Scripture Library

Brahmavaivarta Purana · Chapter 4.78

4.78.1

athāṣṭasaptatitamo'dhyāyaḥ
nanda uvāca
śrīkaṣṇa jagatāṃ nātha susvapnaśca śruto mayā /
vedasāro nītisāro laukiko vaidikastathā

4.78.2

adhunā śrotumicchāmi pāpaṃ yeṣāṃ ca darśane /
yasminkarmaṇi vā vatsa tanmāṃ kathitumarhasi

4.78.3

vacanaṃ vedaśāśroktaṃ tathā vedānuyāyinaḥ /
śrotumicchanti saṃtaptā lokāstvanmukhatastathā

4.78.4

vedānāṃ janakastvaṃ ca vaidikānāṃ satāmapi /
prahmādīnāṃ surāṇāṃ ca munīnāṃ jagatāmapi

4.78.5

śrutaṃ yattvanmukhāmbhojātpramāṇaṃ vacanāmṛtam /
tena deho'bhiṣikto me vatsavicchedadāhanaḥ

4.78.6

svapne yaccharaṇāmbhojaṃ sarvakāmaphalapradam /
brahmādayo na paśyanti tadadya dṛṣṭigocaram

4.78.7

ataḥ paraṃ tvatpadābjaṃ kva paśyāmi ca pātakī /
viṇmūtradhārī deho me nibaddhaśca svakarmaṇā

4.78.8

īdṛśaṃ ca dinaṃ vatsa kadā mama bhaviṣyati /
tvayā brahmādināthena saṃvādo mama pāpinaḥ

4.78.9

kṛpāṃ kuru kṛpānātha mama doṣaṃ kṣamasva ca /
vatsabuddhyā ca durnītaṃ yatkṛtaṃ ca maheśvara

4.78.10

brahmeśaśeṣamunayo dhyāyante tvatpadāmbujam /
sarasvatī śrutiryasya stavane jaḍatāṃ vrajet

4.78.11

ityevamuktvā nandaśca nirānandaḥ śucā''kulaḥ /
mūrcchāmāpa ruditvā ca putravicchedavihvalaḥ

4.78.12

saṃtrasto bhagavānkṛṣṇo bodhayāmāsa yatnataḥ /
paramādhyātmikaṃ jñānaṃ dadau tasmai jagatpatiḥ

4.78.13

śrībhagavānuvāca
he nanda janakaśreṣṭha sarvaśreṣṭha vrajeśvara /
cetanaṃ kuru kalyāma jñānaṃ ca paramaṃ śrṛṇu

4.78.14

paramādhyātmikaṃ jñānaṃ jñānināṃ ca sudulrabham /
vedaśāstre gopanīyaṃ tubhyameva dadāmyaham

4.78.15

nibodha śrūyatāṃ nanda sānandaḥ susamāhitaḥ /
janmamṛtyucarāvyādhiryadabhyāsānna jāyate

4.78.16

sthiro bhava mahārāja vrajanātha vrajaṃ vraja /
jñānaṃ labdhvā sadānandaḥ śokamohavivarjitaḥ

4.78.17

jalabudbudavatsarvaṃ saṃsāraṃ sacarācaram /
prabhāte svapnavanmithyā mohakāraṇameva ca

4.78.18

mithyākṛtrimanirmāṇahetuśca pāñcabhautikaḥ /
māyayā satyabuddhyā ca pratītiṃ jāyate naraḥ

4.78.19

kāmakrodharobhamohairveṣṭitaḥ sarvakarmasu /
māyayā mohitaḥ śaśvajjñānahīnaśca durbalaḥ

4.78.20

nidrātandrākṣutpipāsākṣamāśraddhādayādibhiḥ /
lajjā śāntirdhṛtiḥ puṣṭistuṣṭiścā''bhiśca veṣṭitaḥ

4.78.21

manobuddhicetanābhiḥ prāṇajñānātmabhiḥ saha /
saṃsaktaḥ sarvadevaiśca yathā vṛkṣaśca vāyasaiḥ

4.78.22

ahamātmā ca sarveśaḥ sarvajñānātmakaḥ smṛtaḥ /
mano brahmā ca prakṛtirbuddhirupā sanātanī

