ગર્ગસંહિતા · અધ્યાય 4.19

યમુનાસહસ્રનામમ્
માન્ધાતોવાચ -
નામ્નાં સહસ્રં કૃષ્ણાયાઃ સર્વસિદ્ધિકરં પરમ્ ।
વદ માં મુનિશાર્દૂલ ત્વં સર્વજ્ઞો નિરામયઃ

સૌભરિરુવાચ -
નામ્ના સહસ્રં કાલિંદ્યા માન્ધાતસ્તે વદામ્યહમ્ ।
સર્વસિદ્ધિકરં દિવ્યં શ્રીકૃષ્ણવશકારકમ્

ૐઅસ્ય શ્રીકાલિન્દીસહસ્રનામસ્તોત્રમંત્રસ્ય
સૌભરિઋષિઃ શ્રીયમુના દેવતાઃ અનુષ્ટુપ્ છંદઃ
માયાબીજમિતિ કીલકમ્ રમાબીજમિતિ શક્તિઃ
શ્રીકલિંદનન્દિની પ્રસાદસિદ્ધ્યર્થે જપે વિનિયોગઃ ।
અથ ધ્યાનમ્ ।
શ્યામામંભોજનેત્રાં સઘનઘનરુચિં
રત્‍નમઞ્જીરકૂજત્
કાઞ્જીકેયુરયુક્તાં કનકમણીમયે
બિભ્રતીં કુણ્ડલે દ્વે ।
ભ્રાજચ્છ્રીનીલવસ્ત્ર સ્ફુરદમલચલ-
દ્ધારભારાં મનોજ્ઞાં
ધ્યાયેન્માર્તંડપુત્રીં તનુકિરણચયો-
દ્દીપ્તપાભિરામામ્

ઇતિ ધ્યાનમ્ ।
ૐકાલિન્દી યમુના કૃષ્ણા કૃષ્ણરૂપા સનાતની ।
કૃષ્ણવામાંસસંભૂતા પરમાનદરુપિણી

