kauśikasūtram · Chapter 1

kauśika sūtram
kauśikasūtrasya caturdaśānāṃ adhyāyānāṃ pāṭhadvayāḥ upalabdhāni santi/ prathamapāṭhaḥ viśvāso vāsukijaḥ asti evaṃ dvitīyaḥ pāṭhaḥ ḍā. dhavalasya [http://www.sanskritworld.in/index/listview/category_id/grhyasutra#/page/2 vaibasāīṭopari] upalabdhamasti/ nimnalikhiteṣu vaibapṛṣṭheṣu dvayānāṃ pāṭhānāṃ punaruddharaṇamasti/
adhyāyaḥ ०१ (१-९)
adhyāyaḥ ०२ (१०-१७)
adhyāyaḥ ०३ (१८-२४)
adhyāyaḥ ०४ (२५-३६)
adhyāyaḥ ०५ (३७-४६)
adhyāyaḥ ०६ (४७-४९)
adhyāyaḥ ०७ (५०-५९)
adhyāyaḥ ०८ (६०-६८)
adhyāyaḥ ०९ (६९-७४)
adhyāyaḥ १० (७५-७९)
adhyāyaḥ ११ (८०-८९)
adhyāyaḥ १२ (९०-९२)
adhyāyaḥ १३ (९३-१३६)
adhyāyaḥ १४ (१३७-१४१)
kauśika sūtram
atha vidhiṃ vakṣyāmaḥ

sa punarāmnāyapratyayaḥ

āmnāyaḥ punarmantrāśca brāhmaṇāni ca

tadyathā brāhmaṇavidhirevaṃ karmaliṅgā mantrāḥ

tathānyārthāḥ

tathā brāhmaṇaliṅgā mantrāḥ

tadabhāve saṃpradāyaḥ

pramuktatvādbrāhmaṇānām

yajñaṃ vyākhyāsyāmo devānāṃ pitṝṇāṃ ca

prāṅmukha upāṃśu karoti

yajñopavītī devānām

prācīnāvītī pitṝṇām

prāgudagvā devānām

dakṣiṇā pitṝṇām

prāgudagapavargaṃ devānām

dakṣiṇapratyagapavargaṃ pitṝṇām

sakṛtkarma pitṝṇāṃ tryavarārdhaṃ devānām

yathādiṣṭaṃ vā

abhidakṣiṇamācāro devānāṃ prasavyaṃ pitṝṇām

svāhākāravaṣaṭkārapradānā devāḥ

svadhākāranamaskārapradānāḥ pitaraḥ

upamūlalūnaṃ barhi pitṝṇām

parvasu devānām

pra yaccha parśumiti darbhāhārāya dātraṃ prayacchati

oṣadhīrdāntu parvannityupari parvaṇāṃ lūtvā tūṣṇīmāhṛtyottarato'gnerupasādayāti

nāgniṃ viparyāvarteta

nāntarā yajñāṅgāni vyaveyāt

dakṣiṇaṃ jānu prabhujya juhoti

yā pūrvā paurṇamāsī sānumatiryottarā sā rākā

yā pūrvāmāvāsyā sā sinīvālī yottarā sā kuhūḥ

adyopavasatha ityupavatsyadbhaktamaśnāti

madhulavaṇamāṃsamāṣavarjam

mamāgne varca iti samidha ādhāya vratamupaiti

vratena tvaṃ vratapata iti vā

brahmacārī vratyadhaḥ śayīta

prātarhute'gnau karmaṇe vāṃ veṣāya vāṃ sukṛtāya vāmiti pāṇī prakṣālyāpareṇāgnerdarbhānāstīrya teṣūttaramānaḍuhaṃ rohitaṃ carma prāggrīvamuttaraloma prastīrya pavitre kurute

darbhāvapracchinnaprāntau prakṣālyānulomamanumārṣṭi viṣṇormanasā pūte stha iti ३७

tvaṃ bhūmimatyeṣyojasā tvaṃ vedyāṃ sīdasi cāruradhvare / tvāṃ pavitramṛṣayo bharantastvaṃ punīhi duritānyasmaditi pavitre antardhāya havirnirvapati devasya tvā savituḥ prasave'śvinorbāhubhyāṃ pūṣṇo hastābhyāmagnaye juṣṭaṃ nirvapāmīti

evamagnīṣomābhyāmiti

indrāgnibhyāmityamāvāsyāyām

nityaṃ pūrvamāgneyam

niruptaṃ pavitrābhyāṃ prokṣatyamuṣmai tvā juṣṭamiti yathādevatam

ulūkhalamusalaṃ śūrpaṃ prakṣālitaṃ carmaṇyādhāya vrīhīnulūkhala opyāvaghnaṃstrirhaviṣkṛtā vācaṃ visṛjati haviṣkṛdā dravehīti

apahatya suphalīkṛtānkṛtvā triḥ prakṣālya taṇḍulānagne caruryajñiyastvādhyarukṣaditi carumadhidadhāti

śuddhāḥ pūtā ityudakamāsiñcati

brahmaṇā śuddhā iti taṇḍulān

pari tvāgne puraṃ vayamiti triḥ paryagni karoti

nekṣaṇena triḥ pradakṣiṇamudāyauti

ata ūrdhvaṃ yathākāmam

uttarato'gnerupasādayatīdhmam

uttaraṃ barhiḥ

agnaye tvā juṣṭaṃ prokṣāmītīdhmam

pṛthivyā iti barhiḥ

darbhamuṣṭimabhyukṣya paścādagneḥ prāgagraṃ nidadhātyūrṇamradaṃ prathasva svāsasthaṃ devebhya iti

darbhāṇāmapādāya ṛṣīṇāṃ prastaro'sīti dakṣiṇato'gnerbrahmāsanaṃ nidadhāti

purastādagnerāstīrya teṣāṃ mralānyapareṣāṃ prāntairavacchādayanparisarpati dakṣiṇenāgnimā paścārdhāt

pari stṛṇīhīti saṃpreṣyati

devasya tvā savituḥ prasave'śvinorbāhubhyāṃ pūṣṇo hastābhyāṃ prasūtaḥ praśiṣā paristṛṇāmīti

evamuttarato'yujo dhātūnkurvan

yatra samāgacchanti taddakṣiṇottaraṃ karoti

stīrṇaṃ prokṣati haviṣāṃ tvā juṣṭaṃ prokṣāmīti

nānabhyukṣitaṃ saṃstīrṇamupayogaṃ labheta

naidho'bhyādhānam

nānutpūtaṃ haviḥ

nāprokṣitaṃ yajñāṅgam

tasminprakṣālitopavātāni nidadhāti

sruvamājyadhānīṃ ca

vilīnapūtamājyaṃ gṛhītvādhiśṛtya paryagni kṛtvodagudvāsya paścādagnerupasādyodagagrābhyāṃ pavitrābhyāmutpunāti

viṣṇormanasā pūtamasi

devastvā savitotpunātu

acchidreṇa tvā pavitreṇa śatadhāreṇa sahasradhāreṇa supvotpunāmīti tṛtīyam

tūṣṇīṃ caturtham

śṛtaṃ havirabhighārayati madhvā samañjanghṛtavatkarātheti

abhighāryodañcamudvāsayatyudvāsayāgneḥ śṛtamakarma havyamā sīda pṛṣṭhamamṛtasya dhāmeti

paścādājyasya nidhāyālaṃkṛtya mamānenotpunāti

adārasṛdityavekṣate

uttiṣṭhatetyaindram

agnirbhūmyāmiti tisṛbhirupasamādadhātyasmai kṣatrāṇyetamidhmamiti vā ४१

yunajmi tvā brahmaṇā daivyena havyāyāsmai voḍhave jātavedaḥ
indhānāstvā suprajasaḥ suvīrā jyogjīvema balihṛto vayaṃ ta iti

dakṣiṇato jāṅmāyanamudapātramupasādyābhimantrayate tathodapātraṃ dhāraya yathāgre bra
hmaṇaspatiḥ satyadharmāṃ adīdharaddevasya savituḥ sava iti

athodakamāsiñcati iheta devīramṛtaṃ vasānā hiraṇyavarṇā anavadyarūpāḥ
āpaḥ samudro varuṇaśca rājā saṃpātabhāgānhaviṣo juṣantām
indrapraśiṣṭā varuṇaprasūtā apaḥ samudrāddivamudvahantu
indrapraśiṣṭā varuṇaprasūtā divaspṛthivyāḥ śriyamā vahantviti

ṛtaṃ tvā satyena pariṣiñcāmi jātaveda iti saha havirbhiḥ paryukṣya jīvābhirācamyopotthāya vedaprapadbhiḥ prapadyata ॐ prapadye bhūḥ prapadye bhuvaḥ prapadye svaḥ prapadye janatprapadya iti

prapadya paścātstīrṇasya darbhānāstīryāhe daidhiṣavyodatastiṣṭhānyasya sadane sīda yo'smatpākatara iti brahmāsanamanvīkṣate

nirastaḥ parāgvasuḥ saha pāpmanā nirastaḥ so'stu yo'smāndveṣṭi yaṃ ca vayaṃ dviṣma iti dakṣiṇā tṛṇaṃ nirasyati

tadanvālabhya japatīdamahamarvāgvasoḥ sadane sīdāmyṛtasya sadane sīdāmi satyasya sadane sīdāmīṣṭasya sadane sīdāmi pūrtasya sadane sīdāmi māmṛṣadeva barhiḥ svāsasthaṃ tvādhyāsadeyamūrṇamradamanabhiśokam

vimṛgvarīmityupaviśyāsanīyaṃ brahmajapaṃ japati bṛhaspatirbrahmā brahmasadana āsiṣyate bṛhaspate yajñaṃ gopāya yadududvata unnivataḥ śakeyamiti

darbhaiḥ sruvaṃ nirmṛjya niṣṭaptaṃ rakṣo niṣṭaptā arātayaḥ pratyuṣṭaṃ rakṣaḥ pratyuṣṭā arātaya iti pratapya

mūle sruvaṃ gṛhītvā japati viṣṇorhasto'si dakṣiṇaḥ pūṣṇā datto bṛhaspateḥ
taṃ tvāhaṃ sruvamādade devānāṃ havyavāhanam
ayaṃ sruvo vi dadhāti homāñchatākṣaracchandasā jāgatena
sarvā yajñasya samanakti viṣṭhā bārhaspatyeṣṭiḥ śarmaṇā daivyeneti

ॐ bhūḥ śaṃ bhūtyai tvā gṛhṇe bhūtaya iti prathamaṃ grahaṃ gṛhṇāti

ॐ bhuvaḥ śaṃ puṣṭyai tvā gṛhṇe puṣṭaya iti dvitīyam

ॐ svaḥ śaṃ tvā gṛhṇe sahasrapoṣāyeti tṛtīyam

ॐ janacchaṃ tvā gṛhṇe'parimitapoṣāyeti caturtham

rājakarmābhicārikeṣvamuṣya tvā prāṇāya gṛhṇe'pānāya vyānāya samānāyodānāyeti pañcamam

agnāvagnirhṛdā pūtaṃ purastādyukto yajñasya cakṣuriti juhoti

paścādagnermadhyadeśe samānatra purastāddhomān

dakṣiṇenāgnimudapātra ājyāhutīnāṃ saṃpātānānayati

purastāddhoma ājyabhāgaḥ saṃsthitahomaḥ
saṃmṛddhiḥ śāntānāmiti

etāvājyabhāgau २०

vṛṣṇe bṛhate svarvide agnaye śulkaṃ harāmi tviṣīmate / sa na sthirānbalavataḥ kṛṇotu jyokca no jīvātave dadhātvagnaye svāhetyuttarapūrvārdha āgneyamājyabhāgaṃ juhoti

dakṣiṇapūrvārdha somāya tvaṃ soma divyo nṛcakṣāḥ sugām̐ asmabhyaṃ patho anu khyaḥ abhi no gotraṃ viduṣa iva neṣo'chā no vācamuśatīṃ jigāsi somāya svāheti

madhye haviḥ

upastīryājyaṃ saṃhatābhyāmaṅgulibhyāṃ dvirhaviṣo'vadyati madhyātpūrvārdhācca

avattamabhighārya dvirhaviḥ pratyabhighārayati

yatoyato'vadyati tadanupūrvam

evaṃ sarvāṇyavadānāni

anyatra sauviṣṭakṛtāt

udenamuttaraṃ nayeti purastāddhomasahatāṃ pūrvām

evaṃ pūrvāṃpūrvāṃ saṃhatāṃ juhoti

svāhāntābhiḥ pratyṛcaṃ homāḥ

yāmuttarāmagnerājyabhāgasya juhoti rakṣodevatyā sā yāṃ dakṣiṇataḥ somasya pitṛdevatyā sā

tasmādantarā hotavyā devaloka eva hūyante

yāṃ hutvā pūrvāmaparāṃ juhoti sāpakrāmantī sa pāpīyānyajamāno bhavati

yāṃ parāṃparāṃ saṃhatāṃ juhoti sābhikrāmantī sa vasīyānyajamāno bhavati

yāmanagnau juhoti sāndhā tayā cakṣuryajamānasya mīyate so'ndhaṃbhāvuko yajamāno bhavati

yāṃ dhūme juhoti sā tamasi hūyate so'rocako yajamāno bhavati

yāṃ jyotiṣmati juhoti tayā brahmavarcasī bhavati tasmājjyotiṣmati hotavyam

evamasmai kṣatramagnīṣomāvityagnīṣo
mīyasya १९

agnīṣomā savedasā sahūtī vanataṃ giraḥ
saṃ devatrā babhūvathuḥ
yuvametāni divi rocanānyagniśca soma sakratū adhattam
yuvaṃ sindhūm̐ rabhiśasteravadyādagnīṣomāvamuñcataṃ gṛbhītān
agnīṣomā ya āhutiṃ yo vāṃ dāśāddhaviṣkṛtim / sa prajayā suvīryaṃ viśvamāyurvyaśnavat

indrāgnī rocanā divaḥ pari vājeṣu bhūṣathaḥ
tadvāṃ ceti pra vīryam
śnathadvṛtramuta sanoti vājamindrā yo agnī sahurī saparyāt
irajyantā vasavyasya bhūreḥ sahastamā sahasā vājayantā
indrāgnī asmānrakṣatāṃ yau prajānāṃ prajāvatī
sa prajayā suvīryaṃ viśvamāyurvyaśnavat
gomaddhiraṇyavadvasu yadvāmaśvāvadīmahe
indrāgnī tadvanemahi svāheti

aindrāgnasya haviṣo'māvāsyāyām

prāksviṣṭakṛtaḥ pārvaṇau homau samṛddhihomāḥ kāmyahomāśca

pūrṇā paścāditi paurṇamāsyām

yatte devā akṛṇvanbhāgadheyamityamāvāsyāyām

ākūtyai tvā svāhā / kāmāya tvā svāhā / samṛdhe tvā svāhā / ākūtyai tvā kāmāya tvā samṛdhe tvā svāhā / ṛcā stomaṃ samardhaya gāyatreṇa rathaṃtaram / bṛhadgāyatravartani svāhā

pṛthivyāmagnaye samanamanniti saṃnatibhiśca

prajāpate na tvadetānyanya iti ca

upastīryājyaṃ sarveṣāmuttarataḥ sakṛtsakṛdavadāya dviravattamabhighārayati

na havīṃṣi

ā devānāmapi panthāmaganma yacchaknavāma tadanupravoḍhum / agnirvidvānsa yajātsa iddhotā so'dhvarānsa ṛtūnkalpayātyagnaye sviṣṭakṛte svāhetyuttarapūrvārdhe'vayutaṃ hutvā sarvaprāyaścittīyānhomāñjuhoti

svāheṣṭebhyaḥ svāhā / vaṣaḍaniṣṭabhyaḥ svāhā / bheṣajaṃ sviṣṭyai
svāhā / niṣkṛtirduriṣṭyai svāhā / daivībhyastanūbhyaḥ svāhā / ayāścāgne'syanabhiśastiśca satyamittvamayā asi / ayāsā manasā kṛto'yāsyaṃ havyamūhiṣe / ayā no dhehi bheṣajaṃ svāhetyaॐ svāhā bhūḥ svāhā bhuvaḥ svāhā svaḥ
svāhaॐ bhūrbhuvaḥ svaḥ svāheti

yanme skannaṃ manaso jātavedo yadvāskandaddhaviṣo yatrayatra
utpruṣo vipruṣaḥ saṃ juhomi satyāḥ santu yajamānasya kāmāḥ svāheti

yanme skannaṃ yadasmṛtīti ca skannāsmṛtihomau

yadadya tvā prayatīti saṃsthitahomāḥ

manasaspata ityuttamaṃ caturgṛhītena

barhirājyaśeṣe'nakti pṛthivyai tveti mūlamantarikṣāya tveti madhyaṃ dive tvetyagram

evaṃ triḥ

saṃ barhiraktamityanupraharati yathādevatam

sruvamagnau dhārayati

yadājyadhānyāṃ tatsaṃsrāvayati saṃsrāvabhāgāstaviṣā bṛhantaḥ prastareṣṭhā barhiṣadaśca devāḥ / imaṃ yajñamabhi viśve gṛṇantaḥ svāhā devā amṛtā mādayantāmiti

sruvo'si ghṛtādaniśitaḥ / sapatnakṣayaṇo divi ṣīda / antarikṣe sīda pṛthivyāṃ sīdottaro'haṃ bhūyāsamadhare matsapatnā iti sruvaṃ prāgdaṇḍaṃ nidadhāti

vi muñcāmi brahmaṇā jātavedasamagniṃ hotāramajaraṃ rathaspṛtam / sarvā devānāṃ janimāni vidvānyathābhāgaṃ vahatu havyamagniragnaye svāheti samidhamādadhāti

edho'sīti dvitīyāṃ samidasīti tṛtīyām

tejo'sīti mukhaṃ vimārṣṭi

dakṣiṇenāgniṃ trīnviṣṇukramānkramate viṣṇoḥ kramo'sīti dakṣiṇena pādenānusaṃharati savyam

sūryasyāvṛtamityabhidakṣiṇamāvartate

aganma svarityādityamīkṣate

indrasya vacasā vayaṃ mitrasya varuṇasya ca / brahmaṇā sthāpitaṃ pātraṃ punarutthāpayāmasītyapareṇāgnimudapātraṃ parihṛtyottareṇāgnimāpo hi ṣṭhā mayobhuva iti mārjayitvā barhiṣi patnyāñjalau ninayati samudraṃ vaḥ pra hiṇomītīdaṃ janāsa iti vā

vīrapatnyahaṃ bhūyāsamiti mukhaṃ vimārṣṭi

vratāni vratapataya iti samidhamādadhāti

satyaṃ tvarteneti pariṣicyodañci havirucchiṣṭānyudvāsayati

pūrṇapātraṃ dakṣiṇā

nādakṣiṇaṃ haviḥ kurvīta yaḥ kurute kṛtyāmātmanaḥ kuruta iti brāhmaṇam

anvāhāryaṃ brāhmaṇānbhojayati

yadvai yajñasyānanvitaṃ bhavati tadanvāhāryeṇānvāhriyate

etadanvāhāryasyānvāhāryatvam

īḍyā vā anye devāḥ saparyeṇyā anye devāḥ / īḍyā devā brāhmaṇāḥ saparyeṇyāḥ

yajñenaiveḍyānproṇātyanvāhāryeṇa saparyeṇyān

te'syobhe prītā yajñe bhavantīti

imau darśapūrṇamāsau vyākhyātau

darśapūrṇamāsābhyāṃ pākayajñāḥ

athāpyaparo havanayogo bhavati

kumbhīpākādeva vyuddhāraṃ juhuyāt

adhiśrayaṇaparyagnikaraṇābhighāraṇodvāsanālaṃkaraṇotpavanaiḥ saṃskṛtya

athāpi ślokau bhavataḥ / ājyabhāgāntaṃ prāktantramūrdhvaṃ sviṣṭakṛtā saha / havīṃṣi yajña āvāpo yathā tantrasya tantavaḥ / pākayajñānsamāsādyaikājyānekabarhiṣaḥ / ekasviṣṭakṛtaḥ kuryānnānāpi sati daivateti

etenaivāmāvāsyo vyākhyātaḥ

aindrāgno'tra dvitīyo bhavati

tayorvyatikrame tvamagne vratapā
asi kāmastadagne iti śāntāḥ

aśnātyanādeśe sthālīpākaḥ

puṣṭikarmasu sārūpavatse

ājyaṃ juhoti

samidhamādadhāti

āvapati vrīhiyavatilān

bhakṣayati kṣīraudanapuroḍāśarasān

manthaudanau prayacchati

pūrvaṃ triṣaptīyam

udakacodanāyāmudapātraṃ pratīyāt

purastāduttarataḥ saṃbhāramāharati

goranabhiprāpādvanaspatīnām

sūryodayanataḥ

purastāduttarato'raṇye karmaṇāṃ prayogaḥ

uttarata udakānte prayujya karmāṇyapāṃ sūktairāplutya pradakṣiṇamāvṛtyāpa upaspṛśyānavekṣamāṇā grāmamudāvrajanti

āśyabandhyāplavanayānabhakṣyāṇi saṃpātavanti

sarvāṇyabhimantryāṇi

strīvyādhitāvāplutāvasiktau śirastaḥ prakramyā prapadātpramārṣṭi

pūrvaṃ prapādya prayacchati

trayodaśyā dayastisro dadhimadhuni vāsayitvā badhnāti

āśayati

anvārabdhāyābhimantraṇahomāḥ

paścādagneścarmaṇi haviṣāṃ saṃskāraḥ

ānuḍuhaḥ śakṛtpiṇḍaḥ

jīvaghātyaṃ carma

akarṇo'śmā

āplavanāvasecanānāmācāmayati ca

saṃpātavatāmaśnāti nyaṅkte vā

abhyādheyānāṃ dhūmaṃ
niyacchati

śucinā karmaprayogaḥ

purastāddhomavatsu niśākarmasu pūrvāhṇe yajñopavītī śālāniveśanaṃ samūhayatyupavatsyadbhaktamaśitvā snāto'hatavasanaḥ prayuṅkte

svastyayaneṣu ca

ijyānāṃ diśyānbalīnharati

pratidiśamupatiṣṭhate

sarvatrādhikaraṇaṃ karturdakṣiṇā

trirudakakriyā

anantarāṇi samānāni yuktāni

śāntaṃ saṃbhāram

adhikṛtasya sarvam

viśaye yathāntaram

pra yaccha parśumiti darbhalavanaṃ prayacchati

arātīyoriti takṣati

yattvā śikva iti prakṣālayati

yadyatkṛṣṇa iti mantroktam

palāśodumbarajambukāmpīlasragvaṅghaśirīṣasraktyavaraṇabilvajaṅgiḍakuṭakagarhyagalāvalavetasaśimbalasipunasyandanāraṇikāśmayoktatunyupūtudāravaḥ śāntāḥ

citiprāyaścittiśamīśamakāsavaṃśāśāmyavākātalāśāpalāśavāśāśiṃśapāśimbalasipunadarbhāpāmārgākṛtiloṣṭavalmīkavapādūrvāprāntavrīhiyavāḥ śāntāḥ

pramandośīraśalalyupadhānaśakadhūmā jarantaḥ

sīsanadīsīse ayorajāṃsi kṛkalāsaśiraḥ sīsāni

dadhi ghṛtaṃ madhūdakamiti rasāḥ

vrīhiyavagodhūmopavākatilapriyaṅguśyāmākā iti miśradhānyāni

grahaṇamā grahaṇāt

yathārthamudarkānyojayet

ihaiva dhruvāmeha yātu yamo mṛtyuḥ satyaṃ bṛhadityanuvāko vāstoṣpatīyāni

divyo gandharva imaṃ me agne yau te māteti mātṛnāmāni

stuvānamidaṃ havirnissālāmarāyakṣayaṇaṃ śaṃ no devī pṛśniparṇyā paśyati
tānsatyaujāstvayā pūrvaṃ purastādyukto rakṣohaṇamityanuvākaścātanāni

ambayo yanti śambhumayobhū hiraṇyavarṇā nissālāṃ ye agnayo brahma yajñānamityekā tadeva mṛgārasūktāni

uttamaṃ varjayitvāpa naḥ śośucadaghaṃ punantu mā sasruṣīrhimavataḥ pra sravanti vāyoḥ pūtaḥ pavitreṇa śaṃ ca no mayaśca no'naḍudbhyastvaṃ prathamaṃ mahyamāpo vaiśvānaro raśmibhiryamo mṛtyurviśvajitsaṃjñānaṃ no yadyantarikṣe punarmaitvindriyaṃ śivā naḥ śaṃ no vāto vātvagniṃ brūmo vanaspatīniti

pṛthivyai śrotrāyeti triḥ pratyāsiñcati

ambayo yanti śambhumayobhū hiraṇyavarṇāḥ śaṃtātīyaṃ śivā naḥ śaṃ no vāto vātvagniṃ brūmo vanaspatīniti

pṛthivyai śrotrāyeti triḥ pratyāsiñcati

iti śāntiyuktāni

ubhayataḥ sāvitryubhayataḥ śaṃ no devī

ahatavāsāḥ kaṃse śāntyudakaṃ karoti

atisṛṣṭo apāṃ vṛṣabha ityapo'tisṛjya sarvā imā āpa oṣadhaya iti pṛṣṭva sarvā ityākhyāta ॐ bṛhaspatiprasūtaḥ karavāṇītyanujñāpyaॐ savitṛprasūtaḥ bhavānityanujñātaḥ kurvīta

pūrvayā kurvīteti gārgyapārthaśravasabhāgalikāṅkāyanoparibabhravakauśikajāṭikāyanakaurupathayaḥ

anyatarayā kurvīteti yuvā kauśiko yuva kauśikaḥ ११

ityatharvavede kauśikasūtre prathamo'dhyāyaḥ samāptaḥ

pūrvasya medhājananāni

śukasārikṛśānāṃ jihvā badhnāti

āśayati

audumbarapalāśakarkandhūnāmādadhāti

āvapati

bhakṣayati

upādhyāyāya bhaikṣaṃ prayacchati

suptasya karṇamanumantrayate

upasīdañjapati

dhānāḥ sarpirmiśrāḥ sarvahutāḥ

tilamiśrā hutvā prāśnāti

purastādagneḥ kalmāṣaṃ daṇḍaṃ nihatya paścādagneḥ kṛṣṇājine dhānā anumantrayate

sūktasya pāraṃ gatvā prayacchati

sakṛjjuhoti

daṇḍadhānājinaṃ dadāti

ahaṃ rudrebhiriti śuklapuṣpaharitapuṣpe kiṃstyanābhipippalyau jātarūpaśakalena prākstanagrahātprāśayati

