Atharva Veda · Chapter 6

sūktam १
sūktam २
sūktam ३
sūktam ४
sūktam ५
sūktam ६
sūktam ७
sūktam ८
sūktam ९
sūktam १०
sūktam ११
sūktam १२
sūktam १३
sūktam १४
sūktam १५
sūktam १६
sūktam १७
sūktam १८
sūktam १९
sūktam २०
sūktam २१
sūktam २२
sūktam २३
sūktam २४
sūktam २५
sūktam २६
sūktam २७
sūktam २८
sūktam २९
sūktam ३०
sūktam ३१
sūktam ३२
sūktam ३३
sūktam ३४
sūktam ३५
sūktam ३६
sūktam ३७
sūktam ३८
sūktam ३९
sūktam ४०
sūktam ४१
sūktam ४२
sūktam ४३
sūktam ४४
sūktam ४५
sūktam ४६
sūktam ४७
sūktam ४८
sūktam ४९
sūktam ५०
sūktam ५१
sūktam ५२
sūktam ५३
sūktam ५४
sūktam ५५
sūktam ५६
sūktam ५७
sūktam ५८
sūktam ५९
sūktam ६०
sūktam ६१
sūktam ६२
sūktam ६३
sūktam ६४
sūktam ६५
sūktam ६६
sūktam ६७
sūktam ६८
sūktam ६९
sūktam ७०
sūktam ७१
sūktam ७२
sūktam ७३
sūktam ७४
sūktam ७५
sūktam ७६
sūktam ७७
sūktam ७८
sūktam ७९
sūktam ८०
sūktam ८१
sūktam ८२
sūktam ८३
sūktam ८४
sūktam ८५
sūktam ८६
sūktam ८७
sūktam ८८
sūktam ८९
sūktam ९०
sūktam ९१
sūktam ९२
sūktam ९३
sūktam ९४
sūktam ९५
sūktam ९६
sūktam ९७
sūktam ९८
sūktam ९९
sūktam १००
sūktam १०१
sūktam १०२
sūktam १०३
sūktam १०४
sūktam १०५
sūktam १०६
sūktam १०७
sūktam १०८
sūktam १०९
sūktam ११०
sūktam १११
sūktam ११२
sūktam ११३
sūktam ११४
sūktam ११५
sūktam ११६
sūktam ११७
sūktam ११८
sūktam ११९
sūktam १२०
sūktam १२१
sūktam १२२
sūktam १२३
sūktam १२४
sūktam १२५
sūktam १२६
sūktam १२७
sūktam १२८
sūktam १२९
sūktam १३०
sūktam १३१
sūktam १३२
sūktam १३३
sūktam १३४
sūktam १३५
sūktam १३६
sūktam १३७
sūktam १३८
sūktam १३९
sūktam १४०
sūktam १४१
sūktam १४२
6.1
doṣo gāya bṛhadgāya dyumaddhehi /
ātharvaṇa stuhi devaṃ savitāram

tamu ṣṭuhi yo antaḥ sindhau sūnuḥ /
satyasya yuvānamadroghavācaṃ suśevam

sa ghā no devaḥ savitā sāviṣadamṛtāni bhūri /
ubhe suṣṭutī sugātave

6.2
indrāya somamṛtvijaḥ sunotā ca dhāvata /
stoturyo vacaḥ śṛṇavaddhavaṃ ca me

ā yaṃ viśantīndavo vayo na vṛkṣamandhasaḥ /
virapśin vi mṛdho jahi rakṣasvinīḥ

sunotā somapāvne somamindrāya vajriṇe /
yuvā jeteśānaḥ sa puruṣṭutaḥ

6.3
pātaṃ na indrāpūṣaṇāditiḥ pāntu marutaḥ /
apāṃ napātsindhavaḥ sapta pātana pātu no viṣṇuruta dyauḥ

pātāṃ no dyāvāpṛthivī abhiṣṭaye pātu grāvā pātu somo no aṃhasaḥ /
pātu no devī subhagā sarasvatī pātvagniḥ śivā ye asya pāyavaḥ

pātāṃ no devāśvinā śubhaspatī uṣāsānaktota na uruṣyatām /
apāṃ napādabhihrutī gayasya ciddeva tvaṣṭarvardhaya sarvatātaye

6.4
tvaṣṭā me daivyaṃ vacaḥ parjanyo brahmaṇaspatiḥ /
putrairbhrātṛbhiraditirnu pātu no duṣṭaraṃ trāyamāṇaṃ sahaḥ

aṃśo bhago varuṇo mitro aryamāditiḥ pāntu marutaḥ /
apa tasya dveṣo gamedabhihruto yāvayacchatrumantitam

dhiye samaśvinā prāvataṃ na uruṣyā ṇa urujmann aprayucchan /
dyauṣpitaryāvaya duchunā yā

6.5
udenamuttaraṃ nayāgne ghṛtenāhuta /
samenaṃ varcasā sṛja prajayā ca bahuṃ kṛdhi

indremaṃ prataraṃ kṛdhi sajātānāmasadvaśī /
rāyaspoṣeṇa saṃ sṛja jīvātave jarase naya

yasya kṛṇmo havirgṛhe tamagne vardhayā tvam /
tasmai somo adhi bravadayaṃ ca brahmaṇaspatiḥ

6.6
yo'smān brahmaṇaspate'devo abhimanyate /
sarvaṃ taṃ randhayāsi me yajamānāya sunvate

yo naḥ soma suśaṃsino duḥśaṃsa ādideśati /
vajreṇāsya mukhe jahi sa saṃpiṣṭo apāyati

yo naḥ somābhidāsati sanābhiryaśca niṣṭyaḥ /
apa tasya balaṃ tira mahīva dyaurvadhatmanā

6.7
yena somāditiḥ pathā mitrā vā yantyadruhaḥ /
tenā no'vasā gahi

yena soma sāhantyāsurān randhayāsi naḥ /
tenā no adhi vocata

yena devā asurāṇāmojāṃsyavṛṇīdhvam /
tenā naḥ śarma yacchata

6.8
yathā vṛkṣaṃ libujā samantaṃ pariṣasvaje /
evā pari ṣvajasva māṃ yathā māṃ kāminyaso yathā man nāpagā asaḥ

yathā suparṇaḥ prapatan pakṣau nihanti bhūmyām /
evā ni hanmi te mano yathā māṃ kāminyaso yathā man nāpagā asaḥ

yatheme dyāvāpṛthivī sadyaḥ paryeti sūryaḥ /
evā paryemi te mano yathā māṃ kāminyaso yathā man nāpagā asaḥ

6.9
vāñcha me tanvaṃ pādau vāñchākṣyau vāñcha sakthyau /
akṣyau vṛṣaṇyantyāḥ keśā māṃ te kāmena śuṣyantu

mama tvā doṣaṇiśriṣaṃ kṛṇomi hṛdayaśriṣam /
yathā mama kratāvaso mama cittamupāyasi

yāsāṃ nābhirārehaṇaṃ hṛdi saṃvananaṃ kṛtaṃ gāvo ghṛtasya mātaro'mūṃ saṃ vānayantu me

6.10
pṛthivyai śrotrāya vanaspatibhyo'gnaye'dhipataye svāhā

prāṇāyāntarikṣāya vayobhyo vāyave'dhipataye svāhā

dive cakṣuṣe nakṣatrebhyaḥ sūryāyādhipataye svāhā

6.11
śamīmaśvattha ārūḍhastatra puṃsuvanaṃ kṛtam /
tadvai putrasya vedanaṃ tatstrīṣvā bharāmasi

puṃsi vai reto bhavati tatstriyāmanu ṣicyate /
tadvai putrasya vedanaṃ tatprajāpatirabravīt

prajāpatiranumatiḥ sinīvālyacīkḷpat/
straiṣūyamanyatra dadhatpumāṃsamu dadhatiha

6.12
pari dyāmiva sūryo'hīnāṃ janimāgamam /
rātrī jagadivānyaddhaṃsāttenā te vāraye viṣam

yadbrahmabhiryadṛṣibhiryaddevairviditaṃ purā /
yadbhūtaṃ bhavyamāsanvattenā te vāraye viṣam

madhvā pṛñce nadyaḥ parvatā girayo madhu /
madhu paruṣṇī śīpālā śamāsne astu śaṃ hṛde

6.13
namo devavadhebhyo namo rājavadhebhyaḥ /
atho ye viśyānāṃ vadhāstebhyo mṛtyo namo'stu te

namaste adhivākāya parāvākāya te namaḥ /
sumatyai mṛtyo te namo durmatyai te idaṃ namaḥ

namaste yātudhānebhyo namaste bheṣajebhyaḥ /
namaste mṛtyo mūlebhyo brāhmaṇebhya idaṃ namaḥ

6.14
asthisraṃsaṃ parusraṃsamāsthitaṃ hṛdayāmayam /
balāsaṃ sarvaṃ nāśayāṅgeṣṭhā yaśca parvasu

nirbalāsaṃ balāsinaḥ kṣiṇomi muṣkaraṃ yathā /
chinadmyasya bandhanaṃ mūlamurvārvā iva

nirbalāsetaḥ pra patāśuṅgaḥ śiśuko yathā /
atho ita iva hāyano'pa drāhyavīrahā

6.15
uttamo asyoṣadhīnāṃ tava vṛkṣā upastayaḥ /
upastirastu so'smākaṃ yo asmāmabhidāsati

sabandhuścāsabandhuśca yo asmāmabhidāsati /
teṣāṃ sā vṛkṣāṇāmivāhaṃ bhūyāsamuttamaḥ

yathā soma oṣadhīnāmuttamo haviṣāṃ kṛtaḥ /
talāśā vṛkṣāṇāmivāhaṃ bhūyāsamuttamaḥ

6.16
ābayo anābayo rasasta ugra ābayo /
ā te karambhamadmasi

vihahlo nāma te pitā madāvatī nāma te mātā /
sa hina tvamasi yastvamātmānamāvayaḥ

tauvilike'velayāvāyamailaba ailayīt/
babhruśca babhrukarṇaścāpehi nirāla

alasālāsi pūrva silāñjālāsyuttarā /
nīlāgalasāla

6.17
yatheyaṃ pṛthivī mahī bhūtānāṃ garbhamādadhe /
evā te dhriyatāṃ garbho anu sūtuṃ savitave

yatheyaṃ pṛthivī mahī dādhāremān vanaspatīn /
evā te dhriyatāṃ garbho anu sūtuṃ savitave

yatheyaṃ pṛthivī mahī dādhāra parvatān girīn /
evā te dhriyatāṃ garbho anu sūtuṃ savitave

yatheyaṃ pṛthivī mahī dādhāra viṣṭhitaṃ jagat/
evā te dhriyatāṃ garbho anu sūtuṃ savitave

