Brahmasūtra text extracted from Śaṃkara's Śārīrakamīmāṃsābhāṣya (another edition) · Chapter 3.4

puruṣārtho 'taḥ śabdād iti bādarāyaṇaḥ

śeṣatvāt puruṣārthavādo yathānyeṣv iti jaiminiḥ

ācāradarśanāt

tacchruteḥ

samanvārambhaṇāt

tadvato vidhānāt

niyamāc ca

adhikopadeśāt tu bādarāyaṇasyaivaṃ taddarśanāt

tulyaṃ tu darśanam

asārvatrikī

vibhāgaḥ śatavat

adhyayanamātravataḥ

nāviśeṣāt

stutaye 'numatir vā

kāmakāreṇa caike

upamardaṃ ca

ūrdhvaretaḥsu ca śabde hi

parāmarśaṃ jaiminiracodanā cāpavadati hi

anuṣṭheyaṃ bādarāyaṇaḥ sāmyaśruteḥ

vidhir vā dhāraṇavat

stutimātram upādānād iti cen nāpūrvatvāt

bhāvaśabdāc ca

pāriplavārthā iti cen na viśeṣitatvāt

tathā caikavākyatopabandhāt

ata eva cāgnīndhanādyanapekṣā

sarvāpekṣā ca yajñādiśruter aśvavat

śamadamādyupetas syāt tathāpi tu tadvidhes tadaṅgatayā teṣām apy avaśyānuṣṭheyatvāt

sarvān nānumatiś ca prāṇātyaye taddarśanāt

abādhāc ca

api ca smaryate

śabdaś cāto 'kāmakāre

vihitatvāc cāśramakarmāpi

sahakāritvena ca

sarvathāpi ta evobhayaliṅgāt

anabhibhavaṃ ca darśayati

antarā cāpi tu taddṛṣṭeḥ

api ca smaryate

viśeṣānugrahaś ca

atas tv itarajjyāyo liṅgāc ca

tadbhūtasya tu nātadbhāvo jaiminer api niyamāt tadrūpābhāvebhyaḥ

na cādhikārikam api patanānumānāt tadayogāt

upapūrvam api tv eke bhāvamaśanavat tad uktam

bahis tūbhayathāpi smṛter ācārāc ca

svāminaḥ phalaśruter ity ātreyaḥ

ārtvijyam ity auḍulomiḥ tasmai hi parikrīyate

śruteśca

sahakāryantaravidhiḥ pakṣeṇa tṛtīyaṃ tadvato vidhyādivat

kṛtsnabhāvāt tu gṛhiṇopasaṃhāraḥ

maunavad itareṣām apy upadeśāt

anāviṣkurvann anvayāt

aihikam apy aprastutapratibandhe taddarśanāt

evaṃ muktiphalāniyamas tadavasthāvadhṛtes tadavasthāvadhṛteḥ