chinnamastāsahasranāmastotram · Chapter 1

śrīgaṇeśāya namaḥ /
śrīdevyuvāca /
devadeva mahādeva sarvaśāstravidāṃvara /
kṛpāṃ kuru jagannātha kathayasva mama prabho

pracaṇḍacaṇḍikā devī sarvalokahitaiṣiṇī /
tasyāśca kathitaṃ sarvaṃ stavaṃ ca kavacādikam

idānīṃ chinnamastāyā nāmnāṃ sāhasrakaṃ śubham /
tvaṃ prakāśaya me deva kṛpayā bhaktavatsala

śrīśiva uvāca /
śrṛṇu devi pravakṣyāmi cchinnāyāḥ sumanoharam /
gopanīyaṃ prayatnena yadīcchedātmano hitam

na vaktavyaṃ ca kutrāpi prāṇaiḥ kaṇṭhagatairapi /
tacchṛṇuṣva maheśāni sarvaṃ tatkathayāmi te

vinā pūjāṃ vinā dhyānaṃ vinā jāpyena siddhyati /
vinā dhyānaṃ tathā devi vinā bhūtādiśodhanam

paṭhanādeva siddhiḥ syātsatyaṃ satyaṃ varānane /
purā kailāsaśikhare sarvadevasabhālaye

paripapraccha kathitaṃ tathā śrṛṇu varānane /
ॐ asya śrīpracaṇḍacaṇḍikāsahasranāmastotrasya bhairava ṛṣiḥ ,
samrāṭ chandaḥ , pracaṇḍacaṇḍikā devatā ,
dharmārthakāmamokṣārthe pāṭhe viniyogaḥ

ॐ pracaṇḍacaṇḍikā caṇḍā caṇḍadaityavināśinī /
cāmuṇḍā ca sacaṇḍā ca capalā cārudehinī

lalajihvā caladraktā cārucandranibhānanā /
cakorākṣī caṇḍanādā cañcalā ca manonmadā

cetanā citisaṃsthā ca citkalā jñānarūpiṇī /
mahābhayaṅkarī devī varadābhayadhāriṇī

bhavāḍhyā bhavarūpā ca bhavabandhavimocinī /
bhavānī bhuvaneśī ca bhavasaṃsāratāriṇī

bhavābdhirbhavamokṣā ca bhavabandhavighātinī /
bhāgīrathī bhagasthā ca bhāgyabhogapradāyinī

kamalā kāmadā durgā durgabandhavimocinī /
durddarśanā durgarūpā durjñeyā durganāśinī

dīnaduḥkhaharā nityā nityaśokavināśinī /
nityānandamayā devī nityaṃ kalyāṇakāriṇī

sarvārthasādhanakarī sarvasiddhisvarūpiṇī /
sarvakṣobhaṇaśaktiśca sarvavidrāviṇī parā

sarvarañjanaśaktiśca sarvonmādasvarūpiṇī /
sarvadā siddhidātrī ca siddhavidyāsvarūpiṇī

sakalā niṣkalā siddhā kalātītā kalāmayī /
kulajñā kularūpā ca cakṣurānandadāyinī

kulīnā sāmarūpā ca kāmarūpā manoharā /
kamalasthā kañjamukhī kuñjareśvaragāminī

kularūpā koṭarākṣī kamalaiśvaryadāyinī /
kuntī kakudminī kullā kurukullā karālikā

kāmeśvarī kāmamātā kāmatāpavimocinī /
kāmarūpā kāmasatvā kāmakautukakāriṇī

kāruṇyahṛdayā krīṅkrīṃmantrarūpā ca koṭarā /
kaumodakī kumudinī kaivalyā kulavāsinī

keśavī keśavārādhyā keśidaityaniṣūdinī /
kleśahā kleśarahitā kleśasaṅghavināśinī

karālī ca karālāsyā karālāsuranāśinī /
karālacarmāsidharā karālakalanāśinī

kaṅkinī kaṅkaniratā kapālavaradhāriṇī /
khaḍgahastā trinetrā ca khaṇḍamuṇḍāsidhāriṇī

khalahā khalahantrī ca kṣarantī khagatā sadā /
gaṅgāgautamapūjyā ca gaurī gandharvavāsinī