4.78.23

prāṇā viṣṇuścetanā sā padmā tu cādhidevatā /
mayi sthite sthitāḥ sarve gatāste'pigate mayi

4.78.24

asmābhiśca vinā dehaḥ sadyaḥ patati niścitam /
pāñcabhūto vilīnaśca pañcabhūteṣu tatkṣaṇam

4.78.25

nāmasaṃketarūpaṃ ca niṣphalaṃ mohakāraṇam /
śokaścājñānināṃ tāta jñānitāṃ nāsti kiṃcana

4.78.26

nidrādayaḥ śaktayaśca tāḥ sarvāḥ prakṛte kalāḥ /
lobhādayo hyadharmāśāstathā'haṃkārapañcamaḥ

4.78.27

te brahmaviṣṇurudrāśā guṇāḥ sattvādayastrayaḥ /
jñānātmakaḥ śivo jyotirahamātmā ca nirguṇaḥ

4.78.28

yadā viśāmi prakṛtau tadā'haṃ saguṇaḥ smṛtaḥ /
saguṇā viṣayā viṣṇuprahmarudrādayastathā

4.78.29

dharmo madaṃśo viṣayī śoṣaḥ sūryaḥ kalānidhiḥ /
evaṃ sarve satkalāṃśā munimanvādayaḥsurāḥ

4.78.30

sarvadehe praviṣṭo'haṃ na liptaḥ sarvakarmasu /
jīvanmuktaśca madbhakto janmamṛtyujarāharaḥ

4.78.31

sarvasiddheśvaraḥ śrīmānkīrtimānpaṇaण़ḍitaḥ kaviḥ /
caturstriśadvidhaḥ siddhaḥ sarvakarmopahārakaḥ

4.78.32

tamupaimi svayaṃ siddhaṃ bhaktastvanyanna vāñchati /
dvāviṃśatividhaṃ siddhaṃ siddhisādhanakāraṇam

4.78.33

manmukhācchūyatāṃ nanda siddhamantraṃ gṛhāṇa ca /
aṇimā laghimā prāptiḥ prākāmyaṃ mahimā tathā

4.78.34

īśitvaṃ ca vaśitvaṃ ca tathā kāmāvasāyitā /
dūraśravaṇameveti parakāyapraveśanam

4.78.35

manoyāyitvameveti sarvajñatvamabhīpsitam /
vahnistambhaṃ jalastambhaṃ ciraṃjīvitvameva ca

4.78.36

vāyustambhaṃ kṣutpipāsānidrāstambhanameva ca /
kāyavyūhaṃ ca vāksiddhiṃ mṛtānayanamaupsitam

4.78.37

sṛṣṭīnāṃ karaṇaṃ caiva prāṇākarṣaṇameva ca /
ॐ sarveśvareśvarāya sarvadighnavināśine madhusūdanāya svāheti

4.78.38

ayaṃ santro mahāgūḍhaḥ sarveṣāṃ kalpapādapaḥ /
sāmavede ca kathitaḥ middhānāṃ sarvamiddhidaḥ

4.78.39

anena yoginaḥ siddhā munīndrāśca surāstathā /
śatalakṣajapenaiva mantrasiddhirbhavetsatām

4.78.40

yadi nārāyaṇakṣetre haviṣyānnarato japet /
gatvā kuru japaṃ tātakāśikāṃ maṇikarṇikām

4.78.41

śrṛśu nārāyaṇakṣetrai jalādhastaccatuṣṭayam /
atra nārāyaṇaḥ svāmī nānyaḥ svāmī kadācana

4.78.42

jñānaṃ cātra mṛte loke mūrtirbhavati tasya vai /
vrataṃ vinā'pi mantreṇa jīvanmukto na saṃśayaḥ

4.78.43

vrajaṃ kuru pavitraṃ ca vrajanātha vrajaṃ vraja /
pāpaṃ yaddarśane tāta kathayāmi niśāmaya