prathamapravadasya māturupasthe tāluni saṃpātānānayati

dadhimadhvāśayati

upanītaṃ vācayati vārṣaśatikaṃ karma

tvaṃ no medhe dyauśca ma iti bhakṣayati

ādityamupatiṣṭhate

yadagne tapasetyāgrahāṇyāṃ bhakṣayati

agnimupatiṣṭhate

prātaragniṃ girāvaragarāṭeṣu divaspṛthivyā iti saṃhāya mukhaṃ vimārṣṭi

pūrvasya brahmacārisāṃpadāni

audumbaryādayaḥ

brahmacāryāvasathādupastaraṇānyādadhāti

pipīlikodvāpe medomadhuśyāmākeṣīkatūlānyājyaṃ juhoti

ājyaśeṣe pipīlikodvāpānopya grāmametya sarvahutān

brahmacāribhyo'nnaṃ dhānāstilamiśrāḥ prayacchati

etāni grāmasāṃpadāni

vikāra sthūṇāmūlāvatakṣaṇāni sabhānāmupastaraṇāni

grāmīṇebhyo'nnam

surāṃ surāpebhyaḥ

audumbaryādīni bhakṣaṇāntāni sarvasāṃpadāni

trirjyotiḥ kurute

upatiṣṭhate

savyātpāṇihṛdayāllohitaṃ rasamiśramaśnāti

pṛśnimanthaḥ

jihvāyā utsādyamakṣyoḥ paristaraṇamastṛhaṇaṃ hṛdayaṃ dūrśa upanahya tisro rātrīḥ palpūlane vāsayati

cūrṇāni karoti

maiśradhānye mantha opya dadhi madhumiśramaśnāti

asminvasu yadābadhnannava prāṇāniti yugmakṛṣṇalaṃ vāsitaṃ badhnāti

sārūpavatsaṃ puruṣagātraṃ dvādaśarātraṃ saṃpātavantaṃ kṛtvānabhimukhamaśnāti २०

kathaṃ maha iti mādānakaśṛtaṃ kṣīraudanamaśnāti

camase sarūpavatsāyā dugdhe vrīhiyavāvavadhāya mūrchayitvā madhvāsicyāśayati

pṛthivyai śrotrāyeti juhoti

vatso virāja iti manthāntāni

sahṛdayaṃ tadū ṣu saṃ jānīdhvameha yātu saṃ vaḥ pṛcyantāṃ saṃ vo manāṃsi saṃjñānaṃ na iti sāṃmanasyāni

udakulijaṃ saṃpātavantaṃ grāmaṃ parihṛtya madhye ninayati

evaṃ surākulijam

trihāyaṇyā vatsataryāḥ śuktāni piśitānyāśayati

bhaktaṃ surāṃ prapāṃ saṃpātavatkaroti

pūrvasya mamāgne varca iti varcasyāni

audumbaryādīni trīṇi

kumāryā dakṣiṇamūrumabhimantrayate

vapāṃ juhoti

agnimupatiṣṭhate

prātaragniṃ girāvaragarāṭeṣu divaspṛthivyā iti dadhimadhvāśayati

kīlālamiśraṃ kṣatriyaṃ kīlālamitarān

hastivarcasamiti hastinam

hāstidantaṃ badhnāti

lomāni jatunā saṃdihya jātarūpeṇāpidhāpya

siṃhe vyāghre yaśo haviriti snātakasiṃhavyāghrabastakṛṣṇavṛṣabharājñāṃ nābhilomāni

daśānāṃ śāntavṛkṣāṇāṃ śakalāni

etayoḥ prātaragniṃ girāvaragarāṭeṣu divaspṛthivyā iti sapta marmāṇi sthālīpāke pṛktānyaśnāti

akuśalaṃ yo brāhmaṇo lohitamaśnīyāditi gārgyaḥ

ukto lomamaṇiḥ

sarvairāplāvayati

avasiñcati

caturaṅgulaṃ tṛṇaṃ rajoharaṇaṃ bindunābhiścotyopamathya

śuni kilāsamaje palitaṃ tṛṇe jvaro yo'smāndveṣṭi yaṃ ca vayaṃ dviṣmastasminrājayakṣma iti dakṣiṇā tṛṇaṃ nirasyati gandhapravādābhiralaṃkurute १२

pūrvasya hastitrasanāni

rathacakreṇa saṃpātavatā pratipravartayati

yānenābhiyāti

vāditraiḥ

dṛtivastyoropya śarkarāḥ

tottreṇa nagnapracchannaḥ

vidmā śarasya mā no vidannadārasṛtsvastidā ava manyurnirhastaḥ pari vartmānyabhibhūrindro jayātyabhi tvendreti sāṃyāmikāṇi

ājyasaktūñjuhoti

dhanuridhme dhanuḥsamidhamādadhāti

evamiṣvidhme

dhanuḥ saṃpātavadvimṛjya prayacchati

prathamasyeṣuparyayaṇāni

drughnyārtnījyāpāśatṛṇamūlāni badhnāti

āre'sāvityapanodanāni

phalīkaraṇatuṣabusāvatakṣaṇānyāvapati

anvāha

agnirnaḥ śatrūnagnirno dūta iti mohanāni

odanenopayamya phalīkaraṇānulūkhalena juhoti

evamaṇūn

ekaviṃśatyā śarkarābhiḥ pratiniṣpunāti

apvāṃ yajate

saṃśitamiti śitipadīṃ saṃpātavatīmavasṛjati

udvṛdhatsu yojayet

imamindreti yuktayoḥ pradānāntāni

digyuktābhyāṃ namo devavadhebhya ityupatiṣṭhate

tvayā manyo yaste manyo iti saṃrambhaṇāni

sene samīkṣamāṇo japati

bhāṅgamauñjānpāśāniṅgiḍālaṃkṛtānsaṃpātavato'nūktānsenākrameṣu vapati

evamāmapātrāṇi

iṅgiḍena saṃprokṣya tṛṇānyāṅgirasenāgninā dīpayati

yāṃ dhūmo'vatanoti tāṃ jayanti ३१

ṛdhaṅmantrastadidāsetyāśvatthyāṃ pātryāṃ trivṛti gomayaparicaye hastipṛṣṭhe puruṣaśirasi vāmitrāñjuhvadabhiprakramya nivapati

varāhavihitādrājāno vediṃ kurvanti

tasyāṃ pradānāntāni

ekeṣvāhatasyādahana upasamādhāya dīrghadaṇḍena sruveṇa rathacakrasya khena samayā juhoti

yojanīyāṃ śrutvā yojayet

yadi cinnu tvā namo devavadhebhya ityanvāha

vaiśyāya pradānāntāni

tvayā vayamityāyudhigrāmaṇye

ni taddadhiṣa iti rājñodapātraṃ dvaudvāvavekṣayet

yanna paśyenna yudhyeta

ni taddadhiṣe vanaspate'yā viṣṭhāgna indro diśaścatasra iti navaṃ rathaṃ rājānaṃ sasārathimāsthāpayati

brahma jajñānamiti jīvitavijñānam

tisraḥ snāvarajjūraṅgāreṣvavadhāya

utkucatīṣu kalyāṇam

sāṃgrāmikametā vyādiśati madhye mṛtyuritare sene

parājeṣyamāṇānmṛtyurativartate jeṣyanto mṛtyum

agreṣūtkucatsu mukhyā hanyante madhyeṣu madhyā anteṣvavare

evamiṣīkāḥ

uccairghoṣa upa śvāsayeti sarvavāditrāṇi prakṣālya tagarośīreṇa saṃdhāvya saṃpātavanti trirāhatya prayacchati

vihṛdayamityuccaistarāṃ hutvā sruvamudvartayan

somāṃśuṃ hariṇacarmaṇyutsīvya kṣatriyāya badhnāti

pari vartmānīndro jayātīti rājā triḥ senāṃ pariyāti

uktaḥ pūvasya somāṃśuḥ

saṃdānaṃ va ādāneneti pāśairādānasaṃdānāni

marmāṇi ta iti kṣatriyaṃ saṃnāhayati

abhayānāmapyayaḥ

indro manthatviti

pūtirajjuriti pūtirajjumavadhāya

aśvatthabadhakayoragniṃ manthati

dhūmamiti dhūmamanumantrayate

agnimityagnim

tasminnaraṇye sapatnakṣayaṇīrādadhātyaśvatthabadhakatājadbhaṅgāhvakhadiraśarāṇām

uktāḥ pāśāḥ

āśvatthāni kūṭāni bhāṅgāni jālāni

bādhakadaṇḍāni

svāhaibhya iti mitrebhyo juhoti

durāhāmībhya iti savyeneṅgiḍamamitrebhyo bādhake

uttarato'gnerlohitāśvatthasya śākhāṃ nihatya nīlalohitābhyāṃ sūtrābhyāṃ paritatya nīlalohitenāmūniti dakṣiṇā prahāpayati

ye bāhava uttiṣṭhateti yathāliṅgaṃ saṃpreṣyati

homāthe pṛṣadājyam

pradānāntāni vāpyāni

vāpyaistriṣandhīni vajrarūpāṇyarbudirūpāṇi

śitipadīṃ saṃpātavatīṃ darbharajjvā kṣatriyāyopāsaṅgadaṇḍe badhnāti

dvitīyāmasyati

asminvasviti rāṣṭrāvagamanam

ānuśūkānāṃ vrīhīṇāmāvraskajaiḥ kāmpīlaiḥ śṛtaṃ sārūpavatsamāśayati

abhīvarteneti rathanemimaṇimayaḥsīsaloharajatatāmraveṣṭitaṃ hemanābhiṃ vāsitaṃ baddhvā sūtrotaṃ barhiṣi kṛtvā saṃpātavantaṃ pratyṛcaṃ bhṛṣṭīrabhīvartottamābhyāmācṛtati

acikradadā tvā ganniti yasmādrāṣṭrādavaruddhastasyāśāyāṃ śayanavidhaṃ puroḍāśaṃ darbheṣūdake ninayati

tato loṣṭena jyotirāyatanaṃ saṃstīrya kṣīraudanamaśnāti

yato loṣṭastataḥ saṃbhārāḥ

tisṛṇāṃ prātaraśite puroḍāśe hvayante ३३

bhūto bhūteṣviti rājānamabhiṣekṣyanmahānade śāntyudakaṃ karotyādiṣṭānām

sthālīpākaṃ śrapayitvā dakṣiṇataḥ parigṛhyāyā darbheṣu tiṣṭhantamabhiṣiñcati

talpārṣabhaṃ carmārohayati

udapātraṃ samāsiñcete

viparidadhāne

sahaiva nau sukṛtaṃ saha duṣkṛtamiti brahmā brūyāt

yo duṣkṛtaṃ karavattasya duṣkṛtaṃ sukṛtaṃ nau saheti

āśayati

aśvamārohyāparājitāṃ pratipādayati

sahasraṃ grāmavaro dakṣiṇā

viparidhānāntamekarājena vyākhyātam

talpe darbheṣvabhiṣiñcati

varṣīyasi vaiyāghraṃ carmārohayati

catvāro rājaputrāstālpāḥ pṛthakpādeṣu śayanaṃ parāmṛśya sabhāṃ prāpayanti

dāsaḥ pādau prakṣālayati

mahāśūdra upasiñcati

kṛtasaṃpannānakṣānātṛtīyaṃ vicinoti

vaiśyaḥ sarvasvajainamupatiṣṭhata utsṛjāyuṣmanniti

utsṛjāmi brāhmaṇāyotsṛjāmi kṣatriyāyotsṛjāmi vaiśyāya dharmo me janapade caryatāmiti

pratipadyate

āśayati

aśvamārohyāparājitāṃ pratipādayati

sabhāmudāyāti

madhumiśraṃ brāhmaṇānbhojayati

rasānāśayati

māhiṣāṇyupayāti

kuryurgāmiti gārgyapārthaśravasau neti bhāgaliḥ

imamindra vardhaya kṣatriyaṃ ma iti kṣatriyaṃ prātaḥprātarabhimantrayate

uktaṃ samāsecanaṃ viparidhānam

savitā prasavānāmiti paurohitye vatsyanvaiśvalopīḥ samidha ādhāya

indra kṣatramiti kṣatriyamupanayīta

tadāhurna kṣatriyaṃ sāvitrīṃ vācayediti

kathaṃ nu tamupanayīta yanna vācayet

vācayedeva vācayedeva ३४

ityatharvavede kauśikasūtre dvitīyo'dhyāyaḥ samāptaḥ

pūrvasya pūrvasyāṃ paurṇamāsyāmastamita udakānte kṛṣṇacailaparihito nirṛtikarmāṇi prayuṅkte

nāvyāyā dakṣiṇāvarte śāpeṭaṃ nikhanet

apāṃ sūktairavasiñcati

apsu kṛṣṇaṃ jahāti

ahatavasana upamucyopānahau jīvaghātyāyā udāvrajati

proṣya tāmuttarasyāṃ sāṃpadaṃ kurute

śāpeṭamālipyāpsu nibadhya tasminnupasamādhāya saṃpātavantaṃ karoti

aśnāti

ādhāya kṛṣṇaṃ pravāhayati

upamucya jaradupānahau savyena jaracchattraṃ dakṣiṇena śālātṛṇānyādīpya jīrṇaṃ vīriṇamabhinyasyati

anāvṛtamāvṛtya sakṛjjuhoti

savyaṃ praharatyupānahau ca

jīrṇe vīriṇa upasamādhāyāyaṃ te yoniriti jaratkoṣṭhādvrīhīñcharkarāmiśrānāvapati

ā no bhareti dhānāḥ

yuktābhyāṃ saha koṣṭhābhyāṃ tṛtīyām

kṛṣṇaśakuneḥ savyajaṅghāyāmaṅkamanubadhyāṅke puroḍāśaṃ pra pateta ityanāvṛtaṃ prapādayati

nīlaṃ saṃdhāya lohitamācchādya śuklaṃ pariṇahya dvitīyayoṣṇīṣamaṅkenopasādya savyena sahāṅkenāvāṅapsvapavidhyati

tṛtīyayā channaṃ caturthyā saṃvītam

pūrvasya citrākarma

kulāya śṛtaṃ haritabarhiṣamaśnāti

anvaktāḥ prādeśamātrorādadhāti

nāvyayoḥ sāṃvaidye paścādagnerbhūmiparilekhe kīlālaṃ mukhenāśnāti

tejovrataṃ trirātramaśnāti

tadbhakṣaḥ

śaṃbhumayobhubhyāṃ brahma jajñānamasya vāmasya yo rohita udasya ketavo mūrdhāhaṃ viṣāsahimiti salilaiḥ kṣīraudanamaśnāti

manthāntāni

dvitīyena pravatsyanhaviṣāmupadadhīta

atha pratyetya

atha pratyetya

atha prārthayamāṇaḥ

atha prārthayamāṇaḥ

catvāro dhāyāḥ palāśayaṣṭīnāṃ bhavanti

darbhāṇāmupolavānāṃ catvāraḥ

taṃ vyatiṣaktamaṣṭāvaramidhmaṃ sāttrike'gnāvādhāyājyenābhijuhuyāt

dhūmaṃ niyacheta

lepaṃ prāśnīyāt

tamu cenna vindedaya sattrasyāyatane yajñāyatanamiva kṛtvā

samudra ityācakṣate karma

ambayo yanti śaṃbhumayobhubhyāṃ brahma jajñānamā gāva ekā ca ma iti gā lavaṇaṃ pāyayatyupatāpinīḥ

prajananakāmāḥ

prapāmavaruṇaddhi

saṃ saṃ sravantviti nāvyābhyāmudakamāharataḥ sarvata upāsecam

tasminmaiśradhānyaṃ śṛtamaśnāti

manthaṃ vā dadhimadhumiśram

yasya śriyaṃ kāmayate tato vrīhyājyapaya āhārya kṣīraudanamaśnāti

tadalābhe haritagomayamāhārya śoṣayitvā trivṛti gomayaparicaye śṛtamaśnāti

śerabhaketi sāmudramapsu karma vyākhyātam

anapahatadhānā lohitājāyā drapsena saṃnīyāśnāti

etāvadupaiti

tṛṇānāṃ granthīnudgrathnannapakrāmati

tānudāvrajannudapātrasyodapātreṇābhiplāvayati mukhaṃ vimārṣṭi

eha yantu paśavaḥ saṃ vo goṣṭhena prajāvatīḥ prajāpatiriti goṣṭhakarmāṇi

gṛṣṭeḥ pīyūṣaṃ śleṣmamiśramaśnāti

gāṃ dadāti

udapātraṃ ninayati

samuhya savyenādhiṣṭhāyārdhaṃ dakṣiṇena vikṣipati

sārūpavatse śakṛtpiṇḍānguggululavaṇe pratinīya paścādagnernikhanati

tisṛṇāṃ prātaraśnāti

vikṛte saṃpannam

āyamagannayaṃ pratisaro'yam me varaṇo'rātīyoriti mantroktānvāsitānbadhnāti

uttamasya caturo jātarūpaśakalenānusūtraṃ gamayitvāvabhujya traidhaṃ paryasyati

etamidhmamityupasamādhāya

tamimaṃ devatā iti vāsitamullupya brahmaṇā tejaseti badhnāti

uttamo asīti mantroktam

akṣitāsta iti yavamaṇim

prathamā ha vyuvāsa setyaṣṭakyāyā vapāṃ sarveṇa sūktena trirjuhoti

samavattānāṃ sthālīpākasya

sahahutānājyamiśrānhutvā paścādagnervāgyataḥ saṃviśati

mahābhūtānāṃ kīrtayansaṃjihīte

sīrā yujñantīti yugalāṅgalaṃ pratanoti

dakṣiṇamuṣṭāraṃ prathamaṃ yunakti

ehi pūrṇaketyuttaram

kīnāśā itarān

aśvinā phālaṃ kalpayatāmupāvatu bṛhaspatiḥ
yathāsadbahudhānyamayakṣmaṃ bahupūruṣamiti phālamatikarṣati

irāvānasi dhārtarāṣṭre tava me sattre rādhyatāmiti pratimimīte

apahatāḥ pratiṣṭhā ityapūpaiḥ pratihatya kṛṣati

sūktasya pāraṃ gatvā prayacchati

tisraḥ sītāḥ prācīrgamayanti kalyāṇīrvāco vadantaḥ

sīte vandāmahe tvetyāvartayitvottarasminsītānte puroḍāśenendraṃ yajate

aśvinau sthālīpākena

sītāyāṃ saṃpātānānayanti

udapātra uttarān

śaṣpahaviṣāmavadhāya

sarvamanakti

yatra saṃpātānānayati tato loṣṭaṃ dhārayantaṃ patnī pṛcchatyakṛkṣateti

akṛkṣāmeti

kimāhārṣīriti

vittiṃ bhūtiṃ puṣṭiṃ prajāṃ paśūnannamannādyamiti

uttarato madhyamāyāṃ nivapati

abhyajyottaraphālaṃ prātarāyojanāya nidadhāti

sītāśiraḥsu darbhānāstīrya plakṣodumbarasya trīṃstrīṃścamasānnidadhāti

rasavato dakṣiṇe śaṣpavato madhyame puroḍāśavata uttare

darbhānpratyavabhujya saṃvapati

sārūpavatse śakṛtpiṇḍānguggululavaṇe pratinīyāśnāti

anuḍutsāṃpadam

payasvatīriti sphātikaraṇam

śāntaphalaśilākṛtiloṣṭavalmīkarāśivāpaṃ trīṇi kūdīprāntāni madhyamapalāśe darbheṇa pariveṣṭya rāśipalyeṣu karoti

sāyaṃ bhuñjate

pratyāvapanti śeṣam

ā bhaktayātanāt

anumantrayate

ayaṃ no nabhasaspatiriti palye'śmāna saṃprokṣyānvṛcaṃ kāśīnopyāvāpayati

ā gāva iti gā āyatīḥ pratyuttiṣṭhati

prāvṛṣi prathamadhārasyendrāya trirjuhoti

prajāvatīriti pratiṣṭamānā anumantrayate

karkīpravādānāṃ dvādaśadāmnyāṃ saṃpātavatyāmayaṃ ghāsa iha vatsāmiti mantroktam

yaste śokāyeti vastrasāṃpadī

tisraḥ kūdīmayorūrṇanābhikulāya parihitā anvaktā ādadhāti

atyanteṣīkā mauñjaparihitā madhunā pralipya cikkaśeṣu paryasya

uta putra iti jyeṣṭhaṃ putramavasāyayati

mitaśaraṇaḥ sāṃpadaṃ kurute

ardhamardhenetyārdrapāṇī rasaṃ jñātvā prayacchati

śāntaśākhayā prāgbhāgamapākṛtya

pratyagni paricṛtati

tasyā amāvāsyāyāṃ tisraḥ prādeśamātrīrādadhāti

tve kratumiti rasaprāśanī

rasakarmāṇi kurute

stuṣva varṣmanniti prājāpatyāmāvāsyāyāmastamite valmīkaśirasi darbhāvastīrṇe'dhyadhi dīpaṃ dhārayaṃstrirjuhoti

taṇḍulasaṃpātānānīya rasairupasicyāśnāti

evaṃ paurṇamāsyāmājyotān

ṛdhaṅmantrastadidāseti maiśradhānyaṃ bhṛṣṭapiṣṭaṃ lohitālaṃkṛtaṃ rasamiśramaśnāti

abhṛṣṭaṃ plakṣodumbarasyottarato'gnestriṣu camaseṣu pūrvāhṇasya tejasāgramannasya prāśiṣamiti pūrvāhṇe

madhyandinasya tejasā madhyamannasya prāśiṣamiti madhyandine

aparāhṇasya tejasā sarvamannasya prāśiṣamityaparāhṇe

ṛtumatyā striyā aṅgulibhyāṃ lohitam

yatkṣetraṃ kāmayate tasminkīlālaṃ dadhimadhumiśrama

saṃvatsaraṃ striyamanupetya śuktyāṃ reta ānīya taṇḍulamiśraṃ saptagrāmam

dvādaśīmamāvāsyeti kṣīrabhakṣo bhavatyamāvāsyāyāṃ dadhimadhubhakṣastasya mūtra udakada
dhimadhupalpūlanānyāsicya

kravyādaṃ nāḍī pra viveśāgniṃ prajābhāṅgirato māyayaitau/
āvāṃ devī juṣāṇe ghṛtācī imamannādyāya pra viśataṃ svāheti

niśāyāmāgrayaṇataṇḍulānudakyānmadhumiśrānnidadhātyā yavānāṃ paṅkteḥ

evaṃ yavānubhayānsamopya

trivṛti gomayaparicaye śṛtamaśnāti

samṛddhamiti kāṅkāyanaḥ

mamāgne varca iti sāttrikānagnīndarbhapūtīkabhāṅgābhiḥ paristīrya gārhapatyaśṛtaṃ sarveṣu saṃpātavantaṃ gārhapatyadeśe'śnāti

evaṃ pūrvasminnaparayorupasaṃhṛtya

evaṃ droṇakalaśe rasānuktam

yajūṃṣi yajña iti navaśālāyāṃ sarpirmadhumiśramaśnāti

doṣo gāyeti dvitīyām

yuktābhyāṃ tṛtīyām

ānumatīṃ caturthīm

śālāmaṅgulibhyāṃ saṃprokṣya gṛhapatnyāsāda upaviśyodapātraṃ ninayati

ihaiva steti vācaṃ visṛjate

ūrdhvā asyeti vārṣmaṇamaudumbaraṃ manthapratirūpamabhijuhoti

asaṃkhyātā adhiśṛtya saptāgamaśaṣkulīḥ

tvaṣṭā ma iti prātarvibhuṅkṣyamāṇo'śnāti

jyāyuṃ badhnāti

daṇḍaṃ saṃpātavantaṃ vimṛjya dhārayati

vāyurenā iti yuktayościtrākarmaniśāyāṃ saṃbhārānsaṃpātavataḥ karoti

aparedyurvāyurenā iti śākhayodakadhārayā gāḥ parikrāmati

prathamajasya śakalamavadhāyaudumbareṇāsinā lohiteneti mantroktam

yathā cakruritīkṣukāśakāṇḍyā lohitaṃ nirmṛjya rasamiśramaśnāti

sarvamaudumbaram

yasyedamā raja ityāyojanānāmapyayaḥ

ucchrayasveti bījopaharaṇam

ājyamiśrānyavānurvarāyāṃ kṛṣṭe phālenoduhyānvṛcaṃ kāśīnninayati nivapati

abhi tyamiti mahāvakāśe'raṇya unnate vimite prāgdvārapratyagdvāreṣvapsu saṃpātānānayati

kṛṣṇājine somāṃśunvicinoti

somamiśreṇa saṃpātavantamaśnāti

ādīpte saṃpannam

tāṃ savitariti gṛṣṭidāma badhnāti

saṃ mā siñcantviti sarvodake maiśradhānyam

divyaṃ suparṇamityṛṣabhadaṇḍino vapayendraṃ yajate

anubaddhaśiraḥpādena gośālāṃ carmaṇāvacchādyāvadānakṛtaṃ brāhmaṇānbhojayati

proṣya samidha ādāyorjaṃ bibhraditi gṛhasaṃkāśe japati

savyena samidho dakṣiṇena śālāvalokaṃ saṃsthabhya japati

ativrajya samidha ādhāya sumaṅgali prajāvati susīme'haṃ vāṃ gṛhapatirjīvyāsamiti sthūṇe gṛhṇātyupatiṣṭhate

yadvadāmīti mantroktam

gṛhapatnyāsāda upaviśyodapātraṃ ninayati

ihaiva steti pravatsyannavekṣate

sūyavasāditi sūyavase paśūnniṣṭhāpayati

dūrvāgrairañjalāvapa ānīya darśaṃ dārśībhirupatiṣṭhate

indrasya kukṣiḥ sāhasra ityṛṣabhaṃ saṃpātavantamatisṛjati

retodhāyai tvātisṛjāmi vayodhāyai tvātisṛjāmi yūthatvāyai tvātisṛjāmi gaṇatvāyai tvātisṛjāmi sahasrapoṣāyai tvātisṛjāmyaparimitapoṣāyai tvātisṛjāmi

etaṃ vo yuvānamiti purāṇaṃ pravṛtya navamutsṛjate saṃprokṣati

uttareṇa puṣṭikāma ṛṣabhenendraṃ yajate

saṃpatkāmaḥ śvetena paurṇamāsyām

satyaṃ bṛhadityāgrahāyaṇyām

paścādagnerdarbheṣu khadāyāṃ sarvahutam

dvitīyaṃ saṃpātavantamaśnāti

tṛtīyasyāditaḥ saptabhirbhūme mātariti trirjuhoti

paścādagnerdarbheṣu kaśipvāstīrya vimṛgvarīmityupaviśati

yāste śivā iti saṃviśati

yacchayāna iti paryāvartate

navabhiḥ śantiveti daśamyodāyuṣetyupottiṣṭhati

udvayamityutkrāmati

udīrāṇā iti trīṇi padāni prāṅvodaṅvā bāhyenopaniṣkramya yāvatta iti vīkṣate

unnatācca

purastādagneḥ sīraṃ yuktamudapātreṇa saṃpātavatāvasiñcati

āyojanānāmapyayaḥ

yasyāṃ sadohavirdhāne iti juhoti varo ma āgamiṣyatīti

yasyāmannamityupatiṣṭhate

nidhiṃ bibhratīti maṇiṃ hiraṇyakāmaḥ

evaṃ vittvā

yasyāṃ kṛṣṇamiti vārṣakṛtasyācāmati śirasyānayate

yaṃ tvā pṛṣatī ratha iti dyauḥ pṛṣatyādityo rohitaḥ

pṛṣatīṃ gāṃ dadāti

pṛṣatyā kṣīraudanaṃ sarvahutam

puṣṭikarmaṇāmupadhānopasthānam

salilaiḥ sarvakāmaḥ salilaiḥ sarvakāmaḥ

ityatharvavede kauśikasūtre tṛtīyo'dhyāyaḥ samāptaḥ

atha bhaiṣajyāni

liṅgyupatāpo bhaiṣajyam

vacanādanyat

pūrvasyodapātreṇa saṃpātavatāṅkte

valīrvimārṣṭi

vidmā śarasyādo yaditi muñjaśiro rajjvā badhnāti

ākṛtiloṣṭavalmīkau parilikhya pāyayati

sarpiṣālimpati

apidhamati

vidmā śarasyeti pramehaṇaṃ badhnāti

ākhukiripūtīkamathitajaratpramandasāvraskānpāyayati

uttamābhyāmāsthāpayati

yānamārohayati

iṣuṃ visṛjati

vastiṃ viṣyati

vartiṃ bibhetti

ekaviṃśatiṃ yavāndohanyāmadbhirānīya drughnīṃ jaghane saṃstabhya phalato'vasiñcati