gandharvā gagaṇārādhyā gaṇā gandharvasevitā /
gaṇatkāragaṇā devī nirguṇā ca guṇātmikā

guṇatā guṇadātrī ca guṇagauravadāyinī /
gaṇeśamātā gambhīrā gagaṇā jyotikāriṇī

gaurāṅgī ca gayā gamyā gautamasthānavāsinī /
gadādharapriyā jñeyā jñānagamyā guheśvarī

gāyatrī ca guṇavatī guṇātītā guṇeśvarī /
gaṇeśajananī devī gaṇeśavaradāyinī

gaṇādhyakṣanutā nityā gaṇādhyakṣaprapūjitā /
girīśaramaṇī devī girīśaparivanditā

gatidā gatihā gītā gautamī gurusevitā /
gurupūjyā guruyutā gurusevanatatparā

gandhadvārā ca gandhāḍhyā gandhātmā gandhakāriṇī /
gīrvāṇapatisampūjyā gīrvāṇapatituṣṭidā

gīrvāṇādhiśaramaṇī gīrvāṇādhiśavanditā /
gīrvāṇādhiśasaṃsevyā gīrvāṇādhiśaharṣadā

gānaśaktirgānagamyā gānaśaktipradāyinī /
gānavidyā gānasiddhā gānasantuṣṭamānasā

gānātītā gānagītā gānaharṣaprapūritā /
gandharvapatisaṃhṛṣṭā gandharvaguṇamaṇḍitā

gandharvagaṇasaṃsevyā gandharvagaṇamadhyagā /
gandharvagaṇakuśalā gandharvagaṇapūjitā

gandharvagaṇaniratā gandharvagaṇabhūṣitā /
ghargharā ghorarūpā ca ghoraghurghuranādinī

gharmabindusamudbhūtā gharmabindusvarūpiṇī /
ghaṇṭāravā ghanaravā ghanarūpā ghanodarī

ghorasatvā ca ghanadā ghaṇṭānādavinodanī /
ghoracāṇḍālinī ghorā ghoracaṇḍavināśinī

ghoradānavadamanī ghoradānavanāśinī /
ghorakarmādirahitā ghorakarmaniṣevitā

ghoratatvamayī devī ghoratatvavimocanī /
ghorakarmādirahitā ghorakarmādipūritā

ghorakarmādiniratā ghorakarmapravarddhinī /
ghorabhūtapramathinī ghoravetālanāśinī

ghoradāvāgnidamanī ghoraśatruniṣūdinī /
ghoramantrayutā caiva ghoramantraprapūjitā

ghoramantramanobhijñā ghoramantraphalapradā /
ghoramantranidhiścaiva ghoramantrakṛtāspadā

ghoramantreśvarī devī ghoramantrārthamānasā /
ghoramantrārthatatvajñā ghoramantrārthapāragā

ghoramantrārthavibhavā ghoramantrārthabodhinī /
ghoramantrārthanicayā ghoramantrārthajanmabhūḥ

ghoramantrajaparatā ghoramantrajapodyatā /
ṅakāravarṇānilayā ṅakārākṣaramaṇḍitā

ṅakārāpararūpā ṅakārākṣararūpiṇī /
citrarūpā citranāḍī cārukeśī cayaprabhā

cañcalā cañcalākārā cārurūpā ca caṇḍikā /
caturvedamayī caṇḍā caṇḍālagaṇamaṇḍitā

cāṇḍālacchedinī caṇḍataponirmūlakāriṇī /
caturbhūjā caṇḍarūpā caṇḍamuṇḍavināśinī

candrikā candrakīrtiśca candrakāntistathaiva ca /
candrāsyā candrarūpā ca candramaulisvarūpiṇī

candramaulipriyā candramaulisantuṣṭamānasā /
cakorabandhuramaṇī cakorabandhupūjitā

cakra‍rūpā cakramayī cakrākārasvarūpiṇī /
cakrapāṇipriyā cakrapāṇiprītidāyinī

cakrapāṇirasābhijñā cakrapāṇivarapradā /
cakrapāṇivaronmattā cakrapāṇisvarūpiṇī

cakrapāṇiśvarī nityaṃ cakrapāṇinamaskṛtā /
cakrapāṇisamudbhūtā cakrapāṇiguṇāspadā