6.18
īrṣyāyā dhrājiṃ prathamāṃ prathamasyā utāparām /
agniṃ hṛdayyaṃ śokaṃ taṃ te nirvāpayāmasi

yathā bhūmirmṛtamanā mṛtān mṛtamanastarā /
yathota mamruṣo mana everṣyormṛtaṃ manaḥ

ado yatte hṛdi śritaṃ manaskaṃ patayiṣṇukam /
tatasta īrṣyāṃ muñcāmi nirūṣmāṇaṃ dṛteriva

6.19
punantu mā devajanāḥ punantu manavo dhiyā /
punantu viśvā bhūtāni pavamānaḥ punātu mā

pavamānaḥ punātu mā kratve dakṣāya jīvase /
atho ariṣṭatātaye

ubhābhyāṃ deva savitaḥ pavitreṇa savena ca /
asmān punīhi cakṣase

6.20
agnerivāsya dahata eti śuṣmiṇa uteva matto vilapann apāyati /
anyamasmadicchatu kaṃ cidavratastapurvadhāya namo astu takmane

namo rudrāya namo astu takmane namo rājñe varuṇāya tviṣīmate /
namo dive namaḥ pṛthivyai nama oṣadhībhyaḥ

ayaṃ yo abhiśocayiṣṇurviśvā rūpāṇi haritā kṛṇoṣi /
tasmai te'ruṇāya babhrave namaḥ kṛṇomi vanyāya takmane

6.21
imā yāstisraḥ pṛthivīstāsāṃ ha bhūmiruttamā /
tāsāmadhi tvaco ahaṃ bheṣajaṃ samu jagrabham

śreṣṭhamasi bheṣajānāṃ vasiṣṭhaṃ vīrudhānām /
somo bhaga iva yāmeṣu deveṣu varuṇo yathā

revatīranādhṛṣaḥ siṣāsavaḥ siṣāsatha /
uta stha keśadṛmhaṇīratho ha keśavardhanīḥ

6.22
kṛṣṇaṃ niyānaṃ harayaḥ suparṇā apo vasānā divamutpatanti /
ta āvavṛtrantsadanādṛtasyādidghṛtena pṛthivīṃ vyūduḥ

payasvatīḥ kṛṇuthāpa oṣadhīḥ śivā yadejathā maruto rukmavakṣasaḥ /
ūrjaṃ ca tatra sumatiṃ ca pinvata yatrā naro marutaḥ siñcathā madhu

udapruto marutastāmiyarta vṛṣṭiryā viśvā nivataspṛṇāti /
ejāti glahā kanyeva tunnairuṃ tundānā patyeva jāyā

6.23
sasruṣīstadapaso divā naktaṃ ca sasruṣīḥ /
vareṇyakraturahamapo devīrupa hvaye

otā āpaḥ karmaṇyā muñcantvitaḥ praṇītaye /
sadyaḥ kṛṇvantvetave

devasya savituḥ save karma kṛṇvantu mānuṣāḥ /
śaṃ no bhavantvapa oṣadhīḥ śivāḥ

6.24
himavataḥ pra sravanti sindhau samaha saṅgamaḥ /
āpo ha mahyaṃ taddevīrdadan hṛddyotabheṣajam

yan me akṣyorādidyota pārṣṇyoḥ prapadośca yat/
āpastatsarvaṃ niṣkaran bhiṣajāṃ subhiṣaktamāḥ

sindhupatnīḥ sindhurājñīḥ sarvā yā nadya sthana /
datta nastasya bheṣajaṃ tenā vo bhunajāmahai

6.25
pañca ca yāḥ pañcāśacca saṃyanti manyā abhi /
itastāḥ sarvā naśyantu vākā apacitāmiva

sapta ca yāḥ saptatiśca saṃyanti graivyā abhi /
itastāḥ sarvā naśyantu vākā apacitāmiva

nava ca yā navatiśca saṃyanti skandhyā abhi /
itastāḥ sarvā naśyantu vākā apacitāmiva

6.26
ava mā pāpmantsṛja vaśī san mṛdayāsi naḥ /
ā mā bhadrasya loke pāpman dhehyavihrutam

yo naḥ pāpman na jahāsi tamu tvā jahimo vayam /
pathāmanu vyāvartane'nyaṃ pāpmānu padyatām

anyatrāsman nyucyatu sahasrākṣo amartyaḥ /
yaṃ dveṣāma tamṛcchatu yamu dviṣmastamijjahi

6.27
devāḥ kapota iṣito yadicchan dūto nirṛtyā idamājagāma /
tasmā arcāma kṛṇavāma niṣkṛtiṃ śaṃ no astu dvipade śaṃ catuṣpade

śivaḥ kapota iṣito no astvanāgā devāḥ śakuno gṛhaṃ naḥ /
agnirhi vipro juṣatāṃ havirnaḥ pari hetiḥ pakṣiṇī no vṛṇaktu

hetiḥ pakṣiṇī na dabhātyasmān āṣṭrī padaṃ kṛṇute agnidhāne /
śivo gobhya uta puruṣebhyo no astu mā no devā iha hiṃsītkapota

6.28
ṛcā kapotaṃ nudata praṇodamiṣaṃ madantaḥ pari gāṃ nayāmaḥ /
saṃlobhayanto duritā padāni hitvā na ūrjaṃ pra padātpathiṣṭhaḥ

parīme'gnimarṣata parīme gāmaneṣata /
deveṣvakrata śravaḥ ka imāmā dadharṣati

yaḥ prathamaḥ pravatamāsasāda bahubhyaḥ panthāmanupaspaśānaḥ /
yo'syeśe dvipado yaścatuṣpadastasmai yamāya namo astu mṛtyave

6.29
amūn hetiḥ patatriṇī nyetu yadulūko vadati moghametat/
yadvā kapota padamagnau kṛṇoti

yau te dūtau nirṛta idameto'prahitau prahitau vā gṛhaṃ naḥ /
kapotolūkābhyāmapadaṃ tadastu

avairahatyāyedamā papatyātsuvīratāyā idamā sasadyāt/
parāṅeva parā vada parācīmanu saṃvatam /
yathā yamasya tvā gṛhe'rasaṃ praticākaśān ābhūkaṃ praticākaśān

6.30
devā imaṃ madhunā saṃyutaṃ yavaṃ sarasvatyāmadhi maṇāvacarkṛṣuḥ /
indra āsītsīrapatiḥ śatakratuḥ kīnāśā āsan marutaḥ sudānavaḥ

yaste mado'vakeśo vikeśo yenābhihasyaṃ puruṣaṃ kṛṇoṣi /
ārāttvadanyā vanāni vṛkṣi tvaṃ śami śatavalśā vi roha

bṛhatpalāśe subhage varṣavṛddha ṛtāvari /
māteva putrebhyo mṛḍa keśebhyaḥ śami

6.31
āyaṃ gauḥ pṛśnirakramīdasadan mātaraṃ puraḥ /
pitaraṃ ca prayantsvaḥ

antaścarati rocanā asya prāṇādapānataḥ /
vyakhyan mahiṣaḥ svaḥ

triṃśaddhāmā vi rājati vākpataṅgo aśiśriyat/
prati vastorahardyubhiḥ

6.32
antardāve juhuta svetadyātudhānakṣayaṇaṃ ghṛtena /
ārādrakṣāṃsi prati daha tvamagne na no gṛhāṇāmupa tītapāsi

rudro vo grīvā aśaraitpiśācāḥ pṛṣṭīrvo'pi śṛṇātu yātudhānāḥ /
vīrudvo viśvatovīryā yamena samajīgamat

abhayaṃ mitrāvaruṇāvihāstu no'rciṣāttriṇo nudataṃ pratīcaḥ /
mā jñātāraṃ mā pratiṣṭhāṃ vidanta mitho vighnānā upa yantu mṛtyum

6.33
yasyedamā rajo yujastuje janā navaṃ svaḥ /
indrasya rantyaṃ bṛhat

nādhṛṣa ā dadhṛṣate dhṛṣāṇo dhṛṣitaḥ śavaḥ /
purā yathā vyathiḥ śrava indrasya nādhṛṣe śavaḥ

sa no dadātu tāṃ rayimuruṃ piśaṅgasaṃdṛśam /
indraḥ patistuviṣṭamo janeṣvā

6.34
prāgnaye vācamīraya vṛṣabhāya kṣitīnām /
sa naḥ parṣadati dviṣaḥ

yo rakṣāṃsi nijūrvatyagnistigmena śociṣā /
sa naḥ parṣadati dviṣaḥ

yaḥ parasyāḥ parāvatastiro dhanvātirocate /
sa naḥ parṣadati dviṣaḥ

yo viśvābhi vipaśyati bhuvanā saṃ ca paśyati /
sa naḥ parṣadati dviṣaḥ

yo asya pāre rajasaḥ śukro agnirajāyata /
sa naḥ parṣadati dviṣaḥ

6.35
vaiśvānaro na ūtaya ā pra yātu parāvataḥ /
agnirnaḥ suṣṭutīrupa

vaiśvānaro na āgamadimaṃ yajñaṃ sajūrupa /
agniruktheṣvaṃhasu

vaiśvānaro'ṅgirasāṃ stomamukthaṃ ca cākḷpat/
aiṣu dyumnaṃ svaryamat

6.36
ṛtāvānaṃ vaiśvānaramṛtasya jyotiṣaspatim /
ajasraṃ gharmamīmahe

sa viśvā prati cākḷpa ṛtūṃrutsṛjate vaśī /
yajñasya vaya uttiran

agniḥ pareṣu dhāmasu kāmo bhūtasya bhavyasya /
samrādeko vi rājati

6.37
upa prāgātsahasrākṣo yuktvā śapatho ratham /
śaptāramanvicchan mama vṛka ivāvimato gṛham

pari ṇo vṛṅgdhi śapatha hradamagnirivā dahan /
śaptāramatra no jahi divo vṛkṣamivāśaniḥ

yo naḥ śapādaśapataḥ śapato yaśca naḥ śapāt/
śune peṣṭramivāvakṣāmaṃ taṃ pratyasyāmi mṛtyave

