Chanakya Niti · Chapter p1

prathamo 'dhyāyaḥ
praṇamya śirasā viṣṇuṃ trailokyādhipatiṃ prabhum /
nānāśāstroddhṛtaṃ vakṣye rājanītisamuccayam

adhītyedaṃ yathāśāstraṃ naro jānāti sattamaḥ /
dharmopadeśaṃ vikhyātaṃ kāryākāryaṃ śubhāśubham

tad ahaṃ saṃpravakṣyāmi lokānāṃ hitakāmyayā /
yena vijñānāmātreṇa sarvajñatvaṃ prapadyate

mūrkhaśiṣyopadeśena duṣṭāstrībharaṇena ca /
duḥkhitaiḥ samprayogeṇa paṇḍito 'py avasīdati

duṣṭā bhāryā śaṭhaṃ mitraṃ bhṛtyaś cottaradāyakaḥ /
sasarpe ca gṛhe vāso mṛtyur eva na saṃśayaḥ

āpadarthe dhanaṃ rakṣeddārān rakṣedhdanairapi /
ātmānaṃ satataṃ rakṣeddārairapi dhanairapi

āpadārthe dhanaṃ rakṣecchrīmataśca kimāpadaḥ /
kadāciccaletā lakṣmīḥsaṃcito'pivinaśyati

yasmin deśe na sammāno na vṛttirna ca bāndhavaḥ /
na ca vidyāgama'pyasti vāsastatra na kārayet

dhanikaḥ śrotriyo rājā nadī vaidyastu pañcamaḥ /
pañca yatra na vidyante na tatra divasaṃ vaseta

lokayātrā bhayaṃ lajjā dākṣiṇāyaṃ tyāgaśīlatā /
pañca yatra na vidyante na kuryyāttatra saḍgatim‍

jānīyāt preṣaṇe bhṛtyān bāndhavān vyasanāgame /
mitraṃ cāpattikāle tu bhāryāṃ ca vibhavakṣaye

āture vyasane prāpte durbhikṣe śatrusaṃkaṭe /
rājadvāre śmaśāne ca yastiṣṭhati sa bāndhavaḥ

yo dhruvāṇi parityajya adhruvaṃ pariṣevate /
dhruvāṇi tasya naśyanti adhruvaṃ naṣṭameva hi

varayetkulajāṃ prājño virūpāmapi kanyakām /
rūpaśīlāṃ na nīcasya vivāhaḥ sadrṝśe kule

nadīnāṃ śasrapāṇīnāṃ nakhīnāṃ śrṛḍgiṇāṃ tathā /
viśvāso naiva kartavyaḥ strīṣurājakuleṣu ca

viṣād apy amṛtaṃ grāhyam amedhyād api kāñcanam /
nīcād apyuttamāṃ vidyā strīratnaṃ duṣkulād api

strīṇāṃ dviguṇa āhāro lajjā cāpi caturgaṇā /
sāhasaṃ ṣaḍguṇaṃ caiva kāmaś cāṣṭaguṇaḥ smṛtaḥ

dvitīyo 'dhyāyaḥ
anṛtaṃ sāhasaṃ māyā mūrkhatvam atilobhitā /
aśaucatvaṃ nirdayatvaṃ strīṇāṃ doṣāḥ svabhāvajāḥ

bhojyaṃ bhojanaśaktiśca ratiśaktirvarāḍganā /
vibhavo dānaśaktiśca nā'lpasya tapasaḥ phalam

yasya putro vaśībhūto bhāryā chandānugāminī /
vibhave yaśca santuṣṭastasya svarga ihaiva hi

te putrā ye piturbhaktāḥ sa pitā yastu poṣakaḥ /
tanmitraṃyatraviśvāsaḥsā bhāryā yatra nivṛtiḥ

parokṣe kāryyahantāraṃ pratyakṣe priyavādinam//
varjjayettādṛśaṃ mitraṃ viṣakumbhampayomukham

na viśvasetkumitre ca mitre cāpi na viśvaset /
kadācitkupitaṃ mitraṃ sarvaguhyaṃ prakāśayet

manasā cintitaṃ kāryaṃ vacasā na prakāśayet /
maṃtreṇa rakṣayed gūḍhaṃ kāryya cāpi niyojayet

kaṣṭañca khalu mūrkhatvaṃ kaṣṭaṃ ca khalu yauvanam /
kaṣṭāt kaṣṭataraṃ caiva paragehe nivāsanam

śaile śaile na māṇikyaṃ mauktikaṃ na gaje gaje /
sādhavo nahi sarvatra candanaṃ na vane vane

putrāśca vividhaiḥ śīlairniyojyāḥ satataṃ budhaiḥ /
nītijñāḥ śīlasampannā bhavanti kulapūjitāḥ

mātā śatruḥ pitā vairī yena bālo na pāṭhitaḥ /
na śobhate sabhāmadhye haṃsamadhye vako yathā

lālanād bahavo doṣāstāḍanād bahavo guṇāḥ /
tasmātputraṃ ca śiṣyaṃ ca tāḍayennatulālayet

ślokena vā tadardhdā'rdhdākṣareṇa vā /
avanghyaṃ divasaṃ kuryāddānādhyayanakarmabhiḥ

kāntā viyogaḥ svajanāpamāni /
raṇasya śeṣaḥ kunṛpasya sevā //
daridrabhāvo viṣamā sabhā ca /
vināgninā te pradahanti kāyam

nadītīre ca ye vṛkṣāḥ parageheṣu kāminī /
maṃtrihīnāśca rājānaḥ śīghraṃ naśyantyasaṃśayam

balaṃ vidyā ca viprāṇāṃ rājñāṃ sainyaṃ balaṃ tathā /
balaṃvittañcavaiśyānāṃ śūdrāṇāṃ paricaryikā

nirdhanaṃ puruṣaṃ veśyā prajā bhagnaṃ nṛpaṃ tyajet /
khagā vītaphalaṃ vṛkṣaṃ bhuktvā cābhyāgato gṛham

gṛhītvā dakṣiṇāṃ viprāstyajanti yajamānakam /
prāptavidyāguruṃśiṣyodagdhāraṇyaṃmṛgāstathā

durācārī durādṛṣṭirdurāvāsī ca durjanaḥ /
yanmaitrīkriyate pumbhirnaraḥśīghraṃ vinaśyati

samāne śobhate prītiḥ rājñi sevā ca śobhate /
vāṇijyaṃ vyavahāreṣu strī divyā śobhate gṛhe

tṛtīyo 'dhyāyaḥ
kasya doṣaḥ kulenāsti vyādhinā ke na pīḍitaḥ /
vyasanaṃ ke na saṃprāptaṃ kasya saukhyaṃ nirantaram