ગોલોકવાસિની શ્યામા વૃન્દાવનવિનોદિની ।
રાધાસખી રાસલીલા રાસમંડલમંડની

નિકુઞ્જમાધવીવલ્લી રંગવલ્લી મનોહરા ।
શ્રીરાસમણ્ડલીભૂતા યૂથીભૂતા હરિપ્રિયા

ગોલોકતટિની દિવ્યા નિકુઞ્જતલવાસિની ।
દીર્ઘોર્મિવેગ ગંભીરા પુષ્પપલ્લવવાહિની

ઘનશ્યામા મેઘમાલા બલાકા પદ્મમાલિની ।
પરિપૂર્ણતમા પૂર્ણા પૂર્ણબ્રહ્મપ્રિયા પરા

મહાવેગવતી સાક્ષાન્નિકુઞ્જદ્વારનિર્ગતા ।
મહાનદી મંદગતિર્વિરજા વેગભેદની

અનેકબ્રહ્માંડગતા બ્રહ્મદ્રવસમાકુલા ।
ગંગામિશ્રા નિર્જલાભા નિર્મલા સરિતાં વરા

રત્‍નબદ્ધોભયતટી હંસપદ્માદિસંકુલા ।
નદી નિર્મલપાનીયા સર્વબ્રહ્માંડપાવની

વૈકુણ્ઠપરિખીભૂતા પરિખા પાપહારિણી ।
બ્રહ્મલોકગતા બ્રાહ્મી સ્વર્ગા સ્વર્ગનિવાસિની

ઉલ્લસન્તી પ્રોત્પતંતી મેરુમાલા મહોજ્જ્વલા ।
શ્રીગંગાંભઃશિખરિણી ગંડશૈલવિભેદિની

દેશાન્પુનન્તી ગચ્છન્તી વહંતી ભૂમિમધ્યગા ।
માર્તણ્ડતનુજા પુણ્યા કલિન્દગિરિનન્દિની

યમસ્વસા મન્દહાસા સુદ્વિજા રચિતામ્બરા ।
નીલાંબરા પદ્મમુખી ચરંતી ચારુદર્શના

રંભોરૂઃ પદ્મનયના માધવી પ્રમદોત્તમા ।
તપશ્ચરંતી સુશ્રોણી કૂજન્નૂપુરમેખલા

જલસ્થિતા શ્યામલાંગી ખાણ્ડવાભા વિહારિણી ।
ગાંડીવિભાષિણી વન્યા શ્રીકૃષ્ણં વરમિચ્છતી

દ્વારકાગમના રાજ્ઞી પટ્ટરાજ્ઞી પરંગતા ।
મહારાજ્ઞી રત્‍નભૂષા ગોમતીતીરચારિણી

સ્વકીયા ચ સુખા સ્વાર્થા સ્વભક્તકાર્યસાધિની ।
નવલાઙ્ગાબલા મુગ્ધા વરાંગા વામલોચના

અજ્ઞાતયૌવના દીના પ્રભાકાન્તિર્દ્યુતિશ્છવિઃ ।
સુશોભા પરમા કીર્તિઃ કુશલાઽજ્ઞાતયૌવના

નવોઢા મધ્યગા મધ્યા પ્રૌઢિઃ પ્રૌઢા પ્રગલ્ભકા ।
ધીરાઽધીરા ધૈર્યધરા જેષ્ઠા શ્રેષ્ઠા કુલાંગના

ક્ષણપ્રભા ચઞ્ચલાર્ચા વિદ્યુત્સૌદામિની તડિત્ ।
સ્વાધીનપતિકા લક્ષ્મીઃ પુષ્ટા સ્વાધીનભર્તૃકા

કલહાન્તરિતા ભીરુરિચ્છાપ્રોત્કણ્ઠિતાકુલા ।
કશિપુસ્થા દિવ્યશય્યા ગોવિંદહૃતમાનસા

ખંડિતાખણ્ડશોભાઢ્યા વિપ્રલબ્ધાભિસારિકા ।
વિરહાર્તા વિરહિણી નારી પ્રોષિતભર્તૃકા

માનિની માનદા પ્રાજ્ઞા મન્દારવનવાસિની ।
ઝંકારિણી ઝણત્કારી રણન્મઞ્જીરનૂપુરા

મેખલાઽમેખલા કાઞ્ચી કાઞ્ચીની કાઞ્ચનામયી ।
કંચુકી કંચુકમણિઃ શ્રીકણ્ઠાઢ્યા મહામણિઃ

શ્રીહારિણી પદ્મહારા મુક્તા મુક્તફલાર્ચિતા ।
રત્‍નકંકણકેયૂરા સ્ફુરદંગુલિભૂષણા

દર્પણા દર્પણીભૂતા દુષ્ટદર્પવિનાશિની ।
કંબુગ્રીવા કંબુધરા ગ્રૈવેયકવિરાજિતા

તાટંકિની દંતધરા હેમકુણ્ડલમણ્ડિતા ।
શિખાભૂષા ભાલપુષ્પા નાસામૌક્તિકશોભિતા

મણિભૂમિગતા દેવી રૈવતાદ્રિવિહારિણી ।
વૃન્દાવનગતા વૃન્દા વૃન્દારણ્યનિવાસિની

વૃન્દાવનલતા માધ્વી વૃન્દારણ્યવિભૂષણા ।
સૌંદર્યલહરી લક્ષ્મીર્મથુરાતીર્થવાસિની

વિશ્રાંતવાસિની કામ્યા રમ્યા ગોકુલવાસિની ।
રમણસ્થલશોભાઢ્યા મહાવનમહાનદી

પ્રણતા પ્રોન્નતા પુષ્ટા ભારતી ભરતાર્ચિતા ।
તીર્થરાજગતિર્ગોત્રા ગંગાસાગરસંગમા

સપ્તાબ્ધિભેદિની લોલા સપ્તદ્વીપગતા બલાત્ ।
લુઠન્તી શૈલાન્ ભિદ્યંતી સ્ફુરંતી વેગવત્તરા

