bhāvopaniṣat · Chapter 1

bhāvopaniṣat
// atha bhāvopaniṣata//
ॐ bhadraṃ karṇebhiḥ śṛṇuyāma devā
bhadram paṣyemākṣabhiryajatrāḥ /
sthirairaṅgaistuṣtuvām̐sastanūbhirvyaśema devahitaṃ yadāyuḥ //
svasti na indro vṛddhaśravāḥ
svasti naḥ pūṣā viśvavedāḥ /
svasti nastārkṣyo ariṣṭanemiḥ
svasti no bṛhaspatirdadhātu //
ॐ śāntiḥ śāntiḥ śāntiḥ //
ātmānamakhaṇdamaṇdalākāramavṛtya sakalabrahmāndamandalaṃ
svaprakāśaṃ dhyāyet / śrīguruḥ sarvakāraṇabhūtā śakttiḥ

tena navarandhrarūpo dehaḥ

navacakrarūpaṃ śrīcakram

vārāhī pitṛrūpā kurukullā balidevatā mātā

puruṣā/rthāḥ sāgarāḥ

deho navaratnadvīpaḥ

tvagādi sapttadhāturomasaṃyukttaḥ

saṃkalpāḥ kalpataravastejaḥ kalpakodyānam

rasanayā bhāvyamānā madhurāmlatikttakaṭukaṣāyalavaṇarasāḥ ṣaḍṛtavaḥ

jñānamardhyam jñeyam havirjñātā hotā
jñātṛjñānajñeyānāmabhedabhavanam śrīcakrapūjanam

niyatiḥ śrṛṅgārādayo rasā aṇimādayaḥ

kāmakrodhalobhamohamadamātsa/ryapuṇyapāpamayā
brāhmyādyayaṣaṭaśakttayaḥ

ādharanavakam mudrāśakttayaḥ

pṛthivyaptejovāivākāśāśrotratvakcakṣurjihvaghrāṇa
vākpāṇipādapāyūpasthāni manovikārāḥ
kāmākarṣiṇyādi ṣodaśa śakttayaḥ

vacanādānāgamanavisargānandahānopādānopekṣākhya
bhuddhayo'naṅgakusumādyaṣṭau

alambusā kuhurviśvodarā vāraṇā hastijihvā yaśovatī payasvinī
gāndhārī pūṣā śaṅkhinī sarasvatīḍā piṅgalā suṣumnā ceti
caturdaśa nāḍyaḥ sarvasaṃkṣhobhiṇyadi caturdaśaśakttayaḥ

prāṇāpānavyānodānasamānanāgakū/rmakṛkaradevadattadhanaṃjayā
daśavāyavaḥ sarvasiddhipradādibahirdaśāradevatāḥ

etadvāyusaṃsargakopādhibhedhena recakaḥ pācakaḥ śoṣako
dāhakaḥ plāvaka iti prāṇamukhyavena paṃcadhā jaṭharāgnirbhavati

kṣāraka uddhārakaḥ kṣobhako jṛṃbhako mohaka iti
nāgaprādhānyena paṃcabidhāste manuṣyāṇāṃ dehagā
bhakṣhyabhojyaśoṣyalehyapeyātmakapañcavidhamannaṃ pācayanti

etā daśavahnikalāḥ sarvajñādyā antardaśāradevatāḥ

śītoṣṇāsukhaduḥkhecchāḥ sattvaṃ rajastamo
vaśinyādiśaktthayoaṣtau

śabdādi tanmāttrāḥ paṃcapuṣpabāṇāḥ

mana ikṣhudhanuḥ

rāgaḥ pāśaḥ

dveṣo'ṅkuśaḥ

avyaktta mahadahaṃkārāḥ kāmekṣvarī vajreśvarī
bhagamālinyo'ntasttrikoṇagā devatāḥ

nirupādhikasaṃvideva kāmeśvara

sadānandapūrṇa svātmeva paradevatā lalitā

lauhityametasya sarvasya vimarśa

ananyacittatvena ca siddhiḥ

bhāvanāyāḥ kriyā upacaraḥ

ahaṃ tvamasti nāsti kartavyamakartavyamupāsitavyamiti
vikalpānāmātmani vilāpanam homaḥ

bhavanāviṣayāṇāmabhedabhavanā tarpaṇam

paṃcadaśatithirūpeṇa kālasya pariṇāmāvalokanam

evamaṃ muhūrtattritayaṃ muhūrtadvitayaṃ muhūrtamāttraṃ vā
bhāvanāparo jīvanmuktto bhavati sa eva śivayogīti gadyate

ādimatenāntaścakrabhāvanāḥ pratipāditāḥ

ya evaṃ veda so'tharvaśiro'dhīte

ityupaniṣat //
ॐ bhadraṃ karṇebhiḥ śṛṇuyāma devāḥ / bhadraṃ
paśyemākṣabhiryajatrāḥ/
sthirairaṅgaistuṣṭuvāsastanūbhiḥ / vyaśema devahitaṃ yadāyuḥ /
svasti na indro vṛddhaśravāḥ / svasti naḥ pūṣā viśvavedāḥ/
svasti nastārkṣyo'riṣṭanemiḥ / svasti no bṛhaspatirdadhātu/
ॐ śāntiḥ śāntiḥ śāntiḥ //
// iti bhāvopaniṣat //
adhikādhyayanāya