ācāraḥ kulamākhyāti deśamākhyāti bhāṣaṇam /
sambhramaḥ snehamākhyātivapurākhyāti bhojanam

satkule yojayetkanyāṃ putraṃ vidyāsu yojatet /
vyasane yojayecchatruṃ mitraṃ dharme niyojayet

durjanasya ca sarpasya varaṃ sarpo na durjanaḥ /
sarpo daṃśati kāle tu durjanastu pade pade

edatarthaṃ kulonānāṃ nṛpāḥ kurvanti saṃgraham /
ādimadhyāvasāneṣu na syajanti ca te nṛpam

pralaye bhinnamaryādā bhavanti kila sāgarāḥ /
sāgarā bhedamicchānti pralaye'pi na sādhavaḥ

mūrkhastu pariharttavyaḥ pratyakṣo dvipadaḥ paśuḥ /
bhidyate vākyaśūlena adṛśyaṃ kaṇṭakaṃ yathā

rūpayauvanasampannā viśālakulasambhavāḥ /
vidyāhīnā na śobhante nirgandhā ivakiśukāḥ

kokilānāṃ svaro rūpaṃ nārīrūpaṃ pativratam /
vidyārūpaṃ kurūpāṇāṃkṣamā rūpaṃ rapasvinām

tyajedekaṃ kulasyārthe grāmasyārthe kulaṃ tyajet /
grāmaṃ janapadasyārthe ātmārthe pṛthivīṃ tyajet

udyoge nāsti dāridrya japato nāsti pātakam /
maunenakalahonāsti nāsti jāgarito bhayam

atirūpeṇa vai sītā atigarveṇaḥ rāvaṇaḥ /
atidānābdalirbadhdo hyati sarvatra varjayet

ko'tibhāraḥ samarthānāṃ kiṃ dūraṃ vyavasāyinām/
ko videśaḥ suvidyānāṃ kaḥ paraḥ priyavādinām

ekenāpi suvṛkṣeṇa dahyamānena gandhinā /
vāsitaṃ tadvanaṃ sarvaṃ kuputreṇa kulaṃ yathā

ekena śuṣkavṛkṣeṇa dahyamānena vanhinā /
dahyate tadvanaṃ sarva kuputreṇa kulaṃ yathā

ekenāpi suputreṇa vidyāyuktena sādhunā /
ālhāditaṃ kulaṃ sarvaṃ yathā candreṇa śarvarī

kiṃ jārtaibahubhiḥ putraiḥ śokasantāpakārakaiḥ /
varamekaḥ kulālambī yatra viśrāmyate kulam‍

lālayetpañcavarṣāṇi daśa varṣāṇi tāḍayeta /
prāpte tu ṣoḍaśe varṣe putraṃ mitravadācaret

upasarge'nyacakre ca durbhikṣe ca bhayāvahe /
asādhujanasamparke yaḥ palāyati jīvati

dharmārthakāmamokṣeṣu yasyaiko'pi na vidyate /
janmjanmani martyeṣa maraṇaṃ tasya kevalam

mūrkhā yatra na pujyante dhānyaṃ yatra susañcitam /
dāmpatye kalaho nāsti tatra śrīḥ svayamāgatā

caturtho 'dhyāyaḥ
āyuḥ karma ca vittañca vidyā nidhanameva ca /
pañcaitāni hi sṛjyante garbhasthasyaiva dehinaḥ

sādhubhyaste nivartante putrāmitrāṇi bāndhavāḥ /
ye ca taiḥ saha gantārastadhdarmātsukṛtaṃ kulam

darśanādhyānasaṃsparśairmatsī kūrmī ca pakṣiṇī /
śiśupālayate nityaṃ tathā sajjanasaḍgatiḥ

yāvatsvastho hyayaṃ deho yāvanmṛtyuśca dūrataḥ /
tāvadātmahitaṃ kuryāt prāṇānte kiṃ kariṣyati

kāmadhenuguṇa vidyā hyakāle phaladāyinī /
pravāse mātṛsadṛśī vidyā guptaṃ dhanaṃ smṛtam

eko 'pi guṇavān putro nirguṇaiś ca śatair varaḥ /
ekaś candras tamo hanti na ca tārāḥ sahasraśaḥ

mūrkhaścirāyurjāto'pi tasmājjātamṛto varaḥ /
mṛtaḥ sa cā'lpaduḥkhāya yāvajjīvaṃ jaḍodahet

kugrāmavāsaḥ kulahīnasevā /
kubhojanaṃ krodhamukhī ca bhāryā //
putraśca mūrkho vidhavā ca kanyā /
vināgnimete pradahanti kāyam

kiṃ tayā kriyate dhenvā yā na dogdhrī na garbhiṇī /
ko'rthaḥ putreṇa jātena yo na vidvānna bhaktimān

saṃsāratāpadagdhānāṃ trayo viśrāntehetavaḥ /
apatyaṃ ca kalatraṃ ca satāṃ saḍgatireva ca

sakṛjjalpanti rājānaḥ sakṛjjalpanti paṇḍitāḥ /
sakṛtkanyāḥ pradīyante trīṇyetāni sakṛtsakṛt

ekākinā tapo dvābhyāṃ paṭhanaṃ gāyanaṃ tribhiḥ /
caturbhirgamanaṃ kṣetraṃ paṃcabhirbahubhī raṇam

sā bhāryā yā śucirdakṣā sā bhāryā yā pativratā /
sā bhāryā yā patiprītā sābhāryā satyavādino

aputrasya gṛhaṃ śūnyaṃ diśaḥ śunyāstvabāṃdhavāḥ /
mūrkhasya hṛdayaṃ śūnyaṃ sarvaśūnyā daridratā

anabhyāse viṣaṃ śāstramajīrṇe bhojanaṃ viṣam /
daridrasya viṣaṃ goṣṭhī vṛdhdasya taruṇī viṣam

tyajedhdarma dayāhīnaṃ vidyāhīnaṃ guruṃ tyajet /
tyajetkrodhamukhīṃ bhāryānniḥ snehānabaṃdhavāṃstyajet

adhvā jarā manuṣyāṇāṃ vājināṃ baṃdhanaṃ jarā /
amaithunaṃ jarā strīṇāṃ vastrāṇāmātapaṃ jarā

kaḥ kālaḥ kāni mitrāṇi ko deśaḥ kau vyayāgamau /
kaś cāhaṃ kā ca me śaktir iti cintyaṃ muhurmuhuḥ

agnirdevo dvijātīnāṃ munīnāṃ hṛdi daivatam /
pratimā tvalpabudhdīnāṃ sarvatra samadarśinām

pañcamo 'dhyāyaḥ
gurur agnir dvijātīnāṃ varṇānāṃ brāhmaṇo guruḥ /
patir eva guruḥ strīṇāṃ sarvasyābhyāgato guruḥ

yathā caturbhiḥ kanakaṃ parīkṣyate
nigharṣaṇacchedanatāpatāḍanaiḥ /
tathā caturbhiḥ puruṣaḥ parīkṣyate
tyāgena śīlena guṇena karmaṇā

tāvadbhayena bhetavyaṃ yāvad bhayamanāgatam /
āgataṃ tu bhayaṃ vīkṣyaṃ prahartavyamaśaṃkayā

ekodarasamudbhūtā ekanakṣatrajātakāḥ /
na bhavanti samāḥ śīlā yathā badarikaṇṭakāḥ

niḥspṛho nādhikārī syānnākāmo maṇḍanapriyaḥ /
nā'vidagdhaḥ priyaṃbrūyāt spaṣṭavaktā na vañcakaḥ

mūrkhāṇāṃ paṇḍitā dveṣyā adhanānāṃ mahādhanāḥ /
varāṃganā kulastrīṇāṃ subhagānāṃ ca durbhagā