કાઞ્ચની કઞ્ચનીભૂમિઃ કાઞ્ચનીભૂમિભાવિતા ।
લોકદૃષ્ટિર્લોકલીલા લોકાલોકાચલાર્ચિતા

શૈલોદ્‌ગતા સ્વર્ગગતા સ્વર્ગર્ચા સ્વર્ગપૂજિતા ।
વૃન્દાવની વનાધ્યક્ષા રક્ષા કક્ષા તટીપટી

અસિકુણ્ડગતા કચ્છા સ્વચ્છન્દોચ્છલિતાદિજા ।
કુહરસ્થા રથપ્રસ્થા પ્રસ્થા શાંતતરાઽઽતુરા

અંબુચ્છટા શીકરાભા દર્દુરા દાર્દુરીધરા ।
પાપાંકુશા પાપસિંહી પાપદ્રુમકુઠારિણી

પુણ્યસંઘા પુણ્યકીર્તિઃ પુણ્યદા પુણ્યવર્દ્ધિની ।
મધોર્વનનદી મુખ્યા અતુલા તાલવનસ્થિતા

કુમુદ્વનનદી કુબ્જા કુમુદાંભોજવર્દ્ધિની ।
પ્લવરૂપા વેગવતી સિંહસર્પાદિવાહિની

બહુલી બહુદા બહ્વી બહુલા વનવન્દિતા ।
રાધાકુણ્ડકલારાધ્યા કૃષ્ણકુણ્ડજલાશ્રિતા

લલિતાકુણ્ડગા ઘંટા વિશાખાકુણ્ડમંડિતા ।
ગોવિન્દકુણ્ડનિલયા ગોપકુણ્ડતરંગિણી

શ્રીગંગા માનસી ગંગા કુસુમાંબરભાવિની ।
ગોવર્ધિની ગોધનાઢ્યા મયૂરી વરવર્ણિની

સારસી નીલકંઠાભા કૂજત્કોકિલપોતકી ।
ગિરિરાજપ્રસૂર્ભૂરિરાતપત્રાઽઽતપત્રિણી

ગોવર્ધનાંકા ગોદંતી દિવ્યૌષધિનિધિઃ સૃતિઃ ।
પારદી પારદમયી નારદી શારદી ભૃતિઃ

શ્રીકૃષ્ણચરણાંકસ્થા કામા કામવનાઞ્ચિતા ।
કામાટવી નન્દિની ચ નન્દગ્રામમહીધરા

બૃહત્સાનુદ્યુતિઃ પ્રોતા નન્દીશ્વરસમન્વિતા ।
કાકલી કોકિલમયી ભાંડીરકુશકૌશલા

લોહાર્ગલપ્રદા કારા કાશ્મીરવસનાવૃતા ।
બર્હિષદી શોણપુરી શૂરક્ષેત્રપુરાધિકા

નાનાઽઽભરણશોભાઢ્યા નાનાવર્ણસમન્વિતા ।
નાનાનારીકંદબાઢ્યા રંગા રંગમહીરુહા

નાનાલોકગતાભ્યર્ચિઃ નાનાજલસમન્વિતા ।
સ્ત્રીરત્‍નં રત્‍નનિલયા લલનારત્‍નરઞ્જિની

રંગિણી રંગભૂમાઢ્યા રંગા રંગમહીરુહા ।
રાજવિદ્યા રાજગુહ્યા જગત્કીર્તિર્ઘનાઽઘના

વિલોલઘંટા કૃષ્ણાંગા કૃષ્ણદેહસમુદ્‌ભવા ।
નીલપંકજવર્ણાભા નીલપંકજહારિણી

