Bodhisattvayogācāracatuḥśatakaṭīkā · Chapter 4

ahaṃ mameti vā darpaḥ sataḥ kasya bhaved bhave /
yasmāt sarve 'pi sāmānyā viṣayāḥ sarvadehinām //

gaṇadāsasya te darpaḥ saḍbhāgena bhṛtasya kaḥ /
jāyate 'dhikṛte kāryam āyattaṃ yatra tatra vā //

ṛṣīṇāṃ ceṣṭitaṃ sarvaṃ kurvī ta na vicakṣaṇaḥ /
hīnamadhyaviśiṣṭatvaṃ yasmāt teṣv api vidyate //

putravat pālito lokaḥ purataḥ pārthivaiḥ śubhaiḥ /
mṛgāraṇyīkṛtaḥ so 'dya kalidharmasamāśritaiḥ //

chidraprahāriṇaḥ pāpaṃ yadi rājño na vidyate /
anyeṣām api caurāṇāṃ tat prāg eva na vidyate //

sarvasvasya parityāgo ma dyādiṣu na pūjitaḥ /
ātmano 'pi parityāgaḥ kiṃ manye pūjito raṇe //

ka rmaṇā /
vipro 'pi karmaṇā śūdraḥ kena manye na jāyate //

pāpasyaiśvaryavad rājan saṃvibhāgo na vidyate /
vidvān nāma parasyārthe kaḥ kuryād āyatīvadham //

dṛṣṭvā samān viśiṣṭāṃś ca parāñ chaktisamanvitān /
aiśvaryajanito mānaḥ satām hṛdi na tiṣṭhati //