ālabisolaṃ phāṇṭaṃ pāyayati

udāvartine ca

ambayo yanti vāyoḥ pūta iti ca śāntāḥ

uttarasya sasomāḥ

cātanānāmapanodanena vyākhyātam

trapusamusalakhadiratārṣṭāghānāmādadhāti

ayugmānkhādirāñchaṅkūnakṣyau ni vidhyeti paścādagneḥ samaṃ bhūmi nihanti

evamāyasalohān

taptaśarkarābhiḥ śayanaṃ rāśipalyāṇi parikirati

amāvāsyāyāṃ sakṛdgṛhītānyavānanapahatānapratīhārapiṣṭānābhicārikaṃ paristīrya tārṣṭāghedhma āvapati

ya āgacchettaṃ brūyācchaṇaśulbena jihvāṃ nirmṛjānaḥ śālāyāḥ praskandeti

tathā kurvannanādye hnuvāne

vīriṇatūlamiśramiṅgiḍaṃ prapuṭe juhoti

idhmābarhiḥ śālāyāmāsajati

aparedyurvikṛte piśācato rujati

ukto homaḥ

vaiśravaṇāyāñjaliṃ kṛtvā japannācamayatyabhyukṣati

niśyulmuke saṃkarṣati

svastyādyaṃ kurute

ayaṃ devānāmityekaviṃśatyā darbhapiñjūlībhirvalīkaiḥ sārdhamadhiśiro'vasiñcati

jarāyuja iti medo madhu sarpistailaṃ pāyayati

mauñjapraśnena śirasyapihitaḥ savyena titauni pūlyāni dhārayamāṇo dakṣiṇenāvakiranvrajati

savyena titaupraśnau dakṣiṇena jyāṃ drughnīm

praiṣakṛdagrataḥ

yatrainaṃ vyādhirgṛhṇāti tatra titaugraśnau nidadhāti

jyāṃ ca

āvrajanam

ghṛtaṃ nastaḥ

pañcaparvaṇā lalāṭaṃ saṃstabhya japatyamūryā iti

pañcaparvaṇā pāṃsusikatābhiḥ parikirati

armakapālikāṃ badhnāti

pāyayati

caturbhirdūrvāgrairdadhipalalaṃ pāyayati

anu sūryamiti mantroktasya lomamiśramācamayati

pṛṣṭhe cānīya

śaṅkudhānaṃ carmaṇyāsīnāya dugdhe saṃpātavantaṃ badhnāti

pāyayati

haridraudanabhuktamucchiṣṭānucchiṣṭenā prapadātpralipya mantroktānadhastalpe haritasūtrena savyajaṅghāsu baddhvāvasnāpayati

prapādayati

vadata upasthāpayati

kroḍalomāni jatunā saṃdihya jātarūpeṇāpidhāpya

naktaṃjātā suparṇo jāta iti mantroktaṃ śakṛdā lohitaṃ praghṛṣyālimpati

palitānyācchidya

mārutānyapihitaḥ

yadagniriti paraśuṃ japaṃstāpayati kvāthayatyavasiñcati

upa prāgādityudvijamānasya śuklaprasūnasya vīriṇasya catasṛṇāmiṣīkāṇāmubhayataḥ pratyuṣṭaṃ badhnāti

trividagdhaṃ kāṇḍamaṇim

ulmuke svastyāṃdyam

mātṛnāmnoḥ sarvasurabhicūrṇānyanvaktāni hutvā śeṣeṇa pralimpati

catuṣpathe ca śirasi darbheṇḍve'ṅgārakapāle'nvaktāni

titauni pratīpaṃ gāhamāno vapatītaro'vasiñcati paścāt

āmapātra opyāsicya mauñje tripāde vayoniveśane prabadhnāti

aghadviṣṭā śaṃ no devī varaṇaḥ pippalī vidradhasya yā babhrava iti

upottamena palāśasya caturaṅgulenālimpati

prathamena mantroktaṃ badhnāti

dvitīyena mantroktasya saṃpātavatānulimpati

tṛtīyena mantroktaṃ badhnāti

caturthenāśayati

pañcamena varuṇagṛhītasya mūrdhni saṃpātānānayati

uttamena śākalam

udagātāmityāplāvayati bahiḥ

apeyamiti vyuchantyām

babhroriti mantroktamākṛtiloṣṭavalmīkau parilikhya jīvakoṣaṇyāmutsīvya badhnāti

namaste lāṅgalebhya iti sīrayogamadhiśiro'vasiñcati

namaḥ sanisrasākṣebhya iti śūnyaśālāyāmapsu saṃpātānānayati

uttaraṃ jaratkhāte saśālātṛṇe

tasminnācamayatyāplāvayati

daśavṛkṣeti śākalaḥ

daśa suhṛdo japanto'bhimṛśanti

kṣetriyāttveti catuṣpathe kāmpīlaśakalaiḥ parvasu baddhvā piñjūlībhirāplāvayati

avasiñcati

pārthivasyetyudyati pṛṣṭhasaṃhitāvupaveśayati

prāṅmukhaṃ vyādhitaṃ pratyaṅmukhamavyādhitaṃ śākhāsūpaveśya vatase camasa upamanthanībhyāṃ tṛṣṇāgṛhītasya śirasi manthamupamathyātṛṣitāya prayacchati

tasmiṃstṛṣṇāṃ saṃnayati

uddhṛtamudakaṃ pāyayati

savāsināviti mantroktam

indrasya yā mahīti khalvaṅgānalāṇḍūnhananānghṛtamiśrāñjuhoti

bālānkalmāṣe kāṇḍe savyaṃ pariveṣṭya saṃbhinatti

pratapati

ādadhāti

savyena dakṣiṇāmukhaḥ pāṃsūnupamathya parikirati

saṃmṛdnāti

ādadhāti

udyannāditya ityudyati gonāmetyāhāsāviti

sūktānte te hatā iti

dabhairabhyasyati

madhyandine ca

pratīcīmaparāhṇe

bālastukāmācchidya khalvādīni

akṣībhyāṃ ta iti vībarham

udapātreṇa saṃpātavatāvasiñcati

hariṇasyeti bandhanapāyanācamanaśaṅkudhānajvālenāvanakṣatre'vasiñcati

amitamātrāyāḥ sakṛdgṛhītānyavānāvapati

bhaktaṃ prayacchati

muñcāmi tveti grāmye pūtiśapharībhirodanam

araṇye tilaśaṇagomayaśāntājvālenāvanakṣatre'vasiñcati

mṛgārairmuñcetyāplāvayati

brāhmaṇo jajña iti takṣakāyāñjaliṃ kṛtvā japannācamayatyabhyukṣati

kṛmukaśakalaṃ saṃkṣudya dūrśajaradajināvakarajvālena

saṃpātavatyudapātra ūrdhvaphalābhyāṃ digdhābhyāṃ manthamupamathya rayidhāraṇapiṇḍānanvṛcaṃ prakīrya cchardayate

haridrāṃ sarpiṣi pāyayati

rohaṇītyavanakṣatre'vasiñcati

pṛṣātakaṃ pāyayatyabhyanakti

ā paśyatīti sadaṃpuṣpāmaṇiṃ badhnāti

bhavāśarvāviti sapta kāmpīlapuṭānapāṃ pūrṇānsaṃpātavataḥ kṛtvā dakṣiṇenāvasicya paścādapavidhyati

tvayā pūrvamiti kośena śamīcūrṇāni bhakte

alaṃkāre

śālāṃ paritanoti

utāmṛtāsurityamatigṛhītasya bhaktaṃ prayacchati

kuṣṭhaliṅgābhirnavanītamiśreṇāpratīhāraṃ pralimpati

lākṣāliṅgābhirdugdhe phāṇṭānpāyayati

brahma jajñānamiti sūtikāriṣṭakau prapādayati

manthācamanopasthānamādityasya

dive svāhemaṃ yavamiti catura udapātre saṃpātānānayati

dvau pṛthivyām

tau pratyāhṛtyāplāvayati

sayave cottareṇa yavaṃ badhnāti

dadirhīti takṣakāyetyuktam

dvitīyayā grahaṇī

savyaṃ parikrāmati

śikhāsici stambānudgrathnāti

tṛtīyayā prasarjanī

caturthyā dakṣiṇamapehīti daṃśma tṛṇaiḥ prakarṣyāhimabhinirasyati

yato daṣṭaḥ

pañcamyā valīkapalalajvālena

ṣaṣṭhyārtnījyāpāśena

dvābhyāṃ madhūdvāpānpāyayati

navamyā śvāvitpurīṣam

triḥśuklayā māṃsaṃ prāśayati

daśamyālābunācamayati

ekādaśyā nābhiṃ badhnāti

madhulāvṛṣaliṅgābhiḥ khalatulaparṇī saṃkṣudya madhumanthe pāyayati

uttarābhirbhuṅkre

dvāraṃ sṛjati

agnistakmānamiti lājānpāyayati

dāve lohitapātreṇa mūrdhni saṃpātānānayati

ote ma iti karīramūlaṃ kāṇḍenaikadeśam

grāmātpāṃsūn

paścādagnermāturupasthe musalabudhnena navanītānvaktena triḥ pratīhāraṃ tāluni tāpayati

śigrubhirnavanītamiśraiḥ pradegdhi

ekaviṃśatimuśirāṇi bhinadmīti mantroktam

uśīrāṇi prayacchati

ekaviṃśatyā sahāplāvayati

ā yaṃ viśantīti vayoniveśanaśṛtaṃ kṣīraudanamaśnāti

pari dyāmiveti madhu śībhaṃ pāyayati

japaṃśca

asthisraṃsamiti śakalenāpsviṭe saṃpātavatāvasiñcati

ābayo iti sārṣapaṃ tailasaṃpātaṃ badhnāti

kāṇḍaṃ pralipya

pṛktaṃ śākaṃ prayacchati

catvāri śākaphalāni prayacchati

kṣīralehamāṅkte

aśnāti

agnerivetyuktaṃ dāve

imā yāstisra iti vṛkṣabhūmau jātājvālenāvasiñcati

śīrṣa phāṇṭākṣaiḥ

nikaṭābhyām

kṛṣṇaṃ niyānamityoṣadhyābhiścotayate

mārutānāmapyayaḥ

himavata iti syandamānādanvīpamāhārya valīkaiḥ

pañca ca yā iti pañca pañcāśataṃ paraśuparṇānkāṣṭhairādīpayati

kapāle praśṛtaṃ kāṣṭhenālimpati

kiṃstyaśvajāmbīlodakarakṣikāmaśakādibhyāṃ daṃśayati

niśyava mā pāpmanniti titauni pūlyānyavasicyāpavidhya

aparedyuḥ sahasrākṣāyāpsu balīṃstrīnpuroḍāśasaṃvartāṃścatuṣpathe'vakṣipyāvakirati

yaste mada iti śamīlūnapāpalakṣaṇayoḥ śamīśamyākenābhyudya vāpayati

adhiśiraḥ

antardāva iti samantamagneḥ karṣvāmuṣṇapūrṇāyāṃ japaṃstriḥ parikramya puroḍāśaṃ juhoti

prāgnaye preta ityupadadhīta

vaiśvānarīyābhyāṃ pāyanāni

asthāddyaurityapavātāyāḥ svayaṃsrastena gośṛṅgeṇa saṃpātavatā japan

yāṃ te rudra iti śūline śūlam

utsūrya iti śamībimbaśīrṇaparṇyāvadhi

dyauśca ma ityabhyajyāvamārṣṭi

sthūṇāyāṃ nikarṣati

idamidvā ityakṣataṃ mūtraphenenābhyudya

prakṣipati

prakṣālayati

dantarajasāvadegdhi

stambarajasā

apacita ā susrasa iti kiṃstyādīni

lohitalavaṇaṃ saṃkṣudyābhiniṣṭhīvati

antarikṣeṇeti pakṣahataṃ mantroktaṃ caṅkramayā

kīṭena dhūpayati

glaurityakṣatena

vīhi svāmityajñātāruḥ śāntyudakena saṃprokṣya manasā saṃpātavatā

yā oṣadhaya iti mantroktasyauṣadhībhirdhūpayati

madhūdaśvitpāyayati

kṣīrodaścit

ubhayaṃ ca

devā aduriti valmīkena bandhanapāyanācamanapradehanamuṣṇena

yathā mano'va diva ityariṣṭena

devī devyāṃ yāṃ jamadagniriti mantroktāphalaṃ jīvyalākābhyāmamāvāsyāyāṃ kṛṣṇavasanaḥ kṛṣṇabhakṣaḥ purā kākasaṃpātādavanakṣatre'vasiñcati

yaste stana iti jambhagṛhītāya stanaṃ prayacchati

priyaṅgutaṇḍulānabhyavadugdhānpāyayati

agnāviṣṇū somārudrā sinīvāli vi te muñcāmi śumbhanī iti mauñjaiḥ parvasu baddhvā piñjūlībhirāplāvayati

avasiñcati

tiraścirājeriti mantroktam

ākṛtiloṣṭavalmīkau parilikhya

pāyanāni

apacitāmiti vaiṇavena dārbhyūṣeṇa kṛṣṇorṇājyena kālabundai stukāgrairiti mantroktam

caturthyābhinidhāyābhividhyati

jyāstukājvālena

yaḥ kīkasā iti piśīlavīṇātantrīṃ badhnāti

tantryā kṣitikāṃ

vīriṇavadhaॐ svayaṃmlānaṃ triḥ samasya

apsu ta iti vahantyārmadhye vimite piñjūlībhirāplāvayati

avasiñcati

uṣṇāḥ saṃpātavatīrasaṃpātāḥ

namo rūrāyeti śakunīniveṣīkāñjimaṇḍūkaṃ nīlalohitābhyāṃ sūtrābhyāṃ sakakṣaṃ baddhvā

śīrṣaktimityabhimṛśati

uttamābhyāmādityamupatiṣṭhate

indrasya prathama iti takṣakāyetyuktam

paidvaṃ prakarṣya dakṣiṇenāṅguṣṭhena dakṣiṇasyāṃ nastaḥ

ahibhaye sicyavagūhayati

aṅgādaṅgādityā prapadāt

daṃśmottamayā nitāpyāhimabhinirasyati

yato daṣṭaḥ

oṣadhivanaspatīnāmanūktānyapratiṣiddhāni bhaiṣajyānām

aṃholiṅgābhiḥ

pūrvasya putrakāmāvatokayorudakānte śāntā adhiśiro'vasiñcati

āvrajitāyai puroḍāśapramandālaṃkārānsaṃpātavataḥ prayacchati

vaṣaṭte pūṣanniti catura udapātre saṃpātānānīya caturo muñjānmūrdhni vibṛhati prācaḥ

pratīcīriṣīkāḥ

chidyamānāsu saṃśayaḥ

uṣṇenāplāvayati dakṣiṇātkeśastukāt

śālāngranthīnvicṛtati

ubhayataḥ pāśaṃ yoktramābadhnāti

yadi somasyāsi rājñaḥ somāttvā rājño'dhikrīṇāmi yadi varuṇasyāsi rājño varuṇāttvā rājño'dhikrīṇāmītyekaviṃśatyā yavaiḥ srajaṃ parikirati

anyā vo anyāmavatvanyānyasyā upāvata
sadhrīcīḥ savratā bhūtvāsyā avata vīryamiti saṃnayati

mā te riṣankhanitā yasmai ca tvā khanāmasi/
dvipāccatuṣpādasmākaṃ mā riṣaddevyoṣadhe//
srajo nāmāsi prajāpatiṣṭvāmakhanadātmane śalyasraṃsanam /
tāṃ tvā vayaṃ khanāmasyamuṣmai tvā śalyasraṃsanamityastamite chattreṇa cāntardhāya phālena khanati

atra tava rādhyatāmityagramavadadhāti

iha mameti mūlamupayacchati

ekasare'nupalīḍhe kumāraḥ

darbheṇa pariveṣṭya keśeṣūpacṛtati

evaṃ ha vibṛhaśākavṛṣe

avapanne jarāyuṇyupoddharanti

srajenauṣadhikhananaṃ vyākhyātam

catvāryumāphalāni pāṇāvadbhiḥ ścotayate

saṃvartamāneṣu kumāraḥ

brāhmaṇāyano'ṅgānyabhimṛśati

puṃnāmadheye kumāraḥ

idaṃ janāsa ityasyai śiṃśapāśākhāsūdakānte śāntā adhiśiro'vasiñcati

āvrajitāyai

nissālāmityavatokāyai kṛṣṇavasanāyai triṣu vimiteṣu prāgdvārapratyagdvāreṣvapsu saṃpātānānayati

palāśe sīseṣūttarān

sīsānyadhiṣṭhāpyāplāvayati

nidhāya kṛṣṇaṃ vrajati

ādīpya brahmā

evaṃ pūrvayoḥ pṛthaksaṃbhārye

śākhāsūktam

paścādagnerabhitaḥ kāṇḍe iṣīke nidhāyādhyadhi dhāyine audumbarīrādhāpayati

uttamāvrajitāyai

pativedanāni

ā no agna ityāgamakṛśaramāśayati

mṛgākharādvedyāṃ mantroktāni saṃpātavanti dvāre prayacchati

udakaṃse vrīhiyavau jāmyai niśi hutvā dakṣiṇena prakrāmati

praścādagneḥ prakṣālya saṃdhāvya saṃpātavatīṃ bhagasya nāvamiti mantroktam

saptadāmnyāṃ sapātavatyāṃ vatsānpratyantānpracṛtanto vahanti

ahatena saṃpātavatā ṛṣabhamabhyasyati

udardayati yāṃ diśam

jāmyai pra yadeta ityāgamakṛśaram

imā brahmeti svasre

ayamā yātīti purā kākasaṃpātādaryamṇe juhoti

antaḥsraktiṣu balīnharanti

āpatanti yataḥ

puṃsavanāni

rajaudvāsāyāḥ puṃnakṣatre

yena vehaditi bāṇaṃ mūrdhni vibṛhati badhnāti

phālacamase sarūpavatsāyā dugdhe vrīhiyavāvavadhāya mūrchayitvādhyaṇḍe bṛhatīpalāśavidaryau vā pratinīya paidvamiva

parvatāddiva ityāgamakṛśaramāśayati

yugatardmanā saṃpātavantaṃ dvitīyam

khe lūnāṃśca palāśatsarūnnivṛtte nighṛṣyādhāya śiśne grāmaṃ praviśati

śamīmaśvattha iti mantrokte'gniṃ mathitvā puṃsyāḥ sarpiṣi paidvamiva

madhumanthe pāyayati

kṛṣṇorṇābhiḥ pariveṣṭya badhnāti

yantāsīti mantroktaṃ badhnāti

ṛdhaṅmantra ityekā yatheyaṃ pṛthivyacyuteti garbhadṛṃhaṇāni

jambhagṛhītāya prathamāvarjaṃ jyāṃ trirudgrathya badhnāti

loṣṭānanvṛcaṃ prāśayati

śyāmasikatābhiḥ śayanaṃ parikirati

yāmicchedvīraṃ janayediti dhātarvyābhirudramabhimantrayate

prajāpatiriti prajākāmāyā upasthe juhoti

lohitājāpiśitānyāśayati

vrapāntāni

yau te māteti mantroktau badhnāti

yathedaṃ bhūmyā adhi yathā vṛkṣaṃ vāñca me yathāyaṃ vāha iti saṃspṛṣṭayorvṛkṣalibujayoḥ śakalāvantareṣusthakarāñjanakuṣṭhamadughareṣmamathitatṛṇamājyena saṃnīya saṃspṛśati

uttudastvetyaṅgulyopanudati

ekaviṃśatiṃ prācīnakaṇṭakānalaṃkṛtānanūktānādadhāti

kūdīprāntāni sasūtrāṇi

navanītānvaktaṃ kuṣṭhaṃ trirahnaḥ pratapati trirātre

dīrghotpale'vagṛhya saṃviśati

uṣṇodakaṃ tripāde pattaḥ prabaddhāṅguṣṭhābhyāmardayañchate

pratikṛtimāvalekhanīṃ dārbhyūṣeṇa bhāṅgajyena kaṇṭakaśalyayolūkapattrayāsitālakāṇḍayāhṛdaye vidhyati

sahasraśṛṅga iti svāpanam

udapātreṇa saṃpātavatā śālāṃ saṃprokṣyāparasmindvārapakṣe nyubjati

evaṃ nagnaḥ

ulūkhalamuttarāṃ sraktiṃ dakṣiṇaśayanapādaṃ tantūnabhimantrayate

asthāddyauriti niveṣṭanam

āveṣṭanena vaṃśāgramavabadhya madhyamāyāṃ badhnāti

śayanapādamutpale ca

ākṛṣṭe ca

ākarṣeṇa tilāñjuhoti

idaṃ yatpreṇya iti śiraḥkarṇamabhimantrayate

keśāndhārayati

bhagena mā nyastikedaṃ khanāmīti sauvarcalamoṣadhivacchuklaprasūnaṃ śirasyupacṛtya grāmaṃ praviśati

rathajitāmiti māṣasmarānnivapati

śarabhṛṣṭīrādīptāḥ pratidiśamabhyasyatyarvācyā āvalekhanyāḥ

bhagamasyā varca iti mālāniṣpramandadantadhāvanakeśamīśānahatāyā anustaraṇyā vā kośamulūkhaladaraṇe triśile nikhanati

mālāmupamathyānvāha

trīṇi keśamaṇḍalāni
kṛṣṇamūtrena vigrathya triśile'śmottarāṇi vyatyāsam

athāsyai bhagamutkhanati yaṃ te bhagaṃ nicakhnustriśile yaṃ catuḥśile/
idaṃ tamutkhanāmi prajayā ca dhanena ceti

imāṃ khanāmīti bāṇāparṇīṃ lohitājāyā drapsena saṃnīya śayanamanu parikirati

abhi te'dhāmityadhastātpalāśamupacṛtati

upa te'dhāmityuparyupāsyati

kāmaṃ vineṣyamāṇo'pāghenāsaṃkhyātāḥ śarkarāḥ parikiranvrajati

saṃmṛdnañjapati

asaṃmṛdnan

īrṣyāyā dhrājiṃ janādviśvajanīnāttvāṣṭreṇāhamiti pratijāpaḥ pradānābhimarśanāni

prathamena vakṣaṇāsu mantroktam

agneriveti paraśuphāṇṭam

ava jyāmiveti dṛṣṭvāśmānamādatte

dvitīyayābhinidadhāti

tṛtīyayābhiniṣṭhīvati

chāyāyāṃ sajyaṃ karoti

ayaṃ darbha ityoṣadhivat

agne jātāniti na vīraṃ janayetprānyāniti na vijātetetyaśvatarīmūtramaśmamaṇḍalābhyāṃ saṃghṛṣya bhakte'laṃkāre

sīmantamanvīkṣate

api vṛśceti jāyāyai jāramanvāha

klībapade bādhakaṃ dhanurvṛścati

āśaye'śmānaṃ praharati

tṛṣṭika iti bāṇāparṇīm

ā te dada iti mantroktāni saṃspṛśati

api cānvāhāpi cānvāha

ityatharvavede kauśikasūtre caturtho'dhyāyaḥ samāptaḥ

ambayo yantīti kṣīraudanotkucastambapāṭāvijñānāni

sāṃgrāmikaṃ vedivijñānam

venastaditi pañcaparveṣukumbhakamaṇḍalustambakāmpīlaśākhāyugedhmākṣeṣu pāṇyorekaviṃśatyāṃ śarkarāsvīkṣate

kumbhamahatena pariveṣṭyādhāya śayane vikṛte saṃpātānatinayati

anatīkāśamavacchādyārajovitte kumāryau yena haretāṃ tato naṣṭam

evaṃ sīre sākṣe

loṣṭānāṃ kumārīmāha yamicchasi tamādatsveti

ākṛtiloṣṭavalmīkau kalyāṇam

catuṣpathādbahucāriṇī

śmaśānānnaciraṃ jīvati

udakāñjaliṃ ninayetyāha

prācīnamapakṣipantyāṃ kalyāṇam

jarāyuta iti durdinamāyanpratyuttiṣṭhati

anvṛcamudavajraiḥ

asyulmukakiṣkurūnādāya

nagno lalāṭamunmṛjānaḥ

utsādya bāhyato'ṅgārakapāle śigruśarkarā juhoti

kerārkāvādadhāti

varṣaparītaḥ pratilomakarṣitastriḥ parikramya khadāyāmarkaṃ kṣipraṃ saṃvapati

namaste astu yaste pṛthu stanayitnurityaśaniyuktamapādāya

prathamasya somadarbhakeśānīkuṣṭhalākṣāmañjiṣṭhībadaraharidraṃ bhūrjaśakalena pariveṣṭya manthaśirasyurvarāmadhye nikhanati