નિલાભા નીલપદ્માઢ્યા નીલાંભોરુહવાસિની ।
નાગવલ્લી નાગપુરી નાગવલ્લીદલાર્ચિતા

તામ્બૂલચર્ચિતા ચર્ચા મકરન્દમનોહરા ।
સકેસરા કેસરિણી કેશપાશાભિશોભિતા

કજ્જલાભા કજ્જલાક્તા કજ્જલી કલિતાઞ્જના ।
અલક્તચરણા તામ્રા લાલા તામ્રીકૃતાંબરા

સિન્દૂરિતાઽલિપ્તવાણી સુશ્રીઃ શ્રીખંડમંડિતા ।
પાટીરપંકવસના જટામાંસીરુચામ્બરા

આગર્ય્યગુરુગન્ધાક્તા તગરાશ્રિતમારુતા ।
સુગન્ધિતૈલરુચિરા કુન્તલાલિઃ સકુન્તલા

શકુન્તલાઽપાંસુલા ચ પાતિવ્રત્યપરાયણા ।
સૂર્યપ્રભા સૂર્યકન્યા સૂર્યદેહસમુદ્‌ભવા

કોટિસૂર્યપ્રતીકાશા સૂર્યજા સૂર્યનન્દિની ।
સંજ્ઞા સંજ્ઞાસુતા સ્વેચ્છા સંજ્ઞામોદપ્રદાયિની

સંજ્ઞાપુત્રી સ્ફુરચ્છાયા તપતી તાપકારિણી ।
સાવર્ણ્યાનુભવા વેદી વડવા સૌખ્યદાયિની

શનૈશ્ચરાનુજા કીલા ચન્દ્રવંશવિવર્દ્ધિની ।
ચન્દ્રવંશવધૂશ્ચદ્રા ચન્દ્રાવલિસહાયિની

ચન્દ્રાવતી ચન્દ્રલેખા ચન્દ્રકાંતાનુગાંશુકા ।
ભૈરવી પિંગલાશંકી લીલાવત્યાગરીમયી

ધનશ્રીર્દેવગાન્ધારી સ્વર્મણિર્ગુણવર્દ્ધિની ।
વ્રજમલ્લા બન્ધકારી વિચિત્રા જયકારિણી

ગાન્ધારી મઞ્જરી ટોડી ગુર્જ્જર્ય્યાસાવરી જયા ।
કર્ણાટી રાગિણી ગૌરી વૈરાટી ગૌરવાટિકા

ચતુશ્ચન્દ્રા કલા હેરી તૈલંગી વિજયાવતી ।
તાલી તલસ્વરા ગાના ક્રિયામાત્રપ્રકાશિની

વૈશાખી ચાચલા ચારુર્માચારી ઘૂઘટી ઘટા ।
વૈહાગરી સોરઠીશા કૈદારી જલધારિકા

કામાકરશ્રીઃ કલ્યાણી ગૌડકલ્યાણમિશ્રિતા ।
રાજસંજીવિની હેલા મન્દારી કામરૂપિણી

સારંગી મારુતી હોઢા સાગરી કામવાદિની ।
વૈભાસી મંગલા ચાન્દ્રી રાસમંડલમંડના

કામધેનુઃ કામલતા કામદા કમનીયકા ।
કલ્પવૃક્ષસ્થલી સ્થૂલા સુધાસૌધનિવાસિની

ગોલોકવાસિની સુભ્રૂઃ યષ્ટિભૃદ્‍દ્વારપાલિકા ।
શૃઙ્ગારપ્રકરા શૃઙ્ગા સ્વચ્છા શય્યોપકારિકા