6.38
siṃhe vyāghra uta yā pṛdākau tviṣiragnau brāhmaṇe sūrye yā /
indraṃ yā devī subhagā jajāna sā na aitu varcasā saṃvidānā

yā hastini dvīpini yā hiraṇye tviṣirapsu goṣu yā puruṣeṣu /
indraṃ yā devī subhagā jajāna sā na aitu varcasā saṃvidānā

rathe akṣeṣvṛṣabhasya vāje vāte parjanye varuṇasya śuṣme /
indraṃ yā devī subhagā jajāna sā na aitu varcasā saṃvidānā

rājanye dundubhāvāyatāyāmaśvasya vāje puruṣasya māyau /
indraṃ yā devī subhagā jajāna sā na aitu varcasā samvidānā

6.39
yaśo havirvardhatāmindrajūtaṃ sahasravīryaṃ subhṛtaṃ sahaskṛtam /
prasarsrāṇamanu dīrghāya cakṣase haviṣmantaṃ mā vardhaya jyeṣṭhatātaye

achā na indraṃ yaśasaṃ yaśobhiryaśasvinaṃ namasānā vidhema /
sa no rāsva rāṣṭramindrajūtaṃ tasya te rātau yaśasaḥ syāma

yaśā indro yaśā agniryaśāḥ somo ajāyata /
yaśā viśvasya bhūtasya ahamasmi yaśastamaḥ

6.40
abhayaṃ dyāvāpṛthivī ihāstu no'bhayaṃ somaḥ savitā naḥ kṛṇotu /
abhayaṃ no'stūrvantarikṣaṃ saptaṛṣīṇāṃ ca haviṣābhayaṃ no astu

asmai grāmāya pradiśaścatasra ūrjaṃ subhūtaṃ svasti savitā naḥ kṛṇotu /
aśatrvindro abhayaṃ naḥ kṛṇotvanyatra rājñāmabhi yātu manyuḥ

anamitraṃ no adharādanamitraṃ na uttarāt/
indrānamitraṃ naḥ paścādanamitraṃ puraskṛdhi

6.41
manase cetase dhiya ākūtaya uta cittaye /
matyai śrutāya cakṣase vidhema haviṣā vayam

apānāya vyānāya prāṇāya bhūridhāyase /
sarasvatyā uruvyace vidhema haviṣā vayam

mā no hāsiṣurṛṣayo daivyā ye tanūpā ye nastanvastanūjāḥ /
amartyā martyāmabhi naḥ sacadhvamāyurdhatta prataraṃ jīvase naḥ

6.42
ava jyāmiva dhanvano manyuṃ tanomi te hṛdaḥ /
yathā saṃmanasau bhūtvā sakhāyāviva sacāvahai

sakhāyāviva sacāvahā ava manyuṃ tanomi te /
adhaste aśmano manyumupāsyāmasi yo guruḥ

abhi tiṣṭhāmi te manyuṃ pārṣṇyā prapadena ca /
yathāvaśo na vādiṣo mama cittamupāyasi

6.43
ayaṃ darbho vimanyukaḥ svāya cāraṇāya ca /
manyorvimanyukasyāyaṃ manyuśamana ucyate

ayaṃ yo bhūrimūlaḥ samudramavatiṣṭhati /
darbhaḥ pṛthivyā utthito manyuśamana ucyate

vi te hanavyāṃ śaraṇiṃ vi te mukhyāṃ nayāmasi /
yathāvaśo na vādiṣo mama cittamupāyasi

6.44
asthāddyaurasthātpṛthivyasthādviśvamidaṃ jagat/
asthurvṛkṣā ūrdhvasvapnāstiṣṭhādrogo ayaṃ tava

śataṃ yā bheṣajāni te sahasraṃ saṃgatāni ca /
śreṣṭhamāsrāvabheṣajaṃ vasiṣṭhaṃ roganāśanam

rudrasya mūtramasyamṛtasya nābhiḥ /
viṣāṇakā nāma vā asi pitṝṇāṃ mūlādutthitā vātīkṛtanāśanī

6.45
paro'pehi manaspāpa kimaśastāni śaṃsasi /
parehi na tvā kāmaye vṛkṣāṃ vanāni saṃ cara gṛheṣu goṣu me manaḥ

avaśasā niḥśasā yatparāśasopārima jāgrato yatsvapantaḥ /
agnirviśvānyapa duṣkṛtānyajuṣṭānyāre asmaddadhātu

yadindra brahmaṇaspate'pi mṛṣā carāmasi /
pracetā na āṅgiraso duritātpātvaṃhasaḥ

6.46
yo na jīvo'si na mṛto devānāmamṛtagarbho'si svapna /
varuṇānī te mātā yamaḥ pitārarurnāmāsi

vidma te svapna janitraṃ devajāmīnāṃ putro'si yamasya karaṇaḥ /
antako'si mṛtyurasi taṃ tvā svapna tathā saṃ vidma sa naḥ svapna duṣvapnyātpāhi

yathā kalāṃ yathā śaphaṃ yatharṇaṃ saṃnayanti /
evā duṣvapnyaṃ sarvaṃ dviṣate saṃ nayāmasi

6.47
agniḥ prātaḥsavane pātvasmān vaiśvānaro viśvakṛdviśvaśaṃbhūḥ /
sa naḥ pāvako draviṇe dadhātvāyuṣmantaḥ sahabhakṣāḥ syāma

viśve devā maruta indro asmān asmin dvitīye savane na jahyuḥ /
āyuṣmantaḥ priyameṣāṃ vadanto vayaṃ devānāṃ sumatau syāma

idaṃ tṛtīyaṃ savanaṃ kavīnāmṛtena ye camasamairayanta /
te saudhanvanāḥ svarānaśānāḥ sviṣṭiṃ no abhi vasyo nayantu

6.48
śyeno'si gāyatracchandā anu tvā rabhe /
svasti mā saṃ vahāsya yajñasyodṛci svāhā

ṛbhurasi jagacchandā anu tvā rabhe /
svasti mā saṃ vahāsya yajñasyodṛci svāhā

vṛṣāsi triṣṭupchandā anu tvā rabhe /
svasti mā saṃ vahāsya yajñasyodṛci svāhā

6.49
nahi te agne tanvaḥ krūramānaṃśa martyaḥ /
kapirbabhasti tejanaṃ svaṃ jarāyu gauriva

meṣa iva vai saṃ ca vi corvacyase yaduttaradrāvuparaśca khādataḥ /
śīrṣṇā śiro'psasāpso ardayann aṃśūn babhasti haritebhirāsabhiḥ

suparṇā vācamakratopa dyavyākhare kṛṣṇā iṣirā anartiṣuḥ /
ni yan niyanti uparasya niṣkṛtiṃ purū reto dadhire sūryaśritaḥ

6.50
hataṃ tardaṃ samaṅkamākhumaśvinā chintaṃ śiro api pṛṣṭīḥ śṛṇītam /
yavān nedadān api nahyataṃ mukhamathābhayaṃ kṛṇutaṃ dhānyāya

tarda hai pataṅga hai jabhya hā upakvasa /
brahmevāsaṃsthitaṃ haviranadanta imān yavān ahiṃsanto apodita

tardāpate vaghāpate tṛṣṭajambhā ā śṛṇota me /
ya āraṇyā vyadvarā ye ke ca stha vyadvarāstāntsarvān jambhayāmasi

6.51
vāyoḥ pūtaḥ pavitreṇa pratyaṅsomo ati drutaḥ /
indrasya yujaḥ sakhā

āpo asmān mātaraḥ sūdayantu ghṛtena no ghṛtapvaḥ punantu /
viśvaṃ hi ripraṃ pravahanti devīrudidābhyaḥ śucirā pūta emi

yatkiṃ cedaṃ varuṇa daivye jane'bhidrohaṃ manuṣyāścaranti /
acittyā cettava dharma yuyopima mā nastasmādenaso deva rīriṣaḥ

6.52
utsūryo diva eti puro rakṣāṃsi nijūrvan /
ādityaḥ parvatebhyo viśvadṛṣṭo adṛṣṭahā

ni gāvo goṣṭhe asadan ni mṛgāso avikṣata /
nyūrmayo nadīnaṃ nyadṛṣṭā alipsata

āyurdadaṃ vipaścitaṃ śrutāṃ kaṇvasya vīrudham /
ābhāriṣaṃ viśvabheṣajīmasyādṛṣṭān ni śamayat

6.53
dyauśca ma idaṃ pṛthivī ca pracetasau śukro bṛhan dakṣiṇayā pipartu /
anu svadhā cikitāṃ somo agnirvāyurnaḥ pātu savitā bhagaśca

punaḥ prāṇaḥ punarātmā na aitu punaścakṣuḥ punarasurna aitu /
vaiśvānaro no adabdhastanūpā antastiṣṭhāti duritāni viśvā

saṃ varcasā payasā saṃ tanūbhiraganmahi manasā saṃ śivena /
tvaṣṭā no atra varīyaḥ kṛṇotvanu no mārṣṭu tanvo yadviriṣṭam

6.54
idaṃ tadyuja uttaramindraṃ śumbhāmyaṣṭaye /
asya kṣatraṃ śriyaṃ mahīṃ vṛṣṭiriva vardhayā tṛṇam

asmai kṣatramagnīṣomāvasmai dhārayataṃ rayim /
imaṃ rāṣṭrasyābhīvarge kṛṇutaṃ yuja uttaram

sabandhuścāsabandhuśca yo asmām̐ abhidāsati /
sarvaṃ taṃ randhayāsi me yajamānāya sunvate

