Kathaka Samhita · Chapter 3

atha tṛtīyaṃ vacanam /
anuvacanam /
arvāṅ yajñassaṃkrāmatvamuṣmādadhi māmabhi / ṛṣīṇāṃ yaḥ purohitaḥ //
nirdevaṃ nirvīryaṃ kṛtvā viṣkandhaṃ tasmin hīyatāṃ yo'smān dveṣṭi /
śarīraṃ yajñaśamalaṃ kusīdaṃ tasmin sīdatu yo'smān dveṣṭi //
yajña yajñasya yat tejastena saṃkrāma māmabhi /
brāhmaṇānṛtvijo devān yajñasya tapasā te'sā ahamāhuve //
iṣṭena pakvamupa te huve'sā aham / saṃ te vṛñje sukṛtam̐ saṃ prajāṃ paśūn //
praiṣān sāmidhenīrāghārā ājyabhāgā āśrutaṃ pratyāśrutamāśṛṇāmi te /
prayājānuyājān sviṣṭakṛtamiḍāmāśiṣa āvṛñje svaḥ //
agninendreṇa somena sarasvatyā viṣṇunā devatābhiḥ/
yājyānuvākyābhyāmupa te huve'sā ahaṃ yajñamādade te vaṣaṭ kṛtam //
stutam̐ śastraṃ pratigaraṃ grahamiḍāmāśiṣa āvṛñje svaḥ /
patnīsaṃyājānupa te huve'sā aham̐ samiṣṭayajurādade tava //
paśūn sutaṃ puroḍāśān savanānyota yajñam /
devān sendrānupa te huve'sā ahamagnimukhān somavato ye ca viśve

bhūtaṃ bhavyaṃ bhaviṣyadvaṣaṭ svāhā nama ṛksāma yajurvaṣaṭ svāhā namo gāyatrī triṣṭubjagatī vaṣaṭ svāhā namaḥ pṛthivyantarikṣaṃ dyaurvaṣaṭ svāhā namo'nnaṃ kṛṣirvṛṣṭirvaṣaṭ svāhā namaḥ pitā putraḥ pautro vaṣaṭ svāhā namaḥ prāṇo vyāno'pāno vaṣaṭ svāhā namo bhūrbhuvassvarvaṣaṭ svāhā namaḥ

ā me gṛhā bhavantvā prajā ma ā mā yajño viśatu vīryāvān /
āpo devīryajñiyā māviśantu sahasrasya mā bhūmā mā prahāsīt //
ā me grahā bhavantvā puroruk stutaśastre māviśatām̐ samīcī /
ādityā rudrā vasavo me sadasyāssahasrasya mā bhūmā mā prahāsīt //
ā māgniṣṭomo viśatūkthyaścātirātro mā viśatvāpiśarvaraḥ //
tiroahnyā mā suhutā āviśantu sahasrasya mā bhūmā mā prahāsīt

agninā tapo'nvābhavadvācā brahma maṇinā rūpāṇi hiraṇyena varco'dbhiḥ pṛthivīṃ vāyunāntarikṣam̐ sūryeṇa divaṃ candramasā nakṣatrāṇi yamena pitṝn rājñā manuṣyān phalena nādyānajagareṇa sarpān vyāghreṇāraṇyān paśūñchayenena patatriṇo vrīhinānnāni yavenauṣadhīrudumbareṇorjaṃ nyagrodhena vanaspatīn vṛṣṇāśvān vṛṣabheṇa gā vṛṣṇināvīrbastenājā gāyatryā chandām̐si trivṛtā stomān rathantareṇa sāmāni brāhmaṇena vācam

svāhādhimādhītāya svāhā svāhādhītaṃ manase svāhā svāhā manaḥ prajāpataye svāhā kāya svāhā kasmai svāhā katamasmai svāhādityai svāhādityai mahyai svāhādityai sumṛḍīkāyai svāhā sarasvatyai svāhā sarasvatyai pāvakāyai svāhā sarasvatyai bṛhatyai svāhā pūṣṇe svāhā pūṣṇe prapathyāya svāhā pūṣṇe naraṃdhiṣāya svāhā tvaṣṭre svāhā tvaṣṭre turīpāya svāhā tvaṣṭre pururūpāya svāhā viṣṇave svāhā viṣṇave nikhuryapāya svāhā viṣṇave nibhūyapāya svāhā viśvo devasya netuḥ