પાર્ષદા સુસખીસેવ્યા શ્રીવૃન્દાવનપાલિકા ।
નિકુઞભૃત્કુંજપુઞ્જા ગુઞ્જાભરણભૂષિતા

નિકુઞ્જવાસિની પ્રોષ્યા ગોવર્ધનતટીભવા ।
વિશાખા લલિતા રામા નીરુજા મધુમાધવી

એકા નૈકસખી શુક્લા સખીમધ્યા મહામનાઃ ।
શ્રુતિરૂપા ઋષિરૂપા મૈથિલાઃ કૌશલાઃ સ્ત્રિયઃ

અયોધ્યાપુરવાસિન્યો યજ્ઞસીતાઃ પુલિંદકાઃ ।
રમાવૈકુણ્ઠવાસિન્યઃ શ્વેતદ્વીપસખીજનાઃ

ઊર્ધ્વવૈકુણ્ઠવાસિન્યો દ્વિવ્યાઽજિતપદાશ્રિતાઃ ।
શ્રીલોકચલવાસિન્યઃ શ્રીસખ્યઃ સાગરોદ્‌ભવાઃ

દિવ્યા અદિવ્યા દિવ્યાંગા વ્યાપ્તાસ્ત્રિગુણવૃત્તયઃ ।
ભૂમિગોપ્યો દેવનાર્યો લતા ઓષધિવીરૂધઃ

જાલંધર્ય્યઃ સિન્ધુસુતાઃ પૃથુબર્હિષ્મતીભવાઃ ।
દિવ્યાંબરા અપ્સરસઃ સૌતલા નાગકન્યકાઃ

પરં ધામ પરં બ્રહ્મ પૌરુષા પ્રકૃતિઃ પરા ।
તટસ્થા ગુણભૂર્ગીતા ગુણાગુણમયી ગુણા

ચિદ્‌ઘના સદસન્માલા દૃષ્ટિર્દૃશ્યા ગુણાકરી ।
મહત્તત્વમહંકારો મનો બુદ્ધિઃ પ્રચેતના

ચેતો વૃત્તિઃ સ્વાંતરાત્મા ચતુર્થી ચતુરક્ષરા ।
ચતુર્વ્યૂહા ચતુર્મૂર્તિઃ વ્યોમવાયુરદો જલમ્

મહી શબ્દો રસો ગન્ધઃ સ્પર્શો રૂપમનેકધા ।
કર્મેન્દ્રિયં કર્મમયી જ્ઞાનં જ્ઞાનેન્દ્રિયં દ્વિધા

ત્રિધાધિભૂતમધ્યાત્મમધિદૈવમધિસ્થિતમ્ ।
જ્ઞાનશક્તિઃ ક્રિયાશક્તિઃ સર્વદેવાધિદેવતા

તત્વસંઘા વિરાણ્મૂર્તિઃ ધારણા ધારણામયી ।
શ્રુતિઃ સ્મૃતિર્વેદમૂર્તિઃ સંહિતા ગર્ગસંહિતા

પારાશરી સૈવ સૃષ્ટિઃ પારહંસી વિધાતૃકા ।
યાજ્ઞવલ્કી ભાગવતી શ્રીમદ્‌ભાગવતાર્ચિતા

રામાયણમયી રમ્યા પુરાણપુરુષપ્રિયા ।
પુરાણમૂર્તિઃ પુણ્યાંગા શાસ્ત્રમૂર્તિર્મહોન્નતા

મનીષા ધિષણા બુદ્ધિર્વાણી ધીઃ શેમુષી મતિઃ ।
ગાયત્રી વેદસાવિત્રી બ્રહ્માણી બ્રહ્મલક્ષણા

દુર્ગાઽપર્ણા સતી સત્યા પાર્વતી ચંડિકાંબિકા ।
આર્યા દાક્ષાયણી દાક્ષી દક્ષયજ્ઞવિઘાતિની

પુલોજમા શચીન્દ્રાણી દેવી દેવવરાર્પિતા ।
વાયુના ધારિણી ધન્યા વાયવી વાયુવેગગા

યમાનુજા સંયમની સંજ્ઞા છાયા સ્ફુરદ્દ્યુતિઃ ।
રત્‍નદેવી રત્‍નવૃન્દા તારા તરણિમણ્ડલા