6.55
ye panthāno bahavo devayānā antarā dyāvāpṛthivī saṃcaranti /
teṣāmajyāniṃ yatamo vahāti tasmai mā devāḥ pari datteha sarve

grīṣmo hemantaḥ śiśiro vasantaḥ śaradvarṣāḥ svite no dadhāta /
ā no goṣu bhajatā prajāyāṃ nivāta idvaḥ śaraṇe syāma

idāvatsarāya parivatsarāya saṃvatsarāya kṛṇutā bṛhan namaḥ /
teṣāṃ vayaṃ sumatau yajñiyānāmapi bhadre sau manase syāma

6.56
mā no devā ahirvadhītsatokāntsahapuruṣān /
samyataṃ na vi ṣparadvyāttaṃ na saṃ yaman namo devajanebhyaḥ /
namo'stvasitāya namastiraścirājaye /
svajāya babhrave namo namo devajanebhyaḥ

saṃ te hanmi datā dataḥ samu te hanvā hanū /
saṃ te jihvayā jihvāṃ saṃ vāsnāha āsyam

6.57
idamidvā u bheṣajamidaṃ rudrasya bheṣajam /
yeneṣumekatejanāṃ śataśalyāmapabravat

jālāṣeṇābhi ṣiñcata jālāṣeṇopa siñcata /
jālāṣamugraṃ bheṣajaṃ tena no mṛḍa jīvase

śaṃ ca no mayaśca no mā ca naḥ kiṃ canāmamat/
kṣamā rapo viśvaṃ no astu bheṣajaṃ sarvaṃ no astu bheṣajam

6.58
yaśasaṃ mendro maghavān kṛṇotu yaśasaṃ dyāvāpṛthivī ubhe ime /
yaśasaṃ mā devaḥ savitā kṛṇotu priyo dāturdakṣiṇāyā iha syām

yathendro dyāvāpṛthivyoryaśasvān yathāpa oṣadhīṣu yaśasvatīḥ /
evā viśveṣu deveṣu vayaṃ sarveṣu yaśasaḥ syāma

yaśā indro yaśā agniryaśāḥ somo ajāyata /
yaśā viśvasya bhūtasyāhamasmi yaśastamaḥ

6.59
anaḍudbhyastvaṃ prathamaṃ dhenubhyastvamarundhati /
adhenave vayase śarma yaccha catuṣpade

śarma yacchatvoṣadhiḥ saha devīrarundhatī /
karatpayasvantaṃ goṣṭhamayakṣmāmuta pūruṣān

viśvarūpāṃ subhagāmachāvadāmi jīvalām /
sā no rudrasyāstāṃ hetiṃ dūraṃ nayatu gobhyaḥ

6.6
ayamā yātyaryamā purastādviṣitastupaḥ /
asyā icchann agruvai patimuta jāyāmajānaye

aśramadiyamaryamann anyāsāṃ samanaṃ yatī /
aṅgo nvaryamann asyā anyāḥ samanamāyati

dhātā dādhāra pṛthivīṃ dhātā dyāmuta sūryam /
dhātāsyā agruvai patiṃ dadhātu pratikāmyam

6.61
mahyamāpo madhumaderayantāṃ mahyaṃ sūro abharajjyotiṣe kam /
mahyaṃ devā uta viśve tapojā mahyaṃ devaḥ savitā vyaco dhāt

ahaṃ viveca pṛthivīmuta dyāmahamṛtūṃrajanayaṃ sapta sākam /
ahaṃ satyamanṛtaṃ yadvadāmyahaṃ daivīṃ pari vācaṃ viśaśca

ahaṃ jajāna pṛthivīmuta dyāmahamṛtūṃrajanayaṃ sapta sindhūn /
ahaṃ satvamanṛtaṃ yadvadāmi yo agnīṣomāvajuṣe sakhāyā

6.62
vaiśvānaro raśmibhirnaḥ punātu vātaḥ prāṇeneṣiro nabhobhiḥ /
dyāvāpṛthivī payasā payasvatī ṛtāvarī yajñiye na punītām

vaiśvānarīṃ sūnṛtāmā rabhadhvaṃ yasyā āśāstanvo vītapṛṣṭhāḥ /
tayā gṛṇantaḥ sadhamādeṣu vayaṃ syāma patayo rayīnām

vaiśvānarīṃ varcasa ā rabhadhvaṃ śuddhā bhavantaḥ śucayaḥ pāvakāḥ /
iheḍayā sadhamādaṃ madanto jyokpaśyema sūryamuccarantam

6.63
yatte devī nirṛtirābabandha dāma grīvāsvavimokyaṃ yat/
tatte vi ṣyāmyāyuṣe varcase balāyādomadamannamaddhi prasūtaḥ

namo'stu te nirṛte tigmatejo'yasmayān vi cṛtā bandhapāśān /
yamo mahyaṃ punarittvāṃ dadāti tasmai yamāya namo astu mṛtyave

ayasmaye drupade bedhiṣa ihābhihito mṛtyubhirye sahasram /
yamena tvaṃ pitṛbhiḥ saṃvidāna uttamaṃ nākamadhi rohayemam

saṃsamidyuvase vṛṣann agne viśvānyarya ā /
iḍaspade samidhyase sa no vasūnyā bhara

6.64
saṃ jānīdhvaṃ saṃ pṛcyadhvaṃ saṃ vo manāṃsi jānatām /
devā bhāgaṃ yathā pūrve saṃjānānā upāsate

samāno mantraḥ samitiḥ samānī samānaṃ vrataṃ saha cittameṣām /
samānena vo haviṣā juhomi samānaṃ ceto abhisaṃviśadhvam

samānī va ākūtiḥ samānā hṛdayāni vaḥ /
samānamastu vo manaḥ yathā vaḥ susahāsati

6.65
ava manyuravāyatāva bāhū manoyujā /
parāśara tvaṃ teṣāṃ parāñcaṃ śuṣmamardayādhā no rayimā kṛdhi

nirhastebhyo nairhastaṃ yaṃ devāḥ śarumasyatha /
vṛścāmi śatrūṇāṃ bāhūn anena haviṣā'ham

indraścakāra prathamaṃ nairhastamasurebhyaḥ /
jayantu satvāno mama sthireṇendreṇa medinā

6.66
nirhastaḥ śatrurabhidāsann astu ye senābhiryudhamāyantyasmān /
samarpayendra mahatā vadhena drātveṣāmaghahāro vividdhaḥ

ātanvānā āyacchanto'syanto ye ca dhāvatha /
nirhastāḥ śatravaḥ sthanendro vo'dya parāśarīt

nirhastāḥ santu śatravo'ṅgaiṣāṃ mlāpayāmasi /
athaiṣāmindra vedāṃsi śataśo vi bhajāmahai

6.67
pari vartmāni sarvata indraḥ pūṣā ca sasratuḥ /
muhyantvadyāmūḥ senā amitrāṇāṃ parastarām

mūḍhā amitrāścaratāśīrṣāṇa ivāhayaḥ /
teṣāṃ vo agnimūḍhānāmindro hantu varaṃvaram

aiṣu nahya vṛṣājinaṃ hariṇasya bhiyaṃ kṛdhi /
parāṅamitra eṣatvarvācī gaurupeṣatu

6.68
āyamagantsavitā kṣureṇoṣṇena vāya udakenehi /
ādityā rudrā vasava undantu sacetasaḥ somasya rājño vapata pracetasaḥ

aditiḥ śmaśru vapatvāpa undantu varcasā /
cikitsatu prajāpatirdīrghāyutvāya cakṣase

yenāvapatsavitā kṣureṇa somasya rājño varuṇasya vidvān /
tena brahmāṇo vapatedamasya gomān aśvavān ayamastu prajāvān

6.69
girāvaragarāṭeṣu hiranye goṣu yadyaśaḥ /
surāyāṃ sicyamānāyāṃ kīlāle madhu tan mayi

aśvinā sāragheṇa mā madhunāṅktaṃ śubhaspatī /
yathā bhargasvatīṃ vācamāvadāni janāmanu

mayi varco atho yaśo'tho yajñasya yatpayaḥ /
tan mayi prajāpatirdivi dyāmiva dṛṃhatu

6.70
yathā māṃsaṃ yathā surā yathākṣā adhidevane /
yathā puṃso vṛṣaṇyata striyāṃ nihanyate manaḥ /
evā te aghnye mano'dhi vatse ni hanyatām

yathā hastī hastinyāḥ padena padamudyuje /
yathā puṃso vṛṣaṇyata striyāṃ nihanyate manaḥ /
evā te aghnye mano'dhi vatse ni hanyatām

yathā pradhiryathopadhiryathā nabhyaṃ pradhāvadhi /
yathā puṃso vṛṣaṇyata striyāṃ nihanyate manaḥ /
evā te aghnye mano'dhi vatse ni hanyatām

6.71
yadannamadmi bahudhā virūpaṃ hiraṇyamaśvamuta gāmajāmavim /
yadeva kiṃ ca pratijagrahāhamagniṣṭaddhotā suhutaṃ kṛnotu

yan mā hutamahutamājagāma dattaṃ pitṛbhiranumataṃ manuṣyaiḥ /
yasmān me mana udiva rārajītyagniṣṭaddhotā suhutaṃ kṛṇotu

yadannamadmyanṛtena devā dāsyann adāsyann uta saṃgṛṇāmi /
vaiśvānarasya mahato mahimnā śivaṃ mahyaṃ madhumadastvannam

6.72
yathāsitaḥ prathayate vaśāmanu vapūṃṣi kṛṇvann asurasya māyayā /
evā te śepaḥ sahasāyamarko'ṅgenāṅgaṃ saṃsamakaṃ kṛṇotu

yathā pasastāyādaraṃ vātena sthūlabhaṃ kṛtam /
yāvatparasvataḥ pasastāvatte vardhatāṃ pasaḥ

yāvadaṅgīnaṃ pārasvataṃ hāstinaṃ gārdabhaṃ ca yat/
yāvadaśvasya vājinastāvatte vardhatāṃ pasaḥ

