jagannāthasahasranāmastotram · Chapter 1

// ॐ śrījagannāthāya namo namaḥ //
prārthanā
devadānavagandharvayakṣavidyādharoragaiḥ /
sevyamānaṃ sadā cārukoṭisūryasamaprabham

dhyāyennārāyaṇaṃ devaṃ caturvargaphalapradam /
jaya kṛṣṇa jagannātha jaya sarvādhināyaka

jayāśeṣajagadvandyapādāmbhoja namo'stu te

yudhiṣṭhira uvāca
yasya prasādāttu sarvaṃ yastu viṣṇuparāyaṇaḥ /
yastu dhātā vidhātā ca yaśca satyaṃ paro bhavet

yasya māyāmayaṃ jālaṃ trailokyaṃ sacarācaram /
martyāṃśca mṛgatṛṣṇāyāṃ bhrāmayatyapi kevalam

namāmyahaṃ jagataprītyā nāmāni ca jagatpatim/
bṛhatyā kathitaṃ yacca tanme kathaya sāmpratam

bhīṣma uvāca
yudhiṣṭhira mahābāho kathayāmi śṛṇuṣva me /
jagannāthasya nāmāni pavitrāṇi śubhāni ca

māyayā yasya saṃsāro vyāpṛtaḥ sacarācaraḥ /
yasya prasādādbrahmāṇaṃ sṛṣṭvā pāti ca sarvadā

brahmādidaśadikpālān māyāvimohitān khalu /
yasya ceṣṭāvarohaśca brahmāṇḍakhaṇḍagocaraḥ

dayā vā mamatā yasya sarvabhūteṣu sarvagaḥ /
satyadharmavibhūṣasya jagannāthasya sarvataḥ

kathayāmi sahasrāṇi nāmāni tava cānagha

atha śrījagannāthasya sahasranāmastotram /
atha viniyogaḥ /
asya mātṛkā mantrasya, vedavyāso ṛṣiḥ, anuṣṭupchandaḥ,
śrījagannātho devatā, bhagavataḥ śrījagannāthasya prītyarthe
sahasranāma paṭhane viniyogaḥ /
dhyānam
nīlādrau śaṅkhamadhye śatadalakamale ratnasiṃhāsanasthaṃ
sarvālaṅkārayuktaṃ navaghanaruciraṃ saṃyutaṃ cāgrajena /
bhadrāyā vāmabhāge rathacaraṇayutaṃ brahmarudrendravandyaṃ
vedānāṃ sāramīśaṃ svajanaparivṛtaṃ brahmadāru smarāmi //
śrībhagavānuvāca
caturbhujo jagannāthaḥ kaṇṭhaśobhitakaustubhaḥ /
padmanābho vedagarbhaścandrasūryavilocanaḥ

jagannātho lokanātho nīlādrīśaḥ paro hariḥ /
dīnabandhurdayāsindhuḥ kṛpāluḥ janarakṣakaḥ

kambupāṇiḥ cakrapāṇiḥ padmanābho narottamaḥ /
jagatāṃ pālako vyāpī sarvavyāpī sureśvaraḥ

lokarājo devarājaḥ śakro bhūpaśca bhūpatiḥ /
nīlādripatināthaśca anantaḥ puruṣottamaḥ

tārkṣyodhyāyaḥ kalpataruḥ vimalāprītivarddhanaḥ / var? tārkṣyadhvajaḥ
balabhadro vāsudevo mādhavo madhusūdanaḥ

daityāriḥ puṇḍarīkākṣo vanamālī balapriyaḥ /
brahmā viṣṇuḥ vṛṣṇivaṃśo murāriḥ kṛṣṇakeśavaḥ

śrīrāmaḥ saccidānando govindaḥ parameśvaraḥ /
viṣṇurjiṣṇurmahāviṣṇuḥ prabhaviṣṇurmaheśvaraḥ

lokakartā jagannātho mahākartā mahāyaśāḥ /
maharṣiḥ kapilācāryo lokacārī suro hariḥ

