અથર્વવેદ · અધ્યાય 6.108

ત્વં નો મેધે પ્રથમા ગોભિરશ્વેભિરા ગહિ ।
ત્વં સૂર્યસ્ય રશ્મિભિસ્ત્વં નો અસિ યજ્ઞિયા

મેધામહં પ્રથમાં બ્રહ્મણ્વતીં બ્રહ્મજૂતામૃષિષ્ટુતામ્ ।
પ્રપીતાં બ્રહ્મચારિભિર્દેવાનામવસે હુવે

યાં મેધામૃભવો વિદુર્યાં મેધામસુરા વિદુઃ ।
ઋષયો ભદ્રાં મેધાં યાં વિદુસ્તાં મય્યા વેશયામસિ

યામૃષયો ભૂતકૃતો મેધાં મેધાવિનો વિદુઃ ।
તયા મામદ્ય મેધયાગ્ને મેધાવિનં કૃણુ

મેધાં સાયં મેધાં પ્રાતર્મેધાં મધ્યન્દિનં પરિ ।
મેધાં સૂર્યસ્ય રશ્મિભિર્વચસા વેશયામહે