kārtikeyastotram · Chapter 1

śrī gaṇeśāya namaḥ /
śrī skanda uvāca yogīśvaro mahāsenaḥ kārtikeyo'gninaṃdanaḥ /
skandaḥ kumāraḥ senānī svāmī śaṃkarasambhavaḥ //
gāṃgeyastāmracūḍaśca brahmacārī śikhidhvajaḥ /
tārakārirumāputraḥ krauñcāriśca ṣaḍānanaḥ //
śabdabrahma samudraśca siddhaḥ sārasvato guhaḥ /
sanatkumāro bhagavān bhoga mokṣa phalapradaḥ //
śarajanmā guṇādīśaḥ pūrvajo mukti mārgakṛt /
sarvāgama praṇetā ca vāñchitārtha pradarśanaḥ //
aṣṭāviṃśati nāmāni madīyānīti yaḥ paṭhet /
pratyūṣam śraddhayā yukto mūko vācaspatirbhavet //
mahāmantramayā nīti mama nāmānukīrtanam /
mahāprajñāmavāpnoti nātra kāryā vicāraṇā //
// iti śrī rudrayāmale prajñāvivardhanākhyam śrīmatkārtikeyastotram saṃpūrṇam //