Kauśikapaddhati · Chapter 1.5

agnīṣomā savedasā sahūtī vanataṃ giraḥ | saṃ devatrā babhūvathuḥ || yuvametāni divi rocanānyagniśca soma sakratū adhattam | yuvaṃ sindhū;mrabhiśasteravadyādagnīṣomāvamuñcataṃ gṛbhītān || agnīṣomā ya āhutiṃ yo vāṃ dāśāddhaviṣkṛtim | sa prajayā suvīryaṃ viśvamāyurvyaśnavat

[indrāgnī rocanā divaḥ pari vājeṣu bhūṣayaḥ | tadvāṃ ceti pra vīryam || śnathadvṛtramuta sanoti vājamindrā yo agnī sahurī saparyāt | irajyantā vasavyasya bhūreḥ sahastamā sahasā vājayantā || indrāgnī asmān rakṣatāṃ yau prajānāṃ prajāvatī | sa prajayā suvīryaṃ viśvamāyurvyaśnavat (PaippS 16.37.1) || gomaddhiraṇyavadvasu yadvāmaśvāvadīmahe | indrāgnī tadvanemahi (PaippS 1.96.3) svāhā iti

aindrāgnasya haviṣo'māvāsyāyām

]
āmāvāsyāyāmaindrāgnau dvitīyo bhavati 'indrāgnī rocanā' iti catasraḥ ||
[prāk sviṣṭakṛtaḥ pārvaṇau homau samṛddhihomāḥ kāmyahomāśca

pūrṇā paścāt (7.80.1) iti paurṇamāsyām

]
'pūrṇā paścāt' iti paurṇamāsyāṃ pārvaṇahomaḥ ||
[yatte devā akṛṇvan bhāgadheyam (7.79.1) ityamāvāsyāyām

]
'yatte devāḥ' ityamāvāsyāyāṃ pārvaṇahomaḥ ||
[ākūtyai tvā svāhā | kāmāya tvā svāhā | samṛdhe tvā svāhā | ākūtyai tvā kāmāya tvā samṛdhe tvā svāhā | ṛcā stomaṃ samardhaya gāyatreṇa rathantaram | bṛhadgāyatravartani svāhā

]
'ākūtyai tvā' iti caturbhiḥ 'ṛcā stomam' iti ca samṛddhihomāñjuhoti | udapātre sampātānānayati ||
[pṛthivyāmagnaye samanaman (4.39.1-8) iti sannatibhiśca

prajāpate na tvadetānyanyaḥ (7.80.3) iti ca

]
'pṛthivyāmagnaye' ityaṣṭabhiḥ sannatihomāñjuhoti 'prajāpate na tvadetāni' iti ca ||
upastīryājyaṃ sarveṣāmuttarataḥ sakṛtsakṛdavadāya dviravattamabhighārayati

na havīṃṣi

[ā devānāmapi panthāmaganma yacchaknavāma tadanupravoḍhum | agnirvidvān sa yajāt sa iddhotā so'dhvarān sa ṛtūn kalpayāti (PaippS 19.47.6) agnaye sviṣṭakṛte svāhā ityuttarapūrvārdhe'vayutaṃ hutvā sarvaprāyaścittīyān homāñjuhoti

]
'ā devānām' iti sviṣṭakṛtaṃ juhoti ||
[svāheṣṭebhyaḥ svāhā | vaṣaḍaniṣṭebhyaḥ svāhā | bheṣajaṃ sviṣṭyai svāhā | niṣkṛtirduriṣṭyai svāhā | daivībhyastanūbhyaḥ svāhā | ayāścāgne'syanabhiśastiśca satyamit tvamayā asi | ayāsā manasā kṛto'yāsyaṃ havyamūhiṣe | ayā no dhehi bheṣajaṃ svāhā iti oṃ svāhā bhūḥ svāhā bhuvaḥ svāhā svaḥ svāhoṃ bhūrbhuvaḥ svaḥ svāhā iti