Atharva Veda · Chapter 4.19

uto asyabandhukṛduto asi nu jāmikṛt/
uto kṛtyākṛtaḥ prajāṃ nadamivā chindhi vārṣikam

brāhmaṇena paryuktāsi kaṇvena nārṣadena /
senevaiṣi tviṣīmatī na tatra bhayamasti yatra prāpnoṣyoṣadhe

agrameṣyoṣadhīnāṃ jyotiṣevābhidīpayan /
uta trātāsi pākasyātho hantāsi rakṣasaḥ

yadado devā asurāṃstvayāgre nirakurvata /
tatastvamadhyoṣadhe'pāmārgo ajāyathāḥ

vibhindatī śataśākhā vibhindan nāma te pitā /
pratyagvi bhindhi tvaṃ taṃ yo asmāmabhidāsati

asadbhūmyāḥ samabhavattadyāmeti mahadvyacaḥ /
tadvai tato vidhūpāyatpratyakkartāramṛcchatu

pratyaṅhi saṃbabhūvitha pratīcīnaphalastvam /
sarvān macchapathāmadhi varīyo yāvayā vadham

śatena mā pari pāhi sahasreṇābhi rakṣā mā /
indraste vīrudhāṃ pata ugra ojmānamā dadhat