Brihat Parashara Hora Shastra · Chapter 21

atha karmabhāvaphalādhyāyaḥ

karmabhāvaphalaṃ cā'tha kathayāmi tavāgrataḥ/
sṛṇu maitreya tattvena brahmagargādibhāṣitam‌

sabale karmabhāveśe svocce svāṃśe svarāśige/
jātastātasukhenāḍh‌yo yaśasvī śubhakarmakṛt‌

karmādhipo balonaścet‌ karmavaikalyamādiśet‌/
saihiḥ kendratrikoṇastho jyotiṣṭomādiyāgakṛt‌

karmeśe śubhasaṃyukte śubhasthānagate tathā/
rājadvāre ca vāṇijye sadā lābho'nyathānyathā

daśame pāpasaṃyukte lābhe pāpasamanvite/
duṣkṛtiṃ labhate martyaḥ svajanānāṃ vidūṣakaḥ

karmeśe nāśarāśisthe rāhuṇā saṃyute tathā/
janadveṣī mahāmūrkho duṣkṛtiṃ labhate naraḥ

karmeśe dyūnarāśisthe mandabhaumasamanvite/
dyūneśe pāpasaṃyute śiśnodaraparāyaṇaḥ

tuṅgarāśiṃ samāśritya karmeśe gurusaṃyute/
bhāgyeśe karmarāśisthe mānaiśvaryapratāpavān‌

lābheśe karmarāśisthe karmeśe lagnasaṃyute/
tāvubhau kendragau vāpi sukhajīvanabhāg‌ bhavet‌

karmeśe balasaṃyukte mīne gurusamanvite/
vastrābharaṇasaukhyādi labhate nātra saṃśayaḥ

lābhasthānagate sūrye rāhubhaumasamanvite/
raviputreṇa saṃyukte karmacchettā bhavennaraḥ

mīne jīve bhṛguyute lagneśe balasaṃyute/
svoccarāśigate candre samyag‌jñānārthavān‌ bhavet‌

kendreśe lābharāśisthe lābheśe lagnasaṃsthite/
karmarāśisthite śukre ratnavān‌ sa naro bhavet‌

kendratrikoṇage karmanāthe svoccasamāśrite/
guruṇā sahite dṛṣṭe sa karmasahito bhavet‌

karmeśe lagnabhāvasthe lagneśena samanvite/
kendratrikoṇage candre satkarmanirato bhavet‌

karmasthānagate mande nīcakhecarasaṃyute/
karmāṃśe pāpasaṃyukte karmahīno bhavennaraḥ

karmeśe nāśarāśisthe randhreśe karmasaṃsthite/
pāpagraheṇa saṃyukte duṣkarma nirato bhavet‌

karmeśe nīcarāśisthe karmasthe pāpakhecare/
karmabhātkarmage pāpe karmavaikalyamādiśet‌

karmasthānagate candre tadīśe tattrikoṇage/
lagneśe kendrabhāvasthe satkīrtisahito bhavet‌

lābheśe karmabhāvasthe karmeśe balasaṃyukte/
devendraguruṇā dṛṣṭe satkīrtisahito bhavet‌

karmasthānādhipe bhāgye lagneśe karmasaṃyute/
lagnāt‌ pañcamage candre khyātanāmā naro bhavet‌

iti karmaphalaṃ proktaṃ saṃkṣepeṇa dvijottama/
lagnakarmeśasambandhādūhyamanyadapi svayam‌