Garga Samhita · Chapter 4.19

yamunāsahasranāmam
māndhātovāca -
nāmnāṃ sahasraṃ kṛṣṇāyāḥ sarvasiddhikaraṃ param /
vada māṃ muniśārdūla tvaṃ sarvajño nirāmayaḥ

saubhariruvāca -
nāmnā sahasraṃ kāliṃdyā māndhātaste vadāmyaham /
sarvasiddhikaraṃ divyaṃ śrīkṛṣṇavaśakārakam

ॐasya śrīkālindīsahasranāmastotramaṃtrasya
saubhariṛṣiḥ śrīyamunā devatāḥ anuṣṭup chaṃdaḥ
māyābījamiti kīlakam ramābījamiti śaktiḥ
śrīkaliṃdanandinī prasādasiddhyarthe jape viniyogaḥ /
atha dhyānam /
śyāmāmaṃbhojanetrāṃ saghanaghanaruciṃ
rat‍namañjīrakūjat
kāñjīkeyurayuktāṃ kanakamaṇīmaye
bibhratīṃ kuṇḍale dve /
bhrājacchrīnīlavastra sphuradamalacala-
ddhārabhārāṃ manojñāṃ
dhyāyenmārtaṃḍaputrīṃ tanukiraṇacayo-
ddīptapābhirāmām

iti dhyānam /
ॐkālindī yamunā kṛṣṇā kṛṣṇarūpā sanātanī /
kṛṣṇavāmāṃsasaṃbhūtā paramānadarupiṇī

golokavāsinī śyāmā vṛndāvanavinodinī /
rādhāsakhī rāsalīlā rāsamaṃḍalamaṃḍanī

nikuñjamādhavīvallī raṃgavallī manoharā /
śrīrāsamaṇḍalībhūtā yūthībhūtā haripriyā

golokataṭinī divyā nikuñjatalavāsinī /
dīrghormivega gaṃbhīrā puṣpapallavavāhinī

ghanaśyāmā meghamālā balākā padmamālinī /
paripūrṇatamā pūrṇā pūrṇabrahmapriyā parā

mahāvegavatī sākṣānnikuñjadvāranirgatā /
mahānadī maṃdagatirvirajā vegabhedanī

anekabrahmāṃḍagatā brahmadravasamākulā /
gaṃgāmiśrā nirjalābhā nirmalā saritāṃ varā

rat‍nabaddhobhayataṭī haṃsapadmādisaṃkulā /
nadī nirmalapānīyā sarvabrahmāṃḍapāvanī

vaikuṇṭhaparikhībhūtā parikhā pāpahāriṇī /
brahmalokagatā brāhmī svargā svarganivāsinī

ullasantī protpataṃtī merumālā mahojjvalā /
śrīgaṃgāṃbhaḥśikhariṇī gaṃḍaśailavibhedinī

deśānpunantī gacchantī vahaṃtī bhūmimadhyagā /
mārtaṇḍatanujā puṇyā kalindagirinandinī

yamasvasā mandahāsā sudvijā racitāmbarā /
nīlāṃbarā padmamukhī caraṃtī cārudarśanā

raṃbhorūḥ padmanayanā mādhavī pramadottamā /
tapaścaraṃtī suśroṇī kūjannūpuramekhalā

jalasthitā śyāmalāṃgī khāṇḍavābhā vihāriṇī /
gāṃḍīvibhāṣiṇī vanyā śrīkṛṣṇaṃ varamicchatī

dvārakāgamanā rājñī paṭṭarājñī paraṃgatā /
mahārājñī rat‍nabhūṣā gomatītīracāriṇī

svakīyā ca sukhā svārthā svabhaktakāryasādhinī /
navalāṅgābalā mugdhā varāṃgā vāmalocanā

ajñātayauvanā dīnā prabhākāntirdyutiśchaviḥ /
suśobhā paramā kīrtiḥ kuśalā'jñātayauvanā

navoḍhā madhyagā madhyā prauḍhiḥ prauḍhā pragalbhakā /
dhīrā'dhīrā dhairyadharā jeṣṭhā śreṣṭhā kulāṃganā