6.73
eha yātu varuṇaḥ somo agnirbṛhaspatirvasubhireha yātu /
asya śriyamupasaṃyāta sarva ugrasya cettuḥ saṃmanasaḥ sajātāḥ

yo vaḥ śuṣmo hṛdayeṣvantarākūtiryā vo manasi praviṣṭā /
tāntsīvayāmi haviṣā ghṛtena mayi sajātā ramatirvo astu

ihaiva sta māpa yātādhyasmatpūṣā parastādapathaṃ vaḥ kṛṇotu /
vāstoṣpatiranu vo johavītu mayi sajātā ramatiḥ vo astu

6.74
saṃ vaḥ pṛcyantāṃ tanvaḥ saṃ manāṃsi samu vratā /
saṃ vo'yaṃ brahmaṇaspatirbhagaḥ saṃ vo ajīgamat

saṃjñapanaṃ vo manaso'tho saṃjñapanaṃ hṛdaḥ /
atho bhagasya yacchrāntaṃ tena saṃjñapayāmi vaḥ

yathādityā vasubhiḥ sambabhūvurmarudbhirugrā ahṛṇīyamānāḥ /
evā triṇāmann ahṛṇīyamāna imān janāntsaṃmanasaskṛdhīha

6.75
niramuṃ nuda okasaḥ sapatno yaḥ pṛtanyati /
nairbādhyena haviṣendra enaṃ parāśarīt

paramāṃ taṃ parāvatamindro nudatu vṛtrahā /
yato na punarāyati śaśvatībhyaḥ samābhyaḥ

etu tisraḥ parāvata etu pañca janāmati /
etu tisro'ti rocanā yato na punarāyati /
śaśvatībhyaḥ samābhyo yāvatsūryo asaddivi

6.76
ya enaṃ pariṣīdanti samādadhati cakṣase /
saṃpreddho agnirjihvābhirudetu hṛdayādadhi

agneḥ sāmtapanasyāhamāyuṣe padamā rabhe /
addhātiryasya paśyati dhūmamudyantamāsyataḥ

yo asya samidhaṃ veda kṣatriyeṇa samāhitām /
nābhihvāre padaṃ ni dadhāti sa mṛtyave

nainaṃ ghnanti paryāyiṇo na sannāmava gacchati /
agneryaḥ kṣatriyo vidvān nāma gṛhnāti āyuṣe

6.77
asthāddyaurasthātpṛthivyasthādviśvamidaṃ jagat/
āsthāne parvatā asthu sthāmnyaśvāmatiṣṭhipam

ya udānatparāyaṇaṃ ya udānaṇnyāyanam /
āvartanaṃ nivartanaṃ yo gopā api taṃ huve

jātavedo ni vartaya śataṃ te santvāvṛtaḥ /
sahasraṃ ta upāvṛtastābhirnaḥ punarā kṛdhi

6.78
tena bhūtena haviṣāyamā pyāyatāṃ punaḥ /
jāyāṃ yāmasmā āvākṣustāṃ rasenābhi vardhatām

abhi vardhatāṃ payasābhi rāṣṭreṇa vardhatām /
rayyā sahasravarcasemau stāmanupakṣitau

tvaṣṭā jāyāmajanayattvaṣṭāsyai tvāṃ patim /
tvaṣṭā sahasramāyuṃṣi dīrghamāyuḥ kṛṇotu vām

6.79
ayaṃ no nabhasaspatiḥ saṃsphāno abhi rakṣatu /
asamātiṃ gṛheṣu naḥ

tvaṃ no nabhasaspate ūrjaṃ gṛhesu dhāraya /
ā puṣṭametvā vasu

deva saṃsphāna sahasrāpoṣasyeśiṣe /
tasya no rāsva tasya no dhehi tasya te bhaktivāmsaḥ syāma

6.80
antarikṣeṇa patati viśvā bhūtāvacākaśat/
śuno divyasya yan mahastenā te haviṣā vidhema

ye trayaḥ kālakāñjā divi devā iva śritāḥ /
tāntsarvān ahva ūtaye'smā ariṣṭatātaye

apsu te janma divi te sadhasthaṃ samudre antarmahimā te pṛthivyām /
śuno divyasya yan mahastenā te haviṣā vidhema

6.81
yantāsi yacchase hastāvapa rakṣāṃsi sedhasi /
prajāṃ dhanaṃ ca gṛhṇānaḥ parihasto abhūdayam

parihasta vi dhāraya yoniṃ garbhāya dhātave /
maryāde putramā dhehi taṃ tvamā gamayāgame

yaṃ parihastamabibharaditiḥ putrakāmyā /
tvaṣṭā tamasyā ā badhnādyathā putraṃ janād

6.82
āgacchata āgatasya nāma gṛhṇāmyāyataḥ /
indrasya vṛtraghno vanve vāsavasya śatakratoḥ

yena sūryāṃ sāvitrīmaśvinohatuḥ pathā /
tena māmabravīdbhago jāyāmā vahatāditi

yaste'ṅkuśo vasudāno bṛhann indra hiraṇyayaḥ /
tenā janiyate jāyāṃ mahyaṃ dhehi śacīpate

6.83
apacitaḥ pra patata suparṇo vasateriva /
sūryaḥ kṛṇotu bheṣajaṃ candramā vo'pocchatu

enyekā śyenyekā kṛṣṇaikā rohiṇī dve /
sarvāsāmagrabhaṃ nāmāvīraghnīrapetana

asūtikā rāmāyaṇyapacitpra patiṣyati /
glauritaḥ pra patiṣyati sa galunto naśiṣyati

vīhi svāmāhutiṃ juṣāno manasā svāhā manasā yadidaṃ juhomi

6.84
yasyāsta āsani ghore juhomyeṣāṃ baddhānāmavasarjanāya kam /
bhūmiriti tvābhipramanvate janā nirṛtiriti tvāhaṃ pari veda sarvataḥ

bhūte haviṣmatī bhavaiṣa te bhāgo yo asmāsu /
muñcemān amūn enasaḥ svāhā

evo ṣvasman nirṛte'nehā tvamayasmayān vi cṛtā bandhapāśān /
yamo mahyaṃ punarittvāṃ dadāti tasmai yamāya namo astu mṛtyave

ayasmaye drupade bedhiṣa ihābhihito mṛtyubhirye sahasram /
yamena tvaṃ pitṛbhiḥ saṃvidāna uttamaṃ nākamadhi rohayemam

6.85
varaṇo vārayātā ayaṃ devo vanaspatiḥ /
yakṣmo yo asminn āviṣṭastamu devā avīvaran

indrasya vacasā vayaṃ mitrasya varuṇasya ca /
devānāṃ sarveṣāṃ vācā yakṣmaṃ te vārayāmahe

yathā vṛtra imā āpastastambha viśvadhā yatīḥ /
evā te agninā yakṣmaṃ vaiśvānareṇa vāraye

6.86
vṛṣendrasya vṛṣā divo vṛsā pṛthivyā ayam /
vṛṣā viśvasya bhūtasya tvamekavṛṣo bhava

samudra īśe sravatāmagniḥ pṛthivyā vaśī /
candramā nakṣatrāṇāmīśe tvamekavṛṣo bhava

samrāḍasyasurāṇāṃ kakun manuṣyānām /
devānāmardhabhāgasi tvamekavṛṣo bhava

6.87
ā tvāhārṣamantarabhūrdhruvastiṣṭhāvicācalat/
viśastvā sarvā vāñchantu mā tvadrāṣṭramadhi bhraśat

ihaivaidhi māpa cyoṣṭhāḥ parvata ivāvicācalat/
indra iveha dhruvastiṣṭheha rāṣṭramu dhāraya

indra etamadīdharatdhruvaṃ dhruveṇa haviṣā /
tasmai somo adhi bravadayaṃ ca brahmaṇaspatiḥ

6.88
dhruvā dyaurdhruvā pṛthivī dhruvaṃ viśvamidaṃ jagat/
dhruvāsaḥ parvatā ime dhruvo rājā viśāmayam

dhruvaṃ te rājā varuṇo dhruvaṃ devo bṛhaspatiḥ /
dhruvaṃ ta indraścāgniśca rāṣṭraṃ dhārayatāṃ dhruvam

dhruvo'cyutaḥ pra mṛṇīhi śatrūn chatrūyato'dharān pādayasva /
sarvā diśaḥ saṃmanasaḥ sadhrīcīrdhruvāya te samitiḥ kalpatāmiha

6.89
idaṃ yatpreṇyaḥ śiro dattaṃ somena vṛṣṇyam /
tataḥ pari prajātena hārdiṃ te śocayāmasi

śocayāmasi te hārdiṃ śocayāmasi te manaḥ /
vātaṃ dhūma iva sadhryaṅmāmevānvetu ye manaḥ

mahyaṃ tvā mitrāvaruṇau mahyaṃ devī sarasvatī /
mahyaṃ tvā madhyaṃ bhūmyā ubhāvantau samasyatām

6.9
yāṃ te rudra iṣumāsyadaṅgebhyo hṛdayāya ca /
idaṃ tāmadya tvadvayaṃ viṣūcīṃ vi vṛhāmasi

yāste śataṃ dhamanayo'ṅgānyanu viṣṭhitāḥ /
tāsāṃ te sarvāsāṃ vayaṃ nirviṣāṇi hvayāmasi

namaste rudrāsyate namaḥ pratihitāyai /
namo visṛjyamānāyai namo nipatitāyai

6.91
imaṃ yavamaṣṭāyogaiḥ ṣadyogebhiracarkṛṣuḥ /
tenā te tanvo rapo'pācīnamapa vyaye

nyagvāto vāti nyaktapati sūryaḥ /
nīcīnamaghnyā duhe nyagbhavatu te rapaḥ

āpa idvā u bheṣajīrāpo amīvacātanīḥ /
āpo viśvasya bheṣajīstāste kṛṇvantu bheṣajam