candrāvalī candravatī candrakoṭisamaprabhā /
candanārcitapādābjā candanānvitamastakā

cārukīrtiścārunetrā cārucandravibhūṣaṇā /
cārubhūṣā cāruveṣā cāruveṣapradāyinī

cārubhūṣābhūṣitāṅgī caturvaktravarapradā /
caturvaktrasamārādhyā caturvaktrasamāśritā

caturvaktracaturvāhā caturthī ca caturdaśī /
citrā carmaṇvatī caitrī candrabhāgā ca campakā

caturddaśayamākārā caturdaśayamānugā /
caturdaśayamaprītā caturdaśayamapriyā

chalasthā cchidrarūpā ca cchadmadā cchadmarājikā /
chinnamastā tathā cchinnā cchinnamuṇḍavidhāriṇī

jayadā jayarūpā ca jayantī jayamohinī /
jayā jīvanasaṃsthā ca jālandharanivāsinī

jvālāmukhī jvāladātrī jājvalyadahanopamā /
jagadvandyā jagatpūjyā jagattrāṇaparāyaṇā

jagatī jagatādhārā janmamṛtyujarāpahā /
jananī janmabhūmiścajanmadā jayaśālinī

jvararogaharā jvālā jvālāmālāprapūritā /
jambhārātīśvarī jambhārātivaibhavakāriṇī

jambhārātistutā jambhārātiśatruniṣūdinī /
jayadurgā jayārādhyā jayakālī jayeśvarī

jayatārā jayātītā jayaśaṅkaravallabhā /
jayadā jahnutanayā jaladhitrāsakāriṇī

jaladhivyādhidamanī jaladhijvaranāśinī /
jaṅgameśī jāḍyaharā jāḍyasaṅghanivāriṇī

jāḍyagrastajanātītā jāḍyaroganivāriṇī /
janmadātrī janmahartrī jayaghoṣasamanvitā

japayogasamāyuktā japayogavinodinī /
japayogapriyā jāpyā japātītā jayasvanā

jāyābhāvasthitā jāyā jāyābhāvaprapūraṇī /
japākusumasaṅkāśā japākusumapūjitā

japākusumasamprītā japākusumamaṇḍitā /
japākusumavadbhāsā japākusumarūpiṇī

jamadagnisvarūpā ca jānakī janakātmajā /
jhañjhāvātapramuktāṅgī jhorajhaṅkāravāsinī

jhaṅkārakāriṇī jhañjhāvātarūpā ca jhaṅkarī /
ñakārāṇusvarūpā ca ṭanaṭaṅkāranādinī

ṭaṅkārī ṭakuvāṇī ca ṭhakārākṣararūpiṇī /
ḍiṇḍimā ca tathā ḍimbhā ḍiṇḍuḍiṇḍimanādinī

ḍhakkāmayī ḍhilamayī nṛtyaśabdā vilāsinī /
ḍhakkā ḍhakkeśvarī ḍhakkāśabdarūpā tathaiva ca

ḍhakkānādapriyā ḍhakkānādasantuṣṭamānasā /
ṇaṅkārā ṇākṣaramayī ṇākṣarādisvarūpiṇī

tripurā tripuramayī caiva triśaktistriguṇātmikā /
tāmasī ca trilokeśī tripurā ca trayīśvarī

trividyā ca trirūpā ca trinetrā ca trirūpiṇī /
tāriṇī taralā tārā tārakāriprapūjitā

tārakārisamārādhyā tārakārivarapradā /
tārakāriprasūstanvī taruṇī taralaprabhā

trirūpā ca tripuragā triśūlavaradhāriṇī /
triśūlinī tantramayī tantraśāstraviśāradā

tantrarūpā tapomūrtistantramantrasvarūpiṇī /
taḍittaḍillatākārā tatvajñānapradāyinī

tatvajñāneśvarī devī tatvajñānaprabodhinī /
trayīmayī trayīsevyā tryakṣarī tryakṣareśvarī

tāpavidhvaṃsinī tāpasaṅghanirmūlakāriṇī /
trāsakartrī trāsahartrī trāsadātrī ca trāsahā

