ગૌર્યાષ્ટોત્તરશતનામસ્તોત્રમ્ · અધ્યાય 1

..
ગૌર્યાષ્ટોત્તરશતનામસ્તોત્રમ્
.. અથ ગૌર્યાષ્ટોત્તરશતનામસ્તોત્રમ્..
.. દત્તાત્રયેણ ગૌર્યાષ્ટોત્તરશતનામસ્તોત્રોપદેશવર્ણનમ્..
ઇતિ શ્રુત્વા કથાં પુણ્યાં ગૌરીવીર્યવિચિત્રિતામ્ .
અપૃચ્છદ્ ભાર્ગવોભૂયોદત્તાત્રેયં મહામુનિમ્ .. ૧..
ભગવન્નદ્ભુતતમં ગૌર્યા વીર્યમુદાહૃતમ્ .
શૃણ્વતો ન હિ મે તૃપ્તિઃ કથાં તે મુખનિઃસૃતામ્ .. ૨..
ગૌર્યા નામાઽષ્ટશતકં યચ્છચ્યૈ ધિષણો જગૌ .
તન્મે કથય યચ્છ્રોતું મનો મેઽત્યન્તમુત્સુકમ્ .. ૩..
ભાર્ગવેણેત્થમાપૃષ્ટો યોગિરાડત્રિનન્દનઃ .
અષ્ટોત્તરશતં નામ્નાં પ્રાહ ગૌર્યા દયાનિધિઃ .. ૪..
જામદગ્ન્ય શૃણુ સ્તોત્રં ગૌરીનામભિરઙ્કિતમ્ .
મનોહરં વાઞ્છિતદં મહાઽઽપદ્વિનિવારણમ્ .. ૫..
સ્તોત્રસ્યાઽસ્ય ઋષિઃ પ્રોક્ત અઙ્ગિરાશ્છન્દ ઈરિત .
અનુષ્ટુબ્ દેવતા ગૌરી આપન્નાશાય યો જપેત્ .. ૬..
હ્રાં હ્રીં ઇત્યાદિ વિન્યસ્ય ધ્યાત્વા સ્તોત્રમુદીરયેત્..
.. ધ્યાનમ્..
સિંહસંસ્થાં મેચકાઽઽભાં કૌસુમ્ભાંઽશુકશોભિતામ્ .. ૭
ખડ્ગં ખેટં ત્રિશૂલઞ્ચ મુદ્ગરં બિભ્રતીં કરૈઃ .
ચન્દ્રચૂડાં ત્રિનયનાં ધ્યાયેત્ ગૌરીં અભીષ્ટદામ્ .. ૮..
.. સ્તોત્રમ્..
ગૌરી ગોજનની વિદ્યા શિવા દેવી મહેશ્વરી .
નારાયણાઽનુજા નમ્રભૂષણા નુતવૈભવા .. ૯..
ત્રિનેત્રા ત્રિશિખા શમ્ભુસંશ્રયા શશિભૂષણા .
શૂલહસ્તા શ્રુતધરા શુભદા શુભરૂપિણી .. ૧૦..
ઉમા ભગવતી રાત્રિઃ સોમસૂર્યાઽગ્નિલોચના .
સોમસૂર્યાત્મતાટઙ્કા સોમસૂર્યકુચદ્વયી .. ૧૧..
અમ્બા અમ્બિકા અમ્બુજધરા અમ્બુરૂપા આપ્યાયિની સ્થિરા .
શિવપ્રિયા શિવાઽઙ્કસ્થા શોભના શુમ્ભનાશિની .. ૧૨..
ખડ્ગહસ્તા ખગા ખેટધરા ખાઽચ્છનિભાઽઽકૃતિઃ .
કૌસુમ્ભઞ્ચલા કૌસુમ્ભપ્રિયા કુન્દનિભદ્વિજા .. ૧૩..
કાલી કપાલિની ક્રૂરા કરવાલકરા ક્રિયા .
કામ્યા કુમારી કુટિલા કુમારાઽમ્બા કુલેશ્વરી .. ૧૪..
મૃડાની મૃગશાવાક્ષી મૃદુદેહા મૃગપ્રિયા .
મૃકણ્ડુપૂજિતા માધ્વીપ્રિયા માતૃગણોડિતા .. ૧૫..
માતૃકા માધવી માદ્યન્માનસા મદિરેક્ષણા .
મોદરૂપા મોદકરી મુનિધ્યેયા મનોન્મની .. ૧૬..
પર્વતસ્થા પર્વપૂજ્યા પરમાઽર્થદા .
પરાત્પરા પરામર્શમયી પરિણતાઽખિલા .. ૧૭..
પાશિસેવ્યા પશુપતિપ્રિયા પશુવૃષસ્તુતા .
પશ્યન્તી પરચિદ્રૂપા પરીવાદહરા પરા .. ૧૮..
સર્વજ્ઞા સર્વરૂપા સા સમ્પત્તિઃ સમ્પદુન્નતા .
આપન્નિવારિણી ભક્તસુલભા કરુણામયી .. ૧૯..
કલાવતી કલામૂલા કલાકલિતવિગ્રહા .
ગણસેવ્યા ગણોશાના ગતિર્ગમનવર્જિતા .. ૨૦..
ઈશ્વરીશાનદયિતા શક્તિઃ શમિતપાતકા .
પીઠગા પીઠિકારૂપા પૃષત્પૂજ્યા પ્રભામયી .. ૨૧..
મહમાયા મતઙ્ગેષ્ટા લોકાઽલોકા શિવાઙ્ગના..
.. ફલશ્રુતિઃ..
એતત્તેઽભિહિતં રામ ! સ્તોત્રમત્યન્તદુર્લભમ્ .. ૨૨..
ગૌર્યાષ્ટોત્તરશતનામભિઃ સુમનોહરમ્ .
આપદમ્ભોધિતરણે સુદૃઢપ્લવરૂપકમ્ .. ૨૩..
એતત્ પ્રપઠતાં નિત્યમાપદો યાન્તિ દૂરતઃ .
ગૌરીપ્રસાદજનનમાત્મજ્ઞાનપ્રદં નૃણામ્ .. ૨૪..
ભક્ત્યા પ્રપઠતાં પુંસાં સિધ્યત્યખિલમીહિતમ્ .
અન્તે કૈવલ્યમાપ્નોતિ સત્યં તે ભાર્ગવેરિતમ્ .. ૨૫..