6.92
vātaraṃhā bhava vājin yujamāna indrasya yāhi prasave manojavāḥ /
yuñjantu tvā maruto viśvavedasa ā te tvastā patsu javaṃ dadhātu

javaste arvan nihito guhā yaḥ śyene vāte uta yo'caratparīttaḥ /
tena tvaṃ vājin balavān balenājiṃ jaya samane parayiṣṇuḥ

tanūṣṭe vājin tanvaṃ nayantī vāmamasmabhyaṃ dhāvatu śarma tubhyam /
ahruto maho dharuṇāya devo divīva jyotiḥ svamā mimīyāt

6.93
yamo mṛtyuraghamāro nirṛtho babhruḥ śarvo'stā nīlaśikhaṇḍaḥ /
devajanāḥ senayottasthivāṃsaste asmākaṃ pari vṛñjantu vīrān

manasā homairharasā ghṛtena śarvāyāstra uta rājñe bhavāya /
namasyebhyo nama ebhyaḥ kṛṇomyanyatrāsmadaghaviṣā nayantu

trāyadhvaṃ no aghaviṣābhyo vadhādviśve devā maruto viśvavedasaḥ /
agnīṣomā varuṇaḥ pūtadakṣā vātāparjanyayoḥ sumatau syāma

6.94
saṃ vo manāṃsi saṃ vratā samākūtīrnamāmasi /
amī ye vivratā sthana tān vaḥ saṃ namayāmasi

ahaṃ gṛbhṇāmi manasā manāṃsi mama cittamanu cittebhireta /
mama vaśeṣu hṛdayāni vaḥ kṛṇomi mama yātamanuvartmāna eta

ote me dyāvāpṛthivī otā devī sarasvatī /
otau ma indraścāgniśca rdhyāsmedaṃ sarasvati

6.95
aśvattho devasadanastṛtīyasyāmito divi /
tatrāmṛtasya cakṣaṇaṃ devāḥ kuṣṭhamavanvata

hiraṇyayī nauracaraddhiraṇyabandhanā divi /
tatrāmṛtasya puṣpaṃ devāḥ kuṣṭhamavanvata

garbho asyoṣadhīnāṃ garbho himavatāmuta /
garbho viśvasya bhūtasyemaṃ me agadaṃ kṛdhi

6.96
yā oṣadhayaḥ somarājñīrbahvīḥ śatavicakṣaṇāḥ /
bṛhaspatiprasūtāstā no muñcantvaṃhasaḥ

muñcantu mā śapathyādatho varuṇyāduta /
atho yamasya paḍvīśādviśvasmāddevakilbiṣāt

yaccakṣuṣā manasā yacca vācopārima jāgrato yatsvapantaḥ /
somastāni svadhayā naḥ punātu

6.97
abhibhūryajño abhibhūragnirabhibhūḥ somo abhibhūrindraḥ /
abhyahaṃ viśvāḥ pṛtanā yathāsānyevā vidhemāgnihotrā idaṃ haviḥ

svadhāstu mitrāvaruṇā vipaścitā prajāvatkṣatraṃ madhuneha pinvatam /
bādhethāṃ dūraṃ nirṛtiṃ parācaiḥ kṛtaṃ cidenaḥ pra mumuktamasmat

imaṃ vīramanu harṣadhvamugramindraṃ sakhāyo anu saṃ rabhadhvam /
grāmajitaṃ gojitaṃ vajrabāhuṃ jayantamajma pramṛṇantamojasā

6.98
indro jayāti na parā jayātā adhirājo rājasu rājayātai /
carkṛtya īḍyo vandyaścopasadyo namasyśbhaveha

tvamindrādhirājaḥ śravasyustvaṃ bhūrabhibhūtirjanānām /
tvaṃ daivīrviśa imā vi rājāyuṣmatkṣatramajaraṃ te astu

prācyā diśastvamindrāsi rājotodīcyā diśo vṛtrahan chatruho'si /
yatra yanti srotyāstajjitaṃ te dakṣiṇato vṛṣabha eṣi havyaḥ

6.99
abhi tvendra varimataḥ purā tvāṃhūraṇāddhuve /
hvayāmyugraṃ cettāraṃ puruṇāmānamekajam

yo adya senyo vadho jighāṃsan na udīrate /
indrasya tatra bāhū samantaṃ pari dadmaḥ

pari dadma indrasya bāhū samantaṃ trātustrāyatāṃ naḥ /
deva savitaḥ soma rājantsumanasaṃ mā kṛṇu svastaye

6.100
devā aduḥ sūryo dyauradātpṛthivyadāt/
tisraḥ sarasvatiraduḥ sacittā viṣadūṣaṇam

yadvo devā upajīkā āsiñcan dhanvanyudakam /
tena devaprasūtenedaṃ dūṣayatā viṣam

asurāṇāṃ duhitāsi sā devānāmasi svasā /
divaspṛthivyāḥ saṃbhūtā sā cakarthārasaṃ viṣam

6.101
ā vṛṣāyasva śvasihi vardhasva prathayasva ca /
yathāṅgaṃ vardhatāṃ śepastena yoṣitamijjahi

yena kṛṣaṃ vājayanti yena hinvantyāturam /
tenāsya brahmaṇaspate dhanurivā tānayā pasaḥ

āhaṃ tanomi te paso adhi jyāmiva dhanvani /
kramasva ṛṣa iva rohitamanavaglāyatā sadā

6.102
yathāyaṃ vāho aśvinā samaiti saṃ ca vartate /
evā māmabhi te manaḥ samaitu saṃ ca vartatām

āhaṃ khidāmi te mano rājāśvaḥ pṛṣṭyāmiva /
reṣmachinnaṃ yathā tṛṇaṃ mayi te veṣṭatāṃ manaḥ

āñjanasya madughasya kuṣṭhasya naladasya ca /
turo bhagasya hastābhyāmanurodhanamudbhare

6.103
saṃdānaṃ vo bṛhaspatiḥ saṃdānaṃ savitā karat/
saṃdānaṃ mitro aryamā saṃdānaṃ bhago aśvinā

saṃ paramāntsamavamān atho saṃ dyāmi madhyamān /
indrastān paryahārdāmnā tān agne saṃ dyā tvam

amī ye yudhamāyanti ketūn kṛtvānīkaśaḥ /
indrastān paryahārdāmna tān agne saṃ dyā tvam

6.104
ādānena saṃdānenāmitrān ā dyāmasi /
apānā ye caiṣāṃ prāṇā asunāsūntsamachidan

idamādānamakaraṃ tapasendreṇa saṃśitam /
amitrā ye'tra naḥ santi tān agna ā dyā tvam

ainān dyatāmindrāgnī somo rājā ca medinau /
indro marutvān ādānamamitrebhyaḥ kṛṇotu naḥ

6.105
yathā mano manasketaiḥ parāpatatyāśumat/
evā tvaṃ kāse pra pata manaso'nu pravāyyam

yathā bāṇaḥ susaṃśitaḥ parāpatatyāśumat/
evā tvaṃ kāse pra pata pṛthivyā anu saṃvatam

yathā sūryasya raśmayaḥ parāpatantyāśumat/
evā tvaṃ kāse pra pata samudrasyānu vikṣaram

6.106
āyane te parāyaṇe dūrvā rohantu puṣpiṇīḥ /
utso vā tatra jāyatāṃ hrado vā puṇḍarīkavān

apāmidaṃ nyayanaṃ samudrasya niveśanam /
madhye hradasya no gṛhāḥ parācīnā mukhā kṛdhi

himasya tvā jarāyuṇā śāle pari vyayāmasi /
śītahradā hi no bhuvo'gniṣkṛṇotu bheṣajam

6.107
viśvajittrāyamāṇāyai mā pari dehi /
trāyamāṇe dvipācca sarvaṃ no rakṣa catuṣpāḍyacca naḥ svam

trāyamāṇe viśvajite mā pari dehi /
viśvajiddvipācca sarvaṃ no rakṣa catuṣpāḍyacca naḥ svam

viśvajitkalyāṇyai mā pari dehi /
kalyāṇi dvipācca sarvaṃ no rakṣa catuṣpāḍyacca naḥ svam

kalyāṇi sarvavide mā pari dehi /
sarvaviddvipācca sarvaṃ no rakṣa catuṣpāḍyacca naḥ svam

6.108
tvaṃ no medhe prathamā gobhiraśvebhirā gahi /
tvaṃ sūryasya raśmibhistvaṃ no asi yajñiyā

medhāmahaṃ prathamāṃ brahmaṇvatīṃ brahmajūtāmṛṣiṣṭutām /
prapītāṃ brahmacāribhirdevānāmavase huve

yāṃ medhāmṛbhavo viduryāṃ medhāmasurā viduḥ /
ṛṣayo bhadrāṃ medhāṃ yāṃ vidustāṃ mayyā veśayāmasi

yāmṛṣayo bhūtakṛto medhāṃ medhāvino viduḥ /
tayā māmadya medhayāgne medhāvinaṃ kṛṇu

medhāṃ sāyaṃ medhāṃ prātarmedhāṃ madhyandinaṃ pari /
medhāṃ sūryasya raśmibhirvacasā veśayāmahe

6.109
pippalī kṣiptabheṣajyutātividdhabheṣajī /
tāṃ devāḥ samakalpayann iyaṃ jīvitavā alam

pippalyaḥ samavadantāyatīrjananādadhi /
yaṃ jīvamaśnavāmahai na sa riṣyāti pūruṣaḥ

asurāstvā nyakhanan devāstvodavapan punaḥ /
vātīkṛtasya bheṣajīmatho kṣiptasya bheṣajīm

6.110
pratno hi kamīḍyo adhvareṣu sanācca hotā navyaśca satsi /
svāṃ cāgne tanvaṃ piprāyasvāsmabhyaṃ ca saubhagamā yajasva

jyeṣṭhaghnyāṃ jāto vicṛtoryamasya mūlabarhaṇātpari pāhyenam /
atyenaṃ neṣadduritāni viśvā dīrghāyutvāya śataśāradāya

vyāghre'hnyajaniṣṭa vīro nakṣatrajā jāyamānaḥ suvīraḥ /
sa mā vadhītpitaraṃ vardhamāno mā mātaraṃ pra minījjanitrīm