tithīśā tithirūpā ca tithisthā tithipūjitā /
tilottamā ca tiladā tilapritā tileśvarī

triguṇā triguṇākārā tripurī tripurātmikā /
trikuṭā trikuṭākārā trikuṭācalamadhyagā

trijaṭā ca trinetrā ca trinetravarasundarī /
tṛtīyā ca trivarṣā ca trividhā trimateśvarī

trikoṇasthā trikoṇeśī trikoṇayantramadhyagā /
trisandhyā ca trisandhyārcyā tripadā tripadāspadā

sthānasthitā sthalasthā ca dhanyasthalanivāsinī /
thakārākṣararūpā ca sthalarūpā tathaiva ca

sthūlahastā tathā sthūlā sthairyarūpaprakāśinī /
durgā durgārtihantrī ca durgabandhavimocinī

devī dānavasaṃhantrī danujyeṣṭhaniṣūdinī /
dārāpatyapradā nityā śaṅkarārddhāṅgadhāriṇī

divyāṅgī devamātā ca devaduṣṭavināśinī /
dīnaduḥkhaharā dīnatāpanirmūlakāriṇī

dīnamātā dīnasevyā dīnadambhavināśinī /
danujadhvaṃsinī devī devakī devavallabhā

dānavāripriyā dīrghā dānavāriprapūjitā /
dīrghasvarā dīrghatanurddīrghadurgatināśinī

dīrghanetrā dīrghacakṣurddīrghakeśī digambarā /
digambarapriyā dāntā digambarasvarūpiṇī

duḥkhahīnā duḥkhaharā duḥkhasāgaratāriṇī /
duḥkhadāridryaśamanī duḥkhadāridryakāriṇī

duḥkhadā dussahā duṣṭakhaṇḍanaikasvarūpiṇī /
devavāmā devasevyā devaśaktipradāyinī

dāminī dāminīprītā dāminīśatasundarī /
dāminīśatasaṃsevyā dāminīdāmabhūṣitā

devatābhāvasantuṣṭā devatāśatamadhyagā /
dayārddarā ca dayārūpā dayādānaparāyaṇā

dayāśīlā dayāsārā dayāsāgarasaṃsthitā /
daśavidyātmikā devī daśavidyāsvarūpiṇī

dharaṇī dhanadā dhātrī dhanyā dhanyaparā śivā /
dharmmarūpā dhaniṣṭhā ca dheyā ca dhīragocarā

dharmmarājeśvarī dharmmakarmmarūpā dhaneśvarī /
dhanurvidyā dhanurgamyā dhanurddharavarapradā

dharmmaśīlā dharmmalīlā dharmmakarmmavivarjitā /
dharmmadā dharmmaniratā dharmmapākhaṇḍakhaṇḍinī

dharmmeśī dharmmarūpā ca dharmmarājavarapradā /
dharmmiṇī dharmmagehasthā dharmmādharmmasvarūpiṇī

dhanadā dhanadaprītā dhanadhānyasamṛddhidā /
dhanadhānyasamṛddhisthā dhanadhānyavināśinī

dharmmaniṣṭhā dharmmadhīrā dharmmamārgaratā sadā /
dharmmabījakṛtasthānā dharmmabījasurakṣiṇī

dharmmabījeśvarī dharmmabījarūpā ca dharmmagā /
dharmmabījasamudbhūtā dharmmabījasamāśritā

dharādharapatiprāṇā dharādharapatistutā /
dharādharendratanujā dharādharendravanditā

dharādharendragehasthā dharādharendrapālinī /
dharādharendrasarvārtināśinī dharmmapālinī

navīnā nirmmalā nityā nāgarājaprapūjitā /
nāgeśvarī nāgamātā nāgakanyā ca nagnikā

nirlepā nirvikalpā ca nirlomā nirupadravā /
nirāhārā nirākārā nirañjanasvarūpiṇī

nāginī nāgavibhavā nāgarājaparistutā /
nāgarājaguṇajñā ca nāgarājasukhapradā

nāgalokagatā nityaṃ nāgalokanivāsinī /
nāgalokeśvarī nāgabhāginī nāgapūjitā

nāgamadhyasthitā nāgamohasaṅkṣobhadāyinī /
nṛtyapriyā nṛtyavatī nṛtyagītaparāyaṇā