4.78.44

duḥsvapnaṃ pāpabaujaṃ ca kevalaṃ vighnakāraṇam /
goghnaṃ ca brāhmaṇaghnaṃ vā kṛtaghnaṃ kṛṭilaṃ tathā

4.78.45

devaghnaṃ pitṛmātṛghnaṃ pāpaṃ viśvavāsaghātinam /
mithyāsākṣipradātāraṃ yaṃ cā''tithyavivañcanam

4.78.46

grāmayājinameveti devaviprasvahāriṇam /
aśvatthaghātinaṃ duṣṭaṃ śivaviṣṇuvinindakam

4.78.47

adīkṣitamanācāraṃ saṃdhyāhīnaṃ dvijaṃ tathā /
devalaṃ vṛṣavāhaṃ ca śūdrāṇāṃ sūpakārakam

4.78.48

śavadāhaṃ ca śūdrāṇāṃ śūdraśrāddhānnabhojinam /
avīrāṃ chinnanāsāṃ ca devabrāhmaṇanindakām

4.78.49

padibhaktiviṅīnāṃ ca viṣṇubhaktivihīnakām /
śūdrāṇāṃ vidhavāṃ caiva cāṇḍālīṃ vyabhicāriṇīm

4.78.50

śaśvatkopayutaṃ duṣṭamṛṇagrastaṃ ca jārajam /
cauraṃ mithyāvādinaṃ ca śaraṇāgatayāyinam

4.78.51

māṃsāpahāriṇaṃ caiva brahmaṇaṃ vṛṣalīpatim /
brāhmaṇīgāmiraṃ śūdra dvijaṃ vādhurṣikaṃ tathā

4.78.52

agamyāmāminaṃ duṣṭaṃ caturvaṇaṃ narādhamam /
mātā sapatnīmātā ca śvaśrūśca bhaginī sutā

4.78.53

gurupatnī putrapatnī sodarasya priyā satī /
mātṛṣvasā pitṛṣvasā bhāmineyapriyā tathā

4.78.54

mātulānī navoḍhā ya pitṛvyastrī rajasvalā /
pitṛmātṛprasūścaiva cāgamyāṣṭādaśa smṛtāḥ

4.78.55

kīrtitāḥ sāmavede ca paripālyāḥ satāṃ vraja /
etā dṛṣṭvā ca spṛṣṭvā ca brahmahatyāṃ labhennaraḥ

4.78.56

tasmāddaivena tā dṛṣṭvā sūryaṃ dṛṣṭvā hariṃ smaret /
kāmato yadi paśyanti vinindyāste bhavanti vai

4.78.57

tasmātsanto na paśyanti śāpabhītā vrajeśvara /
rāhugrastaṃ raviṃ sobhaṃ na paśyanti vipaścitaḥ

4.78.58

janmāṣṭasaptariḥ phāṅkadaśamasthe divākare /
janmarkṣe nidhane cāpi caturthe'pi kalānidhau

4.78.59

sarvairaṃśairna paśyanti kampitaṃ candrabhāskaram /
neṣṭacandro na dṛśyaśya bhādre māsi sitāsite

4.78.60

caturthyāmuditaścandraḥ parityakto manīṣimiḥ /
candrastārāpaharaṇaṃ kalaṅgamatiduṣkaram

4.78.61

tasmai dadāti he nanda kāmato di paśyati /
akāmato naro dṛṣṭvā mantrapūtaṃ jalaṃ pibet

4.78.62

tadā śuddho bhavetsadyo niṣkalaṅkī mahītale /
siṃhaḥ prasenamavadhītsiṃho jāmbavatā hataḥ

4.78.63

sukumāraka mā rodīstava hyeṣa syamantakaḥ /
iti mantreṇa pūtaṃ ca jalaṃ sādhuḥ pibeddhruvam //
iti te kathitaṃ sarvamaparaṃ kathayāmi te

4.78.78

iti śrībrahmao mahāo śrīkṛṣṇajanmakhaṇḍao uttao nāradanāo bhagavannandasaṃo
aṣṭasaptatitamo'dhyāyaḥ

Original text: brahmavaivartapurāṇam · Sanskrit Wikisource contributors · Sanskrit Wikisource · CC BY-SA 4.0