કાર્તિકેયસ્તોત્રમ્ · અધ્યાય 1

શ્રી ગણેશાય નમઃ ।
શ્રી સ્કન્દ ઉવાચ યોગીશ્વરો મહાસેનઃ કાર્તિકેયોઽગ્નિનંદનઃ ।
સ્કન્દઃ કુમારઃ સેનાની સ્વામી શંકરસમ્ભવઃ ॥
ગાંગેયસ્તામ્રચૂડશ્ચ બ્રહ્મચારી શિખિધ્વજઃ ।
તારકારિરુમાપુત્રઃ ક્રૌઞ્ચારિશ્ચ ષડાનનઃ ॥
શબ્દબ્રહ્મ સમુદ્રશ્ચ સિદ્ધઃ સારસ્વતો ગુહઃ ।
સનત્કુમારો ભગવાન્ ભોગ મોક્ષ ફલપ્રદઃ ॥
શરજન્મા ગુણાદીશઃ પૂર્વજો મુક્તિ માર્ગકૃત્ ।
સર્વાગમ પ્રણેતા ચ વાઞ્છિતાર્થ પ્રદર્શનઃ ॥
અષ્ટાવિંશતિ નામાનિ મદીયાનીતિ યઃ પઠેત્ ।
પ્રત્યૂષમ્ શ્રદ્ધયા યુક્તો મૂકો વાચસ્પતિર્ભવેત્ ॥
મહામન્ત્રમયા નીતિ મમ નામાનુકીર્તનમ્ ।
મહાપ્રજ્ઞામવાપ્નોતિ નાત્ર કાર્યા વિચારણા ॥
॥ ઇતિ શ્રી રુદ્રયામલે પ્રજ્ઞાવિવર્ધનાખ્યમ્ શ્રીમત્કાર્તિકેયસ્તોત્રમ્ સંપૂર્ણમ્ ॥