nṛtyeśvarī nartakī ca nṛtyarūpā nirāśrayā /
nārāyaṇī narendrasthā naramuṇḍāsthimālinī

naramāṃsapriyā nityā nararaktapriyā sadā /
nararājeśvarī nārīrūpā nārīsvarūpiṇī

nārīgaṇārcitā nārīmadhyagā nūtanāmbarā /
narmadā ca nadīrūpā nadīsaṅgamasaṃsthitā

narmadeśvarasamprītā narmadeśvararūpiṇī /
padmāvatī padmamukhī padmakiñjalkavāsinī

paṭṭavastraparīdhānā padmarāgavibhūṣitā /
paramā prītidā nityaṃ pretāsananivāsinī

paripūrṇarasonmattā premavihvalavallabhā /
pavitrāsavaniṣpūtā preyasī paramātmikā

priyavrataparā nityaṃ paramapremadāyinī /
puṣpapriyā padmakośā padmadharmmanivāsinī

phetkāriṇī tantrarūpā pherupheravanādinī /
vaṃśinī vaṃśarūpā ca bagalā vāmarūpiṇī

vāṅmayī vasudhā dhṛṣyā vāgbhavākhyā varā narā /
buddhidā buddhirūpā ca vidyā vādasvarūpiṇī

bālā vṛddhamayīrūpā vāṇī vākyanivāsinī /
varuṇā vāgvatī vīrā vīrabhūṣaṇabhūṣitā

vīrabhadrārcitapadā vīrabhadraprasūrapi /
vedamārgaratā vedamantrarūpā vaṣaṭ priyā

vīṇāvādyasamāyuktā vīṇāvādyaparāyaṇā /
vīṇāravā tathā vīṇāśabdarūpā ca vaiṣṇavī

vaiṣṇavācāraniratā vaiṣṇavācāratatparā /
viṣṇusevyā viṣṇupatnī viṣṇurūpā varānanā

viśveśvarī viśvamātā viśvanirmāṇakāriṇī /
viśvarūpā ca viśveśī viśvasaṃhārakāriṇī

bhairavī bhairavārādhyā bhūtabhairavasevitā /
bhairaveśī tathā bhīmā bhairaveśvaratuṣṭidā

bhairavādhiśaramaṇī bhairavādhiśapālinī /
bhīmeśvarī bhīmamātā bhīmaśabdaparāyaṇā

bhīmarūpā ca bhīmeśī bhīmā bhīmavarapradā /
bhīmapūjitapādābjā bhīmabhairavapālinī

bhīmāsuradhvaṃsakarī bhīmaduṣṭavināśinī /
bhuvanā bhuvanārādhyā bhavānī bhūtidā sadā

bhayadā bhayahantrī ca abhayā bhayarūpiṇī /
bhīmanādā vihvalā ca bhayabhītivināśinī

mattā pramattarūpā ca madonmattasvarūpiṇī /
mānyā manojñā mānā ca maṅgalā ca manoharā

mānanīyā mahāpūjyā mahāmahiṣamarddinī /
mahiṣāsurahantrī ca mātaṅgī mayavāsinī

mādhvī madhumayī mudrā mudrikā mantrarūpiṇī /
mahāviśveśvarī dūtī maulicandraprakāśinī

yaśaḥsvarūpiṇī devī yogamārgapradāyinī /
yoginī yogagamyā ca yāmyeśī yogarūpiṇī

yajñāṅgī ca yogamayī japarūpā japātmikā /
yugākhyā ca yugāntā ca yonimaṇḍalavāsinī

ayonijā yoganidrā yogānandapradāyinī /
ramā ratipriyā nityaṃ ratirāgavivarddhinī

ramaṇī rāsasambhūtā ramyā rāsapriyā rasā /
raṇotkaṇṭhā raṇasthā ca varā raṅgapradāyinī

revatī raṇajaitrī ca rasodbhūtā raṇotsavā /
latā lāvaṇyarūpā ca lavaṇābdhisvarūpiṇī

lavaṅgakusumārādhyā lolajihvā ca lelihā /
vaśinī vanasaṃsthā ca vanapuṣpapriyā varā

prāṇeśvarī buddhirūpā buddhidātrī budhātmikā /
śamanī śvetavarṇā ca śāṅkarī śivabhāṣiṇī