dadhi navenāśnātyā saṃharaṇāt

āśāpālīyaṃ tṛtīyāvarjaṃ dṛṃhaṇāni

bhaumasya dṛtikarmāṇi

puroḍāśānaśmottarānantaḥsraktiṣu nidadhāti

ubhayānsaṃpātavataḥ

sabhābhāgadhāneṣu ca

asaṃtāpe jyotirāyatanasyaikato'nyaṃ śayāno bhaumaṃ japati

iyaṃ vīruditi madughaṃ khādannaparājitātpariṣadamāvrajati

necchatruriti pāṭāmūlaṃ pratiprāśitam

anvāha

badhnāti

mālāṃ saptapalāśīṃ dhārayati

ye bhakṣayanta iti pariṣadyekabhaktamanvīkṣamāṇo bhuṅkte

brahma jajñānamityadhyāyānupākariṣyannabhivyāhārayati

prāśamākhyāsyan

brahmodyaṃ vadiṣyan

mamāgne varca iti vibhuṅkṣyamāṇaḥ pramattarajjuṃ badhnāti

sabhā ca meti bhakṣayati

sthūṇe gṛhṇātyupatiṣṭhate

yadvadāmīti mantroktam

ahamasmītyaparājitātpariṣadamāvrajati

dūṣyā dūṣirasīti srāktyaṃ badhnāti

purastādagneḥ piśaṅgaṃ gāṃ kārayati

paścādagnerlohitājam

yūṣapiśitārtham

mantroktāḥ

vāśākāmpīlasitīvārasadaṃpuṣpā avadhāya

dūṣyā dūṣirasi ye purastādīśānāṃ tvā samaṃ jyotiruto asyabandhukṛtsuparṇastvā yāṃ te cakrurayaṃ pratisaro yāṃ kalpayantīti mahāśāntimāvapate

niśyavamucyoṣṇīṣyagrataḥ prokṣanvrajati

yatāyai yatāyai śāntāyai śāntivāyai bhadrāyai bhadrāvati syonāyai śagmāyai śivāyai sumaṅgali prajāvati susīme'haṃ vāmābhūriti

abhāvādapavidhyati

kṛtyayāmitracakṣuṣā samīkṣankṛtavyadhanītyavaliptaṃ kṛtyayā vidhyati

uktāvalekhanīm

dūṣyā dūṣirasīti darvyā triḥ sārūpavatsenāpodakena mathitena gulphānpariṣiñcati

śakalenāvasicya yūṣapiśitānyāśayati

yaṣṭibhiścarma pinahya praiṣakṛtparikramya bandhānmuñcati saṃdaṃśena

anyatpārśvīṃ saṃveśayati

śakalenoktam

abhyakteti navanītena mantroktam

darbharajjvā saṃnahyottiṣṭhaivetyutthāpayati

savyena dīpaṃ dakṣiṇenodakālābvādāya vāgyatāḥ

praiṣakṛdagrataḥ

anāvṛtam

agoṣpadam

anudakakhātam

dakṣiṇāpravaṇe vā svayaṃdīrṇe vā svakṛte veriṇe'nyāśāyāṃ vā nidadhāti

alābunā dīpamavasicya yathā sūrya ityāvṛtyāvrajati

tiṣṭhaṃstiṣṭhantīṃ mahāśāntimuccairabhinigadati

marmāṇi saṃprokṣante

kṛṣṇasīreṇa karṣati

adhi sīrebhyo daśa dakṣiṇā

abhicāradeśā mantreṣu vijñāyante tāni marmāṇi

yadadaḥ saṃprayatīriti yenecchennadī pratipadyeteti prasiñcanvrajati

kāśadividhuvakavetasānniminoti

idaṃ va āpa iti hiraṇyamadhidadhāti

ayaṃ vatsa itīṣīkāñjimaṇḍūkaṃ nīlalohitābhyāṃ sakakṣaṃ baddhvā

ihetthamityavakayā pracchādayati

yatredamiti ninayati

mārutaṃ kṣīraudanaṃ mārutaśṛtaṃ mārutaiḥ paristīrya mārutena sruveṇa mārutenājyena varuṇāya trirjuhoti

uktamupamanthanam

dadhimanthaṃ baliṃ hṛtvā saṃprokṣaṇībhyāṃ prasiñcanbrajati

pāṇinā vetreṇa vā pratyāhatyopari nipadyate

ayaṃ te yonirityaraṇyoragniṃ samāropayati

ātmani vā

upāvaroha jātavedaḥ punardevo devebhyo havyaṃ vaha prajānan / ānandino modamānāḥ suvīrā indhīmahi tvā śaradāṃ śatānītyupāvarohayati

yāṃ tvā gandharvo akhanadvṛṣaṇaste khanitāro vṛṣā tvamasyoṣadhe / vṛṣāsi vṛṣṇyāvati vṛṣaṇe tvā khanāmasītyucchuṣmāpariṣyādhāvāyasena khanati

dugdhe phāṇṭāvadhijyopastha ādhāya pibati

mayūkhe musale vāsīno yathāsita ityekārkasūtramārkaṃ badhnāti

yāvadaṅgīnamityasitaskandhamasitavālena

ā vṛṣāyasvetyubhayamapyeti

samutpatantu pra nabhasveti varṣakāmo dvādaśarātramanuśuṣyet

sarvavrata upaśrāmyati

maruto yajate yathā varuṇaṃ juhoti

oṣadhīḥ saṃpātavatīḥ praveśyābhinyubjati

viplāvayeta

śvaśiraṇṭakaśiraḥ keśajaradupānaho vaṃśāgre prabadhya yodhayati

udapātreṇa saṃpātavatā saṃprokṣyāmapātraṃ tripāde'śmānamavadhāyāpsu nidadhāti

ayaṃ te yonirā no bhara dhītī vetyarthamutthāsyannupadadhīta

japati

pūrvāsvaṣāḍhāsu gartaṃ khanati

uttarāsu saṃcinoti

ādevanaṃ saṃstīrya

udbhindatīṃ saṃjayantīṃ yathā pṛkṣamaśaniridamugrāyeti vāsitānakṣānnivapati

ambayo yanti śaṃbhumayobhū hiraṇyavarṇā yadadaḥ punantu mā sasruṣīrhimavataḥ pra sravanti vāyoḥ pūtaḥ pavitreṇa śaṃ ca no mayaśca no'naḍuḍmastvaṃ prathamaṃ mahyamāpo vaiśvānaro raśmibhirityabhivarṣaṇāvasecanānām

uttamena vācaspatiliṅgābhirudyantamupatiṣṭhate

snāto'hatavasano niktvāhatamācchādayati

dadāti

yathā māsamiti vananam

vatsaṃ saṃdhāvya gomūtreṇāvasicya triḥ pariṇīyopacṛtati

śiraḥkarṇamabhimantrayate

vātaraṃhā iti snāte'śve saṃpātānabhyatinayati

palāśe cūrṇeṣūttarān

ācamayati

āplāvayati

cūrṇairavakirati

trirekayā ceti

bhadrādadhīti pravatsyannupadadhīta

japati

yānaṃ saṃprokṣya vimocayati

dravyaṃ saṃpātavadutthāpayati

nirmṛjyopayacchati

ubhā jigyathurityārdrapādābhyāṃ sāṃmanasyam

yānena pratyañcau grāmānpratipādya prayacchati

āyātaḥ samidha ādāyorjaṃ bibhradityasaṃkalpayannetya sakṛdādadhāti

ṛcaṃ sāmetyanupravacanīyasya juhoti

yuktābhyāṃ tṛtīyām

ānumatīṃ caturthīm

samāvartanīyasamāpanīyayoścaiṣejyā

apo divyā iti paryavetavrata udakānte śāntyudakamabhimantrayate

astamite samitpāṇiretya tṛtīyāvarjaṃ samidha ādadhāti

idāvatsarāyeti vratavisarjanamājyaṃ juhuyāt

samidho'bhyādadhyāt

idāvatsarāya parivatsarāya saṃvatsarāya prativedayāma enat/
yadvrateṣu duritaṃ nijagmimo durhārdaṃ tena śamalenāñjmaḥ//
yanme vrataṃ vratapate lulobhāhorātre samadhātāṃ ma enat/
udyanpurastādbhiṣagastu candramāḥ sūryo raśmibhirabhigṛṇātvenat//
yadvratamatipede cittyā manasā hṛdā/
ādityā rudrāstanmayi vasavaśca samindhatām//
vratāni vratapataya upākaromyagnaye/
sa me dyumnaṃ bṛhadyaśo dīrghamāyuḥ kṛṇotu ma iti vratasamāpanīrādadhāti

trirātramarasāśī snātavrataṃ carati

nirlakṣmyamiti pāpalakṣaṇāyā mukhamukṣatyanvṛcaṃ dakṣiṇātkeśastukāt

palāśena phalīkaraṇānhutvā śeṣaṃ pratyānayati

phalīkaraṇatuṣabusāvatakṣaṇāni savyāyāṃ pādapārṣṇyāṃ nidadhāti

apanodanāpāghābhyāmanvīkṣaṃ pratijapati

dīrghāyutvāyeti mantroktaṃ badhnāti

karśaphasyeti piśaṅgasūtramaraludaṇḍaṃ yadāyudham

phalīkaraṇairdhūpayati

ati dhanvānītyavasānaniveśanānucaraṇāni ninayanejyā

vāstoṣpatīyaiḥ kulijakṛṣṭe dakṣiṇato'gneḥ saṃbhāramāharati

vāstoṣpatyādīni mahāśāntimāvapate

madhyame garte darbheṣu vrīhiyavamāvapati

śāntyudakaśaṣpaśarkaramanyeṣu

ihaiva dhruvāmiti mīyamānāmucchrīyamāṇāmanumantrayate

abhyajyarteneti mantroktam

pūrṇaṃ nārītyudakumbhamagnimādāya prapadyante

dhruvābhyāṃ dṛṃhayati

śaṃbhumayobhubhyāṃ viṣyandayati

vāstoṣpate prati jānīhyasmānsvāveśo anamīvo na edhi/
yattvemahe prati nastajjuṣasva catuṣpado dvipada ā veśayeha/
anamīvo vāstoṣpate viśvā rūpāṇyāviśan /
sakhā suśeva edhi na iti
vāstoṣpataye kṣīraudanasya juhoti

sarvānnāni brāhmaṇānbhojayati

maṅgalyāni

ye agnaya iti kravyādanupahata iti pālāśaṃ badhnāti

juhoti

ādadhāti

udañcanenodapātryāṃ yavānadbhirānīyollopam

ye agnaya iti pālāśyā darvyā manthamupamathya kāmpīlībhyāmupamanthanībhyām

śamanaṃ ca

ya ātmadā iti vaśāśamanam

purastādagneḥ pratīcīṃ dhārayanti

paścādagneḥ prāṅmukha upaviśyānvārabdhāyai śāntyudakaṃ karoti

tatraitatsūktamanuyojayati

tenaināmācāmayati ca saṃprokṣati ca

tiṣṭhaṃstiṣṭhantīṃ mahāśāntimuccairabhinigadati

ya īśe paśupatiḥ paśūnāmiti hutvā vaśāmanakti śirasi kakude jaghanadeśe

anyatarāṃ svadhitidhārāmanakti

aktayā vapāmutkhanati

dakṣiṇe pārśve darbhābhyāmadhikṣipatyamuṣmai tvā juṣṭamiti yathādevatam

nissālāmityulmukena triḥ prasavyaṃ pariharatyanabhipariharannātmānam

darbhābhyāmanvārabhate

paścāduttarato'gneḥ pratyakśīrṣīmudakpādīṃ nividhyati

samasyai tanvā bhavetyanyataraṃ darbhamavāsyati

atha prāṇānāsthāpayati prajānanta iti

dakṣiṇatastiṣṭhanrakṣohaṇaṃ japati

saṃjñaptāyāṃ juhoti
yadvaśā māyumakratoro vā paḍbhirāhata /
agnirmā tasmādenaso viśvānmuñcatvaṃhasa iti

udapātreṇa patnyabhivrajya mukhādīni gātrāṇi prakṣalayate

mukhaṃ śundhasva devayajyāyā iti

prāṇāniti nāsike

cakṣuriti cakṣuṣī

śrotramiti karṇau

yatte krūraṃ yadāsthitamiti samantaṃ rajjudhānam

caritrāṇīti pādānsamāhṛtya

nābhimiti nābhim

meḍhramiti bheḍhram

pāyumiti pāyum

yatte krūraṃ yadāsthitaṃ tacchundhasvetyavaśiṣṭāḥ pārśvadeśe'vasicya yathārthaṃ vrajati

vapāśrapaṇyāvājyaṃ sruvaṃ svadhitiṃ darbhamādāyābhivrajyottānāṃ parivartmānulomaṃ nābhideśe darbhamāstṛṇāti

oṣadhe trāyasvainaṃ svadhite mainaṃ hiṃsīriti śastraṃ prayacchati

idamahamāmuṣyāyaṇasyāmuṣyāḥ putrasya prāṇāpānāvapakṛntāmītyapakṛtya

adharapravraskena lohitasyāpahatya

idamahamāmuṣyāyaṇasyāmuṣyāḥ putrasya prāṇāpānau nikhanāmītyāsye nikhanati

vapayā dyāvāpṛthivī prorṇuvāthāmiti vapāśrapaṇyau vapayā pracchādya

svadhitinā prakṛtyotkṛtya

āvraskamabhighārya

vāyave stokānāmiti darbhāgraṃ prāsyati

pratyuṣṭaṃ rakṣa iti carumaṅgāre nidadhāti

devastvā savitā
śrapayatviti śrapayati

suśṛtāṃ karoti

yadyaṣṭāpadī syādgarbhamañjalau sahiraṇyaṃ sayavaṃ vā ya ātmadā iti khadāyāṃ tryaratnāvagnau sakṛjjuhoti

viśasya samavattānyavadyet

hṛdayaṃ jihvā śyenaśca doṣī pārśve ca tāni ṣaṭ/
yakṛdvṛkkau gudaśroṇī tānyekādaśa daivatāni

dakṣiṇaḥ kapilalāṭaḥ savyā śroṇirgudaśca yaḥ/
etāni trīṇi tryaṅgāni sviṣṭakṛdbhāga eva

tadavadya prajñātāni śrapayet

hoṣyandvirdvirdevatānāmavadyet

sakṛtsakṛtsauviṣṭakṛtānām

vapāyāḥ samiddha ūrdhvā asyeti juhoti

yuktābhyāṃ tṛtīyām

ānumatīṃ caturthīm

jātavedo vapayā gaccha devāṃstvaṃ hi hotā prathamo babhūtha/
ghṛtasyāgne tanvā saṃ bhava satyāḥ santu yajamānasya kāmāḥ svāhā

ūrdhvaṃ nabhasaṃ mārutaṃ gacchatamiti vapāśrapaṇyāvanupraharati

prācīmekaśṛṅgāṃ pratīcīṃ dviśṛṅgām

pitryeṣu vaha vapāṃ jātavedaḥ pitṛbhyo yatraitānvettha nihitānparāke /
medasaḥ kulyā upa tānsravantu satyā eṣāmāśiṣaḥ santu kāmāḥ svāhā svadheti vapāyāstrirjuhoti

samavattānām

sthālīpākasya samrāḍasyadhiśrayaṇaṃ nāma sakhīnāmabhyahaṃ viśvā āśāḥ sākṣīya/
kāmo'si kāmāya tvā sarvavīrāya sarvapuruṣāya sarvagaṇāya sarvakābhāya juhomi
anvadya no'numatiḥ pūṣā sarasvatī mahī / yatkaromi tadṛdhyatāmanumataye svāheti juhoti

ka idaṃ kasmā adātkāmastadagre yadannaṃ punarmaitvindriyamiti pratigṛhṇāti

uttamā sarvakarmā

vaśayā pākayajñā vyākhyātāḥ

utāmṛtāsuḥ śivāsta ityabhyākhyātāya prayacchati

drughaṇaśiro rajjvā badhnāti

pratirūpaṃ palāśāyolohahiraṇyānām

yena someti yājayiṣyansārūpavatsamaśnāti

nidhane yajate

yaṃ yācāmi yadāśaseti yāciṣyan

mantroktāni patitebhyo devāḥ kapota ṛcā kapotamamūnhetiriti mahāśāntimāvapate

parīme'gnimityagniṃ gāmādāya niśi kārayamāṇastriḥ śālāṃ pariṇayati

paro'pehi yo na jīva iti svapnaṃ dṛṣṭvā mukhaṃ vimārṣṭi

atighoraṃ dṛṣṭvā maiśradhānyaṃ puroḍāśamanyāśāyāṃ vā nidadhāti

paryāvarta iti paryāvartate

yatsvapna ityaśitvā vīkṣate

vidma te svapneti sarveṣāmapyayaḥ

nahi te agne tanva iti brahmacāryācāryasyādahana upasamādhāya triḥ parikramya puroḍāśaṃ juhoti

trirātramaparyāvartamānaḥ śayīta

nopaśayīteti kauśikaḥ

snānīyābhiḥ snāyāt

aparyavetavrataḥ pratyupeyāt

avakīrṇine darbhaśulbamāsajya yatte devītyāvapati

evaṃ saṃpātavatodapātreṇāvasicya

mantroktaṃ śāntyudakena saṃprokṣya

saṃ samiditi svayaṃprajvalite'gnau

agnī rakṣāṃsi sedhatīti sedhantam

yadasmṛtīti saṃdeśamaparyāpya

pratno hīti pāpanakṣatre jātāya mūlena

mā jyeṣṭhaṃ tṛte devā iti parivittiparivividānāvudakānte mauñjaiḥ parvasu baddhvā piñjūlībhirāplāvayati

avasiñcati

pheneṣūttarānpāśānādhāya nadīnāṃ phenāniti praplāvayati

sarvaiśca praviśyāpāṃ sūktaiḥ

devaheḍanena mantroktam

ācāryāya

upadadhīta

khadāśayasyāvapate

vaivasvataṃ yajate

catuḥśarāvaṃ dadāti

uttamarṇe mṛte tadapatyāya prayacchati

sagotrāya

śmaśāne nivapati

catuṣpathe ca

kakṣānādīpayati

divo nu māmiti vīdhrabindūnprakṣālayati

mantroktaiḥ spṛśati

yasyottamadantau pūrvau jāyete yau vyāghrāvityāvapati

mantroktāndaṃśayati

śāntyudakaśṛtamādiṣṭānāmāśayati

pitarau ca

idaṃ yatkṛṣṇa iti kṛṣṇaśakuninādhikṣiptam prakṣālayati

upamṛṣṭaṃ paryagni karoti

pratīcīnaphala ityapāmārgedhme'pāmārgīrādadhāti

yadarvācīnamityācāmati

yatte bhūma iti vikhanati

yatta ūnamiti saṃvapati

prehi pra hareti kāpiñjalāni
svastyayanāni bhavanti

prehi pra hara vā dāvāngṛhebhyaḥ svastaye/
kapiñjala pradakṣiṇaṃ śatapattrābhi no vada//
bhadram vada dakṣiṇato bhadramuttarato vada/
bhadraṃ purastānno vada bhadraṃ paścātkapiñjala//
śunaṃ vada dakṣiṇataḥ śunamuttarato vada/
śunaṃ purastānno vada śunaṃ paścātkapiñjala//
bhadraṃ vada putrairbhadraṃ vada gṛheṣu ca/
bhadramasmākaṃ vada bhadraṃ no abhayaṃ vada//
āvadaṃstvaṃ śakune bhadramā vada tūṣṇīmāsīnaḥ sumatiṃ cikiddhi naḥ/
yadutpatanvadasi karkariryathā bṛhadvadema vidathe suvīrāḥ//
yauvanāni mahayasi jigyuṣāmiva dundubhiḥ/
kapiñjala pradakṣiṇaṃ śatapattrābhi no vadeti kāpiñjalāni svastyayanāni bhavanti

yo abhyu babhruṇāyasi svapantamatsi puruṣaṃ śayānamagatsvalam /
ayasmayena brahmaṇāśmamayena varmaṇā paryasmānvaruṇo dadhadityabhyavakāśe saṃviśatyabhyavakāśe saṃviśati

ityatharvavede kauśikasūtre pañcamo'dhyāyaḥ samāptaḥ

ubhayataḥ paricchinnaṃ śaramayaṃ barhirābhicārikeṣu

dakṣiṇataḥ saṃbhāramāharatyāṅgirasam

iṅgiḍamājyam

savyāni

dakṣiṇāpavargāṇi

dakṣiṇāpravaṇa īriṇe dakṣiṇāmukhaḥ prayuṅkte

sāgnīni

agne yatte tapa iti purastāddhomāḥ

tathā tadagne kṛṇu jātaveda ityājyabhāgau

niramuṃ nuda iti saṃsthitahomāḥ

kṛttikārokārodhāvāpyeṣu

bharadvājapravraskenāṅgirasaṃ daṇḍaṃ vṛścati

mṛtyorahamiti bādhakīmādadhāti

ya imāmayaṃ vajra iti dviguṇāmekavīrānsaṃnahya pāśānnimuṣṭitṛtīyaṃ daṇḍaṃ saṃpātavat

pūrvābhirbadhnīte

vajro'si sapatnahā tvayādya vṛtraṃ sākṣīya/
tvāmadya vanaspate vṛkṣāṇāmudayuṣmahi//
sa na indra purohito viśvataḥ pāhi rakṣasaḥ/
abhi gāvo anūṣatābhi dyumnaṃ bṛhaspate//
prāṇa prāṇaṃ trayasvāso asave mṛḍa/
nirṛte nirṛtyā naḥ pāśebhyo muñca//
iti daṇḍamādatte

bhaktasyāhutena mekhalāyā granthimālimpati

ayaṃ vajra iti bāhyato daṇḍamūrdhvamavāgagraṃ tisṛbhiranvṛcaṃ nihanti

antarupaspṛśet

yadaśnāmīti mantroktam

yatpātramāhanti phaḍḍhato'sāviti

idamahamāmuṣyāyaṇasyāmuṣyāḥ putrasya prāṇāpānāvapyāyacchāmītyāyacchati

ye'māvāsyāmiti saṃnahya sīsacūrṇāni bhakte'laṃkāre

parābhūtaveṇoryaṣṭyā bāhumātryālaṃkṛtayāhanti

dyāvāpṛthivī urvati paraśupalāśena dakṣiṇā dhāvataḥ padaṃ vṛścati

anvaktristiryaktriḥ

akṣṇayā saṃsthāpya

āvraskānyāṃśūnpalāśamupanahya bhraṣṭre'bhyasyati

sphoṭatsu stṛtaḥ

paścādagneḥ karṣvāṃ kūdyupastīrṇāyāṃ dvādaśarātramaparyāvartamānaḥ śayīta

tata utthāya trirahna udavajrānpraharati

nadyā anāmasaṃpannāyā aśmānaṃ prāsyati

uṣṇe'kṣatasaktūnanūpamathitānanucchvasanpibati

kathaṃ trīṃstrīnkāśīṃ strirātram

dvaudvau trirātram

ekaikaṃ ṣaḍrātram

dvādaśyāḥ prātaḥ kṣīraudanaṃ bhojayitvocchiṣṭānucchiṣṭaṃ bahumatsye prakirati

saṃdhāvatsu stṛtaḥ

lohitaśirasaṃ kṛkalāsamamūnhanmīti hatvā sadyaḥ kāryo bhāṅge śayane

lohitālaṃkṛtaṃ kṛṣṇavasanamanūktaṃ dahati

ekapadābhiranyo'nutiṣṭhati

aṅgaśaḥ sarvahutamanyam

paścādagneḥ śarabhṛṣṭīrnidhāyodagvrajatyā svedaśananāt

nivṛtya svedālaṃkṛtā juhoti

kośa uraḥśiro'vadhāya padātpāṃsūn

paścādagnerlavaṇamṛḍīcīstisro'śītīrvikarṇīḥ śarkarāṇām

viṣaṃ śirasi

bādhakenāvāgagreṇa praṇayannanvāha

pāśe sa iti kośe granthīnudgrathnāti

āmumityādatte

marmaṇi khādireṇa sruveṇa gartaṃ khanati

bāhumāttamatīva ya iti śarairavajvālayati

avadhāya saṃcitya loṣṭaṃ sruveṇa samopya

amumunnaiṣamityuktāvalekhanīm

chāyāṃ vā

upaninayate

anvāha

bhrātṛvyakṣayaṇamityaraṇye sapatnakṣayaṇīrādadhāti

grāmametyāvapati

pumānpuṃsa iti mantroktamabhihutālaṃkṛtaṃ badhnāti

yāvantaḥ sapatnāstāvataḥ pāśāniṅgiḍālaṃkṛtānsaṃpātavato'nuktānsasūtrāṃścambā marmaṇi nikhanati

nāvi praiṇānnudasva kāmeti mantroktaṃ śākhayā praṇudati

te'dharāñca iti praplāvayati

bṛhanneṣāmityāyantaṃ śapyamānamanvāha

vaikaṅkateneti mantroktam

dadirhīti sāgnīni

deśakapaṭu prakṣiṇāti

te'vadanniti netṝṇāṃ padaṃ vṛścati

anvāha

brahmagavībhyāmanvāha

ceṣṭām

vicṛtati

ūbadhye

śmaśāne

triramūnhanasvetyāha

dvitīyayāśmānamūbadhye gūhayati

dvādaśarātraṃ sarvavrata upaśrāmyati

dvirudite stṛtaḥ

avāgagreṇa nivartayati

upa prāgāditi śune piṇḍaṃ pāṇḍuṃ prayacchati

tārchaṃ badhnāti

juhoti

ādadhāti

idaṃ tadyuje yatkiṃ cāsau manasetyāhitāgniṃ pratinirvapati

madhyamapalāśena phalīkaraṇāñjuhoti

niramubhityaṅguṣṭhena triranuprastṛṇāti

śaraṃ kadvindukoṣṭhairanunirvapati

lohitāśvatthapalāśena viṣāvadhvastaṃ juhoti

tvaṃ vīrudhāmiti mūtrapurīṣaṃ vatsaśeṣyāyāṃ kakucairapidhāpya saṃpiṣya nikhanati

śepyānaḍe

śepyāyām

yathā sūrya ityanvāha

uttarayā yāṃstānpaśyati

indrotibhiragne jātānyo na stāyaddipsati yo naḥ śapāditi vaidyuddhatīḥ

sāṃtapanā ityūrdhvaśuṣīḥ

ghraṃsaśṛtaṃ puroḍāśaṃ ghraṃsavilīnena sarvahutam

udasya śyāvāvitīṣīkāñjimaṇḍūkaṃ nīlalohitābhyāṃ sūtrābhyāṃ sakakṣaṃ baddhvoṣṇodake vyādāya pratyāhuti maṇḍūkamapanudatyabhinyubjati

upadhāvantamasadangāva iti kāmpīlaṃ saṃnahya kṣīrotsikte pāyayati lohitānāṃ caikkaśam

aśiśiṣoḥ kṣīraudanam

āmapātramabhyavanenekti

sapatnahanamityṛṣabhaṃ saṃpātavantamatisṛjati

āśvatthīravapannāḥ

svayamindrasyauja iti prakṣālayati

jiṣṇave yogāyetyapo yunakti

vātasya raṃhitasyāmṛtasya yoniriti pratigṛhṇāti

uttamāḥ pratāpyādharāḥ pradāyainasenānadharācaḥ parāco'vācastapasastamunnayata devāḥ pitṛbhiḥ saṃvidānaḥ prajāpatiḥ prathamo devatānāmityatisṛjati

idamahaṃ yo mā prācyā diśo'ghāyurabhidāsādapavādīdiṣūguhaḥ tasyemau prāṇāpānāvapakrāmāmi brahmaṇā

dakṣiṇāyāḥ pratīcyā udīcyā dhruvāyā vyadhvāyā ūrdhvāyāḥ

idamahaṃ yo mā diśāmantardeśebhya ityapakrāmāmīti

evamabhiṣṭvā

nāpohananiveṣṭanāni sarvāṇi khalu śaśvadbhūtāni

brāhmaṇādvajramudyacchamānācchaṅkante māṃ haniṣyasi māṃ haniṣyasīti tebhyo'bhayaṃ vadecchamagnaye śaṃ pṛthivyai śamantarikṣāya śaṃ vāyave śaṃ dive śaṃ sūryāya śaṃ candrāya śaṃ nakṣatrebhyaḥ śaṃ gandharvāpsarobhyaḥ śaṃ sarpetarajanebhyaḥ śivaṃ mahyamiti

yo va āpo'pāṃ yaṃ vayamapāmasmai vajramityanvṛcamudavajrān

viṣṇoḥ kramo'sīti viṣṇukramān

mamāgne varca iti bṛhaspatiśirasaṃ pṛṣātakenopasicyābhimantryopanidadhāti

pratijānannānuvyāharet

uttamenopadraṣṭāram

udehi vājinnityardharcena nāvaṃ majjatīm

samiddho'gnirya ime dyāvāpṛthivī ajaiṣmetyadhipāśānādadhāti

padepade pāśānvṛścati

adhipāśānbādhakāñchaṅkūṃstānsaṃkṣudya saṃnahya bhraṣṭre'bhyasyati

aśiśiṣoḥ kṣīraudanādīni trīṇi

gartedhmāvantareṇāvalekhanīṃ sthāṇau nibadhya dvādaśarātraṃ saṃpātānabhyatininayati