kṣaṇaprabhā cañcalārcā vidyutsaudāminī taḍit /
svādhīnapatikā lakṣmīḥ puṣṭā svādhīnabhartṛkā

kalahāntaritā bhīruricchāprotkaṇṭhitākulā /
kaśipusthā divyaśayyā goviṃdahṛtamānasā

khaṃḍitākhaṇḍaśobhāḍhyā vipralabdhābhisārikā /
virahārtā virahiṇī nārī proṣitabhartṛkā

māninī mānadā prājñā mandāravanavāsinī /
jhaṃkāriṇī jhaṇatkārī raṇanmañjīranūpurā

mekhalā'mekhalā kāñcī kāñcīnī kāñcanāmayī /
kaṃcukī kaṃcukamaṇiḥ śrīkaṇṭhāḍhyā mahāmaṇiḥ

śrīhāriṇī padmahārā muktā muktaphalārcitā /
rat‍nakaṃkaṇakeyūrā sphuradaṃgulibhūṣaṇā

darpaṇā darpaṇībhūtā duṣṭadarpavināśinī /
kaṃbugrīvā kaṃbudharā graiveyakavirājitā

tāṭaṃkinī daṃtadharā hemakuṇḍalamaṇḍitā /
śikhābhūṣā bhālapuṣpā nāsāmauktikaśobhitā

maṇibhūmigatā devī raivatādrivihāriṇī /
vṛndāvanagatā vṛndā vṛndāraṇyanivāsinī

vṛndāvanalatā mādhvī vṛndāraṇyavibhūṣaṇā /
sauṃdaryalaharī lakṣmīrmathurātīrthavāsinī

viśrāṃtavāsinī kāmyā ramyā gokulavāsinī /
ramaṇasthalaśobhāḍhyā mahāvanamahānadī

praṇatā pronnatā puṣṭā bhāratī bharatārcitā /
tīrtharājagatirgotrā gaṃgāsāgarasaṃgamā

saptābdhibhedinī lolā saptadvīpagatā balāt /
luṭhantī śailān bhidyaṃtī sphuraṃtī vegavattarā

kāñcanī kañcanībhūmiḥ kāñcanībhūmibhāvitā /
lokadṛṣṭirlokalīlā lokālokācalārcitā

śailod‌gatā svargagatā svargarcā svargapūjitā /
vṛndāvanī vanādhyakṣā rakṣā kakṣā taṭīpaṭī

asikuṇḍagatā kacchā svacchandocchalitādijā /
kuharasthā rathaprasthā prasthā śāṃtatarā''turā

aṃbucchaṭā śīkarābhā dardurā dārdurīdharā /
pāpāṃkuśā pāpasiṃhī pāpadrumakuṭhāriṇī

puṇyasaṃghā puṇyakīrtiḥ puṇyadā puṇyavarddhinī /
madhorvananadī mukhyā atulā tālavanasthitā

kumudvananadī kubjā kumudāṃbhojavarddhinī /
plavarūpā vegavatī siṃhasarpādivāhinī

bahulī bahudā bahvī bahulā vanavanditā /
rādhākuṇḍakalārādhyā kṛṣṇakuṇḍajalāśritā

lalitākuṇḍagā ghaṃṭā viśākhākuṇḍamaṃḍitā /
govindakuṇḍanilayā gopakuṇḍataraṃgiṇī

śrīgaṃgā mānasī gaṃgā kusumāṃbarabhāvinī /
govardhinī godhanāḍhyā mayūrī varavarṇinī

sārasī nīlakaṃṭhābhā kūjatkokilapotakī /
girirājaprasūrbhūrirātapatrā''tapatriṇī

govardhanāṃkā godaṃtī divyauṣadhinidhiḥ sṛtiḥ /
pāradī pāradamayī nāradī śāradī bhṛtiḥ

