gauryāṣṭottaraśatanāmastotram · Chapter 1

..
gauryāṣṭottaraśatanāmastotram
.. atha gauryāṣṭottaraśatanāmastotram..
.. dattātrayeṇa gauryāṣṭottaraśatanāmastotropadeśavarṇanam..
iti śrutvā kathāṃ puṇyāṃ gaurīvīryavicitritām .
apṛcchad bhārgavobhūyodattātreyaṃ mahāmunim .. १..
bhagavannadbhutatamaṃ gauryā vīryamudāhṛtam .
śṛṇvato na hi me tṛptiḥ kathāṃ te mukhaniḥsṛtām .. २..
gauryā nāmā'ṣṭaśatakaṃ yacchacyai dhiṣaṇo jagau .
tanme kathaya yacchrotuṃ mano me'tyantamutsukam .. ३..
bhārgaveṇetthamāpṛṣṭo yogirāḍatrinandanaḥ .
aṣṭottaraśataṃ nāmnāṃ prāha gauryā dayānidhiḥ .. ४..
jāmadagnya śṛṇu stotraṃ gaurīnāmabhiraṅkitam .
manoharaṃ vāñchitadaṃ mahā''padvinivāraṇam .. ५..
stotrasyā'sya ṛṣiḥ prokta aṅgirāśchanda īrita .
anuṣṭub devatā gaurī āpannāśāya yo japet .. ६..
hrāṃ hrīṃ ityādi vinyasya dhyātvā stotramudīrayet..
.. dhyānam..
siṃhasaṃsthāṃ mecakā''bhāṃ kausumbhāṃ'śukaśobhitām .. ७
khaḍgaṃ kheṭaṃ triśūlañca mudgaraṃ bibhratīṃ karaiḥ .
candracūḍāṃ trinayanāṃ dhyāyet gaurīṃ abhīṣṭadām .. ८..
.. stotram..
gaurī gojananī vidyā śivā devī maheśvarī .
nārāyaṇā'nujā namrabhūṣaṇā nutavaibhavā .. ९..
trinetrā triśikhā śambhusaṃśrayā śaśibhūṣaṇā .
śūlahastā śrutadharā śubhadā śubharūpiṇī .. १०..
umā bhagavatī rātriḥ somasūryā'gnilocanā .
somasūryātmatāṭaṅkā somasūryakucadvayī .. ११..
ambā ambikā ambujadharā amburūpā āpyāyinī sthirā .
śivapriyā śivā'ṅkasthā śobhanā śumbhanāśinī .. १२..
khaḍgahastā khagā kheṭadharā khā'cchanibhā''kṛtiḥ .
kausumbhañcalā kausumbhapriyā kundanibhadvijā .. १३..
kālī kapālinī krūrā karavālakarā kriyā .
kāmyā kumārī kuṭilā kumārā'mbā kuleśvarī .. १४..
mṛḍānī mṛgaśāvākṣī mṛdudehā mṛgapriyā .
mṛkaṇḍupūjitā mādhvīpriyā mātṛgaṇoḍitā .. १५..
mātṛkā mādhavī mādyanmānasā madirekṣaṇā .
modarūpā modakarī munidhyeyā manonmanī .. १६..
parvatasthā parvapūjyā paramā'rthadā .
parātparā parāmarśamayī pariṇatā'khilā .. १७..
pāśisevyā paśupatipriyā paśuvṛṣastutā .
paśyantī paracidrūpā parīvādaharā parā .. १८..
sarvajñā sarvarūpā sā sampattiḥ sampadunnatā .
āpannivāriṇī bhaktasulabhā karuṇāmayī .. १९..
kalāvatī kalāmūlā kalākalitavigrahā .
gaṇasevyā gaṇośānā gatirgamanavarjitā .. २०..
īśvarīśānadayitā śaktiḥ śamitapātakā .
pīṭhagā pīṭhikārūpā pṛṣatpūjyā prabhāmayī .. २१..
mahamāyā mataṅgeṣṭā lokā'lokā śivāṅganā..
.. phalaśrutiḥ..
etatte'bhihitaṃ rāma ! stotramatyantadurlabham .. २२..
gauryāṣṭottaraśatanāmabhiḥ sumanoharam .
āpadambhodhitaraṇe sudṛḍhaplavarūpakam .. २३..
etat prapaṭhatāṃ nityamāpado yānti dūrataḥ .
gaurīprasādajananamātmajñānapradaṃ nṛṇām .. २४..
bhaktyā prapaṭhatāṃ puṃsāṃ sidhyatyakhilamīhitam .
ante kaivalyamāpnoti satyaṃ te bhārgaveritam .. २५..