ālasyopagatā vidyā parahastagataṃ dhanam /
alpabījaṃ hataṃ kṣetraṃ hataṃ sainyamanāyakam

abhyāsādhdāryate vidyā kulaṃ śīlena dhāryate /
guṇena jñāyate tvāryaḥ kopo netreṇa gamyate

vittena rakṣyate dharmo vidyā yogena rakṣyate /
mṛdunā rakṣyate bhūpaḥ satstriyā rakṣyate gṛham

anyathā vedapāṇḍityaṃ śāstramācāramanyathā /
anyathā vadatā śāṃtaṃlokāḥkliśyanti cā'nyathā

dāridryanāśanaṃ dāna śīlaṃ durgatināśanam /
ajñānanāśinī prajñā bhāvanā bhayanāśinī

nāsti kāmasamo vyādhirnāsti mohasamo ripuḥ /
nāsti kopasamo vahni rnāsti jñānātparaṃ sukham

janmamṛtyuṃ hi yātyeko bhunaktyekaṃ śubhāśubham /
narakeṣu patatyeka eko yāti parāṃ gatim

tṛṇaṃ brahmavidaḥ svargastṛṇaṃ śūrasya jīvitam /
jitākṣasya tṛṇaṃ nārī niḥspṛhasya tṛṇaṃ jagat

vidyā mitraṃ pravāseṣu bhāryā mitraṃ gṛheṣu ca /
vyadhitasyauṣadhaṃ mitraṃ dharmo mitraṃ mṛtasya ca

vṛthā vṛṣṭissamudreṣu vṛthā tṛpteṣu bhojanam /
vṛthā dānaṃ dhanāḍhyeṣu vṛthā dīpo'dīvā'pi ca

nāsti meghasamaṃ toyaṃ nāsti cātmasamaṃ balam /
nāsticakṣuḥ samaṃ tejo nāsti dhānyasamaṃ priyam

adhanā dhanamicchanti vācaṃ caiva catuṣpadaḥ /
mānavāḥ svargamicchanti mokṣamicchantidevatāḥ

styena dhāryate pṛthvī styena tapate raviḥ /
styena vāti vāyuśca sarvaṃ satye pratiṣṭhitam

calā lakṣmīścalāḥ prāṇaścale jīvitamandire /
calā'cale ca saṃsāre dharma eko hi niścalaḥ

narāṇāṃ nāpito dhūrtaḥ pakṣiṇāṃ caiva vāyasaḥ /
catuṣpadāṃ śrṛgālastu strīṇāṃ dhurtā ca mālinī

janitā copanetā ca yastu vidyāṃ prayacchati /
annadātā bhayatrātā pañcaite pitaraḥ smṛtāḥ

rājapatnī guroḥ patnī mitra patnī tathaiva ca /
patnī mātā svamātā ca pañcaitā mātaraḥ smṛtā

ṣaṣṭho 'dhyāyaḥ
śrutvā dharmaṃ vijānāti śrutvā tyajati durmatim /
śrutvā jñānamavāpnoti śrutvā mokṣamavāpnuyāt

pakṣiṇāṃ kākacāṇḍālaḥ paśūnāṃ caiva kukkuraḥ /
munīnāṃ pāpī cāṇḍālaḥ sarvacāṇḍālanindakaḥ

bhasmanā śudhyate kāṃsyaṃ tāmramamlena śudhyati /
rajasā śudhyate nāri nadī vegena śudhyati

bhramansaṃpūjyate rājā bhramansaṃpūjyate dvijaḥ /
bhramansaṃpūjyate yogī strī bhramantī vinaśyati

yasyārthāstasya mitrāṇi yasyarthāstasya bāṃdhavāḥ /
yasyāthāḥ sa pumāṃlloke yasyārthāḥ saca paṇḍitaḥ

tādṛśī jāyate budhdirvyavasāyo'pi tādṛśaḥ /
sahāyāstādṛśā eva yādṛśī bhavitavyatā

kālaḥ pacati bhūtāni kālaḥ saṃharate prajāḥ /
kālaḥ supteṣu jāgarti kālo hi duratikramaḥ

naiva paśyati janmādhaḥ kāmāndho naiva paśyati /
madonmattā na paśyanti arthī doṣaṃ na paśyati

svayaṃ karma karotyatmā svayaṃ tatphalamaśnute /
svayaṃ bhramati saṃsāre svayaṃ tasmādvimucyate

rājā rāṣṭrakṛtaṃ pāpaṃ rājñaḥ pāpaṃ purohitaḥ /
bhartā ca strīkṛtaṃ pāpaṃ śiṣyapāpaṃ gurustathā

ṛṇakartā pitā śatrumātā ca vyabhicāriṇī /
bhāryā rūpavatī śatruḥ putraḥ śatrurapaṇḍitaḥ

lubdhamarthena gṛhiṇīyāt stabdhamañjalikarmaṇā /
mūrkhaṃ chandānuvṛtyā ca yathārthatvena paṇḍitam

varaṃ na rājyaṃ na kurājarājyaṃ
varaṃ na mitraṃ na kumitramitram /
varaṃ na śiṣyo na kuśiṣyaśiṣyo
varaṃ na dārā na kudāradārāḥ

kurājarājyena kutaḥ prajāsukhaṃ
kumitramitreṇa kuto'bhinirvṛtiḥ /
kudāradāraiśca kuto gṛhe ratiḥ
kuśiṣyamadhyāpayataḥ kuto yaśaḥ

siṃhādekaṃ vakādekaṃ śikṣeccatvāri kukkuṭāt /
vāyasātpañca śikṣeccaṣṭ śunastrīṇigardabhāt

prabhūtaṃ kāryamapi vā tannaraḥ kartumicchati /
sarvārambheṇa tatkāryaṃ siṃhādekaṃ pracakṣate

indriyāṇi ca saṃyamya vakavat paṇḍito naraḥ /
deśakālabalaṃ jñātvā sarvakāryāṇi sādhayet

pratyutthānañca yudhdñca saṃvibhāgañca bandhuṣu /
svayamākramyabhuktañcaśikṣeccatvārikukkuṭāt

gūḍhamaithunacāritvaṃ kāle kāle ca saṃgraham /
apramattamaviśvāsaṃ pañca śikṣecca vāyasāt

bahvāśī svalpasantuṣṭaḥ sanidro laghucetanaḥ /
svāmibhaktaśca śūraśca ṣaḍeto śvānatoguṇāḥ