śrīkṛṣṇacaraṇāṃkasthā kāmā kāmavanāñcitā /
kāmāṭavī nandinī ca nandagrāmamahīdharā

bṛhatsānudyutiḥ protā nandīśvarasamanvitā /
kākalī kokilamayī bhāṃḍīrakuśakauśalā

lohārgalapradā kārā kāśmīravasanāvṛtā /
barhiṣadī śoṇapurī śūrakṣetrapurādhikā

nānā''bharaṇaśobhāḍhyā nānāvarṇasamanvitā /
nānānārīkaṃdabāḍhyā raṃgā raṃgamahīruhā

nānālokagatābhyarciḥ nānājalasamanvitā /
strīrat‍naṃ rat‍nanilayā lalanārat‍narañjinī

raṃgiṇī raṃgabhūmāḍhyā raṃgā raṃgamahīruhā /
rājavidyā rājaguhyā jagatkīrtirghanā'ghanā

vilolaghaṃṭā kṛṣṇāṃgā kṛṣṇadehasamud‌bhavā /
nīlapaṃkajavarṇābhā nīlapaṃkajahāriṇī

nilābhā nīlapadmāḍhyā nīlāṃbhoruhavāsinī /
nāgavallī nāgapurī nāgavallīdalārcitā

tāmbūlacarcitā carcā makarandamanoharā /
sakesarā kesariṇī keśapāśābhiśobhitā

kajjalābhā kajjalāktā kajjalī kalitāñjanā /
alaktacaraṇā tāmrā lālā tāmrīkṛtāṃbarā

sindūritā'liptavāṇī suśrīḥ śrīkhaṃḍamaṃḍitā /
pāṭīrapaṃkavasanā jaṭāmāṃsīrucāmbarā

āgaryyagurugandhāktā tagarāśritamārutā /
sugandhitailarucirā kuntalāliḥ sakuntalā

śakuntalā'pāṃsulā ca pātivratyaparāyaṇā /
sūryaprabhā sūryakanyā sūryadehasamud‌bhavā

koṭisūryapratīkāśā sūryajā sūryanandinī /
saṃjñā saṃjñāsutā svecchā saṃjñāmodapradāyinī

saṃjñāputrī sphuracchāyā tapatī tāpakāriṇī /
sāvarṇyānubhavā vedī vaḍavā saukhyadāyinī

śanaiścarānujā kīlā candravaṃśavivarddhinī /
candravaṃśavadhūścadrā candrāvalisahāyinī

candrāvatī candralekhā candrakāṃtānugāṃśukā /
bhairavī piṃgalāśaṃkī līlāvatyāgarīmayī

dhanaśrīrdevagāndhārī svarmaṇirguṇavarddhinī /
vrajamallā bandhakārī vicitrā jayakāriṇī

gāndhārī mañjarī ṭoḍī gurjjaryyāsāvarī jayā /
karṇāṭī rāgiṇī gaurī vairāṭī gauravāṭikā

catuścandrā kalā herī tailaṃgī vijayāvatī /
tālī talasvarā gānā kriyāmātraprakāśinī

vaiśākhī cācalā cārurmācārī ghūghaṭī ghaṭā /
vaihāgarī soraṭhīśā kaidārī jaladhārikā

kāmākaraśrīḥ kalyāṇī gauḍakalyāṇamiśritā /
rājasaṃjīvinī helā mandārī kāmarūpiṇī

sāraṃgī mārutī hoḍhā sāgarī kāmavādinī /
vaibhāsī maṃgalā cāndrī rāsamaṃḍalamaṃḍanā

kāmadhenuḥ kāmalatā kāmadā kamanīyakā /
kalpavṛkṣasthalī sthūlā sudhāsaudhanivāsinī

golokavāsinī subhrūḥ yaṣṭibhṛd‍dvārapālikā /
śṛṅgāraprakarā śṛṅgā svacchā śayyopakārikā

pārṣadā susakhīsevyā śrīvṛndāvanapālikā /
nikuñabhṛtkuṃjapuñjā guñjābharaṇabhūṣitā

nikuñjavāsinī proṣyā govardhanataṭībhavā /
viśākhā lalitā rāmā nīrujā madhumādhavī

ekā naikasakhī śuklā sakhīmadhyā mahāmanāḥ /
śrutirūpā ṛṣirūpā maithilāḥ kauśalāḥ striyaḥ

ayodhyāpuravāsinyo yajñasītāḥ puliṃdakāḥ /
ramāvaikuṇṭhavāsinyaḥ śvetadvīpasakhījanāḥ

