Kaushitaki Brahmana · Chapter 17.3

gāyatrīḥ.śaṃsati /

prāṇo.vai.gāyatryaḥ /

prāṇam.eva.tad.ātman.dhatte /

sapta.padām.śaṃsati / (soma: sodaśin & atiratra)

sapta.vai.chandāṃsi /

sarveṣām.eva.chandasām.āptyai /

atho.etayā.saha.gāyatryaś.catasro.anuṣṭubhaḥ.sampadyante / (soma: sodaśin & atiratra)

tasmād.etām.śaṃsati.sampade /

atha.nityā.anuṣṭubhaḥ.śaṃsati /

ānuṣṭubho.vai.ṣoḍaśī / (soma: sodaśin & atiratra)

tad.enat.svena.chandasā.samardhayati /

tā.vā.aṣṭau.bhavanti /

etābhir.vai.devāḥ.sarvā.aṣṭīr.āśnuvata / (soma: sodaśin & atiratra)

tatho.eva.etad.yajamāna.etābhir.eva.sarvā.aṣṭīr.aśnute /

triḥ.śastayā.paridhānīyayā.daśa.sampadyante / (soma: sodaśin & atiratra)

daśa.daśinī.virāṭ /

śrīr.virāḍ.anna.adyam /

śriyo.virājo.anna.adyasya.upāptyai / (soma: sodaśin & atiratra)

udyad.bradhnasya.viṣṭapam.iti.paridadhāti /

ado.vai.bradhnasya.viṣṭapam.yatra.asau.tapati / (soma: sodaśin & atiratra)

tad.eva.tad.yajamānam.dadhāti /

trivṛtā.eva.tad.vajreṇa.yajamānasya.pāpmānam.hanti / (soma: sodaśin & atiratra)

ta.ete.ślokā.ghoṣā.vīryāṇi.ity.ukthānām /

ślokī.ghoṣī.vīryavān.kīrtimān.bhavati.ya.evam.veda.ukthānām.vīryāṇi / (soma: sodaśin & atiratra)

tāḥ.saṃśastāś.catvāriṃśad.anuṣṭubhaḥ.sampadyante /

catvāriṃśad.akṣarā.paṅktiḥ / (soma: sodaśin & atiratra)

pratiṣṭhā.vai.paṅktiḥ /

sarveṣv.eva.tad.bhūteṣu.yajamānam.pratiṣṭhāpayati / (soma: sodaśin & atiratra)

vihṛtayā.triṣṭubhā.yajed.iti.ha.eka.āhuḥ /

evā.hi.vājyapāḥ.pūrveṣām.harivaḥ.sutānām.vājo.hi.vājy.atho.idam.savanam.kevalam.te / (soma: sodaśin & atiratra)

voḍhā.hi.vājī.mamadd.hi.somam.madhumantam.indra.jiṣṇur.hi.vājī.satrā.vṛṣan.jaṭhara.āvṛṣasva.iti / (soma: sodaśin & atiratra)