ṣaṣṭhacodavajrānpraharati

saptamyācāmati

yaśca gāmityanvāha

nirdurmaṇya iti saṃdhāvyābhimṛśati

ityatharvavede kauśikasūtre ṣaṣṭho'dhyāyaḥ samāptaḥ

svastidā ye te panthāna ityadhvānaṃ dakṣiṇena prakrāmati

vyudasyatyasaṃkhyātāḥ śarkarāḥ

tṛṇāni cchitvopatiṣṭhate

āre'mūḥ pāre pātaṃ no ya enaṃ pariṣīdanti yadāyudhaṃ daṇḍena vyākhyātam

diṣṭyā mukhaṃ vimāya saṃviśati

trīṇi padāni pramāyottiṣṭhati

tisro diṣṭīḥ

pretaṃ pādāvityavaśasya

pāyayati

upasthāsta iti trīṇyopyātikrāmati

svasti mātra iti niśyupatiṣṭhate

indramahamiti paṇyaṃ saṃpātavadutthāpayati

nimṛjya digyuktābhyāṃ doṣo gāya pātaṃ na iti pañcānaḍudbhyo yamo mṛtyurviśvajicchakadhūmaṃ bhavāśarvāvityupadadhīta

uttamena sārūpavatsasya rudrāya trirjuhoti

upottamena suhṛdo brāhmaṇasya śakṛtpiṇḍānparvasvādhāya śakadhūmaṃ kimadyāhariti pṛcchati

bhadraṃ sumaṅgalamiti pratipadyate

yuktayormā no devā yaste sarpa iti śayanaśālorvarāḥ parilikhati

tṛṇāni yugatardmanā saṃpātavanti dvāre pracṛtati

ūbadhyaṃ saṃbhinatti

nikhanati

ādadhāti

apāmārgaprasūnānkudrīcīśaphānparācīnamūlān

udita iti khādiraṃ śaṅkuṃ saṃpātavantamudgṛhṇannikhanangā anuvrajati

ninayanaṃ samuhya cāre sārūpavatsasyendrāya trirjuhoti

diśyānbalīnharati

pratidiśamupatiṣṭhate

madhye pañcamamanirdiṣṭam

śeṣaṃ ninayati

brahma jajñānaṃ bhavāśarvāvityāsannamaraṇye parvataṃ yajate

anyasminbhavaśarvapaśupatyugrarudramahādeveśānānāṃ pṛthagāhutīḥ

goṣṭhe ca dvitīyamaśnāti

darbhānādhāya dhūpayati

bhūtyai vaḥ puṣṭyai va iti prathamajayormithunayormukhamanakti

tisro naladaśākhā vatsānpāyayati

śākhayodakadhārayā gāḥ parikrāmati

aśmavarma ma iti ṣaḍaśmanaḥ saṃpātavataḥ sraktiṣu paryadhastānnikhanati

alasāletyālabheṣajam

trīṇi silāñjālāgrāṇyurvarāmadhye nikhanati

hataṃ tardamityayasā sīsaṃ karṣannurvarāṃ parikrāmati

aśmano'vakirati

tardamavaśirasaṃ vadanātkeśena samuhyorvarāmadhye nikhanati

uktaṃ cāre

balīnharatyāśāyā āśāpataye'śvibhyāṃ kṣetrapataye

yadaitebhyaḥ kurvīta vāgyatastiṣṭhedāstamayāt

ye panthāna iti parītyopadadhīta

prayacchati

yasyāste yatte devī viṣāṇā pāśānityunmocanapratirūpaṃ saṃpātavantaṃ karoti

vācā baddhāya bhūmiparilekham

āyana iti śamanamantarā hradaṃ karoti

śāle ca

avakayā śālāṃ paritanoti

śapyamānāya prayacchati

nidagdhaṃ prakṣālayati

mahīmū ṣviti taraṇānyālambhayati

dūrānnāvaṃ saṃpātavatīṃ naumaṇiṃ badhnāti

prapatha iti naṣṭaiṣiṇāṃ prakṣālitābhyaktapāṇipādānāṃ dakṣiṇānpāṇīnnimṛjyotthāpayati

evaṃ saṃpātavataḥ

nimṛjyaikaviṃśatiṃ śarkarāścatuṣpathe'vakṣipyāvakirati

namaskṛtyeti mantroktam

aṃholiṅgānāmāpo bhojanahavīṃṣyabhimarśanopasthānamādityasya

svayaṃ haviṣāṃ bhojanam

viśve devā ityāyuṣyāṇi

sthālīpāke ghṛtapiṇḍānpratinīyāśnāti

asminvasu yadābadhnannava prāṇāniti yugmakṛṣṇalamādiṣṭānāṃ sthālīpāka ādhāya badhnāti

āśayati

āyurdā iti godānaṃ kārayiṣyansabhārānsaṃbharati

amamrimojomānīṃ dūrvāmakarṇamaśmamaṇḍalamānaḍuhaśakṛtpiṇḍaṃ ṣaḍdarbhaprāntāni kaṃsamahate vasane śuddhamājyaṃ śāntā oṣadhīrnavamudakumbham

bāhyataḥ śāntavṛkṣasyedhmaṃ prāñcamupasamādhāya

parisamuhya paryukṣya paristīrya barhirudapātramupasādya paricaraṇenājyaṃ paricarya

nityānpurastāddhomānhutvājyabhāgau ca

paścādagneḥ prāṅmukha upaviśyānvārabdhāya śāntyudakaṃ karoti

tatraitatsūktamanuyojayati

trirevāgniṃ saṃprokṣati triḥ paryukṣati

triḥ kārayamāṇamācāmayati ca saṃprokṣati ca

śakṛtpiṇḍasya sthālarūpaṃ kṛtvā suhṛde brāhmaṇāya prayacchati

tatsuhṛddakṣiṇato'gnerudaṅmukha āsīno dhārayati

athāsmā anvārabdhāya karoti

āyurdā ityanena sūktenājyaṃ juhvanmūrdhni saṃpātānānayati

dakṣiṇe pāṇāvaśmamaṇḍala udapātra uttarasaṃpātānsthālarūpa ānayati

amamrimojomānīṃ codapātre'vadhāya

sthālarūpe dūrvāṃ śāntyudakamuṣṇodakaṃ caikadhābhisamāsicya

āyamagansavitā kṣureṇetyudapātramanumantrayate

aditiḥ śmaśvityundati

yatkṣureṇetyudakpattraṃ kṣuramadbhi ścotya triḥ pramārṣṭi

yenāvapaditi dakṣiṇasya keśapakṣasya darbhapiñjūlyā keśānabhinidhāya prachidya sthālarūpe karoti

evameva dvitīyaṃ karoti

evaṃ tṛtīyam

evamevottarasya keśapakṣasya karoti

atha nāpitaṃ samādiśatyakṣaṇvanvapakeśaśmaśruroma parivapa nakhāni ca kurviti

punaḥ prāṇaḥ punarmaitvindriyamiti trirnimṛjya

tvayi mahimānaṃ sādayāmītyantato yojayet

athainamuptakeśaśmaśruṃ kṛttanakhamāplāvayati

hiraṇyavarṇā ityetena sūktena gandhapravādābhiralaṃkṛtya

svaktaṃ ma ityānakti

athainamahatena vasanena paridhāpayati pari dhatteti dvābhyām

ehyaśmānamā tiṣṭheti dakṣiṇena pādenāśmamaṇḍalamāsthāpya pradakṣiṇamagnimanupariṇīya

athāsya vāso nirmuṣṇāti yasya te vāsa ityetayā

athainamapareṇāhatena vasanenācchādayatyayaṃ vaste garbhaṃ pṛthivyā iti pañcabhiḥ

yathā dyaurmanase cetase dhiya iti mahāvrīhīṇāṃ sthālīpākaṃ śrapayitvā śāntyudakenopasicyābhimantrya prāśayati

prāṇāpānāvojo'sītyupadadhīta

tubhyameva jarimanniti kumāraṃ mātāpitarau triḥ saṃprayacchete

ghṛtapiṇḍānāśayataḥ

cūḍākaraṇaṃ ca godānena vyākhyātam

paridhāpanāśmamaṇḍalavarjam

śive te stāmiti paridānāntāni

pārthivasya mā pra gāmeti catasraḥ sarvāṇyapiyanti

amamrimojomānīṃ ca dūrvāṃ ca keśāṃśca śakṛtpiṇḍaṃ caikadhābhisamāhṛtya

śāntavṛkṣasyoparyādadhāti

adhikaraṇaṃ brahmaṇaḥ kaṃsavasanaṃ gaurdakṣiṇā

brāhmaṇānbhaktenopepsanti

upanayanam

āyamaganniti mantroktam

yatkṣureṇetyuktam

yenāvapaditi sakṛdapiñjūli

laukikaṃ ca samānāmā paridhānāt

upetapūrvasya niyataṃ savāndāsyato'gnīnādhāsyamānaḥ paryavetavratadīkṣiṣyamāṇānām

soṣṇodakaṃ śāntyudakaṃ pradakṣiṇamanupariṇīya purastādagneḥ pratyaṅmukhamavasthāpya

āha brūhi

brahmacaryamāgamupa mā nayasveti

ko nāmāsi kiṃgotra ityasrāviti yathā nāmagotre bhavatastathā prabrūhi

ārṣeyaṃ mā kṛtvā bandhumantamupanaya

ārṣeyaṃ tvā kṛtvā bandhumantamupanayāmīti

ॐ bhūrbhuvaḥ svarjanadomityañjalāvudakamāsiñcati

uttaro'sāni brahmacāribhya ityuttamaṃ pāṇimanvādadhāti

eṣa ma ādityaputrastanme gopāyasvetyādityena samīkṣate

apakrāmanpauruṣeyādvṛṇāna ityenaṃ bāhugṛhītaṃ prāñcamavasthāpya dakṣiṇena pāṇinā nābhideśe'bhisaṃstabhya japati

asminvasu vasavo dhārayantu viśve devā vasava ā yātu mitro'mutrabhūyādantakāya mṛtyava ā rabhasva prāṇāya namo viṣāsahimityabhimantrayate

athāpi paritvaramāṇa ā yātu mitra ityapi khalvetāvataivopanīto bhavati

pracchādya trīnprāṇāyāmānkṛtvāvacchādya vatsatarīmudapātre samavekṣayet

samindra naḥ saṃ varcaseti dvābhyāmutsṛjanti gām

śraddhāyā duhiteti dvābhyāṃ bhādramauñjīṃ mekhalāṃ badhnāti

mitrāvaruṇayostvā hastābhyāṃ prasūtaḥ praśiṣā prayacchāmīti pālāśaṃ daṇḍaṃ prayacchati

mitrāvaruṇayostvā hastābhyāṃ prasūtaḥ praśiṣā pratigṛhṇāmi / suśravaḥ suśravasaṃ mā kurvavakro'vithuro'haṃ bhūyāsamiti pratigṛhṇāti

śyeno'sīti ca

athainaṃ vratādānīyāḥ samidha ādhāpayati

agne vratapate vrataṃ cariṣyāmi tacchakeyaṃ tatsamāpeyaṃ tanme rādhyatāṃ tanme samṛdhyatāṃ tanme mā vyanaśattena rādhyāsaṃ tatte prabravīmi tadupākaromi agnaye vratapataye svāhā

vāyo vratapate / sūrya vratapate / candra vratapate / āpo vratapatnyo / devā vratapatayo / vedā vratapatayo / vratānāṃ vratapatayo vratamacāriṣaṃ tadaśakaṃ tatsamāptaṃ tanme rāddhaṃ tanme samṛddhaṃ tanme mā vyanaśattena rāddho'smi tadvaḥ prabravīmi tadupākaromi vratebhyo vratapatibhyaḥ svāheti

athainaṃ baddhamekhalamāhitasamitkaṃ sāvitrīṃ vācayati

pacchaḥ prathamam

tato'rdharcaśaḥ

tataḥ saṃhitām

athainaṃ saṃśāstyagneścāsi brahmacārinmama cāpo'śāna karma kurūrdhvastiṣṭhanmā divā svāpsīḥ samidha ādhehi

athainaṃ bhūtebhyaḥ paridadātyagnaye tvā paridadāmi brahmaṇe tvā paridadāmyudaṅkyāya tvā śūlvāṇāya paridadāmi śatruṃ jayāya tvā kṣātrāṇāya paridadāmi mārtyuṃjayāya tvā mārtyavāya paridadāmyaghorāya tvā paridadāmi takṣakāya tvā vaiśāleyāya paridadāmi hāhāhūhūbhyāṃ tvā gandharvābhyāṃ paridadāmi yogakṣemābhyāṃ tvā paridadāmi bhayāya ca tvābhayāya ca paridadāmi viśvebhyastvā devebhyaḥ paridadāmi sarvebhyastvā devebhyaḥ paridadāmi viśvebhyastvā bhūtebhyaḥ paridadāmi sarvebhyastvā bhūtebhyaḥ paridadāmi saprajāpatikebhyaḥ

svasti caratādiheti mayi ramantāṃ brahmacāriṇa ityanugṛhṇīyāt

nānupraṇudet

praṇītīrabhyāvartasvetyabhyātmamāvartayati

yathāpaḥ pravatā yanti yathā māsā aharjaram/
evā mā brahmacāriṇo dhātarāyantu sarvadā//
svāhetyācāryaḥ samidhamādadhāti

śrāddhāyā duhiteti dvābhyāṃ bhādramauñjīṃ mekhalāṃ brāhmaṇāya badhnāti

maurvīṃ kṣatriyāya dhanurjyāṃ vā

kṣaumikīṃ vaiśyāya

mitrāvaruṇayostvā hastābhyāṃ prasūtaḥ praśiṣā prayacchāmīti pālāśaṃ daṇḍaṃ brāhmaṇāya prayacchati

āśvatthaṃ kṣatriyāya

nyagrodhāvarohaṃ vaiśyāya

yadyasya daṇḍo bhajyeta ya ṛte cidabhiśriṣa ityetayālabhyābhimantrayate

sarvatra śīrṇe bhinne naṣṭe'nyaṃ kṛtvā punarmaitvindriyamityādadhīta

atha vāsāṃsi

aiṇeyahāriṇāni brāhmaṇasya

rauravapārṣatāni kṣatriyasya

ājāvikāni vaiśyasya

sarveṣāṃ kṣaumaśāṇakambalavastram

kāṣāyāṇi

vastraṃ cāpyakāṣāyam

bhavati bhikṣāṃ dehīti brāhmaṇaścaret

bhikṣāṃ bhavatī dadātviti kṣatriyaḥ

dehi bhikṣāṃ bhavatīti vaiśyaḥ

sapta kulāni brāhmaṇaścarettrīṇi kṣatriyo dve vaiśyaḥ

sarvaṃ grāmaṃ caredbhaikṣaṃ stenapatitavarjam

mayyagra iti pañcapraśnena juhoti

saṃ mā siñcantviti triḥ paryukṣati

yadagne tapasā tapo'gne tapastapyāmaha iti dvābhyāṃ parisamūhayati

idamāpaḥ pravahateti pāṇī prakṣālayate

saṃ mā siñcantviti triḥ paryukṣati

agne samidhamāhārṣamityādadhāti catasraḥ

edho'sītyūṣmabhakṣaṃ bhakṣayatyā nidhanāt

tvaṃ no medha ityupatiṣṭhate

yadannamiti tisṛbhirbhaikṣasya juhoti

aharahaḥ samidha āhṛtyaivaṃ sāyaṃprātarabhyādadhyāt

medhājanana āyuṣyairjuhuyāt

yathākāmaṃ dvādaśarātramarasāśī bhavati

bhadrāya karṇaḥ krośatu bhadrāyākṣi vi vepatām/
parā duḥṣvapnyaṃ suva yadbhadraṃ tanna ā suva//
akṣivepaṃ duḥṣvapnyamārtiṃ puruṣareṣiṇīm/
tadasmadaśvinā yuvamapriye prati muñcatam//
yatpārśvāduraso me aṅgādaṅgādavavepate/
aśvinā puṣkarasrajā tasmānnaḥ pātamaṃhasa
iti karṇaṃ krośantamanumantrayate

akṣi vā sphurat

vi devā jarasota devā āvatasta upa priyamantakāya mṛtyava ā rabhasva prāṇāya namo viṣāsahimityabhimantrayate

brāhmaṇoktamṛṣihastaśca

karmaṇe vāṃ veṣāya vāṃ sukṛtāya vāmiti pāṇī prakṣālya

nirdurarmaṇya iti saṃdhāvya

śuddhā na āpa iti niṣṭhīvya jīvābhirācamya

ehi jīvamityāñjanamaṇiṃ badhnāti

vātājjāta iti kṛśanam

nava prāṇāniti mantroktam

ghṛtādullaptamā tvā cṛtatvṛtubhiṣṭvā muñcāmi tveti devā āvatasta upa priyamantakāya mṛtyava ā rabhasva prāṇāya namo viṣāsahimityabhimantrayate

nirdurarmaṇya iti sarvasurabhicūrṇairaraṇye'pratīhāraṃ pralimpati

atha nāmakaraṇam

ā rabhasvemāmityavicchinnāmudakadhārāmālambhayati

pūtudāruṃ badhnāti

pāyayati

yatte vāsa ityahatenottarasicā pracchādayati

śive te stāmiti kumāraṃ prathamaṃ nirṇayati

śivau te stāmiti vrīhiyavau prāśayati

ahne ca tvetyahorātrābhyāṃ paridadāti

śarade tvetyṛtubhyaḥ

udasya ketavo mūrdhāhaṃ viṣāsahimityudyantamupatiṣṭhate

madhyaṃdine'staṃ yantaṃ sakṛtparyāyābhyām

aṃholiṅgānāmāpo bhojanahavīṃṣyuktāni

uttamāsu yanmātalī
rathakrītamiti sarvāsāṃ dvitīyā

viśve devā iti viśvānāyuṣkāmo yajate

upatiṣṭhate

idaṃ janāsa iti dyāvāpṛthivyau puṣṭikāmaḥ

saṃpatkāmaḥ

indra juṣasvetīndraṃ balakāmaḥ

indramahamiti paṇyakāmaḥ

udenamuttaraṃ naya yo'smānindraḥ sutrāmeti grāmakāmaḥ

grāmasāṃpadānāmapyayaḥ

yaśasaṃ mendra iti yaśaskāmaḥ

mahyamāpa iti vyacaskāmaḥ

āgacchata iti jāyākāmaḥ

vṛṣendrasyeti vṛṣakāmaḥ

ā tvāhārṣaṃ dhruvā dyauriti dhrauvyakāmaḥ

tyamū ṣu trātāramā mandrairiti svastyayanakāmaḥ

sāmāstvāgne'bhyarcatetyagniṃ saṃpatkāmaḥ

pṛthivyāmiti mantroktam

tadidāsa dhītī vetīndrāgnī

yasyedamā rajo'tharvāṇamaditirdyaurditeḥ putrāṇāṃ bṛhaspate savitarityabhyuditaṃ brahmacāriṇaṃ bodhayati

dhātā dadhātu prajāpatirjanayatyanvadya no yanna indro yayorojasā viṣṇornu kamagnāviṣṇū somārudrā sinīvāli bṛhaspatirno yatte devā akṛṇvanpūrṇā paścātprajāpate'bhyarcata ko asyā na iti prajāpatim

agna indraśceti mantroktānsarvakāmaḥ

ya īśe ye bhakṣayanta itīndrāgnī lokakāmaḥ

annaṃ dadāti prathamam

paśūpākaraṇamuttamam

savapurastāddhomā yujyante

doṣo gāyetyatharvāṇaṃ samāvṛtyāśnāti

abhayaṃ dyāvāpṛthivī śyeno'sīti pratidiśaṃ saptarṣīnabhayakāmaḥ

uttareṇa dīkṣitasya vā brahmacāriṇo vā daṇḍapradānam

dyauśca ma iti dyāvāpṛthivyau viriṣyati

yo agnāviti rudrānsvastyayanakāmaḥ svastyayanakāmaḥ

ityatharvavede kauśikasūtre saptamo'dhyāyaḥ samāptaḥ

agnīnādhāsyamānaḥ savānvā dāsyansaṃvatsaraṃ brahmaudanikamagniṃ dīpayati

ahorātrau vā

yāthākāmī vā

saṃvatsaraṃ tu praśastam

savāgnisenāgnī tādarthikau nirmathyau vā bhavataḥ

aupāsanau cobhau hi vijñāyete

tasmindevaheḍanenājyaṃ juhuyāt

samidho'bhyādadhyāt

śakalānvā

tasminyathākāmaṃ savāndadātyekaṃ dvau sarvānvā

api vaikaikamātmāśiṣo dātāraṃ vācayati

parāśiṣo'numantraṇamanirdiṣṭāśiṣaśca

dātārau karmāṇi kurutaḥ

tau yathāliṅgamanumantrayate

ubhayaliṅgairubhau puṃliṅgairdātāraṃ strīliṅgaiḥ patnīm

udahṛtsaṃpraiṣavarjam

atha devayajanam

tadyatsamaṃ samūlamavidagdhaṃ pratiṣṭhitaṃ prāgudakpravaṇamākṛtiloṣṭavalmīkenāstīrya darbhaiśca lomabhiḥ paśūnām

agne jāyasveti manthantāvanumantrayate

patnī mantraṃ saṃnamayati

yajamānaṃ ca

kṛṇuta dhūmamiti dhūmam

agne'janiṣṭhā iti jātam

samiddho agna iti samidhyamānam

parehi nārītyudahṛtaṃ saṃpreṣyatyanuguptāmalaṃkṛtām

emā agurityāyatīmanumantrayate

uttiṣṭha nārīti patnīṃ saṃpreṣyati

prati kumbhaṃ gṛbhāyeti pratigṛhṇāti

ūrjo bhāga iti nidadhāti

iyaṃ mahīti carmāstṛṇāti prāggrīvamuttaraloma

pumānpuṃsa iti carmārohayati

patnī hvayamānam

tṛtīyasyāmapatyamanvāhvayati

ṛṣipraśiṣṭetyudapātraṃ carmaṇi nidadhāti

tadāpasputrāsa iti sāpatyāvanunipadyete

prācīṃprācīmiti mantroktam

catasṛbhirudapātramanupariyanti

pratidiśaṃ dhruveyaṃ virāḍityupatiṣṭhante

piteva putrānityavarohya bhūmiṃ tenodakārthānkurvanti

pavitraiḥ saṃprokṣante

darbhāgrābhyāṃ carmahaviḥ saṃprokṣati

ādiṣṭānāṃ sānajānatyai prayacchati

tāṃstredhā bhāga iti vrīhirāśiṣu nidadhāti

teṣāṃ yaḥ pitṝṇāṃ taṃ śrāddhaṃ karoti

yo manuṣyāṇāṃ taṃ brāhmaṇānbhojayati

yo devānāṃ tamagne sahasvāniti dakṣiṇaṃ jānvācyāparājitābhimukhaḥ prahvo vā muṣṭiprasṛtāñjalibhiḥ kumbhyāṃ nirvapati