રુચિઃ શાન્તિઃ ક્ષમા શોભા દયા દક્ષા દ્યુતિસ્ત્રપા ।
તલતુષ્ટિર્વિભા પુષ્ટિઃ સન્તુષ્ટિઃ પુષ્ટભાવના

ચતુર્ભુજા ચારુનેત્રા દ્વિભુજાઽષ્ટભુજાઽબલા ।
શંખહસ્તા પદ્મહસ્તા ચક્રહસ્તા ગદાધરા

નિષંગધારિણી ચર્મખડ્ગપાણિર્ધનુર્દ્ધરા ।
ધનુષ્ટંકારણી યોધ્રી દૈત્યોદ્‌ભટવિનાશિની

રથસ્થા ગરુડારૂઢા શ્રીકૃષ્ણહૃદયસ્થિતા ।
વંશીધરા કૃષ્ણવેષા સ્રગ્વિણી વનમાલિની

કિરીટધારિણી યાના મન્દમન્દગતિર્ગતિઃ ।
ચન્દ્રકોટિપ્રતીકાશા તન્વી કોમલવિગ્રહા

ભૈષ્મી ભીષ્મસુતા ભીમા રુક્મિણી રૂક્મરૂપિણી ।
સત્યભામા જાંબવતી સત્યા ભદ્રા સુદક્ષિણા

મિત્રવિન્દા સખીવૃન્દા વૃન્દારણ્યધ્વજોર્ધ્વગા ।
શૃઙ્ગારકારિણી શૃઙ્ગા શૃઙ્ગભૂઃ શૃઙ્ગદા ખગા

તિતિક્ષેક્ષા સ્મૃતિઃસ્પર્ધા સ્પૃહા શ્રદ્ધા સ્વનિર્વૃતિઃ ।
ઈશા તૃષ્ણા ભિદા પ્રીતિઃ હિંસાયાચ્ઞાક્લમા કૃષિઃ

આશા નિદ્રા યોગનિદ્રા યોગિની યોગદાઽયુગા ।
નિષ્ઠા પ્રતિષ્ઠા શમિતિઃ સત્વપ્રકૃતિરુત્તમા

તમઃપ્રકૃતિદુર્મર્ષી રજઃપ્રકૃતિરાનતિઃ ।
ક્રિયાઽક્રિયા કૃતિર્ગ્લાનિઃ સાત્વિક્યાધ્યાત્મિકી વૃષા

સેવાશિખામણિર્વૃદ્ધિરાહૂતિઃ પિંગલોદ્‌ભવા ।
નાગભાષા નાગભૂષા નાગરી નગરી નગા

નૌર્નૌંકા ભવનૌર્ભાવ્યા ભવસાગરસેતુકા ।
મનોમયી દારુમયી સૈકતી સિકતામયી

લેખ્યા લેપ્યા મણિમયી પ્રતિહેમવિનિર્મિતા ।
શૈલી શૈલભવા શીલા શીકરાભા ચલાઽચલા

અસ્થિતા સુસ્થિતા તૂલી વૈદકી તાંત્રિકી વિધિઃ ।
સંધ્યા સંધ્યાભ્રવસના વેદસંધિઃ સુધામયી

સાયંતની શિખા વેધ્યા સૂક્ષ્મા જીવકલાકૃતિઃ ।
આત્મભૂતા ભાવિતાઽણ્વી પ્રહ્વી કમલકર્ણિકા

નીરાજની મહાવિદ્યા કંદલી કાર્યસાધની ।
પૂજા પ્રતિષ્ઠા વિપુલા પુનંતી પારલૌકિકી

શુક્લશુક્તિર્મૌક્તિકી ચ પ્રતીતિઃ પરમેશ્વરી ।
વિરજોષ્ણિગ્વિરાડ્વેણી વેણુકા વેણુનાદિની