6.111
imaṃ me agne puruṣaṃ mumugdhyayaṃ yo baddhaḥ suyato lālapīti /
ato'dhi te kṛṇavadbhāgadheyaṃ yadānunmadito'sati

agniṣṭe ni śamayatu yadi te mana udyutam /
kṛṇomi vidvān bheṣajaṃ yathānunmadito'sasi

devainasādunmaditamunmattaṃ rakṣasaspari /
kṛṇomi vidvān bheṣajaṃ yadānunmadito'sati

punastvā durapsarasaḥ punarindraḥ punarbhagaḥ /
punastvā durviśve devā yathānunmadito'sasi

6.112
mā jyeṣṭhaṃ vadhīdayamagna eṣāṃ mūlabarhaṇātpari pāhyenam /
sa grāhyāḥ pāśān vi cṛta prajānan tubhyaṃ devā anu jānantu viśve

un muñca pāśāṃstvamagna eṣāṃ trayastribhirutsitā yebhirāsan /
sa grāhyāḥ pāśān vi cṛta prajānan pitāputrau mātaraṃ muñca sarvān

yebhiḥ pāśaiḥ parivitto vibaddho'ṅgeaṅga ārpita utsitaśca /
vi te mucyantaṃ vimuco hi santi bhrūṇaghni pūṣan duritāni mṛkṣva

6.113
trite devā amṛjataitadenastrita enan manuṣyeṣu mamṛje /
tato yadi tvā grāhirānaśe tāṃ te devā brahmaṇā nāśayantu

marīcīrdhūmān pra viśānu pāpmann udārān gachota vā nīhārān /
nadīnaṃ phenāmanu tān vi naśya bhrūṇaghni pūṣan duritāni mṛkṣva

dvādaśadhā nihitaṃ tritasyāpamṛṣṭaṃ manuṣyainasāni /
tato yadi tvā grāhirānaśe tāṃ te devā brahmaṇā nāśayantu

6.114
yaddevā devaheḍanaṃ devāsaścakṛma vayam /
ādityāstasmān no yuyamṛtasya ṛtena muñcata

ṛtasya ṛtenādityā yajatrā muñcateha naḥ /
yajñaṃ yadyajñavāhasaḥ śikṣanto nopaśekima

medasvatā yajamānāḥ srucājyāni juhvataḥ /
akāmā viśve vo devāḥ śikṣanto nopa śekima

6.115
yadvidvāṃso yadavidvāṃsa enāṃsi cakṛmā vayam /
yūyaṃ nastasmān muñcata viśve devāḥ sajoṣasaḥ

yadi jāgradyadi svapann ena enasyo'karam /
bhūtaṃ mā tasmādbhavyaṃ ca drupadādiva muñcatām

drupadādiva mumucānaḥ svinnaḥ snātvā malādiva /
pūtaṃ pavitreṇevājyaṃ viśve śumbhantu mainasaḥ

6.116
yadyāmaṃ cakrurnikhananto agre kārṣīvaṇā annavido na vidyayā /
vaivasvate rājani tajjuhomyatha yajñiyaṃ madhumadastu no'nnam

vaivasvataḥ kṛṇavadbhāgadheyaṃ madhubhāgo madhunā saṃ sṛjāti /
māturyadena iṣitaṃ na āgan yadvā pitā'parāddho jihīde

yadīdaṃ māturyadi piturnaḥ pari bhrātuḥ putrāccetasa ena āgan /
yāvanto asmān pitaraḥ sacante teṣāṃ sarveṣāṃ śivo astu manyuḥ

6.117
apamityamapratīttaṃ yadasmi yamasya yena balinā carāmi /
idaṃ tadagne anṛṇo bhavāmi tvaṃ pāśān vicṛtaṃ vettha sarvān

ihaiva santaḥ prati dadma enajjīvā jīvebhyo ni harāma enat/
apamitya dhānyaṃ yajjaghasāhamidaṃ tadagne anṛṇo bhavāmi

anṛṇā asminn anṛṇāḥ parasmin tṛtīye loke anṛṇāḥ syāma /
ye devayānāḥ pitṛyāṇaśca lokāḥ sarvān patho anṛṇā ā kṣiyema

6.118
yaddhastābhyāṃ cakṛma kilbiṣāṇyakṣāṇāṃ gatnumupalipsamānāḥ /
ugraṃpaśye ugrajitau tadadyāpsarasāvanu dattāmṛṇaṃ naḥ

ugraṃpaśye rāṣṭrabhṛtkilbiṣāṇi yadakṣavṛttamanu dattaṃ na etat/
ṛṇān no na ṛṇamertsamāno yamasya loke adhirajjurāyat

yasmā ṛṇaṃ yasya jāyāmupaimi yaṃ yācamāno abhyaimi devāḥ /
te vācaṃ vādiṣurmottarāṃ maddevapatnī apsarasāvadhītam

6.119
yadadīvyann ṛṇamahaṃ kṛṇomyadāsyann agne uta saṃgṛṇāmi /
vaiśvānaro no adhipā vasiṣṭha udin nayāti sukṛtasya lokam

vaiśvānarāya prati vedayāmi yadi ṛṇaṃ saṃgaro devatāsu /
sa etān pāśān vicṛtaṃ veda sarvān atha pakvena saha saṃ bhavema

vaiśvānaraḥ pavitā mā punātu yatsaṃgaramabhidhāvāmyāśām /
anājānan manasā yācamāno yattatraino apa tatsuvāmi

6.120
yadantarikṣaṃ pṛthivīmuta dyāṃ yan mātaraṃ pitaraṃ vā jihiṃsima /
ayaṃ tasmādgārhapatyo no agnirudin nayāti sukṛtasya lokam

bhūmirmātāditirno janitraṃ bhrātāntarikṣamabhiśastyā naḥ /
dyaurnaḥ pitā pitryācchaṃ bhavāti jāmimṛtvā māva patsi lokāt

yatrā suhārdaḥ sukṛto madanti vihāya rogaṃ tanvaḥ svāyāḥ /
aślonā aṅgairahrutāḥ svarge tatra paśyema pitarau ca putrān

6.121
viṣāṇā pāśān vi ṣyādhyasmadya uttamā adhamā vāruṇā ye /
duṣvapnyaṃ duritaṃ ni ṣvāsmadatha gachema sukṛtasya lokam

yaddāruṇi badhyase yacca rajjvāṃ yadbhūmyāṃ badhyase yacca vācā /
ayaṃ tasmādgārhapatyo no agnirudin nayāti sukṛtasya lokam

udagātāṃ bhagavatī vicṛtau nāma tārake /
prehāmṛtasya yacchatāṃ praitu baddhakamocanam

vi jihīṣva lokaṃ kṛṇu bandhān muñcāsi baddhakam /
yonyā iva pracyuto garbhaḥ pathaḥ sarvāmanu kṣiya

6.122
etaṃ bhāgaṃ pari dadāmi vidvān viśvakarman prathamajā ṛtasya /
asmābhirdattaṃ jarasaḥ parastādachinnaṃ tantumanu saṃ tarema

tataṃ tantumanveke taranti yeṣāṃ dattaṃ pitryamāyanena /
abandhveke dadataḥ prayacchanto dātuṃ cecchikṣāntsa svarga eva

anvārabhethāmanusaṃrabhethāmetaṃ lokaṃ śraddadhānāḥ sacante /
yadvāṃ pakvaṃ pariviṣṭamagnau tasya guptaye dampatī saṃ śrayethām

yajñaṃ yantaṃ manasā bṛhantamanvārohāmi tapasā sayoniḥ /
upahūtā agne jarasaḥ parastāttṛtīye nāke sadhamādaṃ madema

śuddhāḥ pūtā yoṣito yajñiyā imā brahmaṇāṃ hasteṣu prapṛthaksādayāmi /
yatkāma idamabhiṣiñcāmi vo'hamindro marutvāntsa dadātu tan me

6.123
etaṃ sadhasthāḥ pari vo dadāmi yaṃ śevadhimāvahājjātavedaḥ /
anvāgantā yajamānaḥ svasti taṃ sma jānīta parame vyoman

jānīta smainaṃ parame vyoman devāḥ sadhasthā vida lokamatra /
anvāgantā yajamānaḥ svastīṣṭāpūrtaṃ sma kṛṇutāvirasmai

devāḥ pitaraḥ pitaro devāḥ /
yo asmi so asmi

sa pacāmi sa dadāmi /
sa yaje sa dattān mā yūṣam

nāke rājan prati tiṣṭha tatraitatprati tiṣṭhatu /
viddhi pūrtasya no rājantsa deva sumanā bhava

6.124
divo nu māṃ bṛhato antarikṣādapāṃ stoko abhyapaptadrasena /
samindriyena payasāhamagne chandobhiryajñaiḥ sukṛtāṃ kṛtena

yadi vṛkṣādabhyapaptatphalaṃ tadyadyantarikṣātsa u vāyureva /
yatrāspṛkṣattanvo yacca vāsasa āpo nudantu nirṛtiṃ parācaiḥ

abhyañjanaṃ surabhi sā samṛddhirhiraṇyaṃ varcastadu pūtrimameva /
sarvā pavitrā vitatādhyasmattan mā tārīn nirṛtirmo arātiḥ

6.125
vanaspate vīḍvaṅgo hi bhūyā asmatsakhā prataraṇaḥ suvīraḥ /
gobhiḥ saṃnaddho asi vīḍayasvāsthātā te jayatu jetvāni

divaspṛthivyāḥ paryoja udbhṛtaṃ vanaspatibhyaḥ paryābhṛtaṃ sahaḥ /
apāmojmānaṃ pari gobhirāvṛtamindrasya vajraṃ haviṣā rathaṃ yaja

indrasyaujo marutāmanīkaṃ mitrasya garbho varuṇasya nābhiḥ /
sa imāṃ no havyadātiṃ juṣāṇo deva ratha prati havyā gṛbhāya

6.126
upa śvāsaya pṛthivīmuta dyaṃ purutrā te vanvatāṃ viṣṭhitaṃ jagat/
sa dundubhe sajūrindreṇa devairdūrāddavīyo apa sedha śatrūn

