Brahma Sutras · Chapter 3.2

sandhye sṛṣṭirāha hi

nirmātāraṃ caike putrādayaś ca

māyāmātraṃ tu kārtsnyenānabhivyaktasvarūpatvāt

parābhidhyānāt tu tirohitaṃ tato hyasya bandhaviparyayau

dehayogādvā so 'pi

sūcakaś ca hi śruterācakṣate ca tadvidaḥ

tadabhāvo nāḍīṣu tacchruterātmani ca

ataḥ prabodho 'smāt

sa eva tu karmānusmṛtiśabdavidhibhyaḥ

mugdher'dhasaṃpattiḥ pariśeṣāt

na sthānato 'pi parasyobhayaliṅgaṃ sarvatra hi

bhedād iti cen na pratyekamatadvacanāt

api caivam eke

arūpavadeva hi tatpradhānatvāt

prakāśavaccāvaiyarthyāt

āha ca tanmātram

darśayati cātho api smaryate

ata eva copamā sūryakādivat

ambuvadagrahaṇāt tu na tathātvam

vṛddhihrāsabhāktvamantarbhāvādubhayasāmañjasyādevaṃ darśanāc ca

prakṛtaitāvattvaṃ hi pratiṣedhati tato bravīti ca bhūyaḥ

tadavyaktamāha hi

api saṃrādhane pratyakṣānumānābhyām

prakāśādivaccāvaiśeṣyaṃ prakāśaś ca karmaṇyabhyāsāt

ato 'nantena tathā hi liṅgam

ubhayavyapadeśāttvahikuṇḍalavat

prakāśāśrayavadvā tejastvāt

pūrvavadvā

pratiṣedhāc ca

paramatassetūnmānasaṃbandhabhedavyapadeśebhyaḥ

sāmānyāt tu

buddhyarthaḥ pādavat

sthānaviśeṣātprakāśādivat

upapatteś ca

tathānyapratiṣedhāt

anena sarvagatatvamāyāmaśabdādibhyaḥ

phalamata upapatteḥ

śrutatvāc ca

dharmaṃ jaiminirata eva

pūrvaṃ tu bādarāyaṇo hetuvyapadeśāt