Bodhipathapradīpa · Verses 21-40

bhāgyaṃ bodhisattvānāṃ saṃvarasya na cānyathā /
saptadhā prātimokṣeṣu bhāṣiteṣu tathāgataiḥ

brahmacaryaśriyaḥ śreṣṭhāḥ bhikṣusaṃvara iṣyate /
śīlādhyāyoktavidhinā bodhisattvasya bhumiṣu

saṃvaraḥ sadgurorgrāhyaḥ samyaglakṣaṇayuktataḥ /
yaḥ saṃvaravidhau dakṣaḥ svayaṃ ca saṃvare sthitaḥ

kṛpāluḥ saṃvare śaktaḥ jñātavyaḥ sadgurustu saḥ /
tatra yatnena na prāpto guruścaitādṛśo yadi

saṃvaragrahaṇasyānyo vidhiḥ tasmāt samuyacte /
ambararājabhutena pūrvaṃ mañjuśriyā yathā

bodhicittaṃ samutpādi suspaṣṭaṃ cātra likhyate /
mañjuśribuddhakṣetrālaṅkārasūtroktivat tathā

utpādayāmi sambodhau cittaṃ nāthasya sammukham /
nimantraye jagatsarvaṃ dāridyānmocitāsmi tat

vyāpādakhilacittaṃ vā īrṣyāmātsaryameva va /
adhyāgre na kariṣyāmi bodhiṃ prāpsyāmi yāvatā

brahmacaryaṃ cariṣyāmi kāmāṃstyakṣyāmi pāpakān /
buddhānāmānuśikṣiṣye śīlasaṃvara saṃyame

nāhaṃ tvaritarupeṇa bodhiṃ prāptumihotsahe /
parāntakoṭiṃ sthāsyāmi sattvasyaikasya kāraṇāt

kṣetraṃ viśodhiṣyāmi aprameyamacintim /
nāmadheyaṃ kariṣyāmi daśadikṣu ca viśrutam

kāyavākkarmaṇī cāhaṃ śodhayiṣyāmi sarvaśaḥ /
śodhayiṣye manaskarma kartāsmi nāśabham

svakāyavākacittaviśuddhihetu, prasthānacittātmayamasthitena /
triśīlaśikṣāpariśiyeta cet, triśīlaśikṣāsu mahādarasyāt

śuddhasambodhisattvānāṃ tasmāt saṃvarasaṃvṛtau /
yatnāt sambodhisambhāraḥ paripūrṇo bhaviṣyati

puṇyajñānasvabhāvasya sambhārasya tu pūrtaye /
sarvabuddhamatoheturabhijñotpāda eva hi

pakṣavṛddhiṃ vinā pakṣī khe noḍaḍetuṃ yathā kṣamaḥ /
tathābhijñābalairhīnaḥ sattvārthakaraṇe 'kṣamaḥ

abhijñasya divārātrau yāni puṇyāni santi vai /
abhijñāyāśca rāhitye naiva janmaśateṣu ca

śīghraṃ sambodhisambhāraṃ sampūrayitumicchati /
nirālasyena yatnenābhijñāṃ saṃsādhayettu saṃ

śamathasiddhayabhāve 'bhijñānaṃ na jāyate /
ataḥ śamathasiddhayarthaṃ yatitavyaṃ punaḥ punaḥ

śamathaṅgaprahīṇatve tadyatnairbhāvite 'pi ca /
saṃvatsarasahasraiśca samādhirnaiva setsyati