Brahmasūtra text extracted from Śaṃkara's Śārīrakamīmāṃsābhāṣya (another edition) · Chapter 4.1

āvṛttir asakṛdupadeśāt

liṅgāc ca

ātmeti tūpagacchanti grāhayanti ca

na pratīke na hi saḥ

brahmadṛṣṭir utkarṣāt

ādityādimatayaś cāṅga upapatteḥ

āsīnaḥ saṃbhavāt

dhyānāc ca

acalatvaṃ cāpekṣya

smaranti ca

yatraikāgratā tatrāviśeṣāt

ā prayāṇāt tatrāpi hi dṛṣṭam

tadadhigama uttarapūrvāghayor aśleṣavināśau tadvyapadeśāt

itarasyāpy evam asaṃśleṣaḥ pāte tu

anārabdhakārya eva tu pūrve tadavadheḥ

agnihotrādi tu tatkāryāyaiva taddarśanāt

ato 'nyāpi hy ekeṣām ubhayoḥ

yad eva vidyayeti hi

bhogena tv itare kṣapayitvātha saṃpadyate