આવર્તિની વાર્તિકદા વાર્તા વૃત્તિર્વિમાનગા ।
રાસાઢ્યા રાસિની રાસા રાસમણ્ડલવર્તિની

ગોપગોપીશ્વરી ગોપી ગોપીગોપાલવન્દિતા ।
ગોચારિણી ગોપનદી ગોપાનન્દપ્રદાયિની

પશવ્યદા ગોપસેવ્યા કોટિશો ગોગણાવૃતા ।
ગોપાનુગા ગોપવતી ગોવિન્દપદપાદુકા

વૃષભાનુસુતા રાધા શ્રીકૃષ્ણવશકારિણી ।
કૃષ્ણપ્રાણાધિકા શશ્વદ્‌રસિકા રસિકેશ્વરી

અવટોદા તામ્રપર્ણી કૃતમાલા વિહાયસી ।
કૃષ્ણા વેણી ભીમરથી તાપી રેવા મહાપગા

વૈયાસકી ચ કાવેરી તુંગભદ્રા સરસ્વતી ।
ચન્દ્રભાગા વેત્રવતી ઋષિકુલ્યા કકુદ્મિની

ગૌતમી કૌશિકી સિન્ધુઃ બાણગંગાઽતિસિદ્ધિદા ।
ગોદાવરી રત્‍નમાલા ગંગા મન્દાકિની બલા

સ્વર્ણદી જાહ્નવી વેલા વૈષ્ણવી મંગલાલયા ।
બાલા વિષ્ણુપદી પ્રોક્તા સિન્ધુસાગરસંગતા

ગંગાસાગરશોભાઢ્યા સામુદ્રી રત્‍નદા ધુની ।
ભાગીરથી સ્વર્ધુની ભૂઃ શ્રીવામનપદચ્યુતા

લક્ષ્મી રમા રમણીયા ભાર્ગવી વિષ્ણુવલ્લભા ।
સીતાઽર્ચિર્જાનકી માતા કલંકરહિતા કલા

કૃષ્ણપાદાબ્જસંભૂતા સર્વા ત્રિપથગામિની ।
ધરા વિશ્વંભરાઽનન્તા ભૂમિર્ધાત્રી ક્ષમામયી

સ્થિરા ધરિત્રી ધરણી ઉર્વી શેષફણસ્થિતા ।
અયોધ્યા રાઘવપુરી કૌશિકી રઘુવંશજા

મથુરા માથુરી પંથા યાદવી ધ્રુવપૂજિતા ।
મયાયુર્બિલ્વનીલોદા ગંગાદ્વારવિનિર્ગતા

કુશાવર્તમયી ધ્રૌવ્યા ધ્રુવમણ્ડલમધ્યગા ।
કાશી શિવપુરી શેષા વિંધ્યા વારાણસી શિવા

અવંતિકા દેવપુરી પ્રોજ્જ્વલોજ્જયિની જિતા ।
દ્વારાવતી દ્વારકામા કુશભૂતા કુશસ્થલી

મહાપુરી સપ્તપુરી નન્દિગ્રામસ્થલસ્થિતા ।
શાલગ્રામશિલાદિત્યા શંભલગ્રામમધ્યગા

વંશગોપાલિની ક્ષિપ્તા હરિમન્દિરવર્તિની ।
બર્હિષ્મતી હસ્તિપુરી શક્રપ્રસ્થનિવાસિની

દાડિમી સૈંધવી જંબૂઃ પૌષ્કરી પુષ્કરપ્રસૂઃ ।
ઉત્પલાવર્તગમના નૈમિષી નૈમિષાવૃતા

કુરુજાંગલભૂઃ કાલી હૈમવત્યર્બુદી બુધા ।
શૂકરક્ષેત્રવિદિતા શ્વેતવારાહધારિતા

સર્વતીર્થમયી તીર્થા તીર્થાનાં તીર્થકારિણી ।
હારિણી સર્વદોષાણાં દાયિની સર્વસમ્પદામ્

