nidhāya tasminnimajjya nimajjya

upa naḥ śośucadaghamiti sūktena triḥ pradakṣiṇaṃ prokṣati śaraṇyebhyaḥ pāpmano'pahatyai

uttarato nidhāya

madhuparko dakṣiṇā

grīṣmo hemanta uta no vasantaśśaradūrṣāssuvitaṃ no'stu
teṣāṃ paśūnāmṛtūnāṃ śataśāradānāṃ nivāta eṣāmabhaye syāma svāhā
apa śvetapadā jahi pūrveṇa cāpareṇa ca
sapta ca vāruṇīrimāssarvāśca rājabāndhavaiḥ svāhā
śvetāya vaidarbhāya svāhā vidarbhāya svāhā takṣakāya vaiśāleyāya svāhā viśālāya svāhā ityājyena

suhemantaḥ suvasantaḥ sugrīṣmaḥ pratibhūṣantāṃ suvarṣāḥ santu no varṣāḥ śaradaḥ śaṃ bhavantu naḥ ityagnimupatiṣṭhate / syonā pṛthivī bhava iti pṛthivīmanumantrya śaṃ no bhavantu vājinaḥ iti śamīśākhayābhimṛjya samudrādūrmiḥ ityabhyukṣya prastaramāstīrya jyeṣṭhadakṣiṇāpārśvaiḥ saṃviśeran

prati brahman pratitiṣṭhāmi yajñe iti dakṣiṇaiḥ

prati paśuṣu pratitiṣṭhāmyanne iti savyaiḥ

pratyaśveṣu pratitiṣṭhāmi kṣatre iti dakṣiṇaiḥ

pratyapsu pratitiṣṭhāmyamṛte iti savyaiḥ

prati prajāyāṃ pratitiṣṭhāmi puṣṭau iti dakṣiṇaiḥ

prastare tāṃ rātriṃ śerate

udīrdhvaṃ jīvaḥ ityutthāpya namo mitrasya ityādityamupasthāya yathāsukhamata ūrdhvam

sutrāmāṇamiti śayyāmārohet

caitryāṃ paurṇamāsyāṃ karkandhuparṇāni mithunānāṃ ca yathopapādaṃ piṣṭasya kṛtvā aindrāgnastuṇḍilo raudragulikāḥ

lokato nakṣatrāṇyanvāvṛtaśca lokato nakṣatrāṇyanvāvṛtaśca

iti kauṣītakagṛhye caturtho'dhyāyaḥ
atha pañcamo'dhyāyaḥ
prathamaḥ khaṇḍaḥ
jīvataḥ karmāṇi visamāpte cedabhipreyāt

maraṇāntamekāheṣu

nāsti tasya samāpanam

pretamāhitāgniṃ jñātvājasrānagnīn kurvanti

vihāraṃ dakṣiṇato vihṛtya

kuśānāmevamagratā

teṣvenaṃ gārhapatyasya paścāddakṣiṇāśirasaṃ nipātyāntareṇa gārhapatyāhavanīyāvevaṃ gārhapatya ājyaṃ bilāpyotpūya sruci caturgṛhītaṃ gṛhītvānvārabdhe preta āhavanīye juhoti pareyivāṃsamityetayarcā

evaṃ gārhapatye

evamanvāhāryapacane

anvāhāryapacane caruṃ jīvataṇḍulaṃ śrapayanti

gārhapatye maitrāvaruṇīmāmikṣām

athainaṃ dakṣiṇataḥ pariśrite nipātya saṃhārya lomanakhāni pretasyāplāvyālaṅkṛtyāhatena vāsasā paridadhīta idaṃ tvā vastraṃ prathamaṃ na āgan iti

athetaradapaiti apaitadūhayadihābibhaḥ purā iti

tadasya putraḥ paridhāyājarasādvasīta iṣṭāpūrtamanusaṃpaśya dakṣiṇām̐
yathā te dattaṃ bahudhā vibandhuṣu iti

atha dvitīyaḥ khaṇḍaḥ
atholmukaṃ gārhapatya ādīpyāgrato haranti

athājam

atha rājagavīm

athāgnīn

atha yajñapātrāṇi

athainamānīyamānamanumantrayate pūṣā tvetaścyātayatu ityetayā

dvitīyayā dvitīyam

tṛtīyayā tṛtīyam

turīyamadhvano gatvātrainaṃ nipātyāsya nediṣṭhāḥ kaniṣṭhaprathamāḥ savyānkeśānudgathya savyānūrūnāghnānāḥ sigbhirabhidhūnvantaḥ trirapasalaṃ parītya tadviparyāsamevameva pradakṣiṇam

dakṣiṇatastrīn loṣṭānavarujya dakṣiṇato nidhāya teṣu tūṣṇīṃ carormekṣaṇena juhoti / evaṃ dvitīyam