kumbhyā vā catuḥ

tānsapta medhāniti sāpatyāvabhimṛśataḥ

gṛhṇāmi hastamiti mantroktam

trayo varā iti trīnvarānvṛṇīṣveti

anena karmaṇā dhruvāniti prathamaṃ vṛṇīte

yāvaparau tāveva patnī

etau grāvāṇāvayaṃ grāvetyulūkhalamusalaṃ śūrpaṃ prakṣālitaṃ carmaṇyādhāya

gṛhāṇa grāvāṇāvityubhayaṃ gṛhṇāti

sākaṃ sajātairiti vrīhīnulūkhala āvapati

vanaspatiriti musalamucchrayati

nirbhindhyaṃśūnpāhi pāpmānamityavahanti

iyaṃ te dhītirvarṣavṛddhamiti śūrpaṃ gṛhṇāti

ūrdhvaṃ prajāṃ viśvavyacā ityudūhantīm

parā punīhi tuṣaṃ palāvāniti niṣpunatīm

pṛthagrūpāṇītyavakṣiṇatīm

trayo lokā ityavakṣīṇānabhimṛśataḥ

punarā yantu śūrpamityudvapati

upaśvasa ityapavevekti

pṛthivīṃ tvā pṛthivyāmiti kumbhīmālimpati

agne carurityadhiśrayati

agniḥ pacanniti paryādadhāti

ṛṣipraśiṣṭetyudakamapakarṣati

śuddhāḥ pūtāḥ pūtāḥ pavitrairiti pavitre antardhāya

udakamāsiñcati

brahmaṇā śuddhāḥ saṃkhyātā stokā ityāpastāsu niktvā taṇḍulānāvapati

uruḥ prathasvodyodhantīti śrapayati

pra yaccha parśumiti darbhāhārāya dātraṃ prayacchati

oṣadhīrdāntu parvannityupari parvaṇāṃ lunāti

navaṃ barhiriti barhi stṛṇāti

udehi vediṃ dhartā dhriyasvetyudvāsayati

abhyāvartasveti kumbhīṃ pradakṣiṇamāvartayati

vanaspate stīrṇamiti barhiṣi pātrīṃ nidadhāti

aṃsadhrīmityupadadhāti

upa stṛṇīhītyājyenopastṛṇāti

upāstarīrityupastīrṇāmanumantrayate

aditerhastāṃ sarvānsamāgā iti mantroktam

tata udakamādāya pātryāmānayati

darvyā kumbhyāṃ

darvikṛte tatraiva pratyānayati

darvyottamamapādāya tatsuhṛddakṣiṇato'gnerudaṅmukha āsīno dhārayati

athoddharati

uddhṛte yadapādāya dhārayati taduttarārdha ādadhāti

anuttarādharatāyā odanasya yaduttaraṃ taduttaramodana evaudanaḥ

ṣaṣṭyāṃ śaratsviti paścādagnerupasādayati

nidhiṃ nidhipā iti trīṇi kāṇḍāni karoti

yadyajjāyeti mantroktam

sā patyāvanvārabhate

anvārabdheṣvata ūrdhvaṃ karoti

agnī rakṣa iti paryagni karoti

babhreradhvaryo idaṃ prāpamityuparyāpānaṃ karoti

babhrerbrahmanniti brūyādanadhvaryum

ghṛtena gātrā siñca sarpiriti sarpiṣā viṣyandayati

vasoryā dhārā ādityebhyo aṅgirībhya iti rasairupasiñcati

priyaṃ priyāṇāmityuttarato'gnerdhenvādīnyanumantrayate

tāmatyāsaratprathameti yathoktaṃ
dohayitvopasiñcati

atyāsaratprathamā dhokṣyamāṇā sarvānyajñānbibhratī vaiśvadevī/
upa vatsaṃ sṛjata vāśyate gaurvyasṛṣṭa sumanā hiṃkṛṇoti//
badhāna vatsamabhi dhehi bhuñjatī nijya godhugupa sīda dugdhi/
irāmasmā odanaṃ pinvamānā kīlālaṃ ghṛtaṃ madamannabhāgam//
sā dhāvatu yamarājñaḥ savatsā sudughāṃ pathā prathameha dattā/
atūrṇadattā prathamedamāganvatsena gāṃ saṃ sṛja viśvarūpāmiti

idaṃ me jyotiḥ samagnaya iti hiraṇyamadhidadhāti

eṣā tvacāmityamotaṃ vāso'grataḥ sahiraṇyaṃ nidadhāti

yadakṣeṣviti samānavasanau bhavataḥ

dvitīyaṃ tatpāpacailaṃ bhavati tanmanuṣyādhamāya dadyādityeke

śṛtaṃ tvā havyamiti catura ārṣeyānbhṛgvaṅgirovida upasādayati

śuddhāḥ pūtā iti mantroktam

pakvaṃ kṣetrādvarṣaṃ vanuṣvetyapakarṣati

agnau tuṣāniti tuṣānāvapati

paraḥ kambūkāniti savyena pādena phalīkaraṇānapohati

tanvaṃ svarga ityanyānāvapati

agne prehi samācinuṣvetyājyaṃ juhuyāt

eṣa savānāṃ saṃskāraḥ

arthaluptāni nivartante

yathāsavaṃ mantraṃ saṃnamayati

liṅgaṃ parihitasya liṅgasyānantaraṃ karmakarmānupūrveṇa liṅgaṃ parīkṣeta

liṅgena vā

karmotpattyānupūrvaṃ praśastam

atathotpatteryathāliṅgam

samuccayastulyārthānāṃ vikalpo vā

athaitayorvibhāgaḥ

sūktena pūrvaṃ saṃpātavantaṃ karoti

śrāmyata iti prabhṛtibhirvā sūktenābhimantrayābhinigadya dadyāddātā vācyamānaḥ

anuvākenottaraṃ saṃpātavantaṃ karoti

prācyai tvā diśa itiprabhṛtibhirvānuvākenābhimantryābhinigadya dadyāddātā vācyamānaḥ

yathāsavamanyānpṛthagveti prakṛtiḥ

sarve yathotpattyācāryāṇāṃ pañcaudanavarjam

prayuktānāṃ punaraprayogam

eke sahiraṇyāṃ dhenuṃ dakṣiṇāṃ

godakṣiṇāṃ vā kaurupathiḥ

saṃpātavato'bhimantryābhinigadya dadyāddātā vācyamānaḥ

etaṃ bhāgametaṃ sadhasthā ulūkhala iti saṃsthitahomāḥ

āvapate

anumantraṇaṃ ca

āśānāmiti catuḥśarāvam

yadrājāna ityavekṣati

padasnātasya pṛthakpādeṣvapūpānnidadhāti

nābhyāṃ pañcamam

unnahyanvasanena sahiraṇyaṃ saṃpātavantam

ā nayaitamityaparājitādajamānīyamānamanumantrayate

indrāya bhāgamityagniṃ pariṇīyamānam

ye no dviṣantīti saṃjñapyamānam

pra pada iti padaḥ prakṣālayantam

anu cchya śyāmeneti yathāparu viśasantam

ṛcā kumbhīmityadhiśrayantam

ā siñcetyāsiñcantam

ava dhehītyavadadhatam

paryādhatteti paryādadhatam

śṛto gacchatvityudvāsayantam

utkrāmāta iti paścādagnerdarbheṣūddharantam

uddhṛtamajamanajmītyājyenānakti

pañcaudanamiti pantroktam

odanānpṛthakpādeṣu nidadhāti

madhye pañcamam

dakṣiṇaṃ paścārdhaṃ yūpenopasicya

śṛtamajamityanubaddhaśiraḥpādaṃ tvetasya carma

ajo hīti sūktena saṃpātavantaṃ yathoktam

uttaro'motaṃ tasyāgrataḥ sahiraṇyaṃ nidadhāti

pañca rukmeti mantroktam

dhenvādīnyuttarataḥ sopadhānamāstaraṇaṃ vāso hiraṇyaṃ ca

ā nayaitamiti sūktena saṃpātavantam

ājñanāntaṃ śataudanāyāḥ pañcaudanena vyākhyātam

aghāyatāmityatra mukhamapinahyamānamanumantrayate

sapatneṣu vajraṃ grāvā tvaiṣa iti nipatantam

vediṣṭa iti mantroktamāstṛṇāti

viṃśatyodanāsu śrayaṇīṣu śatamavadānāni vadhrīsaṃnaddhāni pṛthagodaneṣūparyādadhati

madhyamāyāḥ prathame randhriṇyāmikṣāṃ daśame'bhitaḥ saptasaptāpūpānpariśrayati

pañcadaśe puroḍāśau

agre hiraṇyam

apo devīrityagrata udakumbhān

bālāsta iti sūktena saṃpātavatīm

pradakṣiṇamagnimanupariṇīyopaveśanaprakṣālanācamanamuktam

pāṇāvudakamānīya

athāmuṣyaudanasyāvadānānāṃ ca madhyātpūrvārdhācca dviravadāyopariṣṭādudakenābhighārya juhoti somena pūto jaṭhare sīda brahmaṇāmārṣeyeṣu ni dadha odana tveti

atha prāśnāti

agneṣṭvāsyena prāśnāmi bṛhaspatermukhena/
indrasya tvā jaṭhare sādayāmi varuṇasyodare/
tadyathā hutamiṣṭaṃ prāśnīyāddevātmā tvā prāśnāmyātmāsyātmannātmānaṃ me mā hiṃsīriti prāśitamanumantrayate

yo'gnirnṛmaṇā nāma brāhmaṇeṣu praviṣṭaḥ/
tasminma eṣa suhuto'stvodanaḥ sa mā mā hiṃsītparame vyoman//
so asmabhyamastu parame vyomanniti dātāraṃ vācayati

vīkṣaṇāntaṃ śataudanāyāḥ prātarjapena vyākhyātam

vāṅma āsanniti mantroktānyabhimantrayate

bṛhatā mano dyauśca me punarmaitvindriyamiti pratimantrayate

pratimantrite vyavadāyāśnanti

śataudanāyāṃ dvādaśaṃ śataṃ dakṣiṇāḥ

adhikaṃ dadataḥ kāmapraṃ saṃpadyate

brahmāsyetyodane hradānpratidiśaṃ karoti

uparyāpānam

tadabhitaścatasro diśyāḥ kulyāḥ

tā rasaiḥ pūrayati

pṛthivyāṃ surayādbhirāṇḍīkādivanti mantroktāni pratidiśaṃ nidhāya

yamodanamityatimṛtyum

anaḍvānityanaḍvāham

sūryasya raśmīniti karkīṃ sānūbandhyāṃ dadāti

āyaṃ gauḥ pṛśnirayaṃ sahasramiti pṛśniṃ gām

devā imaṃ madhunā saṃyutaṃ yavamiti paunaḥśilaṃ madhumanthaṃ sahiraṇyaṃ saṃpātavantam

punantu mā devajanā iti pavitraṃ kṛśaram

kaḥ pṛśnimityurvarām

sāhasra ityṛṣabham

prajāpatiścetyanaḍvāham

namaste jāyamānāyai dadāmīti vaśāmudapātreṇa saṃpātavatā saṃprokṣyābhimantryābhinigadya dadyāddātā vācyamānaḥ

bhūmiṣṭvetyenāṃ pratigṛhṇāti

upamitāmiti yacchālayā saha dāsyanbhavati tadantarbhavatyapihitam

mantroktaṃ tu praśastam

iṭasya te vi cṛtāmīti dvāramavasārayati

pratīcīṃ tvā pratīcīna ityudapātramagnimādāya prapadyante

tadantareva sūktena saṃpātavattkaroti

udapātreṇa saṃpātavatā śālāṃ saṃprokṣyābhimantryābhinigadya dadyāddātā vācyamānaḥ

antarā dyāṃ ca pṛthivīṃ cetyenāṃ pratigṛhṇāti

upamitāmiti mantroktāni pracṛtati

mā naḥ pāśamityabhimantrya dhārayati

nāsyāsthīnīti yathoktam

sarvamenaṃ samādāyetyadbhiḥ pūrṇe garte pravidhya saṃvapati

śataudanāṃ ca

saṃbhṛteṣu sāvikeṣu saṃbhāreṣu brāhmaṇamṛtvijaṃ vṛṇīta

ṛṣimārṣeyaṃ sudhātudakṣiṇamanaimittikam

eṣa ha vā ṛṣirārṣeyaḥ sudhātudakṣiṇo yasya tryavarārdhyāḥ pūrvapuruṣā vidyācaraṇavṛttaśīlasaṃpannāḥ

udagayana ityeke

athāta odanasavānāmupācārakalpaṃ vyākhyāsyāmaḥ

savāndattvāgnīnādadhīta

sārvavaidika ityeke

sarve vedā dvikalpāḥ

māsaparārdhyā dīkṣā dvādaśarātro vā

trirātra ityeke

haviṣyabhakṣā syurbrahmacāriṇaḥ

adhaḥ śayīran

kartudātārāvā samāpanātkāmaṃ na bhuñjīransaṃtatāścetsyuḥ

ahani samāptamityeke

yātrārthaṃ dātārau vā dātā keśaśmaśruromanakhāni vāpayīta

keśavarjaṃ patnī

snātāvahatavasanau surabhiṇau vratavantau karmaṇyāvupavasataḥ

śvo bhūte yajñopavītī śāntyudakaṃ kṛtvā yajñavāstu ca saṃprokṣya brahmaudanikamagniṃ mathitvā

yaddevā devaheḍanaṃ yadvidvāṃso yadavidvāṃso'pamityamapratīttamityetaistribhiḥ sūktairanvārabdhe dātari pūrṇahomaṃ juhuyāt

pūrvāhṇe bāhyataḥ śāntavṛkṣasyedhmaṃ prāñcamupasamādhāya

parisamuhya paryukṣya paristīrya barhirudapātramupasādya paricaraṇenājyaṃ paricarya

nityānpurastāddhomānhutvājyabhāgau ca

paścādagneḥ palpūlitavihitamaukṣaṃ vānaḍuhaṃ vā rohitaṃ carma prāggrīvamuttaraloma paristīrya

pavitre kurute

darbhāvapracchinnaprāntau prakṣālyānulomamanumārṣṭi

dakṣiṇaṃ jānvācyāparājitābhimukhaḥ prahvo vā muṣṭinā prasṛtināñjalinā yasyāṃ śrapayiṣyansyāttayā caturtham

śarāveṇa catuḥśarāvaṃ devasya tvā savituḥ prasava ṛṣibhyastvārṣeyebhyastvaikarṣaye tvā juṣṭaṃ nirvapāmi

vasavastvā gāyatreṇa chandasā nirvapantu / ūrjamakṣitamakṣīyamāṇamupajīvyāsamiti dātāraṃ vācayati

rudrāstvā traiṣṭubhena cchandasā / ādityāstvā jāgatena cchandasā / viśve tvā devā ānuṣṭubhena cchandasā nirvapantu / ūrjamakṣitamakṣīyamāṇamupajīvyāsamiti dātāraṃ vācayati

niruptaṃ sūktenābhimṛśati

svargabrahmaudanau tantram

saṃnipāte brahmaudanamitamudakamāsecayedvibhāgam

yāvantastaṇḍulāḥ syurnāvasiñcenna pratiṣiñcet

yadyavasiñcenmayi varco atho yaśa iti brahmā yajamānaṃ vācayati

atha pratiṣiñcet

ā pyāyasva saṃ te payāṃsīti dvābhyāṃ pratiṣiñcet

ā pyāyasva sametu te viśvataḥ soma vṛṣṇyam
bhavā vājasya saṃgathe
saṃ te payāṃsi samu yantu vājāḥ saṃ vṛṣṇyānyabhimātiṣāhaḥ
āpyāyamāno amṛtāya soma divi śravāṃsyuttamāni dhiṣveti

tatra cedupādhimātrāyāṃ nakhena na lavaṇasya kuryāttenaivāsya tadvṛthānnaṃ saṃpadyate

ahataṃ vāso dakṣiṇata upaśete

tatsahiraṇyam

tatra dve udapātre nihite bhavataḥ

dakṣiṇamanyadantaramanyat

antaraṃ yato'dhicariṣyanbhavati

bāhyaṃ jāṅmāyanam

tata udakamādāya pātryāmānayati

darvyā kumbhyām

darvikṛte tatraiva pratyānayati

darvyottamamapādāya tatsuhṛddakṣiṇato'gnerudaṅmukha āsīno dhārayati

athoddharati

uddhṛte yadapādāya dhārayati taduttarārdha ādhāya rasairupasicya pratigrahītre dātopavahati

tasminnanvārabdhaṃ dātāraṃ vācayati

tantraṃ sūktaṃ pacchaḥ snānena yau te pakṣau
yadatiṣṭhaḥ

yau te pakṣāvajarau patatriṇau yābhyāṃ rakṣāṃsyapahaṃsyodana
tābhyāṃ pathyāsma sukṛtasya lokaṃ yatra ṛṣayaḥ prathamajāḥ purāṇāḥ
yadatiṣṭho divaspṛṣṭhe vyomannadhyodana
anvāyansatyadharmāṇo brāhmaṇā rādhasā saha

kramadhvamagninā nākaṃ pṛṣṭhātpṛthivyā ahamantarikṣamāruhaṃ svaryanto nāpekṣanta uruḥ prathasva mahatā mahimnedaṃ me jyotiḥ satyāya ceti tisraḥ samagnaya iti sārdhametayā

ata ūrdhvaṃ vācite hute saṃsthite'mūṃ te dadāmīti nāmagrāhamupaspṛśet

sadakṣiṇaṃ kāmastadityuktam

ye bhakṣayanta iti purastāddhomāḥ

agne tvaṃ no antama uta trātā śivo bhavā varūthyaḥ/
taṃ tvā śociṣṭha dīdivaḥ sumnāya nūnamīmahe sakhibhyaḥ//
gayasphāno amīvahā vasuvitpuṣṭivardhanaḥ sumitraḥ sumano bhavetyājyabhāgau

pāṇāvudakamānīyetyuktam

pratimantraṇāntam

pratimantrite vyavadāyāśnanti

idāvatsarāyeti vratavisarjanamājyaṃ juhuyāt

samidho'bhyādadhyāt

tatra ślokau
yajuṣā mathite agnau yajuṣopasamāhite/
savāndattvā savāgnestu kathamutsarjanaṃ bhavet//
vācayitvā savānsarvānpratigṛhya yathāvidhi/
hutvā saṃnatibhistatrotsargaṃ kauśiko'bravīt

prāñco'parājitāṃ vā diśamavabhṛthāya vrajanti

apāṃ sūktairāplutya pradakṣiṇamāvṛtyāpa upaspṛśyānavekṣamāṇāḥ pratyudāvrajanti

brāhmaṇānbhaktenopepsanti

yathoktā dakṣiṇā yathoktā dakṣiṇā

ityatharvavede kauśikasūtre'ṣṭamo'dhyāyaḥ samāptaḥ

pitryamagniṃ śamayiṣyañjyeṣṭhasya cāvibhaktina ekāgnimādhāsyan

amāvāsyāyāṃ pūrvasminnupaśāle gāṃ dvihāyanīṃ rohiṇīmekarūpāṃ bandhayati

niśi śāmūlaparihito jyeṣṭho'nvālabhate

patnyahatavasanā jyeṣṭham

patnīmanvañca itare

athainānabhivyāhārayatyadhrigo śamīdhvam / suśami śamīdhvam / śamīdhvamadhrigā३ u(dra. tai.brā. ३.६.६.४) iti triḥ

ayamagniḥ satpatirnaḍamā rohetyanuvākaṃ mahāśāntiṃ ca śāntyudaka āvapate

agne akravyāditi bhraṣṭrāddīpaṃ dhārayati

bhūmeścopadagdhaṃ samutkhāya

ākṛtiloṣṭavalmīkenāstīrya

śakṛtpiṇḍenābhilipya

sikatābhiḥ prakīryābhyukṣya

lakṣaṇaṃ kṛtvā

punarabhyukṣya

paścāllakṣaṇasyābhimanthanaṃ nidhāya

go'śvājāvīnāṃ puṃsāṃ lomabhirāstīrya vrīhiyavaiśca śakṛtpiṇḍamabhivimṛjya prāñcau darbhau nidadhāti

vṛṣaṇau stha ityabhiprāṇyāraṇyau

tayoruparyadharāraṇim

dakṣiṇato mūlān

paścātprajananāmurvaśyasītyāyurasīti

mūlata uttarāraṇimupasaṃdhāya

pṛtanājitamityāhūya

abhidakṣiṇaṃ jyeṣṭhastrirabhimanthatyaॐ bhūgāyatraṃ chando'nuprajāyasva traiṣṭubhaṃ jāgatamānuṣṭubhamaॐ bhūrbhuvaḥ svarjanadomiti

ata ūrdhvaṃ yathākāmam

manthāmi tvā jātavedaḥ sujātaṃ jātavedasam/
sa no jīveṣvā bhaja dīrghamāyuśca dhehi naḥ//
jāto'janiṣṭhā yaśasā sahāgne prajāṃ paśūṃstejo rayimasmāsu dhehi/
ānandino modamānāḥ suvīrā anāmayāḥ sarvamāyurgamema//
uddīpyasva jātavedo'va sediṃ tṛṣṇāṃ kṣudhaṃ jahi/
apāsmattama ucchatvapa hrītamukho jahyapa durhārddiśo jahi//
ihaivaidhi dhanasaniriha tvā samidhīmahi/
ihaidhi puṣṭivardhana iha tvā samidhīmahīti

prathamayā manthati

dvitīyayā jātamanumantrayate

tṛtīyayoddīpayati

caturthyopasamādadhāti

yattvā kruddhā iti caॐ bhūrbhuvaḥ svarjanadomityaṅgirasāṃ tvā devānāmādityānāṃ vratenā dadhe /
dyaurmahnāsi bhūmirbhūmnā tasyāste devyaditirupasthe'nnādāyānnapatyāyā dadhaditi

lakṣaṇe pratiṣṭhāpyopotthāya

athopatiṣṭhate

agne gṛhapate sugṛhapatirahaṃ tvayāgne gṛhapatinā bhūyasam/
su gṛhapatistvaṃ mayāgne gṛhapatinā bhūyāḥ/
asthūri ṇau gārhapatyāni dīdihi śataṃ samā iti

vyākaromīti gārhapatyakravyādau samīkṣate

śāntamājyaṃ gārhapatyāyopanidadhāti

māṣamanthaṃ kravyādam

upa tvā namaseti puro'nuvākyā

viśvāhā ta iti pūrṇāhutiṃ juhoti

yo no agniriti saha kartrā hṛdayānyabhimṛśante

aṃśo rājā vibhajatīmāgagnī vidhārayan
kravyādaṃ nirṇudāmasi havyavāḍiha tiṣṭhatviti vibhāgaṃ japati

sugārhapatya iti dakṣiṇena gārhapatye samidhamādadhāti

yaḥ kravyāttamaśīśamamiti savyena naḍamayīṃ kravyādi

apāvṛtyeti mantroktaṃ bāhyato nidhāya

naḍamā roha samindhata iṣīkāṃ jaratīṃ pratyañcamarkamityupasamādadhāti

yadvyagniryo agniraviḥ kṛṣṇā mā no ruroḥ śucadvidaḥ śivo no astu bharato rarāṇaḥ / ativyādhī vyādho agrabhīṣṭa kavyādo agnīñchamayāmi sarvāniti śuktyā māṣapiṣṭāni juhoti

sīsaṃ darvyāmavadhāyodgrathya manthaṃ juhvañchamayet

naḍamā roheti catasro'gne akravyādimaṃ kravyādyo no aśveṣvanyebhyastvā hiraṇyapāṇimiti śamayati

dakṣiṇato jaratkoṣṭhe śītaṃ bhasmābhiviharati

śāntyudakena suśāntaṃkṛtvāvadagdhaṃ samutkhāya

paraṃ mṛtyo ityutthāpayati

kravyādamiti tisṛbhirhrīyamāṇamanumantrayate

dīpādyābhinigadanātpratiharaṇena vyākhyātam

aviḥ kṛṣṇeti nidadhāti

uttamavarjaṃ jyeṣṭhasyāñjalau sīsāni

asminvayaṃ sadripraṃ sīse mṛḍḍhvamityabhyavanejayati

kṛṣṇorṇayā pāṇipādānnimṛjya

imā jīvā udīcīnairiti mantroktam

triḥ sapteti kūdyā padāni yopayitvā nadībhyaḥ

mṛtyoḥ padamiti dvitīyayā nāvaḥ

paraṃ mṛtyo iti prāgdakṣiṇaṃ kūdīṃ pravidhya

sapta nadīrūpāṇi kārayitvodakena pūrayitvā

ā rohata saviturnāvametāṃ sutrāmāṇaṃ mahīmū ṣviti sahiraṇyāṃ sayavāṃ nāvamārohayati

aśvanvatī rīyata uttiṣṭhatā pra taratā sakhāya ityudīcastārayati

uttarato garta udakprasravaṇe'śmāna nidadhātyantaśchinnam

tiro mṛtyumityaśmānamatikrāmati

tā adharādudīcīrityanumantrayate

nissālāmiti śālāniveśanaṃ saṃprokṣya

ūrjaṃ bibhraditi prapādayati

vaiśvadevīmiti vatsatarīmālambhayati

imamindramiti vṛṣam

anaḍvāhamahorātre iti talyamālambhayati

ā rohatāyurityārohati

āsīnā ityāsīnāmanumantrayate

piñjūlīrāñjanaṃ sarpiṣi paryasyemā nārīriti strībhyaḥ prayacchati

ime jīvā avidhavāḥ sujāmaya iti puṃbhya ekaikasmai tisrastisrastā adhyadhyudadhānaṃ paricṛtya prayacchati

paraṃ mṛtyo vyākaromyā rohatāntardhiḥ pratyañcamarkaṃ ye agnayo namo devavadhebhyo'gne'bhyāvartinnagne jātavedaḥ saha rayyā punarūrjeti

agne'bhyāvartinnabhi na ā vavṛtsva
āyuṣā varcasā sanyā medhayā prajayā dhanena
agne jātavedaḥ śataṃ te sahasraṃ ta upāvṛtaḥ
adhā puṣṭasyeśānaḥ punarno rayimā kṛdhi
saha rayyā ni vartasvāgne pinvasva dhārayā
viśvapsvyā viśvataspari
punarūrjā vavṛtsva punaragna iṣāyuṣā
punarnaḥ pāhyaṃhasaḥ

śarkarānsvayamātṛṇāñchaṇarajjubhyāṃ vibadhya dhārayati

samayā khena juhoti

imaṃ jīvebhya iti dvāre nidadhāti

juhotyetayarcā / āyurdāvā dhanadāvā baladāvā paśudāvā puṣṭidāvā prajāpataye svāheti