ūrdhvavaikuṇṭhavāsinyo dvivyā'jitapadāśritāḥ /
śrīlokacalavāsinyaḥ śrīsakhyaḥ sāgarod‌bhavāḥ

divyā adivyā divyāṃgā vyāptāstriguṇavṛttayaḥ /
bhūmigopyo devanāryo latā oṣadhivīrūdhaḥ

jālaṃdharyyaḥ sindhusutāḥ pṛthubarhiṣmatībhavāḥ /
divyāṃbarā apsarasaḥ sautalā nāgakanyakāḥ

paraṃ dhāma paraṃ brahma pauruṣā prakṛtiḥ parā /
taṭasthā guṇabhūrgītā guṇāguṇamayī guṇā

cid‌ghanā sadasanmālā dṛṣṭirdṛśyā guṇākarī /
mahattatvamahaṃkāro mano buddhiḥ pracetanā

ceto vṛttiḥ svāṃtarātmā caturthī caturakṣarā /
caturvyūhā caturmūrtiḥ vyomavāyurado jalam

mahī śabdo raso gandhaḥ sparśo rūpamanekadhā /
karmendriyaṃ karmamayī jñānaṃ jñānendriyaṃ dvidhā

tridhādhibhūtamadhyātmamadhidaivamadhisthitam /
jñānaśaktiḥ kriyāśaktiḥ sarvadevādhidevatā

tatvasaṃghā virāṇmūrtiḥ dhāraṇā dhāraṇāmayī /
śrutiḥ smṛtirvedamūrtiḥ saṃhitā gargasaṃhitā

pārāśarī saiva sṛṣṭiḥ pārahaṃsī vidhātṛkā /
yājñavalkī bhāgavatī śrīmad‌bhāgavatārcitā

rāmāyaṇamayī ramyā purāṇapuruṣapriyā /
purāṇamūrtiḥ puṇyāṃgā śāstramūrtirmahonnatā

manīṣā dhiṣaṇā buddhirvāṇī dhīḥ śemuṣī matiḥ /
gāyatrī vedasāvitrī brahmāṇī brahmalakṣaṇā

durgā'parṇā satī satyā pārvatī caṃḍikāṃbikā /
āryā dākṣāyaṇī dākṣī dakṣayajñavighātinī

pulojamā śacīndrāṇī devī devavarārpitā /
vāyunā dhāriṇī dhanyā vāyavī vāyuvegagā

yamānujā saṃyamanī saṃjñā chāyā sphuraddyutiḥ /
rat‍nadevī rat‍navṛndā tārā taraṇimaṇḍalā

ruciḥ śāntiḥ kṣamā śobhā dayā dakṣā dyutistrapā /
talatuṣṭirvibhā puṣṭiḥ santuṣṭiḥ puṣṭabhāvanā

caturbhujā cārunetrā dvibhujā'ṣṭabhujā'balā /
śaṃkhahastā padmahastā cakrahastā gadādharā

niṣaṃgadhāriṇī carmakhaḍgapāṇirdhanurddharā /
dhanuṣṭaṃkāraṇī yodhrī daityod‌bhaṭavināśinī

rathasthā garuḍārūḍhā śrīkṛṣṇahṛdayasthitā /
vaṃśīdharā kṛṣṇaveṣā sragviṇī vanamālinī

kirīṭadhāriṇī yānā mandamandagatirgatiḥ /
candrakoṭipratīkāśā tanvī komalavigrahā

bhaiṣmī bhīṣmasutā bhīmā rukmiṇī rūkmarūpiṇī /
satyabhāmā jāṃbavatī satyā bhadrā sudakṣiṇā

mitravindā sakhīvṛndā vṛndāraṇyadhvajordhvagā /
śṛṅgārakāriṇī śṛṅgā śṛṅgabhūḥ śṛṅgadā khagā

titikṣekṣā smṛtiḥspardhā spṛhā śraddhā svanirvṛtiḥ /
īśā tṛṣṇā bhidā prītiḥ hiṃsāyācñāklamā kṛṣiḥ