suśrānto'pi vaheta bhāraṃ śītoṣṇaṃ na ca paśyati /
santuṣṭaścarate nityaṃ trīṇi śikṣecca gardabhāt

etān viṃśatiguṇānācariṣyati mānavaḥ /
kāryāvasthāsu sarvāsu ajeyaḥ sa bhaviṣyati

saptamo 'dhyāyaḥ
arthanāśaṃ manastāpaṃ gṛhiṇīcaritāni ca /
nīcavākyaṃ cā'pamānaṃ matimānna prakāśayet

dhanadhānmaprayogeṣu vidyāsaṃgrahaṇeṣu ca /
āhāre vyavahāre ca tyaktalajjā sukhī bhavet

sntoṣāmṛtatṛptānāṃ yatsukhaṃ śāntireva ca /
na ca tadhdanalubdhānāmitaścetaśca dhāvatām

santoṣastriṣu kartavyaḥ svadāre bhojane dhane /
triṣu caiva na karttavyo'dhyayane japadānayoḥ

viprayorviprahneśca dampatyaॊḥ svāmibhṛtyayoḥ /
antareṇa na gantavyaṃ halasya vṛṣabhasma ca

pādābhyāṃ na spṛśedagni guruṃ brāhmaṇameva ca /
naiva gāṃ ca kumārīna na vṛdhdaṃ na śiśuṃ tathā

hastī hastasahastreṇa śatahastena vājinaḥ /
śrṛḍgiṇī daśahastena deśatyāgena durjanaḥ

hastī aṃkuśamātreṇa bājī hastena tāḍyate /
śrṛḍgi lakuṭahaste na khaḍgahastena durjanaḥ

tuṣyanti bhojane viprā mayūrā ghanagarjite /
sādhavaḥ parasampattau khalāḥ paravipattiṣu

anulomena balinaṃ pratilomena durjanm /
ātmatulyabalaṃ śatruḥ vinayena balena vā

bāhuvīrya balaṃ rājño brahmavit balī /
rūpa-yauvana-mādhurya strīṇāṃ balamanuttamam

nā'tyantaṃ saralairbhāvyaṃ gatvā paśya vansthalīm /
chidyante saralāstatra kubjastiṣṭhanti pādapāḥ

yatrodakastatra vasanti haṃsā-
stathava śuṣkaṃ parivarjayanti /
nahaṃtulyena nareṇa bhāvyaṃ
punastyajantaḥ punarāśra yantaḥ

upārjitānāṃ vittānāṃ tyāga eva hi rakṣaṇam /
taḍāgodarasaṃsthānāṃ parīstra va ivāmbhasām

yasyārsthāstasya mitrāṇi yasyārsthāstasya bāndhavāḥ /
yasyārthāḥ sa pumālloke yasyārthāḥ sacajīvati

svargasthitānāmahi jīvaloke
catvāri cihnāni vasanti dehe /
dānaprasaṃgo madhurā ca vāṇī
devārcanaṃ brāhmaṇatarpaṇaṃ ca

atyantakopaḥ kaṭutā ca vāṇī
daridratā ca svajaneṣu vairam /
nīcaprasaḍgaḥ kulahīnasevā
cihnāni dehe narakasthitānām

gamyate yadi mṝgandramandiraṃ
labhyate karikapīlamauktikam /
jambukālayagate ca prāpyate
vastupucchakharacarmakhaṇḍanam

śvānapucchamica vyartha jīvitaṃ vidyayā vinā /
na guhyagopane śaktaṃ na ca daṃśanivāraṇe

vācā śaucaṃ ca manasaḥ śaucamindriyanigrahaḥ /
sarvabhūte dayā śaucametacchaucaṃ parārthinām

puṣpe gandhatile tailaṃ kāṣṭhe vahni payo ghṛtam /
ikṣau guḍaṃ tathā dehe paśyā''tmānaṃ vivekataḥ

aṣṭamo 'dhyāyaḥ
adhamā dhanamiicchanti dhanaṃ mānaṃ ca madhyamāḥ /
uttamā mānamicchanti māno hi mahatāṃ dhanam

ikṣurāpaḥ payo mūlaṃ tāmbūlaṃ phalamauṣadham /
bhakṣayitvā'pikartavyāḥsnānadānādikāḥkriyāḥ

dīpo bhakṣayate dhvāntaṃ kajjalaṃ ca prasūyate /
yadannaṃ bhakṣyate nityaṃ jāyate tādṛśī prajā

vittaṃdehi guṇānviteṣa matimannā'nyatradehi kvacit /
prāptaṃ vārinidherjalaṃ ghanamucāṃ mādhuryayuktaṃ sadā
jīvāḥ sthāvarajaḍgamāśca sakalā saṃjīvya bhūmaṇḍalaṃ /
bhūyaḥ paśyatadevakoṭiguṇitaṃgacchasvamambhonidhim

cāṇḍālānāṃ sahastraiśca sūribhistattvadarśibhiḥ /
eko hi yavanaḥ prokto na nīco yavanātparaḥ

tailābhyaḍge citādhūme maithune kṣaurakarmaṇi /
tāvad bhavati cāṇḍālo yāvatsnānaṃ na cācaret

ajīrṇe bheṣajaṃ vāri jārṇe vāri balapradam /
bhojane cā'mṛtaṃ vāri bhojanānte viṣapradam

hataṃ jñānaṃ kriyāhīnaṃ hataścā'jñānato naraḥ /
hataṃ nirnāyakaṃ sainyaṃ striyo naṣṭā hyabhartṛkāḥ

vṛdhdkāle mṛtā bhāryā bandhuhaste gataṃ dhanam /
bhājanaṃ ca parādhīnaṃ striḥ pum̐sāṃ viḍambanāḥ

agnihotraṃ vinā vedāḥ na ca dānaṃ vinā kriyāḥ /
na bhāvenavinā sidhdistasmādbhāvo hi kāraṇam

na devo vidyate kāṣṭhe na pāṣāṇe na mṛṇmaye /
bhāve hi vidyate devastasmādbhāvo hi kāraṇam

kāṣṭha-pāṣāṇa-dhātūnāṃ kṛtvā bhāvena sevanam /
śradhdayā ca tayā sidhdistasya viṣṇoḥ prasādataḥ

śāntitulyaṃ tapo nāsti na santoṣātparaṃ sukham /
na tṛṣṇayā paro vyādhirna ca dharmo dayā paraḥ

krodho vaivasvato rāhā tṛṣṇā vaitaraṇī nadī /
vidyā kāmadudhā dhenuḥ santoṣo nandanaṃvanam

guṇo bhūṣayate rūpaṃ śīlaṃ bhūṣayate kulam /
sidhdirbhūṣayate vadyāṃ bhogī bhūṣayate dhanam

nirguṇasya hataṃ rūpaṃ duḥśīlasya hataṃ kulam /
asiddhasya hatā vidyā abhogena hataṃ dhanam

