Chandogya Upanishad (with commentary) · Chapter 4.13

ChUpBh_4,12.1,2 atha hainamanvāhāryapacano 'nuśaśāsa dakṣiṇāgnirāpo diśo nakṣatrāṇi candramā ityetā mama catasrastanavaścaturdhāhamanvāhāryapacana ātmānaṃ pravibhajyāvasthitaḥ tatra ya eṣa candramasi puruṣo dṛśyate so 'hamasmi sa evāhamasmīti pūrvavat /
annasambandhājjyotiṣṭvasāmānyāccānvāhāryapacanacandramasorekatvandakṣiṇā(ṇa) diksambandhācca /
apāṃ nakṣatrāṇāṃ ca pūrvavadannatvenaiva sambandhaḥ /
nakṣatrāṇāṃ candramaso bhogyatvaprasiddheḥ /
apānnotpādakatvādannatvaṃ dakṣiṇāgneḥ pṛthivīvadgārhapatyasya /
samānamanyat //1-2 //
iti cchāndogyopaniṣadi caturthādhyāyasya dvādaśaḥ khaṇḍaḥ
=======================================================================
START ChUp 4,13.1
atha hainam āhavanīyo 'nuśaśāsa prāṇa ākāśo dyaur vidyud iti |
ya eṣa vidyuti puruṣo dṛśyate so 'ham asmi sa evāham asmīti

sa ya etam evaṃ vidvān upāste |
apahate pāpakṛtyām |
lokī bhavati |
sarvam ayur eti |
jyog jīvati |
nāsyāvarapuruṣāḥ kṣīyante |
upa vayaṃ taṃ bhuñjāmo 'smiṃś ca loke 'muṣmiṃś ca |
ya etam evaṃ vidvān upāste