ā krandaya balamojo na ā dhā abhi ṣṭana duritā bādhamānaḥ /
apa sedha dundubhe duchunāmita indrasya muṣṭirasi vīḍayasva

prāmūṃ jayābhīme jayantu ketumaddundubhirvāvadītu /
samaśvaparṇāḥ patantu no naro'smākamindra rathino jayantu

6.127
vidradhasya balāsasya lohitasya vanaspate /
visalpakasyauṣadhe mocchiṣaḥ piśitaṃ cana

yau te balāsa tiṣṭhataḥ kakṣe muṣkāvapaśritau /
vedāhaṃ tasya bheṣajaṃ cīpudrurabhicakṣaṇam

yo aṅgyo yaḥ karṇyo yo akṣyorvisalpakaḥ /
vi vṛhāmo visalpakaṃ vidradhaṃ hṛdayāmayam /
parā tamajñātaṃ yakṣmamadharāñcaṃ suvāmasi

6.128
śakadhūmaṃ nakṣatrāṇi yadrājānamakurvata /
bhadrāhamasmai prāyacchan idaṃ rāṣṭramasāditi

bhadrāhaṃ no madhyaṃdine bhadrāhaṃ sāyamastu naḥ /
bhadrāhaṃ no ahnāṃ prātā rātrī bhadrāhamastu naḥ

ahorātrābhyāṃ nakṣatrebhyaḥ suryācandramasābhyām /
bhadrāhamasmabhyaṃ rājan chakadhūma tvaṃ kṛdhi

yo no bhadrāhamakaraḥ sāyaṃ naktamatho divā /
tasmai te nakṣatrarāja śakadhūma sadā namaḥ

6.129
bhagena mā śāṃśapena sākamindreṇa medinā /
kṛṇomi bhaginaṃ māpa drāntvarātayaḥ

yena vṛkṣāmabhyabhavo bhagena varcasā saha /
tena mā bhaginaṃ kṛṇvapa drāntvarātayaḥ

yo andho yaḥ punaḥsaro bhago vṛkṣeṣvāhitaḥ /
tena mā bhaginaṃ kṛṇvapa drāntvarātayaḥ

6.130
rathajitāṃ rāthajiteyīnāmapsarasāmayaṃ smaraḥ /
devāḥ pra hiṇuta smaramasau māmanu śocatu

asau me smaratāditi priyo me smaratāditi /
devāḥ pra hiṇuta smaramasau māmanu śocatu

yathā mama smarādasau nāmuṣyāhaṃ kadā cana /
devāḥ pra hiṇuta smaramasau māmanu śocatu

un mādayata maruta udantarikṣa mādaya /
agna un mādayā tvamasau māmanu śocatu

6.131
ni śīrṣato ni pattata ādhyo ni tirāmi te /
devāḥ pra hiṇuta smaramasau māmanu śocatu

anumate'nvidaṃ manyasvākute samidaṃ namaḥ /
devāḥ pra hiṇuta smaramasau māmanu śocatu

yaddhāvasi triyojanaṃ pañcayojanamāśvinam /
tatastvaṃ punarāyasi putrāṇāṃ no asaḥ pitā

6.132
yaṃ devāḥ smaramasiñcann apsvantaḥ śośucānaṃ sahādhyā /
taṃ te tapāmi varuṇasya dharmaṇā

yaṃ viśve devāḥ smaramasiñcann apsvantaḥ śośucānaṃ sahādhyā /
taṃ te tapāmi varuṇasya dharmaṇā

yamindrāṇī smaramasiñcadapsvantaḥ śośucānaṃ sahādhyā /
taṃ te tapāmi varuṇasya dharmaṇā

yamindrāgnī smaramasiñcatāmapsvantaḥ śośucānaṃ sahādhyā /
taṃ te tapāmi varuṇasya dharmaṇā

yaṃ mitrāvaruṇau smaramasiñcatāmapsvantaḥ śośucānaṃ sahādhyā /
taṃ te tapāmi varuṇasya dharmaṇā

6.133
ya imāṃ devo mekhalāmābabandha yaḥ saṃnanāha ya u no yuyoja /
yasya devasya praśiṣā carāmaḥ sa pāramichātsa u no vi muñcāt

āhutāsyabhihuta ṛṣīṇāmasyāyudham /
pūrvā vratasya prāśnatī vīraghnī bhava mekhale

mṛtyorahaṃ brahmacārī yadasmi niryācan bhūtātpuruṣaṃ yamāya /
tamahaṃ brahmaṇā tapasā śrameṇānayainaṃ mekhalayā sināmi

śraddhāyā duhitā tapaso'dhi jātā svasā ṛṣīṇāṃ bhūtakṛtāṃ babhūva /
sā no mekhale matimā dhehi medhāmatho no dhehi tapa indriyaṃ ca

yāṃ tvā pūrve bhūtakṛta ṛṣayaḥ paribedhire /
sā tvaṃ pari ṣvajasva māṃ dīrghāyutvāya mekhale

6.134
ayaṃ vajrastarpayatāmṛtasyāvāsya rāṣṭramapa hantu jīvitam /
śṛṇātu grīvāḥ pra śṛṇātūṣṇihā vṛtrasyeva śacīpatiḥ

adharo'dhara uttarebhyo gūḍhaḥ pṛthivyā motsṛpat/
vajreṇāvahataḥ śayām

yo jināti tamanviccha yo jināti tamijjahi /
jinato vajra tvaṃ sīmantamanvañcamanu pātaya

6.135
yadaśnāmi balaṃ kurva itthaṃ vajramā dade /
skandhān amuṣya śātayan vṛtrasyeva śacīpatiḥ

yatpibāmi saṃ pibāmi samudra iva saṃpibaḥ /
prāṇān amuṣya saṃpāya saṃ pibāmo amuṃ vayam

yadgirāmi saṃ girāmi samudra iva saṃgiraḥ /
prāṇān amuṣya saṃgīrya saṃ girāmo amuṃ vayam

6.136
devī devyāmadhi jātā pṛthivyāmasyoṣadhe /
tāṃ tvā nitatni keśebhyo dṛṃhaṇāya khanāmasi

dṛṃha pratnān janayājātān jātān u varṣīyasaskṛdhi

yaste keśo'vapadyate samūlo yaśca vṛścate /
idaṃ taṃ viśvabheṣajyābhi ṣiñcāmi vīrudhā

6.137
yāṃ jamadagnirakhanadduhitre keśavardhanīm /
tāṃ vītahavya ābharadasitasya gṛhebhyaḥ

abhīśunā meyā āsan vyāmenānumeyāḥ /
keśā naḍā iva vardhantāṃ śīrṣṇaste asitāḥ pari

dṛṃha mūlamāgraṃ yaccha vi madhyaṃ yāmayauṣadhe /
keśā naḍā iva vardhantāṃ śīrṣṇaste asitāḥ pari

6.138
tvaṃ vīrudhāṃ śreṣṭhatamābhiśrutāsyoṣadhe /
imaṃ me adya puruṣaṃ klībamopaśinaṃ kṛdhi

klībaṃ kṛdhyopaśinamatho kurīriṇaṃ kṛdhi /
athāsyendro grāvabhyāmubhe bhinattvāṇḍyau

klība klībaṃ tvākaraṃ vadhre vadhriṃ tvākaramarasārasaṃ tvākaram /
kurīramasya śīrṣaṇi kumbaṃ cādhinidadhmasi

ye te nādyau devakṛte yayostiṣṭhati vṛṣṇyam /
te te bhinadmi śamyayāmuṣyā adhi muṣkayoḥ

yathā naḍaṃ kaśipune striyo bhindantyaśmanā /
evā bhinadmi te śepo'muṣyā adhi muṣkayoḥ

6.139
nyastikā rurohitha subhagaṃkaraṇī mama /
śataṃ tava pratānāstrayastriṃśan nitānāḥ //
tayā sahasraparṇyā hṛdayaṃ śoṣayāmi te

śuṣyatu mayi te hṛdayamatho śuṣyatvāsyam /
atho ni śuṣya māṃ kāmenātho śuṣkāsyā cara

saṃvananī samuṣpalā babhru kalyāṇi saṃ nuda /
amūṃ ca māṃ ca saṃ nuda samānaṃ hṛdayaṃ kṛdhi

yathodakamapapuṣo'paśuṣyatyāsyam /
evā ni śuṣya māṃ kāmenātho śuṣkāsyā cara

yathā nakulo vichidya saṃdadhātyahiṃ punaḥ /
evā kāmasya vichinnaṃ saṃ dhehi vīryāvati

6.140
yau vyāghrāvavarūdhau jighatsataḥ pitaraṃ mātaraṃ ca /
tau dantaṃ brahmaṇaspate śivau kṛṇu jātavedaḥ

vrīhimattaṃ yavamattamatho māṣamatho tilam /
eṣa vāṃ bhāgo nihito ratnadheyāya dantau mā hiṃsiṣṭaṃ pitaraṃ mātaraṃ ca

upahūtau sayujau syonau dantau sumaṅgalau /
anyatra vāṃ ghoraṃ tanvaḥ paraitu dantau mā hiṃsiṣṭaṃ pitaraṃ mātaraṃ ca

6.141
vāyurenāḥ samākarattvaṣṭā poṣāya dhriyatām /
indra ābhyo adhi bravadrudro bhūmne cikitsatu

lohitena svadhitinā mithunaṃ karṇayoḥ kṛdhi /
akartāmaśvinā lakṣma tadastu prajayā bahu

yathā cakrurdevāsurā yathā manuṣyā uta /
evā sahasrapoṣāya kṛṇutaṃ lakṣmāśvinā

6.142
ucchrayasva bahurbhava svena mahasā yava /
mṛṇīhi viśvā pātrāṇi mā tvā divyāśanirvadhīt

āśṛṇvantaṃ yavaṃ devaṃ yatra tvāchāvadāmasi /
taducchrayasva dyauriva samudra ivaidhyakṣitaḥ

akṣitāsta upasado'kṣitāḥ santu rāśayaḥ /
pṛṇanto akṣitāḥ santvattāraḥ santvakṣitāḥ