ṣaṭsaṃpātaṃ mātā putrānāśayate

ucchiṣṭaṃ jāyām

saṃvatsaramagniṃ nodvāyānna harennāhareyuḥ

dvādaśarātra ityeke

daśa dakṣiṇā

paścādagnervāgyataḥ saṃviśati

aparedyuragniṃ cendrāgnī ca yajeta

sthālīpākābhyāmagniṃ cāgnīṣomau ca paurṇamāsyām

sāyaṃprātarvrīhīnāvapedyavānvāgnaye svāhā prajāpataye svāheti

sāyaṃ sūryāya svāhā prajāpataye svāheti

prātardvādaśarātre'gniṃ paśunā yajeta

sthālīpākena vobhayorviriṣyati

saṃvatsaratamyāṃ śāntyudakaṃ kṛtvā

ghṛtāhutirno bhavāgne akravyāhutirghṛtāhutiṃ tvā vayamakravyāhutimupaniṣadema jātaveda iti catura udapātre saṃpātānānīya

tānullapya

purastādagneḥ pratyaṅāsīno juhoti / hute ramasva hutabhāga edhi mṛḍāsmabhyaṃ mota hiṃsīḥ paśūnna iti

yadyudvāyādbhasmanāraṇiṃ saṃspṛśya tūṣṇīṃ mathitvoddīpya

pūrṇahomaṃ hutvā

saṃnatibhirājyaṃ juhuyādvyāhṛtibhirvā

saṃsṛṣṭe caivaṃ juhuyāt

agnāvanugate jāyamāne

ānaḍuhena śakṛtpiṇḍenāgnyāyatanāni parilipya

homyamupasādya

prāṇāpānābhyāṃ svāhā samānavyānābhyāṃ svāhodānarūpābhyāṃ svāhetyātmanyeva juhuyāt

atha prātarutthāyāgniṃ nirmathya yathāsthānaṃ praṇīya yathāpuramagnihotraṃ juhuyāt

sāyamāśaprātarāśau yajñāvṛtvijau

purodayādastamayācca pāvakaṃ prabodhayedgṛhiṇī śuddhahastā
samatīte saṃdhivarṇe'tha hāvayetsusamiddhe pāvaka āhutīṣahiḥ

agnaye ca prajāpataye ca rātrāvādityaśca divā prajāpatiśca
udakaṃ ca samidhaśca homehome puro varam

homyaiḥ samidbhiḥ payasā sthālīpākena sarpiṣā
sāyaṃprātarhoma eteṣāmekenāpi sidhyati

abhyuddhṛto huto'gniḥ pramādādupaśāmyati
mathite vyāhṛtīrjuhuyātpūrṇahomau yathaṛtvijau

vanaspatibhyo vānaspatyebhya oṣadhibhyo vīrudbhyaḥ sarvebhyo devebhyo devajanebhyaḥ puṇyajanebhya iti prācīnaṃ tadudakaṃ ninīyate

svadhā prapitāmahebhyaḥ svadhā pitāmahebhyaḥ svadhā pitṛbhya iti dakṣiṇataḥ

tārkṣyāyāriṣṭanemaye'mṛtaṃ
mahyamiti paścāt

somāya saptarṣibhya ityuttarataḥ

parimṛṣṭe parilipte ca parvaṇi vrātapataṃ hāvayedannamagnau
bhūyo dattvā svayamalpaṃ ca muktvāparāhṇe vratamupaiti yājñikam

anaśanaṃ brahmacaryaṃ ca bhūmau śuciragnimupaśete sugandhiḥ

agnīṣomābhyāṃ darśana indrāgnibhyāmadarśane
āgneyaṃ tu pūrvaṃ nityamanvāhāryaṃ prajāpateḥ

ardhāhutistu sauviṣṭakṛtī sarveṣāṃ haviṣāṃ smṛtā
ānumatī vā bhavati sthālīpākeṣvatharvaṇām

ubhau ca saṃdhijau yau vaiśvadevau yathaṛtvijau
varjayitvā sabarhiṣaḥ sājyā yajñāḥ sadakṣiṇāḥ

yathāśakti yathābalaṃ hutādo'nye ahutādo'nye
vaiśvadevaṃ havirubhaye saṃcaranti

te samyañca iha mādayantāmiṣamūrjaṃ yajamānā yamicchata
viśve devā idaṃ havirādityāsaḥ saparyata
asminyajñe mā vyathiṣyamṛtāya haviṣkṛtam

vaiśvadevasya haviṣaḥ sāyaṃprātarjuhoti
sāyamāśaprātarāśau yajñāvetau smṛtāvubhau

apratibhuktau śucikāryau ca nityaṃ vaiśvadevau jānatā yajñaśreṣṭhau
nāśrotriyo nānavaniktapāṇirnāmantravijjuhuyānnāvipaścit

bībhatsavaḥ śucikāmā hi devā nāśraddadhānasya havirjuṣante
brāhmaṇena brahmavidā tu hāvayenna strīhutaṃ śūdrahutaṃ ca devagam

yastu vidyādrājyabhāgau yajñānmantraparikramān
devatājñānamāvṛta āśiṣaśca karma striyā apratiṣiddhamāhuḥ

tayorbaliharaṇam

agnaya indrāgnibhyāṃ vāstoṣpataye prajāpataye'numataya iti hutvā

niṣkramya bahiḥ pracīnaṃ brahmaṇe vaiśravaṇāya viśvebhyo devebhyaḥ sarvebhyo devebhyo viśvebhyo bhūtebhyaḥ sarvebhyo bhūtebhya iti bahuśo baliṃ haret

dviḥ prokṣanpradakṣiṇamāvṛtyāntarupātītya dvāre

dvāryayormṛtyave dharmādharmābhyām

udadhāne dhanvantaraye samudrāyauṣadhivanaspatibhyo dyāvāpṛthivībhyāmiti

sthūṇāvaṃśayordigbhyo'ntardeśebhya iti

sraktiṣu vāsukaye citrasenāya citrarathāya takṣopatakṣābhyāmiti

samantamagnerāśāyai śraddhāyai medhāyai śriyai hriyai vidyāyā iti

prācīnamagneḥ gṛhyābhyo devajāmibhya iti

bhūyo'bhyuddhṛtya
brāhmaṇānbhojayet

tadapi śloko vadati
mābrāhmaṇāgrataḥ kṛtamaśnīyādviṣavadannamannakāmyā
devānāṃ devo brāhmaṇo bhāvo nāmaiṣa devateti

āgrayaṇe śāntyudakaṃ kṛtvā yathartu taṇḍulānupasādya

apsu sthālīpākaṃ
śrapayitvā payasi vā

sajūrṛtubhiḥ sajūrvidhābhiḥ sajūragnaye svāhā / sajūrindrāgnibhyāṃ sajūrdyāvāpṛthivībhyāṃ sajūrviśvebhyo devebhyaḥ sajūrṛtubhiḥ sajūrvidhābhiḥ sajūḥ somāya svāhetyekahavirvā syānnānāhavīṃṣi vā

saumyaṃ tanvacchyāmākaṃ śaradi

atha yajamānaḥ prāśitraṃ gṛhṇīte

prajāpateṣṭvā grahaṃ gṛhṇāmi / mahyaṃ bhūtyai mahyaṃ puṣṭyai mahyaṃ śriyai mahyaṃ hriyai mahyaṃ yaśase mahyamāyuṣe mahyamannāya mahyamannādyāya mahyaṃ sahasrapoṣāya mahyamaparimitapoṣāyeti

atha prāśnāti
bhadrānnaḥ śreyaḥ samanaiṣṭadevāstvayāvasena samaśīmahi tvā
sa naḥ pito madhumām̐ ā viveśa śivastokāya tanvo na ehīti

prāśitamanumantrayate
amo'si prāṇa tadṛtaṃ bravīmyamāsi sarvāṅasi praviṣṭaḥ
sa me jarāṃ rogamapanudya śarīrādanāmayaidhi mā riṣāma indo iti

vatsaḥ prathamajo grīṣme vāsaḥ śaradi dakṣiṇā

śaktyā vā dakṣiṇāṃ dadyāt

nātiśaktirvidhīyate nātiśaktirvidhīyata iti

ityatharvavede kauśikasūtre navamo'dhyāyaḥ samāptaḥ

atha vivāhaḥ

ūrdhvaṃ kārttikyā ā vaiśākhyāḥ

yāthākāmī vā

citrāpakṣaṃ tu varjayet

maghāsu hanyante gāvaḥ phalgunīṣu vyuhyata iti vijñāyate maṅgalaṃ ca

satyenottabhitā pūrvāparamityupadadhīta

pativedanaṃ ca

yuvaṃ bhagamiti saṃbhalaṃ sānucaraṃ prahiṇoti

brahmaṇaspata iti brahmāṇam

tadvivṛhācchaṅkamāno niśi kumārīkulādvalīkānyādīpya

devā agra iti pañcabhiḥ sakṛtpūlyānyāvāpayati

anṛkṣarā iti kumārīpālaṃ prahiṇoti

udāhārasya pratihiteṣuragrato jaghanato brahmā

yo anidhma ityapsu logaṃ pravidhyati

idamahamityapohya

yo bhadra ityanvīpamudacya

āsyai brāhmaṇā iti prayacchati

ābrajatāmagrato brahmā jaghanato'dhijyadhanvā

bāhyataḥ plakṣodumbarasyottarato'gneḥ śākhāyāmāsajati

tenodakārthānkurvanti

tataścānvāsecanamanyena

antarupātītyāryamaṇamiti juhoti

pra tvā muñcāmīti veṣṭaṃ vicṛtati

uśatīrityetayā trirādhāpayati

saptabhiruṣṇāḥ saṃpātavatīḥ karoti

yadāsandyāmiti pūrvayoruttarasyāṃ sraktyāṃ tiṣṭhantīmā
plāvayati

yacca varco yathā sindhurityutkrāntāmanyenāvasiñcati

yadduṣkṛtamiti vāsasāṅgāni pramṛjya kumārīpālāya prayacchati

tumbaradaṇḍena
pratipādya nirvrajet

tadvana āsajati

yā akṛntaṃstvaṣṭā vāsa ityahatenācchādayati

kṛtrima iti śatadataiṣīkeṇa kaṅkatena sakṛtpralikhya

kṛtayāmamityavasṛjati

āśāsānā saṃ tvā nahyāmītyubhayataḥ pāśena yoktrena saṃnahyati

iyaṃ vīruditi madughamaṇiṃ lākṣāraktena sūtreṇa vigrathyānāmikāyāṃ badhnāti

antato ha maṇirbhavati bāhyo granthiḥ

bhagastveta iti hastegṛhya nirṇayati

śākhāyāṃ yugamādhāya dakṣiṇato'nyo dhārayati

dakṣiṇasyāṃ yugadhuryuttarasminyugatarhmani darbheṇa vigrathya śaṃ ta iti lalāṭe hiraṇyaṃ saṃstabhya japati

tardma samayāvasiñcati

upagṛhyottarato'gneraṅgādaṅgāditi ninayati

syonamiti śakṛtpiṇḍe'śmānaṃ nidadhāti

tamā tiṣṭhetyāsthāpya

iyaṃ nārīti dhruvāṃ tiṣṭhantīṃ pūlyānyāvāpayati

triravicchindatīṃ caturthī kāmāya

yenāgniriti pāṇiṃ grāhayati

aryamṇa ityagniṃ triḥ pariṇayati

sapta maryādā ityuttarato'gneḥ sapta lekhā likhati prācyaḥ

tāsu padānyutkrāmayati

iṣe tvā sumaṅgali prajāvati susīma iti prathamam

ūrje tvā rāyaspoṣāya tvā saubhāgyāya tvā sāmrājyāya tvā saṃpade tvā jīvātave tvā sumaṅgali prajāvati susīma iti saptamaṃ sakhā saptapadī bhaveti

ā roha talpaṃ bhagastatakṣeti talpa upaveśayati

upaviṣṭāyāḥ suhṛtpādau prakṣālayati

prakṣālyamānāvanumantrayate / imau pādau subhagau suśevau saubhāgyāya kṛṇutāṃ no aghāya / prakṣālyamānau mubhagau supatnyāḥ prajāṃ paśūndīrghamāyuśca dhattāmiti

ahaṃ vi ṣyāmi pra tvā muñcāmīti yoktraṃ vicṛtati

aparasminbhṛtyāḥ saṃrabhante

ye jayanti te balīyāṃsa eva manyante

bṛhaspatineti sarvasurabhicūrṇānyṛcarcā kāmpīlapalāśena mūÞryāvapati

udyacchadhvaṃ bhagastatakṣābhrātṛghnīmityekaikayotthāpayati

prati tiṣṭheti pratiṣṭhāpayati

sukiṃśukaṃ rukmaprastaraṇāmiti yānamārohayati

emaṃ panthāṃ brahmāparamityagrato brahmā prapadyate

mā vidannanṛkṣarā adhvānamityuktam

yedaṃ pūrveti tenānyasyāmūḍhāyāṃ vādhūyasya daśāṃ catuṣpathe dakṣiṇairabhitiṣṭhati

sa cedubhayoḥ śubhakāmo bhavati sūryāyai devebhya ityetāmṛcaṃ japati

samṛcchata svapatho'navayantaḥ susīmakāmāvubhe virājāvubhe suprajasāvityatikramayato'ntarā brahmāṇam

ya ṛte cidabhiśriṣa iti yānaṃ saṃprokṣya viniṣkārayati

sā mandasāneti tīrthe logaṃ pravidhyati

idaṃ su ma iti mahāvṛkṣeṣu japati

sumaṅgalīriti vadhvīkṣīḥ prati japati

yā oṣadhaya iti mantrokteṣu

ye pitara iti śmaśāneṣu

pra budhyasveti suptāṃ prabodhayet

saṃ kāśayāmīti gṛhasaṃkāśe japati

udva ūrmiriti yānaṃ saṃprokṣya vimocayati

uttiṣṭheta iti patnī śālāṃ saṃprokṣati

syonamiti dakṣiṇato valīkānāṃ śakṛtpiṇḍe'śmānaṃ nidadhāti

tasyopari madhyamapalāśe sarpiṣi catvāri dūrvāgrāṇi

tamā tiṣṭhetyāsthāpya

sumaṅgalī prataraṇīha priyaṃ mā hiṃsiṣṭaṃ brahmāparamiti pratyṛcaṃ prapādayati

suhṛtpūrṇakaṃsena pratipādayati

aghoracakṣurityagniṃ triḥ pariṇayati

yadā gārhapatyaṃ sūryāyai devebhya iti
mantroktebhyo namaskurvatīmanumantrayate

śarma varmeti rohitacarmāharantam

carma copastṛṇīthanetyupastṛṇantam

yaṃ balbajamiti balbajaṃ nyasyantam

upa stṛṇīhītyupastṛṇantam

tadā rohatvityārohayati

tatropaviśyetyupaveśayati

dakṣiṇottaramupasthaṃ kurute

sujyaiṣṭhya iti kalyāṇanāmānaṃ brāhmaṇāyanamupastha upaveśayati

vi tiṣṭhantāmiti pramadanaṃ pramāyotthāpayati

tena bhūtena tubhyamagre śumbhanī agnirjanavinmahyaṃ jāyāmimāmadātsomo vasuvinmahyaṃ jāyāmimāmadātpūṣā jātivinmahyaṃ jāyāmimāmadādindraḥ sahīyānmahyaṃ jāyāmimāmadādagnaye janavide svāhā somāya vasuvide svāhā pūṣṇe jātivide svāhendrāya sahīyase svāhetyāgacchataḥ

savitā prasavānāmiti mūrdhnoḥ saṃpātānānayati

udapātra uttarān

śumbhanyāñjalyorninayati

tena bhūteneti samaśanam

rasānāśayati sthālīpākaṃ ca

yavānāmājyamiśrāṇāṃ pūrṇāñjaliṃ juhoti

sapta maryādā iti timṛṇāṃ prātarāvapate

akṣyau nāviti samāñjāte

mahīmū ṣviti talpamālambhayati

ā roha talpamityārohayati

tatropaviśyetyupaveśayati

devā agra iti saṃveśayati

abhi tvetyabhicchādayati

saṃ pitarāviti samāveśayati

ihemāviti triḥ saṃnudati

madughamaṇimaukṣe'panīyeyaṃ vīrudamo'hamiti saṃspṛśataḥ

brahma jajñānamityaṅguṣṭhena vyacaskaroti

syonādyonerityutthāpayati

paridhāpanīyābhyāmahatenācchādayati

bṛhaspatiriti śaṣpeṇābhighārya vrīhiyavābhyāmabhinidhāya darbhapiñjūlyā sīmantaṃ vicṛtati

śaṇaśakalena pariveṣṭya tisro rātrīḥ prati suptāste

anuvākābhyāmanvārabdhābhyāmupadadhīta

ihedasāthetyetayā śulkamapākṛtya

dvābhyāṃ nivartayatīha mama rādhyatāmatra taveti

yathā vā manyante

parā dehīti vādhūyaṃ dadatamanumantrayate

devairdattamiti pratigṛhṇāti

apāsmattama iti sthāṇāvāsajati

yāvatīḥ kṛtyā iti vrajet

yā me priyatameti vṛkṣaṃ praticchādayati

śumbhanyāplutya

ye antā ityācchādayati

navaṃ vasāna ityāvrajati

pūrvaparaṃ yatra nādhigacchedbrahmāparamiti kuryāt

gaurdakṣiṇā pratīvāhaḥ

jīvaṃ rudanti yadīme kośana iti juhoti

eṣa sauryo vivāhaḥ

brahmāparamiti brāhmyaḥ

āvṛtaḥ prājāpatyāḥ prājāpatyāḥ

ityatharvavede kauśikasūtre daśamo'dhyāyaḥ samāptaḥ

atha pitṛmedhaṃ vyākhyāsyāmaḥ

dahananidhānadeśe parivṛkṣāṇi nidhānakāla iti brāhmaṇoktam

durbalībhavantaṃ śālātṛṇeṣu darbhānāstīrya syonāsmai bhavetyavarohayati

mantroktāvanumantrayate

yatte kṛṣṇa ityavadīpayati

āhitāgnau prete saṃbhārānsaṃbharati

ājyaṃ ca pṛṣadājyaṃ cājaṃ ca gāṃ ca

vasanaṃ pañcamam

hiraṇyaṃ ṣaṣṭham

śarīraṃ nānvālabhate

anyaṃ ceṣṭantamanumantrayate

śāntyudakaṃ karotyasakalaṃ cātanānāṃ cānvāvapate

śāntyudakodakena keśaśmaśruromanakhāni saṃhārayanti

āplāvayanti

anulimpanti

srajo'bhiharanti

evaṃsnātamalaṃkṛtamahatenāvāgdaśena vasanena pracchādayatyetatte deva etattvā vāsaḥ prathamaṃ nvāganniti

apemamityagniṣu juhoti

ukhāḥ kurvanti

tāḥ śakṛdābhyantaraṃ limpanti śuṣkeṇa vā pūrayanti

tāḥ pṛthagagnibhiḥ saṃtāpayantyā śakṛdādīpanāt

teṣāṃ haraṇānupūrvamāhavanīyaṃ prathamaṃ tato dakṣiṇāgniṃ tato gārhapatyam

atha videśe pretasyā rohata janitrīṃ jātavedasa iti pṛthagaraṇīṣvagnīnsamāropayanti

teṣu yathoktaṃ karoti

api vānyavatsāyā vā saṃdhinīkṣīreṇaikaśalākena vā manthenāgnihotraṃ juhotyā dahanāt

darśapūrṇamāsayoḥ kṛṣṇakataṇḍulānāṃ tasyā ājyena nāntaṃ na bahiḥ

palālāni barhiḥ

tilpiñjyā idhmāḥ

grahānājyabhāgau purastāddhomasaṃsthitahomānuddhṛtya

prāṇāpānāvaruddhyai nidhanābhirjuhuyāt

athobhayoruttiṣṭhetyutthāpayati

pra cyavasveti triḥ saṃhāpayati yāvatkṛtvaścotthāpayati

evameva kūdīṃ jaghane nibadhya

imau yunajmīti gāvau yunakti puruṣau vā

uttiṣṭha prehi pra cyavasvodanvatīta ete'gnīṣomedaṃ pūrvamiti hariṇībhirhareyurati dravetyaṣṭabhiḥ

idaṃ ta ityagnimagrataḥ

prajānatyaghnya iti jaghanyaṃ gāmedhamagniṃ pariṇīya

syonāsmai bhavetyuttarato'gneḥ śarīraṃ nidadhāti

adhvaryava iṣṭiṃ nirvapanti

tasyāṃ yathādevataṃ purastāddhomasaṃsthitahomānuddhṛtya

prāṇāpānāvaruddhyai nidhanābhirjuhuyāt

athobhayorapeta dadāmīti śāntyudakaṃ kṛtvā saṃprokṣaṇībhyāṃ kāmpīlaśākhayā dahanaṃ saṃprokṣya

udīratāmityuddhṛtyābhyukṣya lakṣaṇaṃ kṛtvā punarabhyukṣya prāgdakṣiṇamedhaścinvanti

iyaṃ nārīti patnīmupasaṃveśayati

udīrṣvetyutthāpayati

yaddhiraṇyaṃ bibharti taddakṣiṇe pāṇāvādāyājyenābhighārya jyeṣṭhena putreṇādāpayatīdaṃ hiraṇyamiti

svargaṃ yata iti dakṣiṇaṃ hastaṃ nirmārjayati

daṇḍaṃ hastāditi mantroktaṃ brāhmaṇasyādāpayati

dhanurhastāditi kṣatriyasya

aṣṭrāmiti vaiśyasya

idaṃ pitṛbhya iti darbhānedhānstṛṇāti

tatrainamuttānamādadhītejānaścittamārukṣadagnimiti

prācyāṃ tvā diśīti pratidiśam

netyuparibabhravaḥ

anumantrayate

athāsya saptasu prāṇeṣu sapta hiraṇyaśakalānyavāsyatyamṛtamasyamṛtatvāyāmṛtamasmindhehīti

athāhitāgnerdarbheṣu kṛṣṇājinamantarlomāstīrya

tatrainamuttānamādhāya

athāsya yajñapātrāṇi pṛṣadājyena pūrayitvānurūpaṃ nidadhati

dakṣiṇe haste juhūm

savya upabhṛtam

kaṇṭhe dhruvāṃ mukhe'gnihotrahavaṇīṃ nāsikayoḥ sruvam

tānyanumantrayate juhūrdādhāra dvyāṃ dhruva ā roheti

lalāṭe prāśitraharaṇam

imamagne camasamiti śirasīḍācamasam

devā yajñamityurasi puroḍāśam

dakṣiṇe pārśve sphyaṃ savya upaveṣam

udare pātrīm

aṣṭhīvatorulūkhalamusalam

śroṇyoḥ śakaṭam

antareṇorū anyāni yajñapātrāṇi

pādayoḥ śūrpam

apo mṛnmayānyupaharanti

ayasmayāni nidadhati

amā putrā ca dṛṣat

athobhayorapaśyaṃ yuvatiṃ prajānatyaghnya iti jaghanyāṃ gāṃ prasavyaṃ pariṇīyamānāmanumantrayate

tāṃ nairṛtena jaghanatāghnanta upaveśayanti

tasyāḥ pṛṣṭhato vṛkkāvuddhārya pāṇyorasyādadhatyati drava śvānāviti

dakṣiṇe dakṣiṇaṃ savye savyam

hṛdaye hṛdayam

agnervarmeti vapayā saptachidrayā mukhaṃ pracchādayanti

yathāgātraṃ gātrāṇi

dakṣiṇairdakṣiṇāni savyaiḥ savyāni

anubaddhaśiraḥpādena gośālāṃ carmaṇāvacchādya

ajo bhāga uttvā vahantviti dakṣiṇato'jaṃ badhnāti

asmādvai tvamajāyathā ayaṃ tvadadhi jāyatāmasau svāhetyurasi gṛhye juhoti

tathāgniṣu juhotyagnaye svāhā kāmāya svāhā lokāya svāheti

dakṣiṇāgnāvityeke

mainamagne vi dahaḥ śaṃ tapa ā rabhasva prajānanta iti kaniṣṭha ādīpayati

ādīpte sruveṇa yāmānhomāñjuhoti pareyivāṃsaṃ pravato mahīriti

yamo no gātuṃ prathamo vivedeti dve prathame

aṅgiraso naḥ pitaro navagvā iti saṃhitāḥ sapta

yo mamāra prathamo martyānāṃ ye naḥ pituḥ pitaro ye pitāmahā ityekādaśa

atha sārasvatāḥ

sarasvatīṃ devayanto havante sarasvatīṃ pitaro havante sarasvati yā sarathaṃ yayātha sarasvati vrateṣu ta idaṃ te havyaṃ ghṛtavatsarasvatīndro mā marutvāniti

dakṣiṇato'nyasminnanuṣṭhātā juhoti

sarvairupatiṣṭhanti trīṇi prabhṛtibhirvā

api vānuṣṭhānībhiḥ

etā anuṣṭhānyaḥ

mainamagne vi daha itiprabhṛtyava sṛjeti varjayitvā sahasranīthā ityātaḥ

ā rohata janitrīṃ jātavedasa iti pañcadaśabhirāhitāgnim

mitrāvaruṇā pari māmadhātāmiti pāṇī prakṣālayate

varcasā māmityācāmati

vivasvānna ityuttarato'nyasminnanuṣṭhātā juhoti

yavīyaḥprathamāni karmāṇi prāṅmukhānāṃ yajñopavītināṃ dakṣiṇāvṛtām

athaiṣāṃ saptasapta śarkarāḥ pāṇiṣvāvapate

tāsāmekaikāṃ savyenāvācīnahastenāvakiranto'navekṣamāṇā vrajanti

apāghenānumantrayate

sarve'grato brahmaṇo vrajanti

mā pra gāmeti japanta udakānte vyapādye japanti

paścādavasiñcati

uduttamamiti jyeṣṭhaḥ

payasvatīriti brahmoktāḥ piñjūlīrāvapati

śāntyudakenācamyābhyukṣyāśvāvatīmiti nadīṃ tārayate

nakṣatraṃ dṛṣṭvopatiṣṭhate nakṣatrāṇāṃ mā saṃkāśaśca pratīkāśaścāvatāmiti

śāmyākīḥ samidha ādhāyāgrato brahmā japati

yasya trayā gatamanuprayanti devā manuṣyāḥ paśavaśva sarve / taṃ no devaṃ mano adhi bravītu sunītirno nayatu dviṣate mā radhāmeti śāntyudakenācamyābhyukṣya

nissālāmiti śālāniveśanaṃ saṃprokṣya

ūrjaṃ bibhraditi prapādayati

nadīmālambhayati gāmagnimaśmānaṃ ca

yavo'si yavayāsmaddveṣo yavayārātimiti yavān

khalvakāsyeti khalvānkhalakulāṃśca

vyapādyābhyāṃ śāmyākīrādhāpayati

tāsāṃ dhūmaṃ bhakṣayanti

yadyatkravyādgṛhyedyadi kravyādā nānte'paredyuḥ
divo nabhaḥ śukraṃ payo duhānā iṣamūrjaṃ pinvamānāḥ
apāṃ yonimapādhvaṃ svadhā yāścakṛṣe jīvaṃstāste santu madhuścuta ityagnau sthālīpākaṃ nipṛṇāti