śuddhaṃ bhūmigataṃ toyaṃ śuddhā nārī pativratā /
śuciḥ kṣemakaro rājā saṃtoṣī brāhmaṇaḥ śuciḥ

asaṃtuṣṭā dvijā naṣṭāḥ saṃtuṣṭāś ca mahībhṛtaḥ /
salajjā gaṇikā naṣṭāḥ nirlajjāś ca kulāṅganāḥ

kiṃ kulena viśālena vidyāhīnena dehinām /
duṣkulīno 'pi vidvāṃś ca devair api supūjyate

vidvān praśasyate loke vidvānsarvatra gauravam /
vidyayā labhate sarva vidyā sarvatra pūjyate

rūpayauvanasaṃpannā viśālakulasambhavāḥ /
vidyāhīnā naśobhante nirgandhā ivakiṃśukāḥ

māṃsabhakṣaiḥ surāpānaiḥ mūrkhaiścā'kṣaravarjitaiḥ /
paśubhi puruṣākārarbhārākrāntā'sti medinī

annahīnā dahedrāṣṭraṃ maṃtrahīnaśca riṣītvijaḥ /
yajamānaṃ dānahīno nāsti yajñasamo ripuḥ

navamo 'dhyāyaḥ
muktimicchāsi cettāta ! viṣayān viṣavattyaja /
kṣamā''rjavaṃ dayā śaucaṃ satyaṃ pīyūṣavatpiba

parasparasya marmāṇi ye bhāṣante narādhamāḥ /
ta eva vilayaṃ yānti valmīkodarasarpavat

gandhaḥ suvarṇe phalabhikṣudaṃḍe-
nā'kāri puṣpaṃ khalu candanasya /
vidvān dhanī bhūpatidīrghajīvī
dhātuḥ purā ko'pi na budhdido'bhūt

sarvauṣadhīnāmamṛtaṃ pradhānam
sarveṣu saukhyeṣvaśanaṃ pradhānam /
sarvendriyāṇāṃ nayanaṃ pradhānaṃ
sarveṣu gātreṣu śiraḥ pradhānam/

duto na sañcarati khe na calecca vārtā /
purva na jalpitamidaṃ na ca saḍgamo'sti /
vyomni sthitaṃ raviśāśagrahaṇaṃ praśastaṃ
jānāti yo dvijavaraḥ sakathaṃ na vidvān

vidyārthī sevakaḥ pānthaḥ kṣudhārto bhayakātaraḥ /
bhāṇḍārī pratihārī ca sapta suptān prabodhayet

ahiṃ nṛpaṃ ca śārdulaṃ baraṭi bālakaṃ tathā /
paraśvānaṃ ca mūrkha ca sapta suptānna bodhayet

arthādhītāścayai rvedāstathā śūdrānna bhojinaḥ /
te dvijāḥ kiṃ kariṣyanti nirviṣā iva pannagāḥ

yasmina ruṣṭe bhayaṃ nāsti tuṣṭe naiva dhanāgamaḥ /
nigrahā'nugrahonāsti sa ruṣṭaḥ kiṃ kariṣyati

niviṣeṇāpi sarpeṇa kartavyā mahatī phaṇā /
viṣamastu na cāpyastu ghaṭāṭopa bhayaṃkaraḥ

prārardyūtaprasaṃgena madhyānhe strīprasaṃgataḥ /
rātrau cauraprasaṃgena kālo gacchati dhīmatām

svahastagrathitā mālā svahastāda ghṛṣṭacandanam /
svahastalikhitaṃ śakrasyāpi śriyaṃ haret

ikṣudaṃḍāstilāḥ śudrāḥ kāntā kāṃcanamodinī /
candanaṃ dadhi tāmbūlaṃ mardanaṃ guṇavardhdanam

daridratā dhīratayā virājate /
kuvastratā śubhratayā virājate //
kadannatā coṣṇatayā virājate /
kurūpatā śīlatayā virājate

daśamo 'dhyāyaḥ
atha vṛdhda cāṇakyasyottarārdhdam /
dhanahīno na hīnaśca dhanikaḥ sa suniścayaḥ /
vidyāratnena hīno yaḥ sa hīnaḥ sarvavastuṣu

dṛṣṭiputaṃ nyasetpādaṃ vastrapūtaṃ pibejjalam /
śāstrapūtaṃ vadedvākyaṃ manaḥpūtaṃ samācaret

sukhārthī cetyajedvidyāṃ vidyārthī cettyajetsukham /
sukhārthīnaḥ kuto vidyā sukhaṃ vidyārthinaḥ kutaḥ

kavayaḥ kiṃ na paśyanti ki na kurvanti yoṣitaḥ /
madyapāḥ kiṃ na jalpanti kiṃna khādanti vāyasāḥ

raṃka karoti rājānaṃ rājānaṃ raṃkamevaca /
dhaninaṃ nirdhanaṃ caiva nirdhanaṃ dhaninaṃ vidhiḥ

lubdhānāṃ yācakaḥ śatrumūrkhāṇāṃ bodhako ripuḥ /
jārastrīṇāṃ patiḥ śatruścaurāṇāṃ candramā ripuḥ

yeṣāṃ na vidyā na tapo na dānaṃ
na cāpi śīlaṃ na guṇo na dharmaḥ /
te mṛtyuloke bhuvi bhārabhūtā
manuṣyarūpeṇa mṛgāścaranti

antaḥ sāravihīnānāmupadeśo na jāyate /
malayācalasaṃsargānna veṇuścandanāyate

yasya nāsti svayaṃ prajñā śāstraṃ tasya karoti kim /
locanābhyāṃ vihīnasya darpaṇaḥ kiṃ kariṣyati

durjanaṃ sajjanaṃ kartumupāyo na hi bhūtale /
apānaṃ śatadhā dhautaṃ na śreṣṭhamindriyaṃ bhavet

āptadveṣādbhavainmṛtyuḥ paradveṣādhdanakṣayaḥ /
rājadveṣādbhavennaśo brahmadveṣātkulakṣayaḥ

varaṃ vanaṃ vyāghragajendrasevitaṃ
drumālayaṃ pakvaphalāmbusevanam /
tṛṇeṣu śayyā śatajīrṇabalkalaṃ
na bandhumadhye dhanahīnajīvanam

vipro vṛkṣastasya mūlaṃ ca sandhyā
vedāḥ śākhā dharmakarmāṇi patram /
tasmāt‍ mūlaṃ yatno rakṣaṇīyam
chinne mūle naiva śākhā na patram

mātā ca kamalā devī pitā devo janārdanaḥ /
bāndhavā viṣṇu bhaktāśca svadeśe bhuvanatrayam

ekavṛkṣe samārūḍhā nānāvarṇā bihaṃgamāḥ /
prabhāte dikṣu daśasu kā tatra parivedanā ?