વર્દ્ધિની તેજસાં સાક્ષાદ્‌‌ગર્ભવાસનિકૃંતની ।
ગોલોકધામધનિની નિકુઞ્જનિજમંજરી

સર્વોત્તમા સર્વપુણ્યા સર્વસૌંદર્યશૃઙ્ખલા ।
સર્વતીર્થોપરિગતા સર્વતીર્થાધિદેવતા

શ્રીદા શ્રીશા શ્રીનિવાસા શ્રીનિધિઃ શ્રીવિભાવના ।
સ્વક્ષા સ્વંગા શતાનંદા નન્દા જ્યોતિર્ગણેશ્વરી

નામ્નાં સહસ્રં કાલિંદ્યાઃ કીર્તિદં કામદં પરમ્ ।
મહાપાપહરં પુણ્યં આયુર્વર્દ્ધનમુત્તમમ્

એકવારં પઠેદ્‌રાત્રૌ ચૌરેભ્યો ન ભયં ભવેત્ ।
દ્વિવારં પ્રપઠેન્માર્ગે દસ્યુભ્યો ન ભયં ક્વચિત્

દ્વિતીયાં તુ સમારભ્ય પઠેત્પૂર્ણાવધિં દ્વિજઃ ।
દશવારમિદં ભક્ત્યા ધ્યાત્વા દેવીં કલિંદજામ્

રોગી રોગાત્પ્રમુચ્યેત બદ્ધો મુચ્યેત બન્ધનાત્ ।
ગુર્વિણી જનયેત્પુત્રં વિદ્યાર્થી પંડિતો ભવેત્

મોહનં સ્તંભનં શશ્વદ્‌વશીકરણમેવ ચ ।
ઉચ્ચાટનં ઘાતનં ચ શોષણં દીપનં તથા

ઉન્માદનં તાપનં ચ નિધિદર્શનમેવ ચ ।
યદ્યદ્‌વાંચ્છતિ ચિત્તેન તત્તત્પ્રાપ્નોતિ માનવઃ

બ્રાહ્મણો બ્રહ્મવર્ચસ્વી રાજન્યો જગતીપતિઃ ।
વૈશ્યો નિધિપતિર્ભૂયાચ્છૂદ્રઃ શ્રુત્વા તુ નિર્મલઃ

પૂજાકાલે તુ યો નિત્યં પઠતે ભક્તિભાવતઃ ।
લિપ્યતે ન સ પાપેન પદ્મપત્રમિવાંભસા

શતવારં પઠેન્નિત્યં વર્ષાવધિમતઃ પરમ્ ।
પટલં પદ્ધતિં કૃત્વા સ્તવં ચ કવચં તથા

સપ્તદ્વીપમહીરાજ્યં પ્રાપ્નુયાન્નાત્ર સંશયઃ

નિષ્કારણં પઠેદ્યસ્તુ યમુનાભક્તિસંયુતઃ ।
ત્રૈવર્ગ્યમેત્ય સુકૃતી જીવન્મુક્તો ભવેદિહ

નિકુંજલીલાલલિતં મનોહરં
કલિંદજાકૂલલતાકદમ્બકમ્ ।
વૃન્દાવનોન્મત્તમિલિંદશબ્દિતં
વ્રજેત્સ ગોલોકમિદં પઠેચ્ચ યઃ

ઇતિ શ્રીગર્ગસંહિતાયાં માધુર્યખણ્ડે શ્રીનારદબહુલાશ્વસંવાદે
શ્રીસૌભરિમાંધાતૃસંવાદે શ્રીયમુનાસહસ્રનામકથનં નામૈકોનવિંશોઽધ્યાયઃ

હરિઃ ૐ તત્સચ્છ્રીકૃષ્ણાર્પણમસ્તુ ॥
વર્ગઃ :ગર્ગ સંહિતા