Scripture Library

Īśvarapratyabhijñāvimarśinī · Chapter 1.3

1.3.1

satyaṃ kiṃtu smṛtijñānaṃ pūrvānubhavasaṃskṛteḥ /
jātamapyātmaniṣṭhaṃ tannādyānubhavavedakam //

1.3.2

dṛksvābhāsaiva nānyena vedyā rūpadṛśeva dṛk /
rase saṃskārajatvaṃ tu tattulyatvaṃ na tadgatiḥ //

1.3.3

athātadviṣayatve'pi smṛtestadavasāyataḥ /
dṛṣṭālambanatā bhrāntyā ................................. //

1.3.4

smṛtitaiva kathaṃ tāvadbhrānteścārthasthitiḥ katham /
pūrvānubhavasaṃkārāpekṣā ca kimitīṣyate //

1.3.5

bhrāntitve cāvasāyasya na jaḍādviṣayasthitiḥ /
tato'jāḍye nijollekhaniṣṭhānnārthasthitistataḥ //

1.3.6

evamanyonyabhinnānāmaparasparavedinām /
jñānānāmanusaṃdhānajanmā naśyejjanasthitiḥ //

1.3.7

na cedantaḥkṛtānantaviśvarūpo maheśvaraḥ /
syādekaścidvapurjñānasmṛtyapohanaśaktimān //

Original text: Īśvarapratyabhijñāvimarśinī · Edition: Īśvara-pratyabhijñā-Vimarśinī of Abhinavagupta : doctrine of devine recognition, Sanskrit Text with the commentary Bhāskarī. vol.1-2 / edited by K.A. Subramania Iyer and K.C.Pandey. Delhi, etc. : Motilal Banarsidass , 1986 (repr.) (First Edition: The Princess of Wales Saraswati Bahvana , 1938(text no. 70) and 1950 (text no. 83). · Data entry Masahiro Takano · GRETIL (Göttingen) · CC BY-NC-SA 4.0