evaṃ tṛtīyam

athātra carupātraṃ bhinatti yathodakaṃ na tiṣṭhet

ādahane tūṣṇīṃ nidhāya dakṣiṇasyāṃ diśi dakṣiṇāpravaṇe dakṣiṇāprākpravaṇena vā apeta vīta iti palāśaśākhayā triḥ parilikhya vāstau hiraṇyaśakalaṃ nidhāya dehi yamarāja vāstvasmā itthaṃnā
madheyāya iti gṛhītvā vāstu prāg dakṣiṇāṃ citiṃ citvā

atha tṛtīyaḥ khaṇḍaḥ
paścānnidhāya gārhapatyaṃ dakṣiṇato dakṣiṇāgniṃ purastādāhavanīyam

paścāddakṣiṇato vā gāmanustaraṇīm

jīvantyā vṛkkau pṛṣṭhata uddhṛtya saṃjñaptāyā vā dakṣiṇāgnau koṣṇau kṛtvā ati drava ityṛgbhyāṃ pāṇayorādhāya

āmikṣāṃ ca

agnervarma iti vapayā mukhaṃ pracchādyāntareṇa gārhapatyāhavanīyau hṛtvottānaṃ cite nipātya

uttarataḥ patnīmupasaṃveśya udīrṣva nāri ityutthāpya prāṇāyataneṣu hiraṇyaśakalaṃ nidhāya ghṛtena vābhighārya

pātrāṇi yunakti

dakṣiṇe pāṇau juhūm

upabhṛtaṃ savye

dhruvāmurasi

agnihotrahavaṇīṃ kaṇṭhe

sruvau nāsikayoḥ

prāśitraharaṇaṃ dakṣiṇe śrotre

praṇītāpraṇayanaṃ savye

śirasi kapālāni

datsu grāvṇaḥ

udare samavattadhānīm

pārśvayoḥ pātryau

sphyaṃ dakṣiṇe pārśve

savye kṛṣṇājinam

upasthe'raṇī

ūrvoraṣṭhīvatoścolūkhalamusale

patto'gnihotrapātrāṇi

tāni ghṛtena pṛṣadājyena vā pūrayitvābhighāryājaṃ badhnīyād darbhamayenābalena vā

ajaṃ dravantamanumantrayate ajo bhāgaḥ iti

ayaṃ vai tvamasmādayaṃ te yonistvamasya yoniḥ / pitā putrasya lokakujjātavedaḥ / vahasvainaṃ sukṛtām̐ yatra lokaḥ / ayaṃ vai tvāmajanayadayaṃ tvayi jāyatāmasau svāhā iti sruveṇa hutvodaṅṅutkrāmanti

upoṣantyagnibhiḥ

pragṛhyolmukena mainamagne vidahaḥ iti saṃpradīpte daśa japitvā savyāvṛtto'navekṣamāṇāḥ prāgudañcaḥ prakrāntānmṛtyoḥ padamityanumantrayate dvābhyām

ācāryasya ca mātāpitrorvapitvā tīrthaṃ gatvā tasya paścāt tiryak trīnunmṛjjya teṣvaśmano nidhāya palāśaśākhe granthiṃ kṛtvā tayoradho'tikrāmanti

devasya savituḥ pavitraṃ sahasradhāraṃ vitatamantarikṣe
yenāpunadindramanārtamārtyai tenāhaṃ sarvatanuṃ punāmi
ityanumantrya etān pṛthag jaghanyaḥ śākhe vyatyasyet

yā rāṣṭrātparṇādupayanti śākhā abhīvṛtā nṛpatimicchamānāḥ
dhātusthāḥ sarvāḥ pavanena śuddhāḥ pūtā bhavata yajñiyāsaḥ iti

atha caturthaḥ khaṇḍaḥ
āpo hiṣṭhā sa nā ca soma ityudakaṃ spṛśanti sūktābhyām

śirasi gomayaṃ kṛtvā śuṣkamanusrotasamanupanimajjanto'santāpamānāḥ

āpo asmān ityākṛṣyodakaṃ prasiñceyuḥ etatta udakamapo'sau ityapo bhūmau niṣiñcanti trirupaspṛśyopaspṛśya

sañcitvāpi

ekaikāmanyatrobhayataḥ kāla ā pradānāt

grāmaṃ gatvā dvāryudapātre dūrvāyavasarṣapānopyārdragomaye nidhāya aśmanvatīḥ ityabhyaktamaśmānamudapātraṃ ca saṃmṛśati

taccakṣuḥ ityādityamupasthāya rātrau cetanarcāgnimupasthāya

tantūn vā daśāsu badhvā

adhaḥśayyā haviṣyabhakṣatā pratyūhanaṃ ca karmaṇāmekarātraṃ trirātraṃ navarātraṃ vā

nāghāhāni vardhayeyuriti ha
smāha kauṣītakiḥ

atha pañcamaḥ khaṇḍaḥ
ā vā saṃcayanādvratāni

aparapakṣe sañcinoti

aśānte'gnāveke

gatvā dahanaṃ dakṣiṇato'ṅgārānnirūhyāhutīstisro juhoti avasṛja punaragne
ityetābhistisṛbhiḥ

udumbaraśākhābhiḥ kṣīrodakairabhyavokṣati yaṃ te
agniṃ manthāma vṛṣabhāyeca paktave
imaṃ taṃ śamayāmasi kṣīreṇa codakena ca
yaṃ tvamagne samadahastamu nirvāpayā punaḥ
kiyāṃmbvatra rohatu pākadūrvā vyalkaśā
śītike śītikāvati hvādike dvādikāvati
maṇḍūkyā su saṅgamemaṃ svagniṃ śamaya