ātmā ca jīvapālaśca śūraḥ saṃsārapālakaḥ /
ekonaiko mamapriyo brahmavādī maheśvaraḥ

var? sarvapriyo ramāpriyo
dvibhujaśca caturbāhuḥ śatabāhuḥ sahasrakaḥ /
padmapatraviśālākṣaḥ padmagarbhaḥ paro hariḥ

padmahasto devapālo daityārirdaityanāśanaḥ /
caturmūrtiścaturbāhuścaturānanasevitaḥ

padmahastaścakrapāṇiḥ śaṅkhahasto gadādharaḥ /
mahāvaikuṇṭhavāsī ca lakṣmīprītikaraḥ sadā

viśvanāthaḥ prītidaśca sarvadevapriyaṅkaraḥ /
viśvavyāpī dārurūpaścandrasūryavilocanaḥ

var priyavyāpi
guptagaṅgopalabdhiśca tulasīprītivarddhanaḥ /
jagadīśaḥ śrīnivāsaḥ śrīpatiḥ śrīgadāgrajaḥ

sarasvatīmūlādhāraḥ śrīvatsaḥ śrīdayānidhiḥ /
prajāpatiḥ bhṛgupatirbhārgavo nīlasundaraḥ

yogamāyāguṇārūpo jagadyonīśvaro hariḥ /
ādityaḥ pralayoddhārī ādau saṃsārapālakaḥ

kṛpāviṣṭaḥ padmapāṇiramūrtirjagadāśrayaḥ /
padmanābho nirākāraḥ nirliptaḥ puruṣottamaḥ

kṛpākaraḥ jagadvyāpī śrīkaraḥ śaṅkhaśobhitaḥ /
samudrakoṭigambhīro devatāprītidaḥ sadā

surapatirbhūtapatirbrahmacārī purandaraḥ /
ākāśavāyumūrtiśca brahmamūrtirjalesthitaḥ

brahmā viṣṇurdṛṣṭipālaḥ paramo'mṛtadāyakaḥ /
paramānandasampūrṇaḥ puṇyadevaḥ parāyaṇaḥ

var puṇyadehaḥ
dhanī ca dhanadātā ca dhanagarbho maheśvaraḥ /
pāśapāṇiḥ sarvajīvaḥ sarvasaṃsārarakṣakaḥ

devakartā brahmakartā vaṣiṣṭho brahmapālakaḥ /
jagatpatiḥ surācāryo jagadvyāpī jitendriyaḥ

mahāmūrtirviśvamūrtirmahābuddhiḥ parākramaḥ /
sarvabījārthacārī ca draṣṭā vedapatiḥ sadā

sarvajīvasya jīvaśca gopatirmarutāṃ patiḥ /
manobuddhirahaṅkārakāmādikrodhanāśanaḥ

var krodhaśātanaḥ
kāmadevaḥ kāmapālaḥ kāmāṅgaḥ kāmavallabhaḥ /
śatrunāśī kṛpāsindhuḥ kṛpāluḥ parameśvaraḥ

devatrātā devamātā bhrātā bandhuḥ pitā sakhā /
bālavṛddhastanūrūpo viśvakarmā balo'balaḥ

var balodbalaḥ
anekamūrtiḥ satataṃ satyavādī satāṅgatiḥ /
lokabrahma bṛhadbrahma sthūlabrahma sureśvaraḥ

jagadvyāpī sadācārī sarvabhūtaśca bhūpatiḥ / var? sarvabhuīpaśca
durgapālaḥ kṣetranātho ratīśo ratināyakaḥ

balī viśvabalācārī balado bali-vāmanaḥ /
darahrāsaḥ śaraccandraḥ paramaḥ parapālakaḥ

akārādimakārānto madhyokāraḥ svarūpadhṛk /
stutisthāyī somapāśca svāhākāraḥ svadhākaraḥ

matsyaḥ kūrmo varāhaśca narasiṃhaśca vāmanaḥ /
paraśurāmo mahāvīryo rāmo daśarathātmajaḥ

devakīnandanaḥ śreṣṭho nṛhariḥ narapālakaḥ /
vanamālī dehadhārī padmamālī vibhūṣaṇaḥ

mallīkāmāladhārī ca jātīyūthipriyaḥ sadā /
bṛhatpitā mahāpitā brāhmaṇo brāhmaṇapriyaḥ

kalparājaḥ khagapatirdeveśo devavallabhaḥ /
paramātmā balo rājñāṃ māṅgalyaṃ sarvamaṅgalaḥ

var rājā
sarvabalo dehadhārī rājñāṃ ca baladāyakaḥ /
nānāpakṣipataṅgānāṃ pāvanaḥ paripālakaḥ

vṛndāvanavihārī ca nityasthalavihārakaḥ /
kṣetrapālo mānavaśca bhuvano bhavapālakaḥ

sattvaṃ rajastamobuddhirahaṅkāraparo'pi ca /
ākāśaṅgaḥ raviḥ somo dharitrīdharaṇīdharaḥ

niścinto yoganidraśca kṛpāluḥ dehadhārakaḥ / var śokanidraśca
sahasraśīrṣā śrīviṣṇurnityo jiṣṇurnirālayaḥ