dadbhyassvāhā hanubhyām̐ svāhoṣṭhābhyām̐ svāhā nāsikābhyām̐ svāhā mukhāya svāhā cakṣurbhyām̐ svāhā śrotrābhyām̐ svāhā pāra ikṣavo'vārīyebhyaḥ pakṣmabhyassvāhāvāra ikṣavaḥ pārīyebhyaḥ pakṣmabhyassvāhā śīrṣṇe svāhā bhrūbhyām̐ svāhā lalāṭāya svāhā mūrdhne svāhā mastiṣkāya svāhā keśebhyassvāhā vahāya svāhā grīvābhyassvāhā skandhebhyassvāhā kīkasābhyassvāhā pṛṣṭibhyassvāhā pājasyāya svāhā pārśvābhyām̐ svāhām̐sābhyām̐ svāhā doṣabhyām̐ svāhā bāhubhyām̐ svāhā jaṅghābhyām̐ svāhā śroṇibhyām̐ svāhorubhyām̐ svāhāṣṭhīvadbhyām̐ svāhā jaṅghābhyām̐ svāhā bhasade svāhā śikhaṇḍebhyassvāhā vāladhānāya svāhāṇḍābhyām̐ svāhā śepāya svāhā retase svāhā prajābhyassvāhā prajananāya svāhā padyāssvāhā śaphebhyassvāhā lomabhyassvāhā tvace svāhā lohitāya svāhā mām̐sāya svāhā snāvabhyassvāhāsthibhyassvāhā majjabhyassvāhāṅgebhyassvāhātmane svāhā sarvasmai svāhā

añjyetāya svāhāñjiṣakthāya svāhā śitipade svāhā śitikakude svāhā śitirandhrāya svāhā śitipṛṣṭhāya svāhā śityam̐sāya svāhā puṣpakarṇāya svāhā śityoṣṭhāya svāhā śitibhrave svāhā śitibhasade svāhā śvetānūkāśāya svāhāñjaye svāhā lalāmāya svāhāsitajñave svāhā kṛṣṇaitāya svāhā rohitaitāya svāhāruṇaitāya svāhedṛśāya svāhā kīdṛśāya svāhā tādṛśāya svāhā sadṛśāya svāhā visadṛśāya svāhā susadṛśāya svāhā rūpāya svāhā sarvasmai svāhā

kṛṣṇāya svāhā śvetāya svāhā piśaṅgāya svāhā sāraṅgāya svāhāruṇāya svāhā gaurāya svāhā babhrave svāhā nakulāya svāhā śoṇāya svāhā rohitāya svāhā śyāvāya svāhā śyāmāya svāhā pālavāya svāhā surūpāya svāhā sarūpāya svāhā virūpāya svāhānurūpāya svāhā pratirūpāya svāhā śabalāya svāhā kamalāya svāhā pṛśnaye svāhā pṛśnisakthāya svāhā sarvasmai svāhā

oṣadhībhyassvāhā mūlebhyassvāhā tūlebhyassvāhā parvabhyassvāhā valśebhyassvāhā puṣpebhyassvāhā phalebhyassvāhā gṛhītebhyassvāhāgṛhītebhyassvāhāvapannebhyassvāhā śayānebhyassvāhā sarvasmai svāhā

vanaspatibhyassvāhā mūlebhyassvāhā tūlebhyassvāhā skandhebhyassvāhā śākhābhyassvāhā parṇebhyassvāhā puṣpebhyassvāhā phalebhyassvāhā gṛhītebhyassvāhāgṛhītebhyassvāhāvapannebhyassvāhā śayānebhyassvāhā śiṣṭāya svāhā pariśiṣṭāya svāhātiśiṣṭāya svāhā sam̐śiṣṭāya svāhocchiṣṭāya svāhā riktāya svāhāriktāya svāhā prariktāya svāhā saṃriktāya svāhodriktāya svāhā sarvasmai svāhā

//iti śrīyajuṣi kāṭhake carakaśākhāyāmaśvamedhanāmani pañcame granthe'nuvacanaṃ nāma tṛtīyaṃ vacanaṃ saṃpūrṇam