śyāmyarūpā śaktirūpā śaktibindunivāsinī /
sarveśvarī sarvadātrī sarvamātā ca śarvarī

śāmbhavī siddhidā siddhā suṣumnā surabhāsinī /
sahasradalamadhyasthā sahasradalavarttinī

harapriyā haradhyeyā hūm̐kārabījarūpiṇī /
laṅkeśvarī ca taralā lomamāṃsaprapūjitā

kṣemyā kṣemakarī kṣāmā kṣīrabindusvarūpiṇī /
kṣiptacittapradā nityaṃ kṣaumavastravilāsinī

chinnā ca cchinnarūpā ca kṣudhā kṣautkārarūpiṇī /
sarvavarṇamayī devī sarvasampatpradāyinī

sarvasampatpradātrī ca sampadāpadvibhūṣitā /
sattvarūpā ca sarvārthā sarvadevaprapūjitā

sarveśvarī sarvamātā sarvajñā surasṛtmikā /
sindhurmandākinī gaṅgā nadīsāgararūpiṇī

sukeśī muktakeśī ca ḍākinī varavarṇinī /
jñānadā jñānagaganā somamaṇḍalavāsinī

ākāśanilayā nityā paramākāśarūpiṇī /
annapūrṇā mahānityā mahādevarasodbhavā

maṅgalā kālikā caṇḍā caṇḍanādātibhīṣaṇā /
caṇḍāsurasya mathinī cāmuṇḍā capalātmikā

caṇḍī cāmarakeśī ca calatkuṇḍaladhāriṇī /
muṇḍamālādharā nityā khaṇḍamuṇḍavilāsinī

khaḍgahastā muṇḍahastā varahastā varapradā /
asicarmadharā nityā pāśāṅkuśadharā parā

śūlahastā śivahastā ghaṇṭānādavilāsinī /
dhanurbāṇadharā''dityā nāgahastā nagātmajā

mahiṣāsurahantrī ca raktabījavināśinī /
raktarūpā raktagā ca raktahastā bhayapradā

asitā ca dharmmadharā pāśāṅkuśadharā parā /
dhanurbāṇadharā nityā dhūmralocananāśinī

parasthā devatāmūrtiḥ śarvāṇī śāradā parā /
nānāvarṇavibhūṣāṅgī nānārāgasamāpinī

paśuvastraparīdhānā puṣpāyudhadharā parā /
muktarañjitamālāḍhyā muktāhāravilāsinī

svarṇakuṇḍalabhūṣā ca svarṇasiṃhāsanasthitā /
sundarāṅgī suvarṇābhā śāmbhavī śakaṭātmikā

sarvalokeśavidyā ca mohasammohakāriṇī /
śreyasī sṛṣṭirūpā ca cchinnacchadmamayī cchalā

chinnamuṇḍadharā nityā nityānandavidhāyinī /
nandā pūrṇā ca riktā ca tithayaḥ pūrṇaṣoḍaśī

kuhūḥ saṅkrāntirūpā ca pañcaparvavilāsinī /
pañcabāṇadharā nityā pañcamaprītidā parā

pañcapatrābhilāṣā ca pañcāmṛtavilāsinī /
pañcālī pañcamī devī pañcaraktaprasāriṇī

pañcabāṇadharā nityā nityadātrī dayāparā /
palalādipriyā nityā'paśugamyā pareśitā

