Atharva Veda · Chapter 6.108

tvaṃ no medhe prathamā gobhiraśvebhirā gahi /
tvaṃ sūryasya raśmibhistvaṃ no asi yajñiyā

medhāmahaṃ prathamāṃ brahmaṇvatīṃ brahmajūtāmṛṣiṣṭutām /
prapītāṃ brahmacāribhirdevānāmavase huve

yāṃ medhāmṛbhavo viduryāṃ medhāmasurā viduḥ /
ṛṣayo bhadrāṃ medhāṃ yāṃ vidustāṃ mayyā veśayāmasi

yāmṛṣayo bhūtakṛto medhāṃ medhāvino viduḥ /
tayā māmadya medhayāgne medhāvinaṃ kṛṇu

medhāṃ sāyaṃ medhāṃ prātarmedhāṃ madhyandinaṃ pari /
medhāṃ sūryasya raśmibhirvacasā veśayāmahe