kartā hartā ca dhātā ca satyadīkṣādipālakaḥ / var śakradīkṣādi
kamalākṣaḥ svayambhūtaḥ kṛṣṇavarṇo vanapriyaḥ

kalpadrumaḥ pādapāriḥ kalpakārī svayaṃ hariḥ /
devānāṃ ca guruḥ sarvadevarūpo namaskṛtaḥ

nigamāgamacārī ca kṛṣṇagamyaḥ svayaṃyaśaḥ /
nārāyaṇo narāṇāṃ ca lokānāṃ prabhuruttamaḥ

jīvānāṃ paramātmā ca jagadvandyaḥ paro yamaḥ /
bhūtāvāso parokṣaśca sarvavāsī carāśrayaḥ

bhāgīrathī manobuddhirbhavamṛtyuḥ paristhitaḥ /
saṃsārapraṇayī prītaḥ saṃsārarakṣakaḥ sadā

nānāvarṇadharo devo nānāpuṣpavibhūṣaṇaḥ /
nandadhvajo brahmarūpo girivāsī gaṇādhipaḥ

māyādharo varṇadhārī yogīśaḥ śrīdharo hariḥ /
mahājyotirmahāvīryo balavāṃśca balodbhavaḥ

var balodbhavaḥ
bhūtakṛt bhavano devo brahmacārī surādhipaḥ /
sarasvatī surācāryaḥ suradevaḥ sureśvaraḥ

aṣṭamūrtidharo rudra icchāmūrtiḥ parākramaḥ /
mahānāgapatiścaiva puṇyakarmā tapaścaraḥ

dinapo dīnapālaśca divyasiṃho divākaraḥ /
anabhoktā sabhoktā ca havirbhoktā paro'paraḥ

mantrado jñānadātā ca sarvadātā paro hariḥ /
pararddhiḥ paradharmā ca sarvadharmanamaskṛtaḥ

kṣamādaśca dayādaśca satyadaḥ satyapālakaḥ /
kaṃsāriḥ keśināśī ca nāśano duṣṭanāśanaḥ

pāṇḍavaprītidaścaiva paramaḥ parapālakaḥ /
jagaddhātā jagatkartā gopagovatsapālakaḥ

sanātano mahābrahma phaladaḥ karmacāriṇām /
paramaḥ paramānandaḥ pararddhiḥ parameśvaraḥ

śaraṇaḥ sarvalokānāṃ sarvaśāstraparigrahaḥ /
dharmakīrtirmahādharmo dharmātmā dharmabāndhavaḥ

manaḥkartā mahābuddhirmahāmahimadāyakaḥ /
bhūrbhuvaḥ svo mahāmūrtiḥ bhīmo bhīmaparākramaḥ

pathyabhūtātmako devaḥ pathyamūrtiḥ parātparaḥ /
viśvākāro viśvagarbhaḥ surāmando sureśvaraḥ

var surahā ca
bhuvaneśaḥ sarvavyāpī bhaveśaḥ bhavapālakaḥ /
darśanīyaścaturvedaḥ śubhāṅgo lokadarśanaḥ

śyāmalaḥ śāntamūrtiśca suśāntaścaturottamaḥ /
sāmaprītiśca ṛk prītiryajuṣo'tharvaṇapriyaḥ

śyāmacandraścatumūrtiścaturbāhuścaturgatiḥ /
mahājyotirmahāmūrtirmahādhāmā maheśvaraḥ

agastirvaradātā ca sarvadevapitāmahaḥ /
prahlādasya prītikaro dhruvābhimānatārakaḥ

maṇḍitaḥ sutanurdātā sādhubhaktipradāyakaḥ /
ॐkāraśca parambrahma ॐ nirālambano hariḥ

sadgatiḥ paramo haṃso jīvātmā jananāyakaḥ /
manaścintyaścittahārī manojñaścāpadhārakaḥ

brāhmaṇo brahmajātīnāmindriyāṇāṃ gatiḥ prabhuḥ /
tripādādūrddhvasambhūto virāṭ caiva sureśvaraḥ

var virāṭaśca
parātparaḥ paraḥ pādaḥ padmasthaḥ kamalāsanaḥ /
nānāsandehaviṣayastattvajñānābhinivṛtaḥ

sarvajñaśca jagadbandhurmanojajñātakārakaḥ /
mukhasambhūtaviprastu vāhasambhūtarājakaḥ

ūrovaiśyaḥ padobhūtaḥ śūdro nityopanityakaḥ /
jñānī mānī varṇadaśca sarvadaḥ sarvabhūṣitaḥ

anādivarṇasandeho nānākarmoparisthitaḥ /
śuddhādidharmasandeho brahmadehaḥ smitānanaḥ