buddhir yasya balaṃ tasya nirbuddheś ca kuto balam /
vane hastī madonmattaḥ śaśakena nipātitaḥ

kā cintā mama jīvane yadi harir viśvaṃbharo gīyate /
no ced arbhakajīvanāya jananīstanyaṃ kathaṃ niḥsaret //
ityālocya muhurmuhuryadupate lakṣmīpate kevalam /
tvatpadāmbujasevanena satataṃ kālo mayā nīyate

gīrvāṇavāṇīṣu viśiṣṭabudhdi-
stathāpi bhāṣāntaralālupo'ham /
yathā sudhāyāmamariṣu satyāṃ
svargaḍganānāmadharāsave ruciḥ

anāddaśaguṇaṃ pisṭaṃ pisṭāddaśaguṇaṃ payaḥ /
payaso'ṣṭaguṇaṃ māṃsaṃ māṃsāddaśaguṇaṃ ghṛtam

śākena rogā vardhdate payaso vardhdate tanuḥ /
ghṛtena vardhdate vīryaṃ māṃsānmāsaṃ pravardhdate

ekādaśo 'dhyāyaḥ
dātṛtvaṃ priyavaktṛtvaṃ dhīratvamucitajñatā /
abhyāsena na labhyante catvāraḥ sahajā guṇāḥ

ātmavargaṃ parityajya paravargaṃ samāśrayet /
svayameva layaṃ yāti yathā rājyamadharmataḥ

hastī sthūlatanuḥ sacāṃkuśavaśaḥ ki hastimātrekuṃśaḥ /
dīpe prajvalite praṇaśyati tamaḥ kiṃ dīpamātraṃ tamaḥ //
vajreṇāpi hatāḥ patanti girayaḥ kiṃ vajramātrannagāḥ /
tejo yasya virājate sa balavānsthūleṣukaḥ pratyayaḥ

kalodaśa sahastrāṇi haristyajati medinīm /
tadardhdaṃ jānhavītoyaṃ tadardhdaṃ grāmadevatāḥ

gṛhāsaktasya no vidyā na dayā māṃsa bhojinaḥ /
dravyalubdhasya no satyaṃ straiṇasya na pavitratā

na durjanaḥ sādhudaśāmupaiti bahuprakārairapi śikṣyamāṇaḥ /
āmūlasiktaḥ payasāghṛtena na nimbavṛkṣaumadhuratvameti

antargatamalau duṣṭaḥ tīrthasnānaśatairapi /
na śudhdayati yathā bhāṇḍaṃ suradā dāhitaṃ ca yat

na vetti to yasya guṇa prakarṣa
sa taṃ sadā nindati nā'tra citram /
yathā kiratī karikumbhalabdhāṃ
muktāṃ parityajya bibharti guñjām

ye tu saṃvatsaraṃ pūrṇa nityaṃ maunena bhuṃjate /
yugakoṭi sahastrantu svargaloke mahīyate

kāmaṃ krodhaṃ tathā lobhaṃ svāduśrṛṃgārakautukam /
atinidrā'tisevā ca vidyārthī hyaṣṭa varjayet

akṛṣṭaphalamulāni vanavāsaritaḥ sadā /
kurute'harahaḥ śrādhdamṛṣirvipraḥ sa ucyate

ekāhāreṇa santuṣṭaḥ ṣaṭkarmanirataḥ sadā /
rītukāle'bhigāmī ca sa vipro dvija ucyate

laukike karmaṇi rataḥ paśūnāṃ paripālakaḥ /
vāṇijyakṛṣikartā yaḥ sa vipro vaiśya ucyate

lākṣāditailanīlānāṃ kausumbhamadhusarpiṣām /
vikretā madyamāṃsānāṃ sa vipraḥ śudra ucyate

parakāryavihantā ca dāmbhikaḥ svārthasādhakaḥ /
chalī dveṣī mṛdukrūro vipro mārjāra ucyate

vāpīkūpataḍāgānāmārāmasuraveśyanām /
ucchedane nirāśaṃkaḥ sa vipro mleccha ucyate

devadravyaṃ gurudravyaṃ paradārābhimarṣaṇam /
nirvāhaḥ sarvabhūteṣu vipraścāṇḍāla ucyate

deyaṃ bhojyadhanaṃ sukṛtibhirno saṃcayastasya va
śrīkarṇasya baleśca vikramapateradyāpi kīrtiḥ sthitā /
asmākaṃ madhudānabhogarahitaṃ naṣṭaṃ cirātsacitaṃ
nirvāṇāditi naṣṭapādayugala gharṣanyaho makṣikāḥ

dvādaśo 'dhyāyaḥ
sānandaṃ sadanaṃ sutāstu sadhiyaḥ kāṃtā priyālāpinī
icchāpūrtidhanaṃ svayoṣitiratiḥ svājñāparāḥ sevakāḥ
ātithyaṃ śivapūjanaṃ pratidinaṃ miṣṭānnapānaṃ gṛhe
sādhoḥ suḍgamupāsate ca satataṃ dhanyo gṛhasthāśramaḥ

ārteṣu vipreṣu dayānvitaśce-
cchradhdeṇa yā svalpamupaiti dānam /
anantapāraṃ samupaiti dānam /
yaddīyate tanna labhed dvijebhyaḥ

dākṣiṇyaṃ svajane dayā parajane śāṭhyaṃ sadā durjane
prītiḥsādhujane smayaḥ khalajane vidvajjane cārjavam /
śauryaṃ śatrujane kṣamā gurujane nārījane dhūrtatā
itthaṃ ye puruṣā kalāsu kuśalāsteṣve lokasthitiḥ

hastau dānavivarjitau śrutipuṭau sārasvatadrohiṇau
netre sādhuvilokanena rahite pādau na tīrthaṃ gatau //
anyāyārjitavitta pūrṇamudaraṃ garveṇa tuḍgaṃ śiro /
re re jaṃbuka muñcamuñca sahasā nīcaṃ sunindyaṃ vapuḥ

yeṣāṃ śrīmadyaśodā sutapadakamale nāsti bhaktirnarāṇāṃ
yeṣāmābhīrakanyāpriyaguṇakathane nānuraktā rasajñā /
yeṣāṃ śrīkṛṣṇalīlālalitarasakathā sādaraunaiva karṇau
dhiktāṃdhiktāṃdhigetāṃkatha yati satataṃ kīrtanasthomṝdaṃgaḥ

patraṃ naiva yadā karīraviṭape doṣo vasantasya kiṃ
nolūko'pyavalokate yadi divā sūryasya kiṃ dūṣaṇaṃ /
varṣā naiva patanti cātakamukhe meghasya kiṃ dūṣaṇaṃ /
yatpūrva vidhinā lalāṭalikhitaṃ tanmārjituṃ kaḥ kṣamaḥ

satsaṅgāda bhavati hi sādhutā khalānāṃ /
sādhūnāṃ na hi khalasaṃgateḥ khalatvam //
āmodaṃ kusumabhavaṃ mṛdeva dhatte
mṛdagandhaṃ nahi kusumāni dhārayanti

sādhūnāṃ darśanaṃ puṇyaṃ tīrthībhūtā hi sādhavaḥ /
kālena phalate tīrthaṃ sadyaḥ sādhusamāgamaḥ