ādahane cāpi vānyavatsāṃ dohayitvā tasyāḥ pṛṣṭhe juhoti vaiśvānare haviridaṃ juhomīti

tasyāḥ payasi

sthālīpāka ityeke

ye agnaya iti pālāśyā darvyā manthamupamathya kāmpīlībhyāmupamanthanībhyāṃ tṛtīyasyāmasthīnyabhijuhoti

upa dyāṃ śaṃ te nīhāra iti mantroktānyavadāya

kṣīratsiktena brāhmaṇasyāvasiñcati madhūtsiktena kṣatriyasyodakena vaiśyasya

ava sṛjetyanumantrayate

mā te mano yatte aṅgamiti saṃcinoti pacchaḥ

prathamaṃ śīrṣakapālāni

paścātkalaśe samopya sarvasurabhicūrṇairavakīryotthāpanībhirutthāpya hariṇībhirhareyuḥ

mā tvā vṛkṣa iti vṛkṣamūle nidadhāti

syonāsmai bhaveti bhūmau trirātramarasāśinaḥ karmāṇi kurvate

daśarātra ityeke

yathākuladharmaṃ vā

ūrdhvaṃ tṛtīyasyā vaivasvataṃ sthālīpākaṃ śrapayitvā vivasvānna iti juhoti

yuktābhyāṃ tṛtīyām

ānumatīṃ caturthīm

śeṣaṃ śāntyudakenopasicyābhimantrya prāśayati

ā pra cyavethāmiti gāvāvupayacchati

eyamaganniti daśagavāvarārghyā dakṣiṇā

dvādaśarātraṃ kartā yamavrataṃ caret

ekacailastricailo vā

haviṣyabhakṣaḥ

sāyaṃprātarupaspṛśet

brahmacārī vratyadhaḥ śayīta

svastyayanāni prayuñjīta

pitṝnnidhāsyansaṃbhārānsaṃbharati

ekādaśa carūñcakrakṛtānkārayati

śatātṛṇasahasrātṛṇau ca pāśīmūṣaṃ sikatāḥ śaṅkhaṃ śālūkaṃ sarvasurabhiśamīcūrṇakṛtaṃ śāntavṛkṣasya nāvaṃ tripādakam

dve niḥśīyamāne nīlalohite sūtre savyarajjuṃ śāntavṛkṣasya caturaḥ śaṅkūṃścaturaḥ paridhīnvāraṇaṃ śāmīlamaudumbaraṃ pālāśaṃ vṛkṣasya śāntauṣadhīḥ

māghe nidadhyānmāghaṃ bhūditi

śaradi nidadhyācchāmyatvaghamiti

nidāghe nidadhyānnidahyatāmaghamiti

amāvāsyāyāṃ nidadhyādamā hi pitaro bhavanti

athāvasānam

tadyatsamaṃ samūlamavidagdhaṃ pratiṣṭhitaṃ prāgudakpravaṇam

yatrākaṇṭakā vṛkṣāścauṣadhayaśca

unnataṃ svargakāmaśca

śvo'māvāsyeti gāṃ kārayate

tasyāḥ savyaṃ cāpaghanaṃ prapākaṃ ca nidhāya

bhikṣāṃ kārayati

grāme yāmasārasvatānhomānhutvā

saṃprokṣaṇībhyāṃ kāmpīlaśākhayā niveśanamanucarya

prāgdakṣiṇaṃ śākhāṃ pravidhya sīreṇa karṣayitvā śākhābhiḥ parivārya

punardehīti vṛkṣamūlādādatte

yatte kṛṣṇa iti bhūmervasane samopya sarvasurabhicūrṇairavakīryotthāpanībhirutthāpya hariṇībhirhareyuḥ

avidanto deśātpāṃsūn

api vodakānte vasanamāstīryāsāviti hvayet

tatra yo janturnipatettamutthāpanībhirutthāpya hariṇībhirhareyuḥ

api vā trīṇi ṣaṣṭiśatāni palāśatsarūṇām

grāme dakṣiṇodagdvāraṃ vimitaṃ darbhairāstārayati

uttaraṃ jīvasaṃcaro dakṣiṇaṃ pitṛsaṃcaraḥ

anastamita ā yātetyāyāpayati

ācyā jānvityupaveśayati

saṃ viśantviti saṃveśayati

etadvaḥ pitaraḥ pātramiti trīṇyudakaṃsānninayati

trīnsnātānuliptānbrāhmaṇānmadhumanthaṃ pāyayati

brahmaṇe madhuparkamāhārayati

gāṃ vedayante

kurutetyāha

tasyā dakṣiṇamardhaṃ brāhmaṇānbhojayati savyaṃ pitṝn

vaha vapāṃ jātavedaḥ pitṛbhyo yatraitānvettha nihitānparāke / medasaḥ kulyā upa tānsravantu satyā eṣāmāśiṣaḥ santu kāmāḥ svāhā svadheti vapāyāstrirjuhoti

imaṃ yameti yamāya caturthīm

ekaviṃśatyā yavaiḥ kṛśaraṃ randhayati yutamanyatprapākaṃ ca

sayavasya jīvāḥ prāśnanti

athetarasya piṇḍaṃ nipṛṇāti

ya te manthamiti mantroktaṃ vimite nipṛṇāti

tadudgatoṣmahartāro dāsā bhuñjate

vīṇā vadantvityāha

mahayata pitṝniti riktakumbhaṃ vimitamadhye nidhāya taṃ jaradupānahāghnanti

kasye mṛjānā iti triḥ prasavyaṃ prakīrṇakeśyaḥ pariyanti dakṣiṇānūrūnāghnānāḥ

evaṃ madhyarātre'pararātre ca

purā vivāhātsamāṃsaḥ piṇḍapitṛyajñaḥ

utthāpanībhirutthāpya hariṇībhirhareyuḥ

athāvasāyeti paścātpūrvakṛtebhyaḥ pūrvāṇi pūrvebhyo'parāṇi yavīyasām

prāgdakṣiṇāṃ diśamabhyuttarāmaparāṃ diśamabhitiṣṭhanti

yathā citiṃ tathā śmaśānaṃ dakṣiṇāparāṃ diśamabhi pravaṇam

atha mānāni

diṣṭikudiṣṭivitastinimuṣṭyaratnipadaprakramāḥ

prādeśena dhanuṣā cemāṃ mātrāṃ mimīmaha iti

sapta dakṣiṇato mimīte saptottarataḥ pañca purastāttrīṇi paścāt

nava dakṣiṇato mimīte navottarataḥ sapta purastātpañca paścāt

ekādaśa dakṣiṇato mimīta ekādaśottarato nava purastātsapta paścāt

ekādaśabhirdevadarśinām

ayugmamānāni parimaṇḍalāni caturasrāṇi vā śaunakinām

tathā hi dṛśyante

yāvānpuruṣa ūrdhvabāhustāvānagniścitaḥ

savyāni dakṣiṇādvārāṇyayugmaśilānyayugmeṣṭikāni ca

imāṃ mātrāṃ mimīmaha iti dakṣiṇataḥ savyarajjuṃ mītvā

vārayatāmaghamiti vāraṇaṃ paridhiṃ paridadhāti śaṅkuṃ ca nicṛtati

purastānmītvā śamebhyo'stvaghamiti śāmīlaṃ paridhiṃ paridadhāti śaṅkuṃ ca nicṛtati

uttarato mītvā śāmyatvaghamityaudumbaraṃ paridhiṃ paridadhāti śaṅkuṃ ca nicṛtati

paścānmītvā śāntamaghamiti pālāśaṃ paridhiṃ paridadhāti śaṅkuṃ ca nicṛtati

amāsītyanumantrayate

akṣṇayā lohitasūtrena nibadhya

stuhi śrutamiti madhye gartaṃ khātvā pāśisikatoṣodumbaraśaṅkhaśālūkasarvasurabhiśamīcūrṇāni nivapati

niḥśīyatāmaghamiti niḥśīyamānamāstṛṇāti

asaṃpratyagham

vi lumpatāmaghamiti pari cailaṃ dūrśaṃ vilumpati

ukto homo dakṣiṇata staraṇaṃ ca

etadā roha dadāmīti kaniṣṭho nivapati

edaṃ barhiriti sthitasūnuryathāparu saṃcinoti

mā te mano yatte aṅgamindro modapūrityāto'numantrayate

dhānāḥ saliṅgābhirāvapati

idaṃ kasāmbviti sajātānavekṣayati

ye ca jīvā ye te pūrve parāgatā iti sarpirmadhubhyāṃ caruṃ pūrayitvā śīrṣadeśe nidadhāti

apūpavāniti mantroktaṃ dikṣvaṣṭamadeśeṣu nidadhāti

madhye pacantam

sahasradhāraṃ śatadhāramityadbhirabhiviṣyandya

parṇo rājeti madhyamapalāśairabhinidadhāti

ūrjo bhāga ityaśmabhiḥ

utte stabhnāmīti logānyathāparu

niḥśīyatāmaghamiti niḥśīyamānenāvachādya darbhairavastīrya

idamidvā u nopa sarpāsau hā iti cinvanti

yathā yamāyeti saṃśritya

śṛṇātvaghamityupariśira stambamādadhāti

pratiṣiddhamekeṣām

akalmāṣāṇāṃ kāṇḍānāmaṣṭāṅgulīṃ tejanīmantarhitamaghamiti grāmadeśāducchrayati

prasavyaṃ pariṣicya kumbhānbhindanti

sametetyaparasyāṃ śmaśānasraktyāṃ dhruvanānyupayacchante

paścāduttarato'gnervarcasā māṃ vivasvānindra kratumityātaḥ

samindhata iti paścātsaṃkasukamuddīpayati

asminvayaṃ yadripraṃ sīse mṛḍḍhvamityabhyavanejayati

kṛṣṇorṇayā pāṇipādānnimṛjya

ime jīvā udīcīnairiti mantroktam

triḥ sapteti kūdyā padāni yopayitvā śmaśānāt

mṛtyoḥ padamiti dvitīyayā nāvaḥ

paraṃ mṛtyo iti prāgdakṣiṇaṃ kūdīṃ pravidhya

sapta nadīrūpāṇi kārayitvodakena pūrayitvā

ā rohata saviturnāvametāṃ sutrāmāṇaṃ mahīmū ṣviti sahiraṇyāṃ sayavāṃ nāvamārohayati

aśmanvatī rīyata uttiṣṭhatā pra taratā sakhāya ityudīcastārayati

śarkarādyā samidādhānāt

vaivasvatādi samānam

prāpya gṛhānsamānaḥ piṇḍapitṛyajñaḥ

atha piṇḍapitṛyajñaḥ

amāvāsyāyāṃ sāyaṃ nyahne'hani vijñāyate

mitrāvaruṇā pari māmadhātāmiti pāṇī prakṣālayate

varcasā māmityācāmati

punaḥ savyenācamanādapasavyaṃ kṛtvā praiṣakṛtaṃ samādiśati

ulūkhalamusalaṃ śūrpaṃ caruṃ kaṃsaṃ prakṣālaya barhirudakumbhamā hareti

yajñopavītī dakṣiṇapūrvamantardeśamabhimukhaḥ śūrpa ekapavitrāntarhitānhaviṣyānnirvapati

idamagnaye kavyavāhanāya svadhā pitṛbhyaḥ pṛthiviṣadbhya itīdaṃ somāya pitṛmate svadhā pitṛbhyaḥ somavadbhyaḥ pitṛbhyo vāntarikṣasadbhya itīdaṃ yamāya pitṛmate svadhā pitṛbhyaśca diviṣadbhya iti trīnavācīnakāśīnnirvapati

ulūkhala opya triravahantīdaṃ vaḥ pitaro haviriti

yathā havistathā paricarati

havirhyeva pitṛyajñaḥ

praiṣakṛtaṃ samādiśati caruṃ prakṣālayādhiśrayāpa opya taṇḍulānāvapasva nekṣaṇena yodhayannāsva mā śiro grahīḥ

śirograhaṃ paricakṣate

bāhyenopaniṣkramya yajñopavītī dakṣiṇapūrvamantardeśamabhimukha udīratāmiti karṣūṃ khanati prādeśamātrīṃ tiryagaṅgurim

avāgaṅguriṃ parvamātrīmityeke

apahatā asurā rakṣāṃsi ye pitṛṣada iti prāgdakṣiṇaṃ pāṃsūnudūhati

karṣūṃ ca pāṇī ca prakṣālyaitadvaḥ pitaraḥ pātramiti karṣūmudakena pūrayitvā

antarupātītya mastunā navanītena vā pratinīya dakṣiṇāñcamudvāsya

dve kāṣṭhe gṛhītvośanta ityādīpayati

ādīptayorekaṃ pratinidadhāti

ihaivaidhi dhanasanirityekaṃ hṛtvā

pāṃsuṣvādhāyopasamādadhāti ye nikhātāḥ samindhate ye tātṛṣurye satyāsa iti

saṃbhārānupasādayati

paryukṣaṇīṃ barhirudakumbhaṃ kaṃsaṃ darviṃmājyamāyavanaṃ caruṃ vāsāṃsyāñjanamabhyañjanamiti

yadatropasamāhāryaṃ bhavati tadupasamāhṛtya

ato yajñopavītī pitryupavītī barhirgṛhītvā vicṛtya saṃnahanaṃ dakṣiṇāparamaṣṭamadeśamabhyavāsyet

barhirudakena saṃprokṣya barhiṣadaḥ pitara upahūtā naḥ pitaro'gniṣvāttāḥ pitaro ye naḥ pituḥ pitaro ye'smākamiti prastṛṇāti

āyāpanādīni trīṇi

udīratāmiti tisṛbhirudapātrāṇyanvṛcaṃ ninayet

ataḥ pitryupavītī yajñopavītī ye dasyava ityubhayata ādīptamulmukaṃ triḥ prasavyaṃ parihṛtya nirasyati

paryukṣya

ye rūpāṇi pratimuñcamānā asurāḥ santaḥ svadhayā caranti / tvaṃ tānagne apa sedha dūrānsatyā naḥ pitṝṇāṃ santvāśiṣaḥ svāhā svadheti hutvā kumbhīpākamabhighārayati

agnaye kavyavāhanāyeti juhoti

yathāniruptaṃ dvitīyām

yamāya pitṛmate svadhā pitṛbhya iti tṛtīyām

yadvo agniriti sāyavanāṃstaṇḍulān

saṃ barhiriti sadarbhāṃstaṇḍulānparyukṣya

ato yajñopavītī pitryupavītī darvyoddharati

dyaurdarvirakṣitāparimitānupadastā sā yathā dyaurdarvirakṣitāparimitānupadastaivā pratatāmahasyeyaṃ darvirakṣitāparimitānupadastā

antarikṣaṃ darvirakṣitāparimitānupadastā sā yathāntarikṣaṃ darvirakṣitāparimitānupadastaivā tatāmahasyeyaṃ darvirakṣitāparimitānupadastā

pṛthivī darvirakṣitāparimitānupadastā sā yathā pṛthivī darvirakṣitāparimitānupadastaivā tatasyeyaṃ darvirakṣitāparimitānupadasteti

uddhṛtyājyena saṃnīya trīnpiṇḍānsaṃhatānnidadhātyetatte pratatāmaheti

dakṣiṇataḥ patnībhya idaṃ vaḥ patnya iti

idamāśaṃsūnāmidamāśaṃsamānānāṃ strīṇāṃ puṃsāṃ prakīrṇāvaśīrṇānāṃ yeṣāṃ vayaṃ dātāro ye cāsmākamupajīvanti / tebhyaḥ sarvebhyaḥ sapatnīkebhyaḥ svadhāvadakṣayyamastviti triḥ prasavyaṃ taṇḍulaiḥ parikirati

piñjūlīrāñjanaṃ sarpiṣi paryasyāddhvaṃ pitara iti nyasyati

vaddhvaṃ pitaro mā vo'to'nyatpitaro yoyuvateti sūtrāṇi

añjate vyañjata ityabhyañjanam

ājyenāvicchinnaṃ piṇḍānabhighārayati ye ca jīvā ye te pūrve parāgatā iti

atra pitaro mādayadhvaṃ yathābhāgaṃ yathālokamāvṛṣāyadhvamiti

atra patnyo mādayadhvaṃ yathābhāgaṃ yathālokamāvṛṣāyadhvamiti

yo'sāvantaragnirbhavati taṃ pradakṣiṇamavekṣya tisrastāmīstāmyati

pratiparyāvṛtyāmīmadanta pitaro yathābhāgaṃ yathālokamāvṛṣāyiṣateti

amīmadanta patnyo yathābhāgaṃ yathālokamāvṛṣāyiṣateti

āpo agnimityadbhiragnimavasicya

putraṃ pautramabhitarpayantīrityācāmata mama pratatāmahāstatāmahāstatāḥ sapatnīkāstṛpyantvācāmantviti prasavyaṃ pariṣicya

vīrānme pratatāmahā datta vīrānme tatāmahā datta vīrānme pitaro datta pitṝnvīrānyācati

namo vaḥ pitara ityupatiṣṭhate

akṣannityuttarasicamavadhūya

parā yāteti parāyāpayati

ataḥ pitryupavītī yajñopavītī yanna idaṃ pitṛbhiḥ saha mano'bhūttadupāhvayāmīti mana
upāhvayati

mano nvā hvāmahe nāraśaṃsena stomena
pitṝṇāṃ ca manmabhiḥ
ā na etu manaḥ punaḥ kratve dakṣāya jīvase
jyokca sūryaṃ dṛśe
punarnaḥ pitaro mano dadātu daivyaḥ janaḥ
jīvaṃ vrātaṃ sacemahi
vayaṃ soma vrate tava manastanūṣu bibhrataḥ
prajāvantaḥ sacemahi
ye sajātāḥ sumanaso jīvā jīveṣu māmakāḥ
teṣāṃ śrīmayi kalpatāmasmingoṣṭhe śataṃ samā iti

yaccarusthālyāmodanāvaśiṣṭaṃ bhavati tasyoṣmabhakṣaṃ bhakṣayitvā brāhmaṇāya dadyāt

yadi brāhmaṇo na labhyetāpsvabhyavaharet

nijāya dāsāyetyeke

madhyamapiṇḍaṃ patnyai putrakāmāyai prayacchati

ā dhatta pitaro garbhaṃ kumāraṃ puṣkarasrajam
yatheha puruṣo'sat
ā tvārukṣadvṛṣabhaḥ pṛśniragriyo medhāvinaṃ pitaro gabhamā dadhaḥ
ā tvāyaṃ puruṣo gametpuruṣaḥ puruṣādadhi
sa te śraiṣṭhyāya jāyatāṃ sa some sāma gāyatviti

yadyanyā dvitīyā bhavatyaparaṃ tasyai

prāgratamaṃ śrotriyāya

atha yasya bhāryā dāsī vā pradrāviṇī bhavati ye'mī taṇḍulāḥ prasavyaṃ parikīrṇā bhavanti
tāṃstasyai prayacchati

arvācyupasaṃkrame mā parācyupa vastathā
annaṃ prānasya bandhanaṃ tena badhnāmi tvā mayīti

paryukṣaṇīṃ samidhaścādāya mā pra gāmetyāvrajyorjaṃ bibhraditi gṛhānupatiṣṭhate

ramadhvaṃ mā bibhītanāsmingoṣṭhe karīṣiṇaḥ
ūrjaṃ duhānāḥ śucayaḥ śucivratā gṛhā jīvanta upa vaḥ sadema
ūrjaṃ me devā adadurūrjaṃ manuṣyā uta
ūrjaṃ pitṛbhya āhārṣamūrjasvanto gṛhā mama
payo me devā adaduḥ payo manuṣyā uta
payaḥ pitṛbhya āhārṣaṃ payasvanto gṛhā mama
vīryaṃ me devā adadurvīryaṃ manuṣyā uta
vīryaṃ pitṛbhya āhārṣaṃ vīravanto gṛhā mameti

antarupātītya samidho'bhyādadhāti
ayaṃ no agniradhyakṣo'yaṃ no vasuvittamaḥ
asyopasadye mā riṣāmāyaṃ rakṣatu naḥ prajām
asminsahasraṃ puṣyāsmaidhamānāḥ sve gṛhe
imaṃ samindhiṣīmahyāyuṣmantaḥ suvarcasaḥ
tvamagna īḍita ā tvāgna idhīmahīti

abhūhūta ityagniṃ pratyānayati

yadi sarvaḥ praṇītaḥ syāddakṣiṇāgnau tvetadāhitāgneḥ

gṛhyeṣvanāhitāgneḥ

idaṃ cinme kṛtamastīdaṃ cicchaknavāni / pitaraścinmā vedanniti

yo ha yajate taṃ devā viduryo dadāti taṃ manuṣyā yaḥ śrāddhāni kurute taṃ pitarastaṃ pitaraḥ

ityatharvavede kauśikasūtra ekādaśo'dhyāyaḥ samāptaḥ

madhuparkamāhārayiṣyandarbhānāhārayati

atha viṣṭarānkārayati

sa khalvekaśākhameva prathamaṃ pādyaṃ dviśākhamāsanaṃ triśākhaṃ madhuparkāya

sa yāvato manyeta tāvata upādāya vivicya saṃparyāpya mūlāni ca prāntāni ca yathāvistīrṇa iva syādityupotkṛṣya madhyadeśe'bhisaṃnahyati

ṛtena tvā satyena tvā tapasā tvā karmaṇā tveti saṃnahyati

atha ha sṛjatyatisṛṣṭo dveṣṭā yo'smāndveṣṭi yaṃ ca vayaṃ dviṣmaḥ

asya ca dāturiti dātāramīkṣate

athodakamāhārayati pādyaṃ bho iti

hiraṇyavarṇābhiḥ pratimantrya dakṣiṇaṃ pādaṃ prathamaṃ prakarṣati / mayi brahma ca tapaśca dhārayāṇīti

dakṣiṇe prakṣālite savyaṃ prakarṣati / mayi kṣatraṃ ca viśaśca dhārayāṇīti

prakṣālitāvanumantrayate / imau pādāvavaniktau brāhmaṇaṃ yaśasāvatām / āpaḥ pādāvanejanīrdviṣantaṃ nirdahantu me

asya ca dāturiti dātāramīkṣate

athāsanamāhārayati / saviṣṭaramāsanaṃ bho iti

tasminpratyaṅmukha upaviśati

vimṛgvarīṃ pṛthivīmityetayā viṣṭare pādau pratiṣṭhāpyādhiṣṭhito dveṣṭā yo'smāndveṣṭi yaṃ ca vayaṃ dvipmaḥ

asya ca dāturiti dātāramīkṣate

athodakamāhārayatyarghyaṃ bho iti

tatpratimantrayate / annānāṃ mukhamasi mukhamahaṃ śreṣṭhaḥ samānānāṃ bhūyāsam / āpo'mataṃ sthāmṛtaṃ mā kṛṇuta dāsāsmākaṃ bahavo bhavantvaśvāvaṅgomanmayyastu puṣṭamaॐ bhūrbhuvaḥ svarjanadomiti

tūṣṇīmadhyātmaṃ ninayati

tejo'syamṛtamasīti lalāṭamālabhate

athodakamāhārayatyācamanīyaṃ bho iti

jīvābhirācamya

athāsmai madhuparkaṃ vedayante dvyanucaro madhuparko bho iti

dvābhyāṃ śākhābhyāmadhastādekayopariṣṭātsāpidhānam

madhu vātā ṛtāyata ityetābhirevābhimantraṇam

tathā pratimantraṇam

madhu vātā ṛtāyate madhu kṣaranti sindhavaḥ
mādhvīrgāvo bhavantu naḥ
madhu naktamutoṣaso madhumatpārthivaṃ rajaḥ
mādhvīrnaḥ santvoṣadhīḥ
madhumānno vanaspatirmadhumām̐ astu sūryaḥ
madhu dyaurastu naḥ pitā

tatsūryasya tvā cakṣuṣā pratīkṣa iti pratīkṣate

ayuto'haṃ devasya tvā sa
vituriti pratigṛhya puromukhaṃ prāgdaṇḍaṃ nidadhāti

pṛthivyāstvā nābhau sādayāmyadityā upastha iti bhūmau pratiṣṭhāpya

dvābhyāmaṅgulibhyāṃ pradakṣiṇamācālyānāmikayāṅgulyāṅguṣṭhena ca saṃgṛhya prāśnāti

ॐ bhūstatsaviturvareṇyaṃ bhūḥ svāheti prathamam

bhargo devasya dhīmahi bhuvaḥ svāheti dvitīyam

dhiyo yo naḥ pracodayātsvaḥ svāheti tṛtīyam

vayaṃ devasya dhīmahi janatsvāheti caturtham

turaṃ devasya bhojanaṃ vṛdhatsvāheti pañcanam

karatsvāheti ṣaṣṭham

ruhatsvāheti saptamam

mahatsvāhetyaṣṭamam

tatsvāheti navamam

śaṃ svāheti daśamam

omityekādaśam

tūṣṇīṃ dvādaśam

tasya bhūyomātramiva bhuktā brāhyaṇāya śrotriyāya prayachet

śrotriyālābhe vṛṣalāya prayacchet

athāpyayaṃ nigamo bhavati / somametatpibata yatkiṃ cāśnīta brāhmaṇāḥ / mābrāhmaṇāyocchiṣṭaṃ dāta mā somaṃ
pātvasomapa iti

dadhi ca madhu ca brāhmo madhuparkaḥ

pāyasa aindro madhuparkaḥ

madhu cājyaṃ ca saumyo madhuparkaḥ

manthaścājyaṃ ca pauṣṇo madhuparkaḥ

kṣīraṃ cājyaṃ ca sārasvato madhuparkaḥ

surā cājyaṃ ca mausalo madhuparkaḥ

sa khalveṣa dvaye bhavati sautrāmaṇyāṃ ca rājasūye ca

udakaṃ cājyaṃ ca vāruṇo madhuparkaḥ

tailaṃ cājyaṃ ca śrāvaṇo madhuparkaḥ

tailaśca piṇḍaśca pārivrājako madhuparkaḥ

iti khalveṣa navavidho madhuparko bhavati

athāsmai gāṃ vedayante gaurbho iti

tānpratimantrayate / bhūtamasi bhavadasyannaṃ prāṇo bahurbhava / jyeṣṭhaṃ yannāma
nāmata ॐ bhūrbhuvaḥ svarjanadomiti

atisṛjati
mātādityānāṃ duhitā vasūnāṃ svasā rudrāṇāmamṛtasya nābhiḥ
pra ṇo vocaṃ cikituṣe janāya mā gāmanāgāmaditiṃ vadhiṣṭa
ॐ tṛṇāni gaurattvityāha

sūyavasāditi pratiṣṭhamānāmanumantrayate

nālohito madhuparko bhavati

nānujñānamadhīmaha iti kurutetyeva brūyāt

svadhite mainaṃ hiṃsīriti śastraṃ prayacchati

pāpmānaṃ me'pa jahīti kartāramanumantrayate

āgneyīṃ vapāṃ kuryuḥ

api vā brāhmaṇa eva prāśnīyāttaddevataṃ hi taddhavirbhavati

athāsmai snānamanulepanaṃ mālābhyañjanamiti

yadatropasamāhāryaṃ bhavati tadupasamāhṛtya

athopāsakāḥ prāpyopāsakāḥ smo bho iti vedayante

tānpratimantrayate / bhūyāṃso bhūyāsma ye ca no bhūyasaḥ kārṣṭāpi ca no'nye bhūyāṃso jāyantām

asya ca dāturiti dātāramokṣate

athānnāhārāḥ prāpyānnāhārāḥ smo bho iti tvedayante

tānpratimantrayate / annādā bhūyāsma ye ca no'nnādānkārṣṭāpi ca no'nye'nnādā bhūyāṃso jāyantām

asya ca dāturiti dātāramīkṣate

āhṛte'nne juhoti yatkāma kā
mayamānā ityetayā

yatkāma kāmayamānā idaṃ kṛṇmasi te haviḥ
tannaḥ sarvaṃ samṛdhyatāmathaitasya haviṣo vīhi svāheti

eṣa ācāryakalpa eṣa ṛtvikkalpa eṣa saṃyuktakalpa eṣa vivāhakalpa eṣo'tithikalpa eṣo'tithikalpaḥ

ityatharvavede kauśikasūtre dvādaśo'dhyāyaḥ samāptaḥ

athādbhutāni