śambarārirvedapatiḥ sukṛtaḥ sattvavarddhanaḥ /
sakalaṃ sarvabhūtānāṃ sarvadātā jaganmayaḥ

sarvabhūtahitaiṣī ca sarvaprāṇihite rataḥ /
sarvadā dehadhārī ca baṭako baṭugaḥ sadā

var baṭuko
sarvakarmavidhātā ca jñānadaḥ karuṇātmakaḥ /
puṇyasampattidātā ca kartā hartā tathaiva ca

sadā nīlādrivāsī ca natāsyaśca purandaraḥ /
naro nārāyaṇo devo nirmalo nirupadravaḥ

brahmāśambhuḥ suraśreṣṭhaḥ kambupāṇirbalo'rjunaḥ /
jagaddhātā cirāyuśca govindo gopavallabhaḥ

devo devo mahābrahma mahārājo mahāgatiḥ /
ananto bhūtanāthaśca anantabhūtasambhavaḥ

samudraparvatānāṃ ca gandharvāṇāṃ tathā''śrayaḥ /
śrīkṛṣṇo devakīputro murārirveṇuhastakaḥ

jagatsthāyī jagadvyāpī sarvasaṃsārabhūtidaḥ /
ratnagarbho ratnahasto ratnākarasutāpatiḥ

kandarparakṣākārī ca kāmadevapitāmahaḥ /
koṭibhāskarasañjyotiḥ koṭicandrasuśītalaḥ

koṭikandarpalāvaṇyaḥ kāmamūrtirbṛhattapaḥ /
mathurāpuravāsī ca dvāriko dvārikāpatiḥ

vasantaṛtunāthaśca mādhavaḥ prītidaḥ sadā /
śyāmabandhurghanaśyāmo ghanāghanasamadyutiḥ

anantakalpavāsī ca kalpasākṣī ca kalpakṛt / var anantaḥ kalpavāsī
satyanāthaḥ satyacārī satyavādī sadāsthitaḥ

caturmūrtiścaturbāhuścaturyugapatirbhavaḥ /
rāmakṛṣṇo yugāntaśca balabhadro balo balī

lakṣmīnārāyaṇo devaḥ śālagrāmaśilāprabhuḥ /
prāṇo'pānaḥ samānaścodānavyānau tathaiva ca

pañcātmā pañcatattvaṃ ca śaraṇāgatapālakaḥ /
yatkiñcit dṛśyate loke tatsarvaṃ jagadīśvaraḥ

jagadīśo mahadbrahma jagannāthāya te namaḥ /
jagadīśo mahadbrahma jagannāthāya te namaḥ /
jagadīśo mahadbrahma jagannāthāya te namaḥ /
// iti śrījagannāthasahasranāmastotram //
atha śrījagannāthasahasranāma māhātmyam /
evaṃ nāmasahasreṇa stavo'yaṃ paṭhyate yadi /
pāṭhaṃ pāṭhayate yastu śṛṇuyādapi mānavaḥ

sahasrāṇāṃ śatenaiva yajñena paripūjyate /
yatpuṇyaṃ sarvatīrtheṣu vedeṣu ca viśeṣataḥ

tatpuṇyaṃ koṭiguṇitaṃ acirāllabhate naraḥ /
jagannāthasya nāmāni puṇyāni saphalāni ca

vidyārthī labhate vidyāṃ yogārthī yogamāpnuyāt /
kanyārthī labhate kanyāṃ jayārthī labhate jayam

kāmārthī labhate kāmaṃ putrārthī labhate sutam /
kṣatriyāṇāṃ prayogeṇa saṅgrāme jayadaḥ sadā

vaiśyānāṃ sarvadharmaḥ syācchūdrāṇāṃ sukhamedhate /
sādhūnāṃ paṭhato nityaṃ jñānadaḥ phaladastathā

nā'pavādaṃ na duḥkhaṃ ca kadā ca labhate naraḥ /
sarvasaukhyaṃ phalaṃ prāpya cirañjīvī bhavennaraḥ

śṛṇu rājan mahābāho mahimānaṃ jagatpateḥ /
yasya smaraṇamātreṇa sarvapāpaiḥ pramucyate

jagannāthaṃ lokanāthaṃ paṭhate yaḥ sadā śuciḥ /
kalikālodbhavaṃ pāpaṃ tatkṣaṇāttasya naśyati

iti śrībrahmapurāṇe bhīṣma-yudhiṣṭhira-saṃvāde
śrījagannāthasahasranāmastotraṃ samāptam //