parā pararahasyā ca paramapremavihvalā /
kulinā keśimārgasthā kulamārgaprakāśinī

kulākulasvarūpā ca kulārṇavamayī kulā /
rukmā ca kālarūpā ca kālakampanakāriṇī

vilāsarūpiṇī bhadrā kulākulanamaskṛtā /
kuberavittadhātrī ca kumārajananī parā

kumārīrūpasaṃsthā ca kumārīpūjanāmbikā /
kuraṅganayanā devī dineśāsyā'parājitā

kuṇḍalīkadalī senā kumārgarahitā varā /
anatarūpā'nantasthā ānandasindhuvāsinī

ilāsvarūpiṇī devī iībhedabhayaṅkarī /
iḍā ca piṅgalā nāḍī ikārākṣararūpiṇī

umā cotpattirūpā ca uccabhāvavināśinī /
ṛgvedā ca nirārādhyā yajurvedaprapūjitā

sāmavedena saṅgītā atharvavedabhāṣiṇī /
ṛkārarūpiṇī ṛkṣā nirakṣarasvarūpiṇī

ahidurgāsamācārā ikārārṇasvarūpiṇī /
ॐkārā praṇavasthā ca ॐkārādisvarūpiṇī

anulomavilomasthā thakāravarṇasambhavā /
pañcāśadvarṇabījāḍhyā pañcāśanmuṇḍamālikā

pratyekā daśasaṅkhyā ca ṣoḍaśī cchinnamastakā /
ṣaḍaṅgayuvatīpūjyā ṣaḍaṅgarūpavarjitā

ṣaḍvaktrasaṃśritā nityā viśveśī khaḍgadālayā /
mālāmantramayī mantrajapamātā madālasā

sarvaviśveśvarī śaktiḥ sarvānandapradāyinī /
iti śrīcchinnamastāyā nāmasahasramuttamam

pūjākrameṇa kathitaṃ sādhakānāṃ sukhāvaham /
gopanīyaṃ gopanīyaṃ gopanīyaṃ na saṃśayaḥ

arddharātre muktakeśo bhaktiyukto bhavennaraḥ /
japitvā pūjayitvā ca paṭhennāmasahasrakam

vidyāsiddhirbhavettasya ṣaṇmāsābhyāsayogataḥ /
yena kena prakāreṇa devībhaktiparo bhavet

akhilānstambhayellokāṃrājño'pi mohayetsadā /
ākarṣayeddevaśaktiṃ mārayeddevi vidviṣam

śatravo dāsatāṃ yānti yānti pāpāni saṅkṣayam /
mṛtyuśca kṣayatāṃ yāti paṭhanādbhāṣaṇātpriye

praśastāyāḥ prasādena kiṃ na siddhyati bhūtale /
idaṃ rahasyaṃ paramaṃ paraṃ svastyayanaṃ mahat

dhṛtvā bāhau mahāsiddhiḥ prāpyate nātra saṃśayaḥ /
anayā sadṛśī vidyā vidyate na maheśvari

vāramekaṃ tu yo'dhīte sarvasiddhīśvaro bhavet /
kulavāre kulāṣṭamyāṃ kuhūsaṅkrāntiparvasu

yaścemaṃ paṭhate vidyāṃ tasya samyakphalaṃ śrṛṇu /
aṣṭottaraśataṃ japtvā paṭhennāmasahasrakam

bhaktyā stutvā mahādevi sarvapāpātpramucyate /
sarvapāpairvinirmuktaḥ sarvasiddhīśvaro bhavet

aṣṭamyāṃ vā niśīthe ca catuṣpathagato naraḥ /
māṣabhaktabaliṃ datvā paṭhennāmasahasrakam

sudarśavāmavedyāṃ tu māsatrayavidhānataḥ /
durjayaḥ kāmarūpaśca mahābalaparākramaḥ

kumārīpūjanaṃ nāma mantramātraṃ paṭhennaraḥ /
etanmantrasya paṭhanātsarvasiddhīśvaro bhavet

iti te kathitaṃ devi sarvasiddhiparaṃ naraḥ /
japtvā stutvā mahādevīṃ sarvapāpaiḥ pramucyate

na prakāśyamidaṃ devi sarvadevanamaskṛtam /
idaṃ rahasyaṃ paramaṃ goptavyaṃ paśusaṅkaṭe

iti sakalavibhūterhetubhūtaṃ praśastaṃ paṭhati
ya iha marttyaśchinnamastāstavaṃ ca /
dhanada iva dhanāḍhyo mānanīyo nṛpāṇāṃ sa bhavati
ca janānāmāśrayaḥ siddhivettā

// iti śrīviśvasāratantre śivapārvatīsaṃvāde
śrīcchinnamastāsahasranāmastotraṃ sampūrṇam //