viprā'sminnagare mahān kathayakastāladrumāṇāṃ gaṇaḥ
ko dātā rajako dadāti vasanaṃ prātargṛ hītvā niśi /
ko dakṣaḥ paravittadāraharaṇe sarvo'pi dakṣo janaḥ
kasmājjīvasi he sakhe viṣa kṛminyāyena jīvāmyaham

na viprapādodakapaṃkajāni
na vedaśāstradhvanigarjitāni /
svāhāsvadhākāravivarjitāni
śmaśānatulyānigṛhāṇi tāni

satyaṃ mātā pitā jñānaṃ dharmo bhrātā dayā sakhā
śāṃtiḥ patnī kṣamā putraḥ ṣaḍete mamabāndhavāḥ

anityāni śarirāṇi vibhavo naiva śāśvataḥ /
nityaṃ sannihito mṛtyuḥ kartavyo dharmasaṃgrahaḥ

nimantraṇotsavā viprā gāvo navatṛṇotsavāḥ /
patyutsāhayutā bhāryā ahaṃ kṛṣṇa ! raṇotsavaḥ

mātṛvatparadāreṣu paradravyāṇi loṣṭhavat /
ātmavatsarvabhūtāni yaḥ paśyati sa paṃḍitaḥ

dharme tatparatā mukhe madhuratā dāne samutsāhatā
mitre'vaṃcakatā gurau vinayatā citte'tigambhīratā /
ācāre śucitā guṇe rasikatā śāstreṣu vijñātṛtā
rūpe sundaratā śive bhajanatā tvayyastibhī rāghavaḥ

kāṣṭhaṃ kalpataruḥ sumeruracalaścintāmaṇiḥ prastaraḥ
sūryastīvrakaraḥ śaśīkṣayakaraḥ kṣārohi vārāṃ nidhiḥ /
kāmo naṣṭatanurbaliditisuto nityaṃ paśuḥ kāmagāḥ
naistāṃste tulayāmi bho raghupate kasyopamādīyate

vidyā mitraṃ pravāse ca bhāryā mitra gṛhe ca /
vyādhistasyauṣadhaṃ mitraṃ dharmā mitraṃ mṛtasya ca

vinayaṃ rājaputrebhyaḥ paṃḍitebhyaḥ subhāṣitam /
anṛtaṃ dyūtakārebhyaḥ strībhyaḥ śikṣeta kaitavam

anālokya vyayaṃ kartā anāthaḥ kalahapriyaḥ /
ārtaḥ strīsarvakṣetreṣu naraḥ śīghra vinaśyati

nā''hāraṃ cintayetprājño dharmamekaṃ hi cintayet /
āhāro hi manuṣyāṇāṃ janmanā saha jāyate

dhanadhānyaprayogeṣu vidyāsaṃgrahaṇe tathā /
āhāre vyavahāre ca tyaktalajjaḥ sukhībhavet

jalabindunipātena kramaśaḥ pūryate ghaṭaḥ /
sa hetu sarvavidyānāṃ dharmasya ca dhanasya ca

vayasaḥ pariṇāme'pi yaḥ khalaḥ khalaḥ eva saḥ /
sampakvamapi mādhuryaṃ nāpayātīndravāruṇam

trayodaśo 'dhyāyaḥ
muhūrttaṃ māpa jīvecca naraḥ śukleṇa karmaṇā /
na kalpamāpi kaṣṭena lokadvayavirodhinā

gate śoko na kartavyo bhaviṣyaṃ naiva cintayet /
vartamānena kālena pravarttante vicakṣaṇāḥ

svabhāvena hi tuṣyanti devāḥ satpuruṣāḥ pitā /
jñātayaḥ snāna-pānābhyāṃ vākyadānena paṃḍitāḥ

āyuḥ karma ca vittañca vidyā nidhanameva ca /
pañcaitāni ca sṛjyante garbhasthasyaiva dehinaḥ

aho vata ! vicitrāṇi caritāni mahātmanām /
lakṣmī tṛṇāya manyante tadbhāreṇa namanti ca

yasya sneho bhayaṃ tasya sneho duḥkhasya bhājanam /
snehamūlāni duḥkhāni tāni tyaktvā vasetsukham

anāgatavidhātā ca pratyutpannamatistathā /
d vāvetau sukhamedhete yadbhaviṣyo vinaśyati

rājñadharmaṇi dharmiṣṭhāḥ pāpe pāpāḥ same samāḥ /
rājānamanuvartante yathā rājā tathā prajāḥ

jīvantaṃ mṛtavanmanye dehinaṃ dharmavarjitam /
mṛto dharmeṇa saṃtukto dīrghajīvī na saṃśayaḥ

dharmārthakāmamokṣāṇāṃ yasyaiko'pi na vidyate /
ajāgalastanasyeva tasya janma nirarthakam

dahyamānāḥ sutībreṇa nīcāḥ parayaśo'gninā /
aśaktāstatpadaṃ gantuṃ tato nindāṃ prakurvate

bandhāya viṣayāsaṅgaṃ muktyai nirviṣayaṃ manaḥ /
mana eva manuṣyāṇāṃ kāraṇaṃ bandhamokṣayoḥ

dehābhimānagalite jñānena paramātmanaḥ /
yatra yatra mano yāti tatra tatra samādhayaḥ

īpsitaṃ manasaḥ sarvaṃ kasya sampadyate sukham /
daivāyattaṃ yataḥ sarvaṃ tasmāt‍ saṃtoṣamāśrayet

yathā dhenusahastreṣu vatso gacchati mātaram /
tathā yacca kṛtaṃ karma kartāramanugacchāti

anavasthitakāryasya na jane na vane sukham /
jano dahati saṃsargādvanaṃ saṃgavivarjanāt

yat khanitvā khanitreṇa bhutale vāri vindati /
tathā gurugatāṃ vidyā śuśruṣuradhigacchati

karmāyattaṃ phalaṃ puṃsāṃ budhdiḥ karmānusāriṇī /
tathā'pi sudhiyaścāryā suvicāryaiva kurvate

ekākṣarapradātāraṃ yo guruṃ nā'bhivandate /
śvānayoniśataṃ bhuktvā cāṃḍāleṣvabhijāyate

yugānte pracalenmeruḥ kalpānte sapta sāgarāḥ /
sādhavaḥ pratipannārthānna calanti kadācana

pṛthivyāṃ trīṇi ratnāni annamāpaḥ subhāṣitam /
mūḍhaiḥ pāṣāṇakhaṇḍaॆṣu ratnasaṃkhyā vidhīyate

caturdaśo 'dhyāyaḥ
ātmāparādhavṛkṣasya phalānyetāni dehinām /
dāridrya-roga-duḥkhāni bandhanavyasanāni ca

punarvittampunarmitraṃ punarbhāryā punarmahī /
etatsarvaṃ punarlabhyaṃ na śarīraṃ punaḥ punaḥ

bahunāṃ caiva sattvānāṃ samavāyo ripuñjayaḥ /
varṣandhārādharo meghastṛṇairapi nivāryate