āśā nidrā yoganidrā yoginī yogadā'yugā /
niṣṭhā pratiṣṭhā śamitiḥ satvaprakṛtiruttamā

tamaḥprakṛtidurmarṣī rajaḥprakṛtirānatiḥ /
kriyā'kriyā kṛtirglāniḥ sātvikyādhyātmikī vṛṣā

sevāśikhāmaṇirvṛddhirāhūtiḥ piṃgalod‌bhavā /
nāgabhāṣā nāgabhūṣā nāgarī nagarī nagā

naurnauṃkā bhavanaurbhāvyā bhavasāgarasetukā /
manomayī dārumayī saikatī sikatāmayī

lekhyā lepyā maṇimayī pratihemavinirmitā /
śailī śailabhavā śīlā śīkarābhā calā'calā

asthitā susthitā tūlī vaidakī tāṃtrikī vidhiḥ /
saṃdhyā saṃdhyābhravasanā vedasaṃdhiḥ sudhāmayī

sāyaṃtanī śikhā vedhyā sūkṣmā jīvakalākṛtiḥ /
ātmabhūtā bhāvitā'ṇvī prahvī kamalakarṇikā

nīrājanī mahāvidyā kaṃdalī kāryasādhanī /
pūjā pratiṣṭhā vipulā punaṃtī pāralaukikī

śuklaśuktirmauktikī ca pratītiḥ parameśvarī /
virajoṣṇigvirāḍveṇī veṇukā veṇunādinī

āvartinī vārtikadā vārtā vṛttirvimānagā /
rāsāḍhyā rāsinī rāsā rāsamaṇḍalavartinī

gopagopīśvarī gopī gopīgopālavanditā /
gocāriṇī gopanadī gopānandapradāyinī

paśavyadā gopasevyā koṭiśo gogaṇāvṛtā /
gopānugā gopavatī govindapadapādukā

vṛṣabhānusutā rādhā śrīkṛṣṇavaśakāriṇī /
kṛṣṇaprāṇādhikā śaśvad‌rasikā rasikeśvarī

avaṭodā tāmraparṇī kṛtamālā vihāyasī /
kṛṣṇā veṇī bhīmarathī tāpī revā mahāpagā

vaiyāsakī ca kāverī tuṃgabhadrā sarasvatī /
candrabhāgā vetravatī ṛṣikulyā kakudminī

gautamī kauśikī sindhuḥ bāṇagaṃgā'tisiddhidā /
godāvarī rat‍namālā gaṃgā mandākinī balā

svarṇadī jāhnavī velā vaiṣṇavī maṃgalālayā /
bālā viṣṇupadī proktā sindhusāgarasaṃgatā

gaṃgāsāgaraśobhāḍhyā sāmudrī rat‍nadā dhunī /
bhāgīrathī svardhunī bhūḥ śrīvāmanapadacyutā

lakṣmī ramā ramaṇīyā bhārgavī viṣṇuvallabhā /
sītā'rcirjānakī mātā kalaṃkarahitā kalā

kṛṣṇapādābjasaṃbhūtā sarvā tripathagāminī /
dharā viśvaṃbharā'nantā bhūmirdhātrī kṣamāmayī

sthirā dharitrī dharaṇī urvī śeṣaphaṇasthitā /
ayodhyā rāghavapurī kauśikī raghuvaṃśajā

mathurā māthurī paṃthā yādavī dhruvapūjitā /
mayāyurbilvanīlodā gaṃgādvāravinirgatā

kuśāvartamayī dhrauvyā dhruvamaṇḍalamadhyagā /
kāśī śivapurī śeṣā viṃdhyā vārāṇasī śivā

