aṭṭālasundarāṣṭakam · Chapter 1

vikramapāṇḍya uvāca-
kalyāṇācalakodaṇḍakāntadordaṇḍamaṇḍitam /
kabalīkṛtasaṃsāraṃ kalaye'ṭṭālasundaram

kālakūṭaprabhājālakaḻaṅkīkṛtakandharam /
kalādharaṃ kalāmauḻiṃ kalaye'ṭṭālasundaram

kālakālaṃ kalātītaṃ kalāvantaṃ ca niṣkaḻam /
kamalāpatisaṃstutyaṃ kalaye'ṭṭālasundaram

kāntārdhaṃ kamanīyāṅgaṃ karuṇāmṛtasāgaram /
kalikalmaṣadoṣaghnaṃ kalaye'ṭṭālasundaram

kadambakānanādhīśaṃ kāṃkṣitārthasuradrumam /
kāmaśāsanamīśānaṃ kalaye'ṭṭālasundaram

sṛṣṭāni māyayā yena brahmāṇḍāni bahūni ca /
rakṣitāni hatānyante kalaye'ṭṭālasundaram

svabhaktajanasantāpa pāpāpadmaṅgatatparam /
kāraṇaṃ sarvajagatāṃ kalaye'ṭṭālasundaram

kulaśekharavaṃśotthabhūpānāṃ kuladaivatam /
paripūrṇaṃ cidānandaṃ kalaye'ṭṭālasundaram

aṭṭālavīraśrīśambhoraṣṭakaṃ varamiṣṭadam /
paṭhatāṃ śṛṇvatāṃ sadyastanotu paramāṃ śriyam

// iti śrīhālāsyamāhātmye vikramapāṇḍyakṛtaṃ aṭṭālasundarāṣṭakam //