Bodhipathapradīpa · Verses 61-69
sādhitairmantraśaktayā hi śāntivistarakarmabhiḥ /
bhadrakumbhādisiddhāṣṭamahāsiddhibalena ca
abhīṣṭā bodhisambhāraparipūrtiḥ sukhena cet /
kriyācaryādi tantrokam guhyācaraṇabhiṣyate
tadācāryabhiṣekārthaṃ mahāratnādidānataḥ /
sadguruṃ prīṇayed bhaktayā sarvāñjñādipālanaiḥ
prasanne ca gurau bhūte pūrṇācāryābhiṣekataḥ /
sarvapāpaviśuddhātmā siddhibhāgī bhaviṣyati
ādibuddhamahātantre prayatnena niṣedhataḥ /
guhyaprajñābhiṣekastu na grahyā brahmacārariṇā
so 'bhiṣeko gṛhītaścet brahyacaryatapaḥ sthitaiḥ /
niṣiddhācaraṇatvāt tattapaḥ samvarakṣayaḥ
jāyante vratinastasya pārājikavipattayaḥ /
saḥ pateddurgatau nūnaṃ siddhirnaiva kadācana
sarvatantraśrutau bhāṣye homayajñādikarmāsu /
labdhācāryābhiṣekaśca tattvavida naiva duṣyati
dīpaṅkaraśriyā bodhipathaḥ proktaḥ samāsataḥ /
dṛaṣṭvā sūtrādidharmoktiṃ bodhiprabhanivedanāt
Original text: Bodhipathapradīpa · Edition: Shastri, Losang Norbu: Bodhipathpradipa of Atisha. Sarnath: Central Institute of Higher Tibetan Studies, 1984, 1-70. · Data entry members of the Digital Sanskrit Buddhist Canon Input Project · GRETIL (Göttingen) · CC BY-NC-SA 4.0