avaṃtikā devapurī projjvalojjayinī jitā /
dvārāvatī dvārakāmā kuśabhūtā kuśasthalī

mahāpurī saptapurī nandigrāmasthalasthitā /
śālagrāmaśilādityā śaṃbhalagrāmamadhyagā

vaṃśagopālinī kṣiptā harimandiravartinī /
barhiṣmatī hastipurī śakraprasthanivāsinī

dāḍimī saiṃdhavī jaṃbūḥ pauṣkarī puṣkaraprasūḥ /
utpalāvartagamanā naimiṣī naimiṣāvṛtā

kurujāṃgalabhūḥ kālī haimavatyarbudī budhā /
śūkarakṣetraviditā śvetavārāhadhāritā

sarvatīrthamayī tīrthā tīrthānāṃ tīrthakāriṇī /
hāriṇī sarvadoṣāṇāṃ dāyinī sarvasampadām

varddhinī tejasāṃ sākṣād‌‌garbhavāsanikṛṃtanī /
golokadhāmadhaninī nikuñjanijamaṃjarī

sarvottamā sarvapuṇyā sarvasauṃdaryaśṛṅkhalā /
sarvatīrthoparigatā sarvatīrthādhidevatā

śrīdā śrīśā śrīnivāsā śrīnidhiḥ śrīvibhāvanā /
svakṣā svaṃgā śatānaṃdā nandā jyotirgaṇeśvarī

nāmnāṃ sahasraṃ kāliṃdyāḥ kīrtidaṃ kāmadaṃ param /
mahāpāpaharaṃ puṇyaṃ āyurvarddhanamuttamam

ekavāraṃ paṭhed‌rātrau caurebhyo na bhayaṃ bhavet /
dvivāraṃ prapaṭhenmārge dasyubhyo na bhayaṃ kvacit

dvitīyāṃ tu samārabhya paṭhetpūrṇāvadhiṃ dvijaḥ /
daśavāramidaṃ bhaktyā dhyātvā devīṃ kaliṃdajām

rogī rogātpramucyeta baddho mucyeta bandhanāt /
gurviṇī janayetputraṃ vidyārthī paṃḍito bhavet

mohanaṃ staṃbhanaṃ śaśvad‌vaśīkaraṇameva ca /
uccāṭanaṃ ghātanaṃ ca śoṣaṇaṃ dīpanaṃ tathā

unmādanaṃ tāpanaṃ ca nidhidarśanameva ca /
yadyad‌vāṃcchati cittena tattatprāpnoti mānavaḥ

brāhmaṇo brahmavarcasvī rājanyo jagatīpatiḥ /
vaiśyo nidhipatirbhūyācchūdraḥ śrutvā tu nirmalaḥ

pūjākāle tu yo nityaṃ paṭhate bhaktibhāvataḥ /
lipyate na sa pāpena padmapatramivāṃbhasā

śatavāraṃ paṭhennityaṃ varṣāvadhimataḥ param /
paṭalaṃ paddhatiṃ kṛtvā stavaṃ ca kavacaṃ tathā

saptadvīpamahīrājyaṃ prāpnuyānnātra saṃśayaḥ

niṣkāraṇaṃ paṭhedyastu yamunābhaktisaṃyutaḥ /
traivargyametya sukṛtī jīvanmukto bhavediha

nikuṃjalīlālalitaṃ manoharaṃ
kaliṃdajākūlalatākadambakam /
vṛndāvanonmattamiliṃdaśabditaṃ
vrajetsa golokamidaṃ paṭhecca yaḥ

iti śrīgargasaṃhitāyāṃ mādhuryakhaṇḍe śrīnāradabahulāśvasaṃvāde
śrīsaubharimāṃdhātṛsaṃvāde śrīyamunāsahasranāmakathanaṃ nāmaikonaviṃśo'dhyāyaḥ

hariḥ ॐ tatsacchrīkṛṣṇārpaṇamastu //
vargaḥ :garga saṃhitā