અટ્ટાલસુન્દરાષ્ટકમ્ · અધ્યાય 1

વિક્રમપાણ્ડ્ય ઉવાચ-
કલ્યાણાચલકોદણ્ડકાન્તદોર્દણ્ડમણ્ડિતમ્ ।
કબલીકૃતસંસારં કલયેઽટ્ટાલસુન્દરમ્

કાલકૂટપ્રભાજાલકળઙ્કીકૃતકન્ધરમ્ ।
કલાધરં કલામૌળિં કલયેઽટ્ટાલસુન્દરમ્

કાલકાલં કલાતીતં કલાવન્તં ચ નિષ્કળમ્ ।
કમલાપતિસંસ્તુત્યં કલયેઽટ્ટાલસુન્દરમ્

કાન્તાર્ધં કમનીયાઙ્ગં કરુણામૃતસાગરમ્ ।
કલિકલ્મષદોષઘ્નં કલયેઽટ્ટાલસુન્દરમ્

કદમ્બકાનનાધીશં કાંક્ષિતાર્થસુરદ્રુમમ્ ।
કામશાસનમીશાનં કલયેઽટ્ટાલસુન્દરમ્

સૃષ્ટાનિ માયયા યેન બ્રહ્માણ્ડાનિ બહૂનિ ચ ।
રક્ષિતાનિ હતાન્યન્તે કલયેઽટ્ટાલસુન્દરમ્

સ્વભક્તજનસન્તાપ પાપાપદ્મઙ્ગતત્પરમ્ ।
કારણં સર્વજગતાં કલયેઽટ્ટાલસુન્દરમ્

કુલશેખરવંશોત્થભૂપાનાં કુલદૈવતમ્ ।
પરિપૂર્ણં ચિદાનન્દં કલયેઽટ્ટાલસુન્દરમ્

અટ્ટાલવીરશ્રીશમ્ભોરષ્ટકં વરમિષ્ટદમ્ ।
પઠતાં શૃણ્વતાં સદ્યસ્તનોતુ પરમાં શ્રિયમ્

॥ ઇતિ શ્રીહાલાસ્યમાહાત્મ્યે વિક્રમપાણ્ડ્યકૃતં અટ્ટાલસુન્દરાષ્ટકમ્ ॥