śaṃ te sravantīstanvāpaḥ śamu te santu kūpyāḥ /
śaṃ te dhanvanyā āpaḥ śamu te santu nṛpyāḥ
śaṃ te samudriyā āpaḥ śamu te santu varṣyāḥ
śaṃ te nīhāro varṣatu śamu kṛṣvāvaśīyatām
ityadbhirabhyupokṣati

atha ṣaṣṭhaḥ khaṇḍaḥ
purāṇe kumbhe śarīrāṇyopya upasarpa mātaramiti tisṛbhiraraṇye nikhananti

utte stabhnāmi iti loṣṭenāpidhāya

pravasatastu pretasyāpi vānyavatsāyāḥ payasā tūṣṇīṃnyāyamagnihotram

adhastāddhāraṇaṃ samidhaḥ

ā śarīrāṇāṃ aṅgamādadarśane śarīrāṇāṃ catvāriṃśacchirasi grīvāyāṃ daśāṃsānvāṃsayoḥ bāhubhyāṃ śatamaṅgulībhirdaśorasi triṃśajjaṭhare viṃśatiḥ ṣaḻ vṛṣaṇayoḥ śiśne catvāryūrubhyāṃ śataṃ triṃśajjānujaṅghāṣṭhīvatoḥ pādato'ṅgulībhirdaśa / evaṃ trīṇi ṣaṣṭiśatāni palāśavṛntānāmāhṛtya puruṣākṛtiṃ kṛtvorṇāsūtraiḥ pariveṣṭya yavacūrṇaiḥ parilipya sarpiṣā sannīya dīpanaprabhṛti samānam

icchanpatnīṃ pūrvamāriṇīmagnibhiḥ saṃskṛtya sāntapanena vānyāmānīya tataḥ punarādadhīta

atha saptamaḥ khaṇḍaḥ
vratāpavarge śrāddhakarma yathāśrāddham

ayamodanaḥ kāmadughostvananto'kṣīyamāṇaḥ surabhiḥ sarvakāmī
sa tvopatiṣṭhatvajaro nityapūtaḥ svadhāṃ duhāno mahatīṃ tarpayatvasau
ityekapiṇḍasya

añjanābhyañjanaprabhṛti samānam

atha aṣṭamaḥ khaṇḍaḥ
tasyāpavarge paridhikarma

ānaḻuhaṃ lohitaṃ carma prāggrīvaṃ vodaggrīvaṃ vottaraloma paścādagnerupastīrya tasminnupaviśya

antareṇāgnimetāṃścāśmānaṃ nidadhāti

śamyāḥ paridhīn kṛtvā śamīmayamidhmaṃ pālāśaṃ vāruṇena sruveṇa kaṃsena vā
juhotītyupasthakṛtaḥ samanvārabdheṣu

imaṃ jīvebhyaḥ paraitu mṛtyuramṛtaṃ na āgan vaivasvato abhayaṃ naḥ kṛṇotu
parṇaṃ vanaspaterivābhinaśśīyatāṃ rayiḥ sacatāṃ naḥ śacīpātaḥ
yāścāruṇeḥ daśānvādhāna iti apa naḥ śāśucadaghamiti sapta agne naya yastvā
hṛdā tvaṃ no agne adharādudaktāt iti dvādaśa hutvā yathāhāni iti dakṣiṇamaṃsaṃ dvābhyāṃ samīkṣyāñjanaṃ sarpiṣā sannīya darbhapiñjūlaiḥ strīṇāmakṣīṇyanakti imā nārīḥ iti sakṛnmantreṇa dvistūṣṇīm

brāhmaṇasya bāhumanvārabdhāṃ vā gorvā pucchamuttiṣṭhato'numantrayate uttiṣṭha brahmaṇaspate iti

anaḍvānahataṃ vāsaḥ kaṃsaśca dakṣiṇā

dakṣiṇāto vā cittam

ni vartadhvamiti sūktena pratyenāḥ pradakṣiṇamagniṃ pradakṣiṇaṃ triḥ paryeti

pratyenasi paridhikarma

eṣa eva bānāhitāgneḥ kalpaḥ

rājagavīmāmikṣāmulmukamuddhṛtya sarvamanyatsamānaṃ sarvamanyatsamānam

iti kauṣītakagṛhyasya pañcamo'dhyāyaḥ
kauṣītakagṛhyaśca samāptaḥ