jalai tailaṃ khale guhyaṃ pātre dānaṃ manāgapi /
prājñe śāstraṃ svayaṃ yāti vistāre vastuśaktitaḥ

dharmākhyāne śmaśāne ca rogiṇāṃ yā matirbhavet /
sā sarvadaiva tiṣṭheccetko na mucyeta bandhanāt

utpannapaścāttāpasya budhdirbhavati yādṛśī /
tādṛśī yadi pūrvaṃ syātkasya syānna mahodayaḥ

dāne tapasi śauryaṃ vā vijñāne vinaye naye /
vismayo na hi kartavyo bahuratnā vasundharā

darastho'pi na dūraśo yo yasya manasi sthitaḥ /
yo yasya hṛdaye nāsti samīpastho'pi dūrataḥ

yasmācca priyamicchetu tasya brūyātsadā priyam /
vyādho mṛgavadhaṃ gantuṃ gītaṃ gāyati susvaram

atyāsannā vināśāya dūrasthā na phalapradāḥ /
sevyatāṃ madhyabhāgena rājavihnigurustriyaḥ

agnirāpaḥ striyo mūrkhāḥ sarpo rājakulāni ca /
nityaṃ yatnena sevyāni sadyaḥ prāṇaharāṇi ṣaṭ

sa jīvati guṇā yasya yasya dharmaḥ sa jīvati /
guṇadharmavihīnasya jīvitaṃ niṣprayojanam

yadicchasi vaśīkartuṃ jagadekena karmaṇā /
puraḥ pañcadaśāsyebhyo gāṃ carantīṃ nivāraya

prastavāsadṛśaṃ vākyaṃ prabhāvasadṛśaṃ priyam /
ātmaśaktisamaṃ kopaṃ yo jānāti sa paṇḍitaḥ

eka eva padārthastu tridhā bhavati vīkṣitaḥ /
kuṇapaṃkāminī māṃsaṃ yogibhiḥ kāmibhiḥ śvabhiḥ

susidhdamauṣadhaṃ dharmaṃ gṛhacchidraṃ ca maithunam /
kubhuktaṃ kuśrutaṃ caiva matimānna prakāśayet

tāvanmaunena nīyante kokilaiścaiva vāsarāḥ /
yāvatsarvajanānandadāyinī vāk pravartate

dharmaṃ dhanaṃ ca dhānyaṃ ca gurorvacanamauṣadham /
sugṛhītaṃ ca karttavyamanyathā tu na jīvati

tyaja durjanasaṃsarga bhaja sādhusamāgamam /
kuru puṇyamahorātraṃ smara nityamanityataḥ

pañcadaśo 'dhyāyaḥ
yasya citaṃ dravībhūtaṃ kṛpayā sarvajantuṣu /
tasya jñānena mokṣeṇa kiṃ jaṭābhasmalepanaiḥ

ekamevākṣaraṃ yastu guruḥ śiṣyaṃ prabodhayet /
pṛthivyāṃ nāsti taddravyaṃ yad dattvā cānṛṇī bhavet

khalānāṃ kaṇṭakānāṃ ca dvividhaiva pratikriyā /
upānad mukhabhaṅgo vā dūrataiva visarjanam

kucailinaṃ dantamalopadhāriṇāṃ
bahvāśinaṃniṣṭhurabhāṣiṇāṃ ca /
sūryodaye vā'stamite śayānaṃ
vimuñcati śrīryadi cakrapāṇiḥ

tyajanti mitrāṇi dhanairvihīnaṃ
dārāśca bhṛtyāśca suhṛjjanāśca /
taṃ cārthavantaṃ punarāśrayante /
hyartho hi loke puruṣasya bandhuḥ

anyāyopārjitaṃ dravyaṃ daśa varṣāṇi tiṣṭhati /
prāpte ekādaśe varṣe samūlaṃ ca vinaśyati

ayuktaṃ svāmino yuktaṃ yuktaṃ nīcasya dūṣaṇam /
amṛtaṃ rāhave mṛtyurviṣaṃ śaṃkarabhūṣaṇam

tadbhojanaṃ yad dvijabhuktaśeṣaṃ
tatsauhṛdaṃ yatkriyate parasmin /
sā prājñatā yā na karoti pāpaṃ
dambhaṃ vinā yaḥ kriyate pāpaṃ
dambhaṃ vinā yaḥ kriyate sa dharmaḥ

maṇirluṇṭhati pādāgre kācaḥ śirasi dhāryate /
kraya vikrayavelāyāṃ kācaḥ kāco maṇirmaṇiḥ

anantaṃśāstraṃ bahulāśca vidyāḥ
alpaṃ ca kālo bahuvighnatā ca /
yatsārabhūtaṃ tadupāsanīyaṃ,
haṃso yathā kṣīramivambumadhyāt

dūrāgataṃ pathi śrāntaṃ vṛthā ca gṛhamāgatam /
anarcayitvā yo bhuṅkte sa vai cāṇḍāla ucyate

paṭhanti caturo vedān dharmaśāstrāṇyanekaśaḥ /
ātmānaṃ naiva jānanti davī pākarasaṃ yathā

dhanyā dvijamayi naukā viparītā bhavārṇave /
tarantyadhogatāḥ sarve uparisthāḥ patantyadhaḥ

ayamamṛtanidhānaṃ nāyako'pyauṣadhīnāṃ /
amṛtamayaśarīraḥ kāntiyukto'pi candraḥ //
bhavati vigataraśmirmaṇḍalaṃ prāpya bhānoḥ /
parasadananiviṣṭaḥ ko laghutvaṃ na yāti

alirayaṃ nalinīdalamadhyagaḥ
kamalinīmakarandamadālasaḥ /
vidhivaśātparadeśamupāgataḥ
kuṭajapuṣparasaṃ bahu manyate

pītaḥ krudhdena tātaścaraṇatalahatā vallabho yena roṣā-
dābālyādvipravaryaiḥ svavadanavivare dhāryate vairiṇī meṃ /
gehaṃ me chedayanti pratidivasamumākāntapūjānimittaṃ
tasmātkhinnāsadāthaṃdvijakulanilayaṃ nātha yuktaṃ tyajāmi

baṃdhanāni khalu santi bahūni premarajjukṛtabandhanamanyat /
dārubhedanipuṇo'piṣaṇḍaghnirniṣkriyobhavati paṃkajakośe

chinno'pi caṃdanatarurna jahāti gandhaṃ
vṛdhdo'pi vāraṇapatirna jahāti līlām /
yaṃtrārpito madhuratāṃ na jahāti cekṣuḥ
kṣīṇo'pi na tyajati śīlaguṇān kulīnaḥ

urvyāṃ ko'pi mahīdharo laghutaro dorbhyāṃ dhṛto līlayā
tena tvāṃdivi bhūtale ca sasataṃ govardhanī gīyase /
tvāṃ trailokyadharaṃ vahāmi kucayoragreṇa tad gaṇyate
kiṃvā keśava bhāṣaṇena